Қорлардың мәні және олардың классификациясы

Пән: Бухгалтерлік іс
Жұмыс түрі: Материал
Тегін: Антиплагиат
Көлемі: 14 бет
Таңдаулыға:

Жоспар:

Кіріспе

1. Қорлардың мәні және олардың классификациясы

2. Қорлар есебінің жүйелері

3. Қорларды бағалау әдістері

Қорытынды

Пайдаланылған әдебиеттер

Кіріспе

Қорлар есебі-бухгалтерлік есептің негізгі бөлігі болып табылады. Бухгалтер бухгалтерлік есептің теориясы мен іс-тәжірибесін жақсы білсе, ұйымдағы бухгалтерлік есептің толықтығы мен анықтығын ұйымдастыру оңайырақ болады. Іс-тәжірибеде қорлардың аудиті бухгалтерлік есепте үлкен рөл атқарады.

Қорларды есептеу сонымен қатар ұйымның барлық қорларының жалпы құнының негізінде жүзеге асырылуы мүмкін. Қорлардың құнын ішінара есептен шығару нәтижесінде іске асырылмаған пайда мен байланысты ысырапты есепке алу жүргізіледі. Батыс елдерінде сатудың таза құны (NRV) материалдық құндылықтардың шынайы құны анықталатын бағалау әдістерінің бірі болып табылады. Оны субъекті құндылықтарын нарықта сата отырып, бұл құнды қорларды сату жөніндегі субъект шығындарына түзету жолымен алады. Фирмалар қорларды бағалаудың жылдан жылға пайдаланатын әдісін таңдап ала алады.

Жақсы және дұрыс ұйымдастырылған есеп материалдардың түгел сақталуына, үнемді пайдаланылуына көмегін тигізеді.

Материалдық құндылықтардың есебі Қазақстан Республикасының бухгалтерлік есебінің 2 «Қорлар есебі» бухгалтерлік есеп стандартына сәйкес жүргізіледі.

Бүгінде өңдеу шығындарының жылдан-жылға қарқындап өсіп келе жатқандығын байқау қиын емес.

Бухгалтерлік есеп шаруашылықтың тыныс-тіршілігінің жағдайын көрсететін болса, бухгалтерлік есептің анықтығын, тиімділігін қатаң талап етіп, әділ баға беретін төрешісі. Шаруашылықтың бухгалтерлік есебі аудиттің зерттеу объектісі болса, бухгалтерлік есептің сапасын, тиімділігін арттырып, оны халықаралық өлшемдер мен стандарттарға негізделіп жүргізуге жетелейді. Мен осы тақырыпқа жазған дипломдық жұмысымды қорытындылай келе, тауарлы- материалды қорлардың есебі бухгалтерияда есепті жүргізу кезінде өте маңызды рөл атқарады. Өйткені бұл синтетикалық шоттар бойынша жүргізіледі. Жалпы жұмыс шоттар жоспары бухгалтерлік есептің негізгі құжаттарының бірі болып табылады. Енді бухгалтерлер өздерінің ұйымдарындағы есептерінде қажеттіліктің тууына байланысты, біріншіден халықаралық стандарттарына сәйкес енгізілген жаңа типтік шоттар жоспарының дүниежүзі бойынша бірегейлендіруге (унификациялауға) мүмкіндік береді. Қазіргі шоттың өзгешелігі бір шот нөмірінде екі нәрсе белгіленеді.

1. Қорлардың мәні және олардың классификациясы

Болашақ экономикалық пайда - бұл кәсіпорынның ақша құралдарының тікелей және жанама салымы мен ағымы. Бұл салым өндіріс үрдісіндегі активтерді тұтыну мен сатып алу түріндегі кәсіпорынның негізгі қызметінің бөлігі ретінде туындауы мүмкін (сауда саласындағы сату және сатып алу) . Сонымен қатар, ол ақша құралдарына немесе өнімнің өзіндік құнын төмендетуге мүмкіндік беретін ақша құралдарының ағымын қысқартатын конветтелу формасын қабылдай алады.

Бұл олардың көмегі арқылы көрсетілетін қызметтердің потенциалы немесе пайдалылығы қорлардың кәсіпорындағы бақыланатын актив ретіндегі классификациясын ақтайды. Әдетте, қорлар кәсіпорынның өндірістік циклында қолма-қол ақша құралдарына немесе басқа да активтерге айналады. Кәсіпорынның өндірістік циклы - бұл өндірістік үрдіске кіретін уақыттың орташа кезеңі арасындағы қорларды алу және оларды жылдам айналысқа түсетін ақша құралдарына өткізу.

Бухгалтерлік балансты дайындау барысында қорларды әдетте ағымдағы активтер ретінде келесі түрде классификациялайды:

А) олар кәсіпорын қызметінің операциялық бөлігі болып табылады және кәсіпорынның өндірістік циклында олардың тұтынылуы және өткізілуі күтіледі;

Б) қысқа мерзімде саудалық мақсатта сақталады және олардың есептік күннен 12 ай бойы өткізілуі күтіледі.

Кәсіпорындардың көбісі қорлардың тұрақты және сатып алынған түрлерін ұстайды. Қор деңгейі әр түрлі болуы мүмкін. Ол өндірістің түрі мен сипатына байланысты болады. Нақты бір тұтынушыға жұмыс атқаратын кәсіпорындар қорлардың төменгі деңгейін сақтайды, олар тұтынушыларға өнімді дайын болған кезде жеткізіп қамтамасыз етеді. Егер тауар тез бүлінетін болса, онда кәсіпорындар өз қорларын азайтуға тырысады. Үлкен өндірістік циклы бар кәсіпорындар аяқталмаған өндіріске үлкен көлемдегі сомаларды инвестициялай алады. Кәсіпорын қандай болмасын қор деңгейін сақтаса да, бұл қымбат болуы мүмкін. Себебі, ол өзіне қорларды сақтау, сақтандыру, кәсіпорынның құлдырауы немесе ұрлануы, сонымен қатар құралдардың әрекетін тоқтату бойынша қаржылық шығындарды қосады.

Өндірістік қорлар - бұл бір өндірістік цикл процесінде толықтай тұтынылатын, өзінің құнын бірден өнімнің, жұмыстың, қызметтің өзіндік құнына көшіріп, оның материалдық негізін құрайтын еңбек заттары.

Қорлар - бұл:

1) шикізат қорлары, материалдар, сатып алынған жартылай фабрикаттар мен кешендік бұйымдар, отын, ыдыс, ыдыстық материалдар, қосалқы бөлшектер және өндірісте немесе жұмыстарды, қызметтерді орындау кезінде пайдалануға арналған өзге материалдар.

2) аяқталмаған өндіріс.

3) субъектінің қызмет барысында сатуға арналған дайын өнім, тауар түріндегі активтер.

Материалдар есебін дұрыс және тиімді ұйымдастыруды қамтамасыз ету үшін қажеттісі:

- материалдық тауардың бірегей номенклатурасын әзірлеу

- құжат айналымының айқын жүйесі және қорларды кірістеу және шығару жөніндегі операцияларды рәсімдеу тәртібін сақтау

- бастапқы құжаттардың есептік нысандарын біркелкі қалыпқа келтіру

- қорларға тұрақты түрде түгендеу жүргізу

- бухгалтериядағы материалдардың есебі учаскесін компъютерлендіру

Өндірістік қорлар функционалдық бағыты бойынша былайша бөлінеді:

Шикізаттар мен материалдар - бұл өнім әзірленетін еңбек заттары. Олар өнімнің материалдық негізін қалайды. Ауыл шаруашылығы мен өндіруші өнеркәсіптің өнімдері.
Негізгі материалдар - бұл ұсатушы өнеркәсіптің өнімдері.
Көмекші материалдар - бұл шығарылатын өнім құрамына енетін материалдар, бірақ негізгі материалдардан ерекшелігі - өнімнің заттық негізін қаламайды.
Сатып алынған жартылай фабрикаттар мен жинақтаушы бұйымдар - бұл белгілі бір өңдеу сатыларынан өткен, бірақ әлі дайын өнім болып табылмайтын шикізат пен материалдар.
Отын - бұл мұнай өнімдері, қуатты отын және газ. Олар:

-технологиялық;

-қозғалтқыш;

-шаруашылық болып бөлінеді.

Ыдыс және ыдыс материалдары - бұл әртүрлі материалдарды буып-түюге, тасымалдауға, сақтауға пайдаланатын заттар.
Өзге материалдар - бұл өндіріс қалдықтары, түзілмейтін ақаудан қайтарылатын қалдықтар, негізгі құралдар шығарылуынан алынған материалдық құндылықтар.

Қорлардың барлық түрлерінің есебі 1300 - «Қорлар» бөлімшесіні негізгі, активтік, инвентарлық шоттарында жүргізіледі.

1310 - «Шикізаттар мен материалдар»

1320 - «Дайын өнім»

1330 - «Тауарлар»

1340 - «Аяқталмаған құрылыс»

002 - «Жауапты сақтауға қабылданған қорлар»

003 - «Қайта өңдеуге қабылданған материалдар»

005 - «Монтаждауға қабылданған жабдықтар

Қорлардың түсуі мен шығыны тұрақты негізде есептеліп отырады, яғни қорлардың қозғалысын бақылап отыру үшін әр күн сайын орындалады. Қорлардың әрбір атауына жеке шот жүргізіледі. Сатып алу осы шоттардың дебетінде көрсетіледі. Қорлардың кез келген түрі өндіріске берілетін болса, соған сәйкес қор шоты аударылған қорлар сомасына кредиттеледі. Дәл осы сома өткізілген өнімнің өзіндік құны шотында дебеттеледі.

Салыстыру мақсатында қолданылмаған қорларды есептеу (инвентаризациялау) жүзеге асырылуы мүмкін. Егер инвентаризациялау мен үздіксіз есеп мәліметтерінің арасында ауытқулар пайда болса, онда кезең соңында үздіксіз есеп жүйесінде инвентаризациялау сомасы көлеміне дейін түзетулер енгізіледі. Осылайша, үздіксіз есеп жүйесі арқылы қолданылатын және кезең соңында қалған қалдықтардың санын қадағалап отыруға болады. Үздіксіз есеп жүйесі бухгалтерлік есептің ішкі бақылауының жоғарғы деңгейін қамтамасы етеді, сонымен қатар ол есепте көрсетілген сомалар мен тауарлардың фактілік саны арасындағы айырмашылықты тұтынушыға анықтап көрсетіп отырады. Барлық есептік кезең бойынша қорлардың өткізу өзіндік құны және қорлардың нақты түрлерінің қоймада болуы мәлімденеді.

Қорлардың кезеңдік есебі. Қорлар есебі біркелкі жүргізілмейді, олар физикалық қайта санау (дана, лтр, тонна, т. б. ) әдісі бойынша кезең соңында есептеледі. Қорларды сатып алу «Сатып алулар» синтетикалық шотының дебеті бойынша көрсетіледі, ол біруақыттық шоттарға (ауыстырылған) кредиттеледі. Келесі формула арқылы есептеледі:

Қорлардың есептік кезең басына қалдығы + сатып алынған қорлар = өткізуге дайын қорлардың өзіндік құны - қорлардың есептік кезең соңына қалдығы = өткізілген қорлардың өзіндік құны

Есептегі кезеңдік жүйенің ыңғайлылығының мәні оның канцелярлық жұмыс көлемін азайтуында. Кезеңдік жүйені шағын кәсіпкерлікте қолданған жөн, бірақ ұлттық бухгалтерлік есеп шегіндегі кезеңдік жүйе үшін арнайы қосымша синтетикалқ шоттарды енгізуге тура келеді.

Есептік кезең соңында үздіксіз есеп жүйесін қолдану барысында табыстың өзіндік құнына қатар қою жолымен өнімді өткізуден түскен табыс балансы жасалады. Өнімді өткізуден түскен табыс көрсеткіштері Шығыстар мен Кірістер Есебіне аударылады, аралық қорытынды негізінде өткізуден түскен жалпы табыс есептеліп шығарылады.

Шығындарды көшірудің тұрақты немесе кезеңдік жүйесін, сонымен қатар қорларды бағалау әдістерінің бірін таңдау және оны есептік саясатта жариялау көптеген факторларға байланысты болады: ұйымдастыру формалары, ұсыныс пен сұраныс динамикасы, баға конъюнктурасы, қаржылық және дивидендтік саясаты. Осылайша, үздіксіз есеп жүйесі арқылы қолданылатын және кезең соңында қалған қалдықтардың санын қадағалап отыруға болады.

Қорлардың мәнін және олардың классификациясы бөлімшесінде біз қорлар дың халықаралық қаржылық есеп стандарттарына сәйкес анықтамасы мен классификациялануын, олардың кәсіпорындағы маңызын толықтай ашып, қорытындылай келе қорлар есебінің жүйелері деп аталатын келесі бөлімшеге назар аударайық.

2 Қорлар есебінің жүйелері

Қоймадан тізілім бойынша келіп түскен құжаттар алдын ала жинақталғаннан кейін таксалауға беріледі. Одан кейін құжат деректері кәсіпорында белгіленген есептік топтар бойынша топтастырылады. 1300 және 1330 «Тауарлар» - бөлімшелерінің шоттары бойынша қорлардың кірісі мен шығысы бойынша жүретін, материалдардың талдамалы есебінің жинақтаушы ведомоста әрбір топ бойынша сомалық өлшеммен көрсетіледі:

А) өткен айдағы ведомоста алынған ай басындағы қалдық;

Ә) құжаттарды өткізу тізімінен ай ішіндегі топ бойынша қорлардың кірісі;

Б) құжаттарды өткізу тізімінен ай ішіндегі топ бойынша қорлардың шығысы;

В) есептеу жолымен анықталған ай соңындағы қалдық.

Жинақтау ведомосы бухгалтерия мен қойма есебінің деректерін салыстыру үшін пайдаланылды. Қойма есебі материалдардың талдамалы есебі және карточкалары және қалдықтар есебінде жүргізіледі. Қалдықтар туралы деректер сәйкес келу керек, өйткені қоймадағы жазулар бір ғана құжаттардың негізінде жүргізілген. Бухгалтерияда жинақтау ведомостының немесе қорлардың қалдығы мен қозғалысы туралы есептеменің негізінде «Қорлардың ақшалай өлшемдегі қозғалысы» деген ведомосы жасалады. Жүкті қабылдаған кезде жетіспеушілік анықталатын болса, онда шығын сомасы акт негізінде Дт 1280 Кт 3310 болып жазылады. Егер қорлардың жетіспеушілігі шотты төлеуге келіскенге дейін анықталса, онда шығын сомасын шотты төлеуге келіскен сомадан төмендетеді. Есепті айда келіп түскен қорлар әрбір жеткізілім бойынша жекелей көрсетіледі. Дебеттелетін шоттарының бағандарында нақты құнның орнына есептік бағасы бойынша келіп түскен қорлардың құнын жазады. Төлем мен есептен шығарудфы қорлардың келіп түсуі, жұмыстар мен қызметтердің қабылдануы туралы деректер жазылатын жолдар бойынша, яғни жеткізушілер мен мердігерлерге тиісті сомалар көрсетілетін жерлерде көрініс табады. Шоттар қорлардың келіп түскенге дейін төленетін жағдайда шоттар бойынша сома тиісті тіркелімдердің Дт 1610 немесе 2180 бойынша көрсетіледі. Егер бұрын жолдағы қорлар деп есептелген қорлар шоттар төленген айда келіп түссе, олардың құгы жай тәртіппен көрсетіледі. Ай соңында Кт бойынша 3310 бойынша жиыны шоттар бойынша есептеліп шығарылады және бас кітапқа көшіріледі.

Қорлардың өндірістегі жұмсалуына алдын ала және кезекті бақылаулар жүзеге асырылады. Алдын ала бақылау кезінде материалдарды өндіріске босату әзірленген лимиттер бойынша жүзеге асырылады. Есепті айға материалдар шығысының лимитті материалдардың жекелеген түрлері бойынша белгіленген шығыс нормасын орындалған жұмыстардың жоспарлы көлеміне көбейту жолымен анықталады. Бұл орайда лимиттік шектеу картасы толтырылады. Материалдарды шектен тыс босату немесе материалдардың бір түрін басқасына алмастыру жеке құжатпен рәсімделеді.

Қорлардың өндірісте пайдаланылуын одан әрі бақылау үшін мынадай әдістер қолданылады:

Нормадан ауытқуды рәсімдеу құжаты

Топтамалар бойынша қаптау есебі

Инвентарлық әдіс

1 - әдіс. Бұл әдіс кезінде, яғни материалдардың бір түрін басқасына алмастыру және материалдарды нормадан тыс босату нәтижесінде туындаған норма ауытқулары дабылдама құжатпен рәсімделуі тиіс.

2 - әдіс. Қапталатын материалдардың әрбір топтама бойынша ауытқуын анықтау үшін қаптама картасы ашылады. Онда жұмыс орындарына берілген материалдардың саны, дайын бұйымдардың норма бойынша және нақты шығуы көрсетіледі. Бұл есепті өндірістік шебер нұсқаушылар немесе жоспарлы диспетчерлік бюро жүзеге асырады.

3 - әдіс. Бұл әдістің мәні мынада: өндіріске босатылған материалдардың саны мен құны бастапқы құжаттардың негізінде 1310 шоттарының кредиттерінен 8110, 8310, 8410, 7210, 7110 шоттарының дебетіне есептен шығарылады. Ай соңында түгендеу жүргізу жолымен өндірісте қолданылмаған материалдардың саны анықталады.

Сатудың таза ықтимал құны - әдеттегі қызмет барысында өндірісті аяқтауға есептелген шығындаарды шегергендегі есептелген сату бағасы. Сатудың таза ықтимал құнын есептегенде келесілер есепке алынады:

- Қорлардың сатылуы мүмкін, есептеу мерзіміндегі нарықтық бағалар, егер қорлар тұрақты бағалар бойынша сату келісім-шартты орындауға арналған болса, онда есепке келісім-шартындағы тұрақты бағалар алынады;

- Жайшылықтағы іс барысында қалыптасқан немесе материалдар мен дайын өнімді сату шығындарының болжамды сомасы (есептеу кезеңінде әкімшілік шығындар есепке алынбайды) .

Қорлардың қолда бар мөлшерінен асатын көлемде тұрақты бағамен сатып алуға жасалған келісім-шарт жасау немесе тауарды тұрақты бағамен сатып алуға жасалған келісім-шарт нәтижесінде бағаланған міндеттемелер пайда болуы мүмкін, олардың құрылу тәртібін ХҚЕС (IAS) 37 реттейді.

Кейбір ұйымдар пайдалар мен залалдар туралы есеп үшін кезең ішінде шығын ретінде танылған қорлардың өзіндік құнының орнына басқа көлемдердің ашылуына әкелетін форматты пайдаланады.

Қорлар есебінің жүйелері бөлімшесін қарастыра отырып мынадай қорытындыларға келуге болады: қорлардың қозғалысын бақылап отыру үшін әр күн сайын өткізіледі, салыстыру мақсатында қолданылмаған қорларды есептеу жүзеге асырылуы мүмкін. Егер инвентаризациялау мен үздіксіз есеп мәліметтерінің арасында ауытқулар пайда болса, онда кезең соңында үздіксіз есеп жүйесінде инвентаризациялау сомасы көлеміне дейін түзетулер енгізіледі, қорлардың өндірісте пайдаланылуын одан әрі бақылау үшін мынадай әдістер қолданылады:

-Нормадан ауытқуды рәсімдеу құжаты

-Топтамалар бойынша қаптау есебі

-Инвентарлық әдіс

3. Қорларды бағалау әдістері

Қорларды дұрыс есепке алу үшін материалдардың әзірленген номенклатурасы болу керек. Материалдар номенклатурасы - бұл атауы мен тиісті деректемелері (сорты, мөлшері) көрсетілген материалдың әрбір түріне номенклатуралық нөмір белгіленіп, дәл және тұрақты өлшем бірлігі белгіленеді.

Қорлардың өзіндік құны - шикізат және материалдар түріндегі қорлардың өзіндік құнына кіреді:

- Жабдықтаушыларға төленген баға. Егер компания қаржыландыру элементтері бар төлеу мерзімін кейінге қалдыру шартымен шикізаттар мен материалдарды сатып алса, онда сатып алу құны әділ (дисконтталған) көлемі мөлшері ретінде бейнеленеді. Әділ баға және жабдықтаушылармен келісім-шарт бойынша сатып алу сомаларының арасындағы айырма қаржыландыру кезеңіндегі пайыздар бойынша шығындар ретінде танылады;

- баж салығы және өзге де салықтар (салық заңнамасына сәйкес орнына келтірілетіндерден басқа лары) ;

- қорларды сатып алумен тікелей байланысты кезіндегі жеткізу, өңдеу және басқа да шығындар.

Саудалық жеңілдіктер төлемдерді қайтару және осыған ұқсас өзге баптар сатып алу кезіндегі шығындарды есептегенде шегеріледі.

Жартылай фабрикаттар мен дайын өнімдердің өзіндік құнына шикізаттар мен материалдар шығындарынын басқа өндіріс үрдісіне тікелей байланысты шығындар да жатқызылады. Мысалы, тікелей еңбекақы шығындары; тұрақты өндірістік үстеме шығындар, оларды шығарыоған өнім бірлігіне бөлу компанияның қалыпты жағдайда жұмыс істейтінөндірістік қуаттылық негізінде жүргізіледі.

Қорлардың өзіндік құнына қосылмай, ағымдағы шығындар құрамына қосылатындар:

- Шикізаттардың, жұмсалған еңбек немесе өзге өндірістік шығындардың мөлшерден тыс болуы

- Сақтау шығындары, егер тек олар өндіріс үрдісінде қажетті болмаса

- Әкімшілік үстеме шығындар

- Өткізу шығындары

Стандарт қорлардың өзіндік құнын анықтаудағы әр түрлі әдістерді қолдануды рұқсат етді, егер оларды қолдану нәтижелері өзіндік құнның мәнін жуықтап көрсетсе

Қорлардың өзіндік құнын анықтауға келесі әдістер қолданылады:

Мысал, 2010ж қазан айындағы қорлардың қолда бар бары мен қозғалысы

Көрсеткіштер: Көрсеткіштер

Саны, дана: Саны, дана

Бағасы: Бағасы

Сомасы: Сомасы

Көрсеткіштер: 1. 10. 10ж қалдық

Саны, дана: 1200

Бағасы: 100, 00

Сомасы: 12

Көрсеткіштер:

Қазан айында келіп түскені:

31. 10. 10ж

(1-топтама)

09. 10. 10ж

(2-топтама)

21. 10. 10ж

(3-топтама)

28. 10. 09ж

(4-топтама)

Саны, дана:

300400

700250

Бағасы:

110130

140120

Сомасы:

33000

52000

98000

Көрсеткіштер: Кірістің жиыны

Саны, дана: 1650

Бағасы:

Сомасы: 213000

Көрсеткіштер: Қалдықпен бірге жиыны

Саны, дана: 2850

Бағасы:

Сомасы: 333000

Көрсеткіштер: Ай ішіндегі шығын

Саны, дана: 2150

Бағасы:

Сомасы:

Көрсеткіштер: 1. 11. 10ж қалдық

Саны, дана: 700

Бағасы:

Сомасы:

Арнайы сәйкестендіру әдісі өзара алмастырылмайтын арнайы қорлардың өзіндік құнын анықтауда қолданылуы тиіс (автокөліктер, зергерлік бұйымдар, қымбат тері бұйымдары және т. б. ), сонымен қатар арнайы жобаларға арнап шығарылған және арналған тауарлар мен қызметтер үшін;

Мысал, бірінші топтаманың 100 дана, төртінші топтаманың 220 дана қалдығы бар екендігі, 210 - бастапқы қалдық бар екендігі белгілі.

1. 11. 10ж қалдық мынаған тең:

210 дана х 100 = 21000

100 дана х 100 = 1

170 дана х 140 = 23800

220 дана х 120 = 26400

700 82200

Шығыс мынаған тең: 333000 - 82200 = 250800

Көрсеткіштер: Көрсеткіштер

Орташа өлшемді құн: Орташа өлшемді құн

ФИФО: ФИФО

ЛИФО: ЛИФО

Арнайы сәйкестендіру: Арнайы сәйкестендіру

Көрсеткіштер: 1. шығыс саны/құны

Орташа өлшемді құн: 2150/251206

ФИФО: 2150/24

ЛИФО: 2150/263000

Арнайы сәйкестендіру: 2150/250800

Көрсеткіштер: 2. қалдық саны/құны

Орташа өлшемді құн: 700/81788

ФИФО: 700/93000

ЛИФО: 700/7

Арнайы сәйкестендіру: 700/82200

Қорлардың, ал оларға шикізаттар, материалдар және дайын өнімнің көптеген түрлері жатады, өзара аламастырылатын бірліктері үшін келесі әдістер қолдануы тиіс:

... жалғасы

Сіз бұл жұмысты біздің қосымшамыз арқылы толығымен тегін көре аласыз.