Резервуарларды жөндеу, құрып орнату

Пән: Мұнай, Газ
Жұмыс түрі: Дипломдық жұмыс
Тегін: Антиплагиат
Көлемі: 76 бет
Таңдаулыға:

Резервуарларды жөндеу, құрып орнату

МАЗМҰНЫ

КІРІСПЕ

1. 1. МҰНАЙ ЖӘНЕ МҰНАЙ ӨНІМДЕРІНІҢ

ФИЗИКАЛЫҚ- ТЕХНИКАЛЫҚ ҚАСИЕТТЕРІ

1. 2. РЕЗЕРВУАРЛАРДЫҢ АРНАЛУЫ ЖӘНЕ ЖІКТЕЛУІ

1. 3. РЕЗЕРВУАРЛАРДЫҢ ЖАБДЫҚТАРЫ

1. 4. РЕЗЕРВУАРЛАРДЫ ДАЙЫНДАУ ҮШІН ҚОЛДАНЫЛАТЫН МАТЕРИАЛДАР

1. 5. ТІК БОЛАТТЫ РЕЗЕРВУАРЛАРҒА ҚОЙЫЛАТЫН ТАЛАПТАР

2. ТЕХНОЛОГИЯЛЫҚ БӨЛІМ

2. 1. КӨЛЕМІ 50 000М3 БОЛАТЫН РЕЗЕРВУАРҒА ТЕХНИКАЛЫҚ ҚЫЗМЕТ КӨРСЕТУ

2. 2. РЕЗЕРВУАРЛАРДЫ ЖӨНДЕУ

2. 3. РЕЗЕРВУАРЛАРДЫ САҢЫЛАУСЫЗДЫҚ ПЕН БЕРІКТІККЕ СЫНАУ

2. 4. РЕЗЕРВУАРЛАРДЫ ПАЙДАЛАНУҒА ҚАБЫЛДАУ

2. 5. РЕЗЕРВУАРЛАРДЫ НАЙЗАҒАЙДАН ҚОРҒАУ

2. 6. РЕЗЕРВУАРЛАРДЫ КОРРОЗИЯДАН ҚОРҒАУ

3. ЕСЕП БӨЛІМІ

3. 1. РЕЗЕРВУАРДЫҢ БІРІНШІ БЕЛБЕУІНІҢ ҚАБЫРҒАСЫНЫҢ ҚАЛЫНДЫҒЫН АНЫҚТАУ

3. 2. РЕЗЕРВУАР ЖАМЫЛТҚЫСЫНЫҢ КОНТУРЫНДАҒЫ КҮШІН АНЫҚТАУ

4. АВТОМАТТАНДЫРУ БӨЛІМІ

4. 1. АВТОМАТИКА ЖӘНЕ БАҚЫЛАУ - ӨЛШЕУІШ АСПАПТАР

4. 2. КӨБІК ТӨГУ КАМЕРАЛАРЫ ЖӘНЕ КӨБІК ГЕНЕРАТОРЛАРЫ

5. ЭКОНОМИКАЛЫҚ БӨЛІМ

5. 1. КӨЛЕМІ 50 000 м³ РЕЗЕРВУАРДЫ ЖӨНДЕУ БРИГАДАСЫНЫҢ ЖҰМЫСШЫЛАР САНЫНЫҢ ЕСЕБІ

5. 2. КӨЛЕМІ 50 000 м³ РЕЗЕРВУАРДЫ БРИГАДАСЫНЫҢ ЖҰМЫСШЫЛАРДЫҢ ЕҢБЕКАҚЫСЫНЫҢ ЕСЕБІ

5. 3. РЕЗЕРВУАРЛАРДЫ ЖОСПАРЛЫ - АЛДЫН-АЛА ЕСКЕРТУ ЖӨНДЕУ ЖҰМЫСЫНЫҢ ГРАФИГІ

6. ТЕХНИКА ҚАУІПСІЗДІГІ, ӨРТКЕ ҚАРСЫ КҮРЕС, ТӨТЕНШЕ ЖАҒДАЙЛАР БӨЛІМІ

6. 1. ЕҢБЕКТІ ҚОРҒАУ

6. 2. РЕЗЕРВУАРЛАРДЫ ПАЙДАЛАНУ КЕЗІНДЕГІ ӨРТ ҚАУІПСІЗДІГІ ЖӘНЕ ТӨТЕНШЕ ЖАҒДАЙЛАР

7. ЭКОЛОГИЯ БӨЛІМІ

7. 1. АТМОСФЕРАЛЫҚ АУАНЫ ҚОРҒАУ

7. 2. ТОПЫРАҚТЫ ҚОРҒАУ

8. ЕҢБЕК ЗАҢДЫЛЫҚТАРЫ БӨЛІМІ

8. 1. ЕҢБЕК ШАРТЫ

8. 2. ҚЫЗМЕТКЕРДІҢ ЖЕКЕ ДЕРЕКТЕРІН ҚОРҒАУ

ҚОРЫТЫНДЫ

ҚОЛДАНЫЛҒАН ӘДЕБИЕТТ

КІРІСПЕ

Ауыл шаруашылығының дамуы мұнай, мұнай өнімдері және газды тұтынушылардың көбеюімен байланысты. Өндіріс, транспорт және ауыл шаруашылығы мұнай өнімдерінің 200-ден астам түрін жанар және жағар май ретінде қолданады. Газ металлургия саласында және электростанцияларда отынның ең арзан түрінде кеңінен қолданылады. Сондықтан, олардың тиімді пайдаланылуы оларды сақтау сапасына тікелей байланысты.

Мұнай және мұнай өнімдерін сақтау резервуарлардың көмегімен жүзеге асырылады.

Резервуар деп - мұнай және мұнай өнімдерін ұзақ мерзімге сақтауға арналған тұрақты және қозғалмалы, әртүрлі көлемдегі ыдыстарды айтады. Резервуар өте жауапты құрылғылар болып табылады, өйткені олардың ішінде үлкен мөлшерде сұйықтықтар сақталады.

Дайындалатын материалдың түріне қарай резервуарлар металдық және металдық емес болып екіге бөлінеді. Металдық резервуарларды болаттан, кейбір жағдайларда алюминийден жасайды. Металдық емес резервуарларға темірбетонды және пластмассалы резервуарлар жатады.

Резервуарлар пішіні бойынша тік цилиндрлі, көлденең цилиндрлі, тік, тамшы тәріздес және т. б. болып бөлінеді.

Резервуарларды әртүрлі көлемдерде - 5 және 12 м³ аралығында құрастырады.

Бұл дипломдық жобаның тақырыбы «көлемі 50 000м ³ резервуарға техникалық қызмет көрсету және беріктікке есептеу» қарастырылған.

1. ТЕХНИКАЛЫҚ БӨЛІМ

1. 1. МҰНАЙ ЖӘНЕ МҰНАЙ ӨНІМДЕРІНІҢ

ФИЗИКАЛЫҚ- ТЕХНИКАЛЫҚ ҚАСИЕТТЕРІ

Мұнай және мұнай өнімдерінің физикалық- техникалық қасиеттері тасымалдау және сақтау техникасын, сондай- ақ, олармен жүргізілетін операцияларды анықтауға мүмкіндік береді.

Тығыздық- мұнай және мұнай өнімдерінің ең маңызды қасиеті болып табылады. Тығыздықты стандарт бойынша өлшейді. Тығыздық ρ әрпімен белгіленіп, мына формуламен анықталады:

ρt= ρ20 - ξ(t- 20)

Мұндағы: ρ20- 20º С- дағы мұнай және мұнай өнімдерінің тығыздығы; кг/ м³; ξ- температураны түзету, кг/м³ (м³× С) Мұнай және мұнай өнімдерінің тұтқырлығы температураға байланысты болады. Температура көтерілгенде, тұтқырлық төмендейді. Қажетті температурадағы тұтқырлықты эмпирикалық формулалар бойынша анықтауға болады.

Вальтер формуласы:

lg×lg (ν+0, 8) = а+ в× lg× Т; (1. 1)

Рейнольдс формуласы:

ν= ν е- u (t- t * ) ; (1. 2)

Фогель- Фульчер- Таммана формуласы:

ν= ν1 ехр (b1/ t- θ) (1. 3)

Фролов формуласы:

ν= ν2 ехр (- u1 t /1+ b2 t) (1. 4)

Мұндағы: ν- кинематикалық тұтқырлық коэффиценті;

Кейбір мұнай және мұнай өнімдерінің тұтқырлықтары өте жоғары деңгейде болады, сондықтан өндірістік операцияларды жүргізгенде, оларды алдын- ала қыздырып алады.

Жылу өткізгіштік мына формуламен анықталады:

λ= 137/ ρ15 (1- 0, 00054 t) (1. 5)

Мұндағы: ρ15- 15º С кезіндегі мұнайдың тығыздығы, кг/ м³; t- мұнайдың температурасы. Мұнай және мұнай өнімдері тез тұтанғыш және жанғыш материал болып табылады. Өрт қауіптілігі бойынша мұнай және мұнай өнімдері 4 класқа бөлінеді:

І- класс. Жану температурасы 28º -тан төмен (бензиндер, лигроиндер) ;

ІІ- класс. 28- 45º аралығында (керосиндер және т. б. ) ;

ІІІ- класс. 45- 120º аралығында (мазуттар, моторлы және дизельді отындар және т. б. ) ;

ІV- класс. 120º -тан жоғары (майлар, битумдар, асфальттар, парафиндер және т. б. )

Жеңіл мұнай және мұнай өнімдері, әдетте, қоршаған ортада тез буланып, ауаға тарайды. Бұл мұнайдың сапасына кері әсерін тигізеді.

Мұнай өнімдерінің булануы, қаныққан булардың қысымына байланысты болады. Қаныққан будың қысымы неғұрлым жоғары болса, мұнай өнімінің булану қауіпі де соғұрлым жоғары болады. Қаныққан будың қысымы мұнай қабатының температурасына байланысты болады.

Қаныққан бу қысымын анықтау үшін әртүрлі аспаптар қолданылады.

Мұнай және мұнай өнімдерінің булары адам денсаулығына зиянды, ал көміртекті мұнай өнімдері буларының құрамында адам өміріне қауіпті улы заттар бар. Әсіресе, ауыр бензиндер өте қауіпті болып келеді. Өйткені, олардыңқұрамында бензол бар.

Жұмысшылар резервуарларды тазалағанда және жөндегенде мұнай буларымен улануы мүмкін. Осыларды ескере отырып, әр өнеркәсіп барлық жұмыс орындарын желдеткіштермен қамтамасыз етуі тиіс. Ал аса қауіпті жұмыстарды орындағанда, жұмысшылар противогаз қолдануы керек.

1. 2. РЕЗЕРВУАРЛАРДЫҢ АРНАЛУЫ ЖӘНЕ ЖІКТЕЛУІ

Мұнай және мұнай өнімдерін сақтауға арналған резервуарлар - мұнай базасының ең негізгі және жауапты құрылғылары болып табылады. Сақталатын өнімнің түріне қарай резервуарларды 2 топқа бөледі:

Ашық түсті мұнай өнімдеріне арналған резервуарлар;

Қою түсті мұнай өнімдеріне арналған резервуарлар.

Пішіні бойынша резервуарлар цилиндрлі, сферикалық және тік бұрышты; қондыру тәсілі бойынша тік және көлденең; резервуар түбінің жалпы

орналасуы бойынша жер бетіндегі, жартылай жер астындағы, жерастындағы резервуарлар болып бөлінеді.

Көптеген мұнай базаларында көлемі 100 - 5 м³ тік болатты резервуарлар кеңінен қолданылады. Қазіргі таңда тек дәнекерленген резервуарларды құрастырады. Өйткені, олар резервуарлардың басқа түрлеріне қарағанда, экономикалық жағынан тиімді.

Соңғы кезде резервуарлар арнайы индустриалды тәсіл бойынша құрастырылуда, яғни, резервуардың түбі мен тұлғасы зауытта жасалынып, рулон түрінде мұнай базасына жіберіледі.

Резервуардың ең маңызды бөлігі - оның тұлғасы болып табылады. Резервуарлардың тұлғасы бірнеше белдеулерден тұрады. Резервуар тұлғасындағы белдеулердің орналасуы төмендегідей болады:

Сатылы, телескопты, цилиндрлі, аралас.

Резервуарларды дәнекерлегеннен кейін барлық дәнекерленген тігістерді тығыздыққа сынайды, ол үшін резервуарға керосин жағып қояды. Белгілі уақыт өткен соң ( 1 сағат ) тігістің арғы шетін бақылайды. Егер де, тігістің бойында керосин тамшылары көрінбесе, тігіс сапалы әрі тығыз деп есептелінеді. Егер керісінше болса, тігістің ақаулық бөлігін кесіп тастап, қайтадан дәнекерлейді.

Резервуарлардың бұл тобына - тамшы тәріздес, көп күмбезді және сферикалық ( шарлы ) резервуарлар жатады.

СУРЕТ 1. 1. СФЕРИКАЛЫҚ РЕЗЕРВУАР

Тамшы тәріздес резервуарлар төмен температурада қайнайтын мұнай өнімдерін ұзақ мерзімге сақтауға арналған. Пішіні бойынша олар сұйықтықтың тамшысына ұқсас болып келеді. Мұндай типтегі резервуарлардың түбінің құрылысы өте күрделі, сондай - ақ, өте қарапайым

тығыз орналасқан құмдақ жастық қабатына төселеді, ал тұлғаның төменгі бөлігі сақиналық тақтаға бекітіледі. Резервуарлардың бұл түрі ірі мұнай базаларында кездеседі.

СУРЕТ 1. 2. ТАМШЫ ТӘРІЗДЕС РЕЗЕРВУАР

1 - ТҮБІ

2 - ЖҰҚА ҚАБЫРҒАЛЫ ҚАБЫҚ

3 - САҚТАНДЫРҒЫШ КЛАПАНДАР

4 - БАСПАЛДАҚ

Мұндай резервуарлар, әдетте, жоғары қысымға есептеледі, олар сығылған газдарды ( пропан, бутан және т. б. ) сақтауға арналған.

Бұл типтегі резервуарлар ( жүзбелі және тыныс алу қақпақтары бар, понтонды, резервуарлар - газометрлер ) қысымдалған және вакуумделген мұнай өнімдерін сақтауға арналған.

Мұндай резервуарлар, әдетте, қар сирек жауатын аудандарда қолданылады. Резервуардың бұл түрі ішінде жүзбелі қақпақ болатын тік тұлға болып табылады. Понтонның ішіндегі ауа мұнай өнімін қызып кетуден сақтайды, соның арқасында шығындар да азаяды.

Жүзбелі қақпақтың жиектері мен резервуар тұлғасының арасында мұнай өнімінің булануын болдырмайтын тығыздауыш бекітпе орнатылады.

Көп күмбезді резервуарлар - бу тығыздығы төмен мұнай өнімдерін сақтауға арналған.

СУРЕТ 1. 3. КӨП КҮМБЕЗДІ РЕЗЕРВУАР

1 - БАСПАЛДАҚ

2 - ҚАБЫҚТЫҢ ЖОҒАРҒЫ

БӨЛІГІНІҢ ЖАМЫЛТҚЫСЫ

3 - ҚАБЫҚТЫҢ ЖОҒАРҒЫ БӨЛІГІ

4 - ҚАТТЫЛЫҚТЫҢ ТӨМЕНГІ САҚИНА

Көптеген резервуарлар үшін металдық жабық және мата тәріздес понтондар құрастырылады. Жабық металдық понтондарда жабық саңылаусызданған қуыстар болады. Ашық металдық понтонның конструкциясы резервуарды құрастыру кезінде де, пайдалану кезінде де ыңғайлы болып келеді.

СУРЕТ 1. 4. ЖҮЗБЕЛІ ҚАҚПАҒЫ БАР РЕЗЕРВУАР

Понтонның негізгі бөліктері - ішкі және сыртқы қатайту сақиналары, жазық түп, аралас тіректер, тығыздауыш бекітпе болып табылады.

Темірбетонды резервуарларды тереңдетілген түрде құрастырады. Темірбетонды резервуарлардың өзіне ғана тән мынадай артықшылықтары бар:

тұлғаны құрастыруға металдың аз шығындалуы;

Бетонның жылу өткізгіштік қабілетінің төмендігі шығынға ұшырауды азайтады;

Темірбетонды резервуарлар коррозияға төзімді болып келгендіктен, ұзақ мерзімге қызмет етеді. Сондай -ақ, мұндай резервуарлардың ішіне күкіртті мұнай өнімдерін сақтауға болады.

Тас резервуарлар жерасты және жартылай жерасты болып келеді. Мұндай резервуарларды құрастыру үшін жергілікті тастар, бутобетондар және жасанды блоктар қолданылады. Резервуардың түбін және жабынын, әдетте, темірбетонды етіп құрастырады.

СУРЕТ 1. 5. ТЕМІРБЕТОНДЫ РЕЗЕРВУАР

1 - БҮЙІРЛІК ПАНЕЛЬДЕР

2 - ОРТАЛЫҚ ТІРЕКТІ БАҒАНА

3 - ПЕРИФЕРИЯЛЫ ТІРЕКТІ БАҒАНА

4 - МЕТАЛДЫҚ БЕТШЕ

5 - БІР ТҰТАС ТЕМІРБЕТОННЫҢ ТҮБІ;

6 - РЕЗЕРВУАРДЫҢ ТӨБЕСІ.

Бұл типтегі резервуарлар құрылысы жағынан өте қарапайым және арзан болып келеді. Бұл резервуарларда тек қою және аз буланғыш мұнай өнімдері, мазуттар, гидрондар және жартылай гидрондар сақталады.

Қазіргі таңда жер резервуарларын тек ерекше жағдайларда ғана құрастырады.

1. 3. РЕЗЕРВУАРЛАРДЫҢ ЖАБДЫҚТАРЫ

Резервуарларды нақты жарақтандыруды, жабдықтар мен сындарлы бөлшектерді орналастыруды таңдау жобалық құжаттама мен анықталады.

Тыныс арматурасы тыныс және сақтандырғыш клапандарын, желдеткіш келтеқұбырды қамтиды.

Орнатылған тыныс арматурасының типі резервуар қақпағының конструкциясы мен сақталатын мұнайдың қасиеттеріне (қаныққан булардың қысымына) байланысты анықталады:

- тұрақты шатырлы (понтонсыз) резервуарларда сақталатын мұнайдың қаныққан буларының қысымы 26, 6кПа-дан төмен болатын кезде оттан сақтандырғыштары бар желдеткіш келте құбырлар орнатылуға тиіс;

- тұрақты шатырлы (понтонсыз) резервуарларда сақталатын мұнайдың қаныққан буларының қысымы 26, 6кПа-дан жоғары болатын кезде оттан сақтандырғыштары бар тыныс және сақтандырғыш клапандары болуы тиіс.

Тыныс арматурасының орындалу түрін таңдау климаттық аймаққа байланысты жүзеге асырылады.

Тыныс клапаны резервуарды толтырған кезде және оны босатқан кезде оған ауа жәбергенде резервуардан бу-ауа қоспасын шығаруға арналған.

Тыныс клапандарының жиынтық өткізгіштік қабілеті бу-ауа қоспасының температуралық ұлғаюын ескере отырып, резервуарды толтырған(босатқан) кездегі мұнайдың барынша берілуіне байланысты анықталады.
Сақтандырғыш клапанның қызметі тыныс клапандікі сияқты, бірақ тыныс клапандары істен шығып қалған жағдайда қысымның жоғары көтерілуіне немесе вакуумның жол берілетін мәндерін төмен түсіп кетуін болдырмауға арналған.

Бір резервуарда орнатылатын сақтандырғыш клапандарының жиынтық өткізгіштік қабілеті тыныс клапандарінікінен кем болмауға тиіс.

Сақтандырғыш клапан тыныс клапанымен бірге жұмыс істемеуі үшін оны көтеріңкі қысымға (5-10%) және төмен вакуумға (5-10%) бейімдейді.

Оттан сақтандырғыштар берілген уақыт аралығы ішінде жалынның резервуарға еніп кетуінен қорғау үшін тыныс және сақтандырғыш клапандарының астында, сондай-ақ понтонды және жүзбелі шатырлы резервуарлардың желдеткіш келтеқұбырларында орнатылады.

Желдеткіш келтеқұбырлар понтонды ( жүзбелі шатырлы ) резервуарлар үшін толтыру және босату кезеңінде олардың газ кеңістігін атмосферамен байланыстыруға арналған. Қабылдау-тарату құрылғылары(келтеқұбыр) технологиялық келтеқұбырларды жалғастыруға арналған және резервуарлардың төменгі белдеуінде орнатылады.

Дыбыстық жапқыш технологиялық құбырлар жапқыш арматура апатқа ұшыраған немесе зақымданған кезде резервуарлардан мұнайдың шағындануын болдырмауға арналған. Дыбыстық жапқыштың қақпағын ашу, оны көтерілген қалпында ұстап тұру және жабу үшін ол басқару механизмімен жабдықталған.

Қабылдау тарату келтеқұбырында резервуарға технологиялық келтеқұбырлармен берілетін күшті азайту үшін қарымталушы жүйелер қарастырылуға тиіс.

Резервуардың түптік ысырмасы қашықтан басқаруды қамтамасыз ететін электр жетегі бар ернемекті немесе пісірілген түрде орындалған болуға тиіс.

Жүзбелі шатырдан атмосфералық шөгінділерді (суды) кетіру үшін екі түрлі сутөккіш жүйе пайдаланылады:

- суды резервуардан тыс жерге жіберуге арналған иілімді немесе топсалы қосылысты құбыр;

- сақталатын өнім арқылы өтетін су резервуардың түбінде жиналатын кезде сифонды құбыр ( ашық келте құбыр) пайдаланылады.

Сифонды кранды резервуар ішіндегі тығыздамадан (5) жіберілген диаметрі 50-80мм болатын горизонтальды орналасқан құбырдан (1) тұрады. Тығыздаманы 350 мм биіктікте резервуардың сыртқы қабырғасында орнатылады. Ішкі жағынан құбыр 90 ⁰ құрылған және соңында сақиналы тағанасы бар (7) болады. Сыртқы жағынан горизонталь орналасқан құбырға өту краны (3) резболар арқылы бекітілген. Резервуар түбінен суды ағызу үшін өту кранын ашады. Сифонды кранды бұзылулардан сақтау үшін металл қаптама (4) кигізілген.

СУРЕТ 1. 6. СИФОНДЫ КРАН

Кран иілген келтеқұбырдың көлденең ұшында орнатылған өтпелік жалғастырғыш краннан тұрады. Келтеқұбырдың көлденең ұшында керек қалыпқа бұруға арналған тұтқа; резервуар қабырғасына қосып пісірілген ернемек; тұрқыдан, тығыздағыш балдақтардан және сыққыш төлкеден тұратын нығыздауыш орнатылған. Келтеқұбырдың иілген ұшы резервуар ішінде орналасқан. Атмосфералық шөгінділердің тікелей әсер етуінен қорғау үшін кран каптамамен жабылады.

Резервуардан түптегі қалдықтарды шығару үшін шаю жүйесі пайдаланылады. Резервуар жабдықтарының құрамына өлшеу, жарық люгі және люк-өтпестік кіреді.

Жарық люгі резервуарды желдету үшін және жөндеу, тазалау, тексеру кезінде, жарықтандыру үшін, сонымен қатар дыбыстық жапқыш істен шыққанда оны фиксациялау арқан сымдар арқылы ашу үшін резервуар шатырында орналастырылады. Жарық люгі (ЖЛ) жөндеу алдында резервуардың ішкі кеңістігін көруге және желдетуге арналған.

Өлшеу люгі мұнай деңгейін өлшеуге және сынама алуға арналған.

Тұрақты қақпақты резервуарларда қосымша түрде деңгей көрсеткішті орнатуға арналған люк, сынама-алғышты орнатуға арналған люк, деңгей дабылдауышын орнатуға арнлаған келтеқұбыр болады.

Люк - өтпетесіктер резервуарды желдетуге және оны жөндеу немесе тазарту кезінде ішіне кіруге арналған.

Понтонды резервуардың қабырғаларында жүзбелі жабындар төменгі қалпында тұрған кезде оларға қызметкерлердің қолы жетуін қамтамасыз етуге арналған люк - өтпетісіктер орнатылуы керек.

Резервуардан мұнай сынамасын алу мен мұнай деңгейін өлшеу құралдары МЕМСТ 13196-ға сәйкес келуге тиіс.

Резервуарлар мұнайдың шекті деңгейін дабылдауыштармен, мұнай температурасының деңгейін өлшеу құрылғыларымен, автоматты өрт хабарлағыштармен жабдықталады

1. 4. РЕЗЕРВУАРЛАРДЫ ДАЙЫНДАУ ҮШІН ҚОЛДАНЫЛАТЫН МАТЕРИАЛДАР

Мұнай және мұнай өнімдерін сақтауға арналған тік болатты резервуарлар - көлемді құрылыс обьектілері болып табылады., өйткені оларға жел және қардың күші үлкен мөлшерде түседі.

Резеруварларды салу үшін әдетте, болат қолданылады. Болаттың механикалық қасиеттері бойынша ( созылымдылығы, сығымдылығы, тұтқырлығы ) оның жұмыс қабілеті туралы толық мағлұмат алуға болады. Үлкен көлемді резервуарлар үшін тұтқырлық 40º С немесе одан да төмен температурада болады.

Отандық және шетелдік ғалымдар температура өзгергенде болаттың сынғыштығын тексерудің жаңа тәсілдерін тапты:

Кез - келген болат үшін морт сынуы екі факторға байланысты: кернеу және температураға;

Металл бойындағы кернеу шектік мөлшерден аспаса, морт сыну болмайды;

Резервуарлардағы жарықшақтың түзілуі және тарауы құрылыс сапасына, болаттың химиялық құрамына және пісіру әдісіне байланысты болады.

Резервуарды дайындауға арналған беттік болат тығыз, иілгіш, жоғары пісірілгіш қабілеті бар болуы тиіс. Беттер жарықшақсыз, қақпақсыз және т. б. ақауларсыз болуы тиіс.

Араналуы бойынша болат 3 топқа бөлінеді:

А - механикалық қасиеттері бойынша;

Б - химиялық құрамы бойынша;

В - механикалық қасиеттері мен химиялық құрамы бойынша.

Б және В әріптерін болат маркасының алдына қояды, ал А әрпі болат маркасына белгіленбейді.

Көрсеткіштері бойынша әр топтың болаттары мынадай категорияларға бөлінеді:

А - 1, 2, 3; Б - 1, 2; В - 1, 2, 3, 4, 5, 6.

ВСт1, ВСт2, ВСт3 маркалы болаттарды сапалы әрі сенімді дәнекерлейді. Дәнекерлеу жұмыстары болаттың химиялық құрамының барлық талаптарын сақтай отырып жүргізіледі.

Үлкен көлемді резервуарларды салу үшін төмен легірленген болаттар - 09Г2С маркалы кремнемарганецті болат және 16Г2АФ маркалы марганецванадийлі болат қолданылады.

Көлемі 100 және 3 м³ аралығындағы ( жұмыс қысымы 1960 Па ) тік болатты резервуарларды салу үшін беттік болаттардың келесі маркалары қолданылады:

көлемі 100 - 400 м³ резервуарлар үшін - ВСт3пс2 ( түп, қабырғалар және жабын ) және ВСт3пс ( понтон ) ;

көлемі 700 - 1000 м³ резервуарлар үшін - ВСт3пс2 және ВСт3пс6 ( түп, қабырғалар, жабын және понтон ) ;

көлемі 2000 және 3000 м³ резервуарлар үшін - ВМСт3сп ( түп, қабырғалар және жабын ) және ВКСт3пс ( понтон ) ;

көлемі 5000 м³ резервуарлар үшін - ВСт3сп5 ( түп, қабырғалар және жабын ) және ВСт3пс ( понтон ) ;

көлемі 1, 15000 және 2 м³ резервуарлар үшін - 09Г2С ( көлемі 2 м³ резервуардың төменгі бөлігіне аранлған ) және ВСт3сп5 ( көлемі 2 м³ резервуардың қабырғаларына, түбіне, тіремелі сақиналарына арналған ) ;

көлемі 3 м³ резервуарлар үшін - 16Г2АФ ( қабырғаның төменгі бөлігі ), 09Г2С ( қабырғаның жоғарғы бөлігі, түбі және тіремелі сақина ) және ВСт3сп5 ( түп және жабын ) ;

көлемі 100 - 5 м³ резервуарлар үшін - ВСтКп ( жабын ) ;

көлемі 1 және 5 м³ резервуарлар үшін - ВСт3пс ( жабын ) .

Резервуарды автоматты және жартылай автоматты түрде дәнекерлеу үшін диаметрі 2, 3, 4 мм электродты өткізгіш қолданылады.

Резервуарды дәнекерлеу үшін І және ІІ сортты көмірқышқыл газ қолданылады. Дәнекерлеу жұмыстары үшін техникалық көмірқышқылды қолдануға тыйым салынады.

Құрастыру - дәнекерлеу жұмыстары үшін Э42, Э42А, Э50А, Э55А маркалы электродтар қолданылады. Электродтардың сертификаттары болуы тиіс. Сертификатсыз электродтарды қолдануға тыйым салынады.

1. 5. ТІК БОЛАТТЫ РЕЗЕРВУАРЛАРҒА ҚОЙЫЛАТЫН ТАЛАПТАР

Мұнай және мұнай өнімдерін сақтауға арналған резервуарлар арналуы, орналасуы, пішіні және құрастыру тәсілі бойынша әртүрлі болып келеді.

Тік болатты резервуарлар төмендегідей болып келеді:

Сыйымдылығы бойынша - 100 м³ -тан 5 м³ - қа дейін;

Орналасуы бойынша - жербеті, жерасты резервуарлар;

Газ кеңістігіндегі қысымы бойынша - қысымсыз, артық 0, 002 мПа - ға дейінгі; және жоғары қысым 0, 07 мПа - ға дейінгі;

Жабынның құрастырылуы бойынша - стационарлы жабыны бар және жүзбелі қақпағы бар резервуарлар.

Резервуарлар әртүрлі климатикалық шарттарда, - 60º С -ға ( қыс мезгілінде ) және + 50º С -ға (жаз мезгілінде ) дейінгі температурада қолданылады.

Мұнай өнімдерін сақтауға арналған резервуарлар МЕСТ 1510 - 84 бойынша таңдалады.

Мұнай өнімдерін және бензинді сақтағанда, оларды буланып кетуден сақтау үшін қорғаныс жабыны бар тік резервуарларды таңдаған жөн. Бензин және мұнай өнімдерін понтонсыз резервуарларда ( күрделі жөндеуге дейін ) сақтауға жол беріледі. Ал, авиациялық бензиндерді жүзбелі қақпақтармен жабдықталған резервуарларда сақтауға тыйым салынады.

Қорғаныс жабындарды ( понтондар, жүзбелі қақпақтар және т. б. ) жербетінде орналасқан тік болатты резервуарларда қолдануға болады. Тік болатты резервуарлар арнайы типтік жоба бойынша құрастырылуы тиіс.

Қазіргі таңда, көптеген резервуарлар жаңартылған жоба бойынша құрастырылуда, бұл жобалардың бір ерекшелігі резервуар салынатын аймақтардың климатикалық жағдайына сай етіп резервуарлар салынуында.

Пайдаланылуға берілген резервуардың толық құрылғылары болуы тиіс. Мұнай және мұнай өнімдерін тік болатты резервуарларда сақтаған жөн. Өйткені, олардың суға төзімді қорғаныс жабыны болады.

Резервуарларды және олардың қорғаныс қабын қоршаған ортаның және сақталатын сұйықтықтың физикалық - химиялық қасиеттеріне төзімді болып келетін материалдардан жасайды.

Резервуардың ішкі қабаттары мен құрылғылары техникалық шарттарға сай цинктелген және металл жабындымен қапталған болуы тиіс. Резервуарлардың сыртқы беті және құрылғылары уақытында сырлануы тиіс, ол үшін арнайы лак материалдары қолданылады.

Резеруварлдардың элементтері ( көмей, жүк қапсырмасы және т. б. ) теміржол габариттерінің шекарасынан аспауы тиіс.

2. ТЕХНОЛОГИЯЛЫҚ БӨЛІМ

2. 1. КӨЛЕМІ 50 000М ³ БОЛАТЫН РЕЗЕРВУАРҒА ТЕХНИКАЛЫҚ ҚЫЗМЕТ КӨРСЕТУ

Резервуар парктері мен жекелеген резервуарларды жұмысқа қабілеттілік күйінде ұстап тұру үшін күрделі жөндеулер арасындағы кезеңде оларға дер кезінде және сапалы техникалық қызмет көрсету мен ағымдағы жөндеу жүргізіледі.

Резеруварлар мен резервуар парктерінің басқа құрамдас бөліктеріне техникалық қызмет көрсету мен ағымдағы жөндеу қотару стансаларының, құю пункттері мен мұнай базаларының күштерімен және құралдарымен жүзеге асырылады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.