Мұнай өнімдерін тасымалдаудың ерекшеліктері


Мұнай өнімдерін тасымалдаудың ерекшеліктері
Мұнай өнімдері құятын орындар тәулік бойы жұмыс істеуге мүмкіндік беретін жарықпен, сондай-ақ өртке қарсы қолданылатын құралдармен жабдықталуы тиіс.
Электр жарығы жоқ, оңай тұтанатын сұйықтықтар құйылатын орындарда жарық беру құралдары ретінде жарылыс қаупі жоқ электр фонарьларды ғана пайдалануға рұқсат етіледі.
Сұйықтықтарды құюға вагондар беру және теміржол вагондарын әкету бірқалыпты, соққысыз, жұлқымастан атқарылуы тиіс. Құю-құйып алу құрылғылары орналасқан теміржол тарамдарымен маневрлік тепловоздардың жүруіне тиым салынады. Эстакатада тұрған цистерналардың кез келген қозғалысы міндетті түрде құю-төгу операторымен келісілуі тиіс.
Цистерналарды жуып-тазартушылар мен булаушылардың мынадай цистерна қазандарының ішіне түсуіне тиым салынады:
- этильденген бензиннен босаған, өңдеу мен газсыздандырудан өтпеген;
- анықталмаған өнім қалдықтар сақталған;
- тереңдігі 10 см-ден астам кез келген жүк қалдығы сақталған;
- нормада көзделген киім мен аяқ киімсіз, сондай-ақ құтқару жабдықтары мен шлангілі тыныс алу құралынсыз немесе басқа да тыныс алу мүшелерін қорғау құралдарынсыз;
- цистерна қалпақтарында екінші жуып-тазартушы, булаушы болмайынша;
- ашық отпен, жарылыс беру қаупі жоқ фонарьмен түсуге болмайды.
Жұмысты бастау алдында тазартып, жуып булаушы бригадирмен немесе мастермен бірге шлангілі тыныс алу құралдарының немесе басқа да тыныс алу мүшелерін қорғау құралдарының, құтқару жабдықтарының ақаусыздығына көз жеткізіп, шлангінің ұзындығын, масканың бетке тығыз жанасуын, маска мен шлангінің зақымданбағанын тексеруі тиіс. Маска киіп, тыныс алуды тексеру кемінде 3 минутқа созылуы қажет. Күнделікті тексерумен қатар, шлангілі тыныс алу құралы айына кемінде екі рет герметикалылығы жөнінен бақылау тексеруінен өтуі тиіс.
Күйдіргіш және улы сұйықтықтардың, бензиннен, шикі мұнай мен басқа да зиянды бу бөліп шығаратын сұйықтықтардан босаған цистерналарға шлангілі және құтқару белдеуінсіз түсуге тыйым салынады. Сақтандыру белдігіне жіп байлайды, оның қарама-қарсы ұшын цистернаның люгі арқылы сыртқа шығарады. Люктің сыртында, қажет болатын жағдайда цистерна ішінде жұмыс істеп жатқандарға жәрдем көрсету үшін қосалқы шлангілі противогазбен жабдықталған көмекші жұмысшы тұруы тиіс. Ол жіптің бір ұшынан ұстап, цистерна ішінде жұмыс істеп жатқан жуып тазартушының көңіл-күйін бақылайды және ауа шлангісінің күйін қадағалайды.
Улы өнімдерден босаған цистерналарды тазарту кезінде арнаулы қорғаныш киім (пневмокостюм) кию қажет, ол жұмысшының терісін сұйықтықтардың зақымдауынан, әсіресе қыста температураның күрт ауытқуына байланысты ағзаның қызып кетуі мен тоңуынан сақтандырады.
Цистернаның ішін тексеруде оған жарық түсіру үшін жарылыс қаупі жоқ шахтерлік аккумуляторлы фонарьды немесе контактілері герметикалы жабылған шамдарды ғана пайдаланады. Бұл құралдарды цистернадан тыс жағдайда ғана қосып-ажыратуға рұқсат етіледі. Цистернаның ішіне түсетін жұмысшыларға темір шегелер, шпилька, днәл кағылған аяқ-киім киюге тыйым салынады. Цистерна ішінде жұмыс істеу кезінде темір немесе болат күректерді, щетка, шелек секілді аспаптарды пайдалануға рұқсат етілмейді. Бұлардың бәрі ұшқын шығармайтын металдардан (алюминий, мыс) немесе ағаштан жасалуы тиіс.
Цистерналарға құю және олардан құйып алу кезінде жұмысшылар олардың жел жағында тұруы тиіс. Люктер мен қақпақтарды ұшқын шығармайтын аспаппен ашып-жабады. Этильденген бензинді құйып, төгетін жұмысшылар жұмысын бастау алдында оның қасиетімен таныстырылып, тиісті арнаулы киіммен қамтамасыз етілуі тиіс.
Мұнай өнімдерін цистерналармен тасымалдауда қауіпсіздікті қамтамасыз ету, оларды тасымалдау, құю-құйып алу кезінде вакуум түзілуіне жол бермеу үшін цистерна қалпағының қақпағына қазандығы қысымды реттеуге арналған сақтандыру-енгізу клапандары орнатылған.
Мұнай мен газды алыс қашықтыққа тасымалдаудың үш негізгі түрі бар: сумен, теміржолмен және құбырлар арқылы тасымалдау. Газ күйіндегі газды тек құбырлар арқылы ғана тасымалдайды. Су транспорттары танкерлер мен баржалар (лихтерлер) арқылы мұнайды, мұнай өнімдерін және сұйытылған газдарды кез келген мөлшерде тасымалдайды. Су жолы, әдетте теміржол және құбырлардың ұзындығына қарағанда, ұзын болады. Сондықтан бірқатар жағдайларда тасымалдауға кететін шығындар да көп болуы мүмкін. Оған қоса, солтүстік кеңдіктердегі сумен тасымалдаудың тек мезгілдік сипаты болады.
Теміржол көлігімен цистерналар, бункерлер және ыдыстармен барлық мұнай өнімдері, мұнай және сұйытылған газдар тасымалданады. Алайда, жаппай тасымалдау үшін теміржол көлігін пайдалану көп жағдайларда тиімсіз. Салыстырмалы түрде аз өндірілетін мұнай өнімдері - әр түрлі сортты майлар, мазуттар, әсіресе битум мен парафиндер үшін теміржол алыс қашықтықтарға тасымалдаудың негізгі түрлерінің бірі болып табылады. Мұнай мен газдың көп мөлшерін кез келген қашықтыққа тасымалдаудың экономикалық тұрғыдан ең тиімдісі - құбырлық тасымалдау.
Тасымалдаудың осы үш түрінен басқа, автокөлікпен тасымалдаудың да маңызы зор. Автокөлікпен тасымалдаудың негізгі мақсаты - автоцистерналар немесе ұсақ ыдыстармен дайын мұнай өнімдерін ірі мұнай базаларынан ұсақ мұнай базаларына және одан әрі тұтынушыларға дейін жеткізу болып табылады.
Мұнайды құбырлармен тасымалдау. Мұнай мен мұнай өнімдерін тасымалдаудың ең тиімді түрі - құбырлық тасымал.
Тасымалдаудың бұл түрінің артықшылықтары:
1) өнімдерді айтарлықтай үлкен қашықтыққа тасымалдаудың өзіндік құнының төмен болуы;
2) өнімдерді үздіксіз беру;
3) автоматтандыру үшін кең мүмкіндіктің болуы;
4) тасымалдау кезінде мұнай және мұнай өнімдерінің шығындарының азаюы;
5) егер экономикалық жағынан тиімді болса, өте қысқа қашықтыққа құбырларды жүргізу мүмкіндігі.
Сурет-1. Қазақстан аумағындағы мұнай құбырларының таралу сызбасы.
Өнімді айтарлықтай үлкен қашықтыққа айдайтын құбырларды магистральдық құбырлар деп атайды. 56-суретте Қазақстан территориясындағы мұнай құбырларының орналасу сұлбасы көрсетілген. Айдалатын сұйықтыққа байланысты магистральдық құбырлар да сәйкесінше: мұнай айдайтындары - мұнай құбырлары, сұйық мұнай өнімдерін, мысалы бензин, керосин, дизельдік отын, мазут айдайтындары мұнайөнімдік құбырлар деп аталады.
... жалғасы- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат
Қосымша
Email: info@stud.kz