Көз- оптикалық жүйе. Көру

Мазмұны:

Көз. оптикалық жүйе.Көру.
1. Көздің құрылысы.
2. Көздің оптикалық жүйесі.
3. Көру. Көздің алыстан және жақынан көргіштік қасиеттері.
4. Көзілдірік.

Әдибиеттер тізімі:

Көздің құрылысы.
Көптеген оптикалық аспаптар адамның көруі арқылы миына келетін ақпаратты қабылдау мүмкіндігін кеңітеді. Адамның көзі сигнал миға жетпестен бұрын сырттан келген жарықты қабылдайтын және оны бірінші реттегі өңдеуден өткізетін биологиялық тетік.
Көз жарық әсерін қабылдайтын орган (1сурет).
1-суретте көрсетілгендей адам көзінің құрылысы өте күрделі. Адамның көзі көз алмасынан, қабақтан, көз жасы бездерінен, көз алмасын қозғалтататын еттерден тұрады. Көз алмасы шарға ұқсастау формалы болып келеді. Үлкен адамдардың көз алмасының алдыңғы – артқы өлшемі шамамен 24,3 мм, вертикаль бөлігі 23,4 мм, ал горизонталь бөлігі 23,6 мм болып келеді. Көздің түпкі қабырғасы (сыртқы, ортаңғы және ішкі) үш бөліктен тұрады. Оның сыртқысы өте тығыз ақшыл қабықтан тұрады, оны (1) ақ қабық (склера) деп атайды. Ол көздің алдыңғы жағында мөлдір қасаң (2) қабыққа айналады. Қасаң қабықтың орта тұсының қалыңдығы 0,6 мм, ал шет жағы 1 мм-ге жетеді. Қасаң қабық жарық сәулесін ең көп сындыратын оптикалық бөлік болып саналады. Қасаң қабықты көздің терезесі десе де болғандай. Осы қасаң қабық арқылы көзге жарық сәулелері өтеді. Қасаң қабықтың қисықтық радиусы шамамен 7-8 мм, оның сыну көрсеткіші 1,38. Қасаң қабықтың артында іші мөлдір сұйыққа толған көздің алдыңғы камерасы (8) болады. Бұл сұйықтың оптикалық қасиеттері судың оптикалық қасиетімен бірдей. Бұның артқы қабырғасын түсті қабық (5), оның ортасындағы диаметрі 3,5 мм дөңгелек тесікті қарашық, ал көздің ішкі жағынан қарашыққа келіп тірелетін бөлікті хрусталик (7) деп атайды. Хрусталик қос дөңес линзаға ұқсас. Оның диаметрі 8-10мм, сыну көрсеткіші 1,4-ке тең. Хрусталиктен көздің сыртқы қабырғасына дейін шыны тәрізді затпен (9) толтырылған. Түсті қабықтағы пигмент мөлшері мен қабықтың қалыңдығына байланысты көздің түсі әр түрлі болады. Түсті қабықтың еті қарашықты кеңейтеді не тарылтады. Қарашық қараңғыда үлкейіп, жарықта кішірейеді де, көзге сәуле түсуін реттеп отырады. Сөйтіп, көз қарашығы аперттық диаграмма ролін атқарады. Тор қабықтың (11) ортасында сары дақ деп аталатын бөлігінің көздің көру процесінде маңызы бар. Сары дақ жарықты өте сезгіш.

Қолданылған әдебиеттер тізімі:
1. Д.Я.Мартынов . Курс практической астрофизики.
2. Е.М.Гершензон, Н.Н.Малов, А.Н.Мансуров. Жалпы физика курсы. Оптика.Алматы.”Білім” 1996.
3. Г.Я.Маякишев. Б.Б.Буховцев. Физика орта мектептің 10-сыныбына арналған оқулық.Алматы.”Мектеп” 1998.
4. Полатбеков.Оптика.