Экология қазақтың қорымы болып шықпасын

Әлемдік экология рейтингіне назар салсақ,еліміз 133 елдің ішінде зорға 70-інші орынды иеленеді екен.Статистикалық мәліметті Йель және Колумбия университеттерінің экологтары дайындаған.Бұл ретте «экология» деп тек қана ауа мен судың тазалығы емес,халықтың денсаулық жағдайы, ауаның сапасы,су ресурстары,биологиялық жетіспеушілік,табиғи ресурстар секілді түрлі факторлар кіреді.Бірінші орында қасқайып,әдетте малын арынан бірінші қоймаса да,адамын бірінші қоятын Швеция,Финляндия,Жаңа Зеландия секілді елдер тұр.
Жалпы,табиғаттың ластануы жайлы сөз адамзат өміріне техника араласқалы бері қозғалып келеді.Біз таяуда ғана өз газетімізде табиғатты сүйетінін және оны қорлауға болмайтынын дәлелдегісі келетін пекиндік жігіттің қырық күн бойы ағаш басына орнатқан шатырында ассыз,сусыз отырып,рекорд жасағаны туралы жазған болатынбыз.Айта берсек,мұндайлар тіпті көп.Экологияны қорғау мақсатында лондондық бір топ өзінше бір топ құрды.Клубтың атын ағылшын тілінен тікелей аударғанда,«Өркениеттен безген топ» деп жеткізуге болады.Сонымен бұлар қайтеді дейсіз ғой,бұлар шынында да өзінің өркениеттен безгенін көрсетеді.Олар өркениеттен,яғни,радио,теледидар,автомобиль,ұшақ,отарба т.б. нәрселерден міндетті түрде бас тартады.Қайда барам,қайда қонам десең,өз еркің бар,бірақ әлгі нәрселерге рұқсат жоқ.Жаяу жалпылап жетесің бе еңбектеп жетесің бе,арбаға мінесің бе,өз еркің... Бірақ әлгі клубтың мүшесі бола тұра,техникаға аяқ артсаң (тіпті радио тыңдасаң да) мүшеліктен қуылып кетесің.Тек қуылып қана қоймай,сені ант атқан ретінде қарауы тіптен қиын.Ал,бұл клубтың мүшелері кім дейсіз ғой? Көбіне ғалымдар,мемлекеттік қызметте болған зейнеткерлер мен жастар.Олардың барлығы да салиқалы,саналы жастар. «Экологияны және жер планетасын сақтап қалу мақстында құрылдық» деп жазған аталған клубтың тұғырнамасында...
Біздің елде де экологияны өз қалпында сақтау үшін осындай бірдеме ойлап таппасақ болмас,тегі.Ғаламшардың қаншалықты ластанғанын мына деректен білуімізге болар еді.2001 жылғы ғалымдар Кельн шіркеуінің іргесіндегі бір моланы тексергенде,одан ішінде суы бар құмыра тауып