Емдік туризмнің қалыптасуы мен дамуы

Пән: Туризм
Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Қазақстан Республикасының Білім және Ғылым министрлігі

Л. Н. Гумилев атындағы Еуразиялық Ұлттық Университеті

Экономикалық факультеті

«Туризм» кафедрасы

«Халықаралық туризм тарихы» пәні бойынша

Баяндама

СРСП №4

Тақырыбы: Емдік туризмнің қалыптасуы мен дамуы

Орындаған: Молдакова Н. Ф.

Тексерген: Акишева Е. Қ.

Астана

2010 жыл

Емдік туризмнің қалыптасуы мен дамуы

Емдік-сауықтыру мақсатындағы саяхаттардың тамыры өте тереңде жатыр. Сонау заманда ежелгі гректер мен римдіктер өздерінің денсаулықтарын жақсарту үшін ауа райы жайлы орындар мен сауықтыру көздерін пайдаланған. Курортты жерлерге тек қана науқас адамдар емес, сонымен бірге физфкалық күштерін қалпына келтіру мақсатында сау адамдар да келген. Ежелгі Грецияда Эпидавр және Кос, ал Римде Байи деп аталатын теңіз жағалауындағы курорттар әйгілі болған.

Уақыт өтіп жатты, бірақ саяхаттардың мақсаты өзгермей қала берді. Емдік қасиеті бар табиғат факторлары өзінің сұранысын жоғалтқан жоқ. Бірақ дем алу және көңіл көтеру мақсатындағы туризм түрімен салыстырғанда емдік туризммен айналысатын туристтер легі азшылықты құрады.

Емдік-сауықтыру туризмінің ерекшеліктері . Емдік-сауықтыру туризмі бірқатар айырмашылықтарға ие. Біріншіден, туристің курортта болу ұзақтығы, белгілі бір себептерге байланыссыз, 3 аптадан кем болмауы тиіс. Тек осы уақыт аралығында ғана емделу мақсатымен келген тұлға қажет сауықтыру шараларын алады. Екіншіден, курорттарда емделу бағасы қымбат тұрады. Дегенмен қазіргі уақытта салыстырмалы түрде арзан туристік курорттар ұйымдастырылуда. Туристер арнайы емдеу үшін маманданған және денсаулықты нығайтуға арналған курорттардың бірін ғана таңдайды. Бұл таңдау олардың жеке мақсаттарына тікелей байланысты.

Соңғы кездері емдік-сауықтыру туризмінің экономикасы бірнеше өзгерістерді бастан кешуде. Дәстүрлі санаторий-курорттар емдеу орталықтарынан көпфункционалды сауықтыру орталықтарына айналуда.

Қазіргі кездегі курорттық орталықтардың көбі екі түрлі жағдаймен ұштасады. Ең бірінші, емдеу-сауықтыру қызметтеріне сұраныстың өзгеруі. Әлемдегі адамдардың көбі салауатты өмір салтына ұмтылу арқылы өздерінің физикалық нормасын жақсартуға ұмтылыс жасайды. Негізінен, сол адамдарлың көпшілігі белсенді туризммен айналысатын және уақыттары шектеулі орта жастағы адамдар. Курорттардың екінші жағдайдағы типі мемлекет қолдауын аз көріп жатыр. Себебі, бұл курорттардың сервисі бірінші жағдайдағы курорт типінен нашарлау. Сервисі нашар болғандықтан бұл курорттарға келетін туристер легі азшылықты құрайды.

Емдік қызметтерін сақтай отыра көптеген курорттар өздеріне тұтынушыларды тарту үшін дәстүрлі және спорттық шаралар өткізіп тұрады. Олар жұмсалған күшті қалпына келтіру жолындағы сауықтыру және дем алу қызметтерінің кең көлемін ұсынады. Соңғы кездері теңіз жағалауындағы қонақ үйлердің көпшілігінде талассотерапия әдісі кең таралған.

1999 жылы Испанияда өткен Емдік-сауықтыру туризмінің Халықаралық конгресінде осы туризм түрінің дамуы қоғам үшін өте маңызды екені аталып өтілген.

Курорттардың басты түрлері. Ғалымдар қазіргі уақытта емдік-сауықтыру туризмінің бірнеше түрін бөліп қарастырады. Олар: бальнеологиялық, сазды және климаттық курорттар. Бальнеологиялық курорттарда басты емдеу факторы болып минералды сулар қолданылады. Олар сыртқы және ішкі қолданыстар үшін пайдаланылады. Минералды сулар көптеген аурулардан арылу үшін қолданылады. Бальнеологиялық курорттарда ішек-қарын, жүрек, жүйке жүйесінің және т. б. ауруларды емдеу жұмыстары жүргізіледі. Өткізілетін медициналық зерттеулер емдеу шараларының тиімділігін көрсетті.

Емдеу-сауықтыру туризмінің екінші түрі - саз-балшықпен емдеу, оның орналасуы табиғи жағдайларға байланысты. Саз-балшықпен емдеу әдісі буын ауруларын, травмологиялық және генекологиялық ауруларды емдеуге арналған. Заманауи әдістер мен дамыған технологиялар арқасында саз-балшықпен емдеу тиімді медициналық нәтижелерге ие болды.

Климаттық курорттар климаттың өзі сияқты сан алуан. Таулық, теңіздік, орманды жерлердің өздеріне тән емдік қасиеттеріне байланысты бұл курорт түрінің орналасуы әр түрлі болып келеді. Осы факторлардың ұштасуынан курорттың негізгі емдік қызметі қалыптасады. Егер курорттар орманды жерлерде орналасса, оларға келетін адамдардың негізгі бөлігі астма, жүйке жүйесінің бұзылуымен ауыратындар. Ал таулы жерлердегі курорттар туберкулез және қаназдық ауруларын емдеуге маманданған.

Климаттық курорттардың кең тараған түріне теңіз жағалауында орналасқан курорттар жатады. Жылдан жылға туристердің көп бөлігі өздерінің бос уақыттарын теңіз жағалауында өткізеді. Теңіздік климат көптеген ауруларға қарсы тұруға көмектеседі. Мысалы, қан аурулары мен сүйек ауруларына шипалы болып келеді. Емдеу процедураларынан кейін емделушілердің жағдайы жақсарып, олар ұзақ уақытқа дейін дәрі-дәрмексіз, медициналық препараттардың көмегінсіз жүре алады.

Жоғарыда айтылған емдеу-сауықтыру курорттарының үш түрінен тыс аралық орында алатын, өтпелі курорттар ажыратылады. Олар бірден емдік қасиеті бар табиғат факторларының бірнешеуін пайдаланады. Бұндай өтпелі курорттардың көпшілігі Еуропа континентінде кең тараған.

Еуропадағы емдік-сауықтыру туризмі. Еуропадағы емдік-сауықтыру туризмінің негізгі ошақтары болып Орталық, Шығыс және Батыс Еуропа саналады. Бұрынғы социалистік мемлекеттер дәстүрлі курорттық орындарға бай. Жоғары тераптиялық тиімділігі бар курорттық қызметтерге арзан баға саясатын орнатып, емдеу-сауықтыру жағынан Еуропа нарығында бәсекелестік жағдайына ие болып отыр.

Еуропа мемлекеттерінің ішінде санаторий-курорттық емдеу орталықтары жағынан алдыңғы орынды Чехия алып отыр. Ең ірі, әрі ең танымал чехиялык курорт - Карловы-Вары болып табылады. Чехияның Ұлттық Туристік Әкімшілігінің сараптамасы бойынша бұл курортқа жыл сайын емделу мақсатында әлемнің 70 елінен 50 мыңға тарта емделушілер, сонымен қатар 2 млн-нан аса туристер келеді.

Карловы-Варымен бірге Чехия территориясында тағы да бір Еуропаның көне курорты Теплице, сонымен қатар әлемдегі алғашқы радонды курорт Яхимов орналасқан.

Қазіргі уақытта Чехияда белсенді туризм түрін дамытуға көп көңіл бөлінуде. Курорттардың көпшілігінде камералы театрлық сахналар, галереялар мен көрмелік залдар, ойын залдары сияқты орындар ашылып жатыр.

Емдік-сауықтыру туризмі бойынша Еуропа нарығында Чехияның бәсекелесі болып Венгрия мемлекеті саналады. Венгрия мемлекетін термальді моншалар елі деп атайды. Күніне жарты миллион м ³ термальды сулар табиғи қайнар көздерден ағып шығады. Ал олардың жартысы медицинада қалданылады. ХІХ ғасырда Венгрия емдеу-сауықтыру туризмі бойынша Еуропаның негізгі орталығына айналды. Қазіргі уақытта Венгрияның 22 қаласы мен 62 ауданы емдік орталықтар ретінде ресми тіркеуге алынған. .

Венгрияға емдік мақсатпен баратын саяхатшылардың негізгі бөлігі бальнеологиялық курорттарды пайдаланады. 1998 жылы Венгрияға келетін әрбір үшінші турист минералды сулары бар жерлерге орналасқан. Әсіресе, венгриялық курорттарда дем алушылардың басым бөлігі Германия, АҚШ, Австрия азаматтары мен Венгрияның өз халқы болып табылады.

Венгрияға келетін туристтердің басым көпшілігі Будапешт қаласы мен Балатон көліне бағыт алады. Сонау ХІХ ғасырдың өзінде Венгрия астанасы «емдік сулардың қаласы» атанған болатын. Оның негізгі байлығы болып түрік заманынан бері сақталып келе жатқан шығыс моншалары саналады. Ал дем алыс пен емдік мақсаттарын ұштастырғысы келетін туристердің көпшілігі Еупопаның ең үлкен және ең жылы көлдерінің бірі - Балатонға барады. Бұл балық аулау, желкенді қайықпен жүзу, еспелі шаңғы сияқты туризм түрімен айналысқысы келетін келетіндер үшін өте жайлы орын.

Польша емдеу-сауықтыру туризмінің бальнеологиялық және климаттық түрлерімен әйгілі. Синоуйсьце, Камень-Поморски, Колобжег сияқты басты теңіздік бальнеологиялық және сазды-балшықты курорттардың көп бөлігі Балтық теңізінің жағалауында орналасқан. Бұл курорттар чехиялық және венгриялық курорттардан сәл артта болғандықтан бәсекелестігі төмен. Қажетті рекламаның жоқтығы, төмен дәрежедегі медициналық қызмет, сонымен қоса суық теңіздің барлығы польшалық курорттардың мүмкіндіктерін шектеп отыр.

... жалғасы

Сіз бұл жұмысты біздің қосымшамыз арқылы толығымен тегін көре аласыз.