Қазақстанның табиғи байлықтарын қорғау

Өткен жылы жаңаөзендіктер бау-бақша салуды қолға алғалы жатыр дегенде елең ете түскен елде түрлі-түрлі ойлар болған-ды. Оның өзіндік себебі де бар. Жаңа¬өзендіктер 45 жылдан бері “қа¬ра алтын” мен “көгілдір отын” өндірумен, қазақтың тұң¬ғыш газ өңдеу зауытының жұмы¬сын дөңгелетумен ғана елге та-нылды. Бір жылдары қала шеті¬нен жылыжай салынып, өнім де жиналыпты. Бірақ сусыз, нусыз құладүз қуаң далада биыл¬ғы¬дай кең алқапты игеріп, бау-бақ¬ша¬ның 12 түрінен өнім жинау¬лары бірінші рет. “Көз қорқақ, қол батыр” екен. Нарық заңы сер¬пі¬ліс туғызатынына, тың баста¬маларды қолға алғызатынына көп адамдар куә болғандай. Оның бәрі мұнайшылар ордасы – Жаңа Өзен қаласы мен “ҚазМұнайГаз” ұлттық компаниясы арасындағы 2004-2010 жылдарға жасалған әлеуметтік әріптестік бағдарлама¬сының жемісі еді.
Егіске дайындық өткен жылы қызу басталды. Оның өзіндік се¬бептері аз емес, дейді қала әкімі Жалғас Бабаханов. Жаңа Өзен – алыс-жақын шетелдерден, әсіресе көршілес Өзбекстан, Түркімен¬стан республикаларынан қандас¬та¬рымыз ең көп келетін құтты ме¬кен. Осы жерде облыстың көші-қон департаментінің бас¬шылары айтқан мәліметтерді тілге тиек етсек, осы жылы ғана Өзбекстаннан 1350, Түркімен¬стан¬нан 395 отбасы келсе, соның негізі Жаңа Өзенге қоныс теуіпті. Қала, өн¬діріс басшылары олар¬дың бәріне де жағдай жасап, жұмысқа қабыл¬дауда қолдан келгенді істеп-ақ жа¬тыр. Бірақ диқандарға жұмыс табу мұнайлы өлке үшін оңай шаруа емес-ті.