Қазақ күресінің ережелері

КҮРЕС – ҰЛТТЫҚ МӘДЕНИЕТІМІЗДІҢ МАҢЫЗДЫ БІР САЛАСЫ БОЛЫП ТАБЫЛАДЫ. ҚАЗАҚТАРДЫҢ ЖЫЛ ОН ЕКІ АЙ ДАЛАДА ӨМІР КЕШІП, ҮНЕМІ ҚОЗҒАЛЫСТА БОЛУ ТІРЛІГІ, ЖАС БАЛАДАН БАСТАП ЕҢКЕЙГЕН КӘРІГЕ ДЕЙІН ДЕНЕ-КҮШ ДАЙЫНДЫҒЫНА ЕРЕКШЕ ТАЛАП ҚОЙДЫ. ҚАЗАҚ ЕЛІНДЕ АТ ҮСТІНДЕ ЕРКІН ОТЫРУДАН БАСТАП, САДАҚ АТУ, КҮРЕС, ЖЕКПЕ-ЖЕК АЙЛА-ТӘСІЛДЕРІН МЕҢГЕРУ ҰЛ МЕН ҚЫЗҒА БІРДЕЙ ҚОЙЫЛАТЫН ТАЛАП ДЕҢГЕЙІНЕ КӨТЕРІЛДІ. ШАҚЫРУ ЖӘНЕ БЕЛДЕСУДІ БАСТАУ.БАЛУАНДАР КІЛЕМГЕ ДАУЫСТАП ШАҚЫРЫЛАДЫ. АЛАЙДА ДӘЛЕЛДІ СЕБЕПТЕРГЕ БАЙЛАНЫСТЫ БАЛУАН БІРІНШІ АЙНАЛЫМНЫҢ БІРІНШІ ЖҰБЫНА КЕШІГІП КЕЛЕТІН БОЛСА, КЕЗДЕСУ 2 МИНУТ УАҚЫТҚА ДЕЙІН ШЕГЕРІЛУІ МҮМКІН. ЕСІМДЕРІ АТАЛЫП, ШАҚЫРЫЛҒАННАН КЕЙІН ӘР БАЛУАН КҮРТЕШЕСІНІҢ ТҮСІНЕ ҚАРАЙ КІЛЕМНІҢ ОҢ НЕ СОЛ БҮЙІРІНДЕГІ ӨЗ ОРНЫНА КЕЛІП ТҰРАДЫ.БАЛУАНДАР ТАНЫСТЫРУ КЕЗІНДЕ ОҢ ҚОЛЫМЕН СОЛ КЕУДЕСІН БАСЫП, ТӨРЕШІЛЕР МЕН КӨРЕРМЕНДЕРГЕ БАС ИІП, ТАҒЗЫМ ЕТЕДІ.КІЛЕМ ТӨРЕШІСІ БЕЛГІ БЕРІСІМЕН БАЛУАНДАР КІЛЕМ ОРТАСЫНА ШЫҒАДЫ. «БАСТА» ДЕГЕННЕН КЕЙІН БЕЛДЕСУЛЕР ЖАЛҒАСАДЫ.ТОҚТАТУ ЖӘНЕ ЖАЛҒАСТЫРУ.БЕЛДЕСУ МЫНАДАЙ ЖАҒДАЙЛАРДА ТОҚТАТЫЛЫП, КІЛЕМ ОРТАСЫНДА ЖАЛҒАСТЫРЫЛУЫ КЕРЕК:
- ЕГЕР ДЕ БАЛУАНДАР КІЛЕМНЕН ШЫҒЫП КЕТСЕ;
- ЕГЕР ДЕ БАЛУАНДАР СЫЛБЫР БЕЛДЕСІП, ЕНЖАРЛЫҚ ТАНЫТСА.
ТӨРЕШІ "ТОҚТА!" ДЕГЕН КЕЗДЕ АЛАҚАНДЫ КЕУДЕГЕ КӨТЕРІП, БЕЛГІ БЕРЕДІ. ЕРЕЖЕ БҰЗЫЛСА, "ТОҚТА!" ДЕП ДАУЫСТАП ЖӘНЕ АЛАҚАНЫН ЖОҒАРЫ КӨТЕРІП БЕЛГІ БЕРЕДІ.
АЯҚТАЛУЫ.БЕЛДЕСУ:
- ТАЗА ЖЕҢІСПЕН НЕМЕСЕ АЙҚЫН БАСЫМДЫЛЫҚПЕН ҰТҚАНДА;
- ТӨРТІНШІ РЕТ ЕСКЕРТУ АЛҒАНДА;
- БЕЛДЕСУГЕ БЕРІЛГЕН УАҚЫТ АЯҚТАЛҒАНДА ЖӘНЕ БЕЛДЕСУДІҢ АЯҚТАЛУЫН АНЫҚТАЙТЫН БЕЛГІ БЕРІЛГЕНДЕ АЯҚТАЛАДЫ.
СЫЛБЫРЛЫҚ ТАНЫТУДЫ АНЫҚТАУ:
- РҰҚСАТ ЕТІЛГЕН ӘДІСТЕРДІҢ ЕШҚАЙСЫСЫН ҚОЛДАНУҒА ҚАУҚАРСЫЗ;
- ҚАРА КҮШ АРҚЫЛЫ ҚАРСЫЛАСЫНЫҢ ӘРЕКЕТІН ТОҚТАТУМЕН ШЕКТЕЛУ;
- ӘДІС ЖАСАМАЙ, КІЛЕМНЕН ШЫҒЫП КЕТУІ;
- ӘДІС ҚОЛДАНБАЙ ҚАРСЫЛАСЫН КІЛЕМНЕН ТЫҚСЫРЫП ШЫҒАРУ;
- ТЕПЕ-ТЕҢДІКТЕН ШЫҒАРМАЙ АЯҚПЕН ТЕБУ;
- 5-10 СЕКУНД АРАЛЫҒЫНДА ӘДІС ҚОЛДАНБАЙ ТІРЕП ТҰРУ;
- КЕУДЕШЕ ЖЕҢІНІҢ ІШІНЕН, ЕТЕГІНЕН ҰСТАҒАН ЖАҒДАЙЛАРДА АУЫЗША ЕСКЕРТУ БЕРІЛЕДІ.