Жетілген бәсекелес нарығына сипаттама

Жоспар:

1. Жетілген бәсекелес нарығына сипаттама

2. Қысқа мерзімді кезеңде пайданы мейлінше арттыру

3. Жетілген бәсекелес фирманың шығынын мейлінше азайту.

4. Қысқа мерзімді кезеңде фирманың қызметін тоқтатуы

Жетілген бәсекелес нарығы дегеніміз – нарықта тәуелсіз сатушылар көп болған жағдайда, әр фирманың жалпы нарықтық ұсыныстағы сату үлесі елеусіз болғанда, баға, технология және ықтимал пайда жөніндегі ақпараттар белгілі болғанда, жаңа фирмалардың салаға кіруіне немесе одан шығуына тосқауылдар қойылмаған жағдайда орындалатын нарық.
Бәсекелес фирма нарықтық бағаға әсер ете алмайтын болғандықтан, ол бағаны сырттан белгіленген баға ретінде қабылдайды. Бұл - өндірілетін өнімнің кез-келген мөлшерін фирма бір ғана бағамен сатады деген сөз. Жеке өндірушінің сұраныс қисығы горизонталь сызық болып табылады.
Бұл жерде баға қызмет етуіне байланысты нарықтық заңға сәйкес сұраныс пен ұсыныстың еркін ойыны арқылы анықталады. Нарықтың осы түрін «еркін бәсекелестік нарығы» деп атайды. Сатып алушылар мен сатушылар санының көп болуы олардың шеқайсысына нарық туралы көп мәлімет алуына мүмкіндік бермейді. Сатушы нарыққа келгенде қалыптасқан баға деңгейімен кездеседі, оны өзгерту қолынан келмейді, өйткені нарық бағаны әрбір уақыт кезеңінде өзі анықтап отырады. Мұндай жағдайларда жаңа сатушыларға бұрынғы сатушылармен тең жағдайда өнім өндіруге мүмкіндік беріледі. Екінші жағынан, сатушылар еркін түрде нарыққа ене алады. «Нарықтық» орналасу еркіндігі нарықтағы өндірушілердің санының үнемі өзгеріне жағдай жасайды, қалған өндірушілердің нарықты бақылауға мүмкіндігі болмайды, өйткені олар өте көп ұсақ өндірісті көрсетеді.
Нақты экономикада жетілген бәсекелестік тәжірибеде кездеспейді, тек теориялық мәнде ғана болады. Ол «ерекше» құрылымды көрсетеді, еркін бәсекелестік абстрактылы ой ретінде ғана қалыптасады.
Бәсекелестік өндірушілерді нарықты игеру мақсатында ұсынылатын тауар мен қызмет түрлерін үнемі жетілдіруге ынталандырады. Ол сатуға ұсынылған өнімнің түр-түрін көбейту, кеңейту, тауар мен қызметтің жаңа түрлерін жасау және жеке өнімді жетілдіру есебінен жасалады

Пайдаланылған әдебиеттер:

1. Н. Қ. Мамыров, М. С. Есенғалиева, М. Ә. Тілеужанова «Микроэкономика» - 2000 жыл;

2. А. Б. Молдахметова, М. Ө. Өтебаев «Микроэкономика» - 2007 жыл;