Қонақ үй шаруашылығы жайлы

Пән: Туризм
Жұмыс түрі: Дипломдық жұмыс
Тегін: Антиплагиат
Көлемі: 66 бет
Таңдаулыға:

КІРІСПЕ

Бүкіл әлем бойынша көптеген дамыған және дамушы мемлекеттер туризмнің дамуы үшін, туристік рекреациялық көптеген мүмкіндіктерге ие болуда. Бірақ кейбір мемлекеттерде туризмнің потенциялды көрсеткіші экономикалық ресурстарға байланысты төмен. Себебі бұл мемлекеттердегі туристік индустрияның салалары халық аралық стандарттарға сай емес. Осы себептердің бірі, біздің қонақ үйлер әлемдік стандарттарға сай дәрежеде туристерді қабылдай алмауда, басты мәселе қонақ үй орындарының аздығында. Қонақ үйлердің жағдайы жоғары дәрежелі моральды және жеке көзқарастар бойынша дамушы мемлекеттерде қонақ үй бөлімдерінің жағдайының төмендігі көрсетіледі, бұл қызмет түрінің шектеулігі, тозған ескі техникамен сипатталады.

Дамушы мемлекеттерде осындай жетілмеген бұл туризм саласын дамыту үшін, Қазіргі қонақ үй нарығын зерттеу, қонақ үйдегі қызмет түрлерін арттыру, басқа дамыған мемлекеттермен өз жағдайымызды салыстыру қажет болып отыр.

Қонақ үй саласын дамытуда айтарлықтай жетістіктерге жету үшін, осы салада қызмет ететін мамандардың білім сапасын, қызмет түрін арттыру керек. Сонымен қатар осы саладағы қызметшілердің жұмыс бағдарлары нақты болғаны жөн. Қонақ үй қызметінің саласы-бұл адамдар арасындағы қарым-қатынас, нақты алушы мен сатушы арасындағы байланыс. Яғни, қызмет көрсетушілердің күш жігері демалушыларға арналып, қонқтардың ойын жаулап алу мақсатында ауқымды дәрежеде қызмет көрсету. Туризм саласындағы қызметкерлердің нақты жұмыс барысы, жұмыс уақыты, демалыс уақыты тура белгіленсе, онда бұл салада үлкен жетістіктер, атақ абыройға ие бола алады. Аз ғана уақытқа болса да туристер үшін қонақ ұй-ақылы өз үйі. Ал үй ішінде адам өзін жақсы сезіну, көтеріңкі көілде бол, оны әрқашан көтеріңкі көңілмен күтіп алатындығына, оның барлық түрлерін сенімді болуы шарт. Осындай жолмен ғана қонақ үйлерді туристердің екінші үйі ретінде, осы үйге қайта-қайта келу тілегін қалыптастыру керек. Қонақ үйлердің негізгі мақсаты- туристер үшін сапалы қызмет көрсету, оларға барлық жағдайды жасау арқылы қонақ үй өзінің деңгейін әлемдік дәрежеде көрсете алады.

Қазіргі уақытта қонақ үй шаруашылығын дамыту жөніндегі республикалық бағдарламасы жасалған. Бағдарламаның басты мақсаты-Республикада қазіргі заманға сай жоғарғы нәтижелі бәсекеге қабілетті туристік кешен құру, экономиканың қосалқы салаларын өркендету. Сондықан қонақ үй және туристік бизнес бұл мәселелерді қарастыруда өзекті мәселенің бірі.

Қонақ үй анықтамасына сүйенетін болсақ туристік іс әрекеттерді төмендегі ұсынып отырған анықтамадан анық көреміз. Дүниежүзілік туристік ұйымның (ДТҰ, ВТО) т. б. оқулық авторларының беріп жүрген анықтамаларынан басқа, төмендегі анықтама туризмнің сан қырлы екендігін көрсетеді.

Туризм- экономика саласы, бизнес, таным, спорт және демалыс түсінігіне орай оқу құралында тек қана қонақ үй шаруашылығы оның мазмұны, құрылымы және туристік саладағы мамандарға кәсіби білімін жетілдіруге қажетті мәліметтер жинақталған. Оқу құралы мазмұны қонақ үй және туистік кешендердегі қызмет көрсету нарығының қалыптасуының негіздерін қамти отырып олапрдң құрылымдарына, менеджментіне, маркетинг мәселелеріне жауап бере отырып, қызмет көрсетуді ұйымдастыру мәселелеріне тоқталады.

Қазіргі уақытта Қазақстан территориясында 195-ке жуық қонақ үй жұмыс істейді. Олардың көпшілігі Астана, Алматыда және ірі облыс орталықтарында шоғырланған. Алматы қаласы маңында, қала ішінде әртүрлі дәрежесіндегі қонақ үй, отельдер орналасқан.

Жалпы қонақ үй шаруашлығы бизнесін туристік бизнестен бөліп қарастыру мүмкін емес.

1 ҚОНАҚ ҮЙ ЖӘНЕ ТУРИСТІК КЕШЕНДЕРДЕГІ ҚЫЗМЕТ КӨРСЕТУ НАРЫҒЫНЫҢ ҚАЛЫПТАСУЫНЫҢ НЕГІЗДЕРІ

Қонақ үй шаруашылығының тарихи аспектілері

Біздің уақытта туризм ролі мен мәні мемлекеттердің экономикасының өркендеуі үшін, жеке тұлғалардың мұқтаждығын қанағаттандыру, елдердің арасындағы әлеуметтік байланыстарды сапаландыруды қайта бағалау мүмкін емес. Туризм индустриясы көпшілік елде маңызды орын алады.

Туризм XX ғасырдың аяғы мен XXI ғасырдың басында толығы халықаралық және интернационалды болды, бұған бір-бірімен байланысқан екі фактор мүмкіндік туғызды: бір жағынан, үлкен пайда әкелу үшін, туристік кәсіпорынның кірісін көбейту үшін фирмалар дүние жүзіне саяхат жасау географиясын кеңейтеді, екінші жағынан, рентабельді болу үшін, туристік бизнес халықаралық деңгейде қаржыландырылуы керек. /1/

Бұл екі фактордың бір-бірімен байланыстылығының көрнекі үлгісі ретінде круиздік бизнесті алуға болады. Круиздер теңіздер мен мұхиттарда іске асады, яғни елдердің арасында жасалатын халықаралық саяхат болып табылады. Круиздік турлар жиі кеңейіп отырады (Аляска, Филиппин аралдары, Малайзия, Тынық мұхит аудандары және т. б. ) .

Солай бола тұра, бизнестің бұл түрінде жетістіктерге жету үшін, компания туристтік нарықтың халықаралық алаңында нық тұрып, әртүрлі елдер мен аймақтарда дамыған материалдық негізі болуы керек.

Мысалы, «P& O» және «Роял Кариббеан» ірі круиздік туроператорлары дәл сондай компания болып табылады ( «Роял Кариббеан» Кариб теңізіндегі аралдардың бірін иеленеді. Бұл аралды круиздік аялдама ретінде пайдаланады) .

Дәл осындай мысалдарды қонақүйлік корпорация аумағында және агенттік-операторлық бизнес аумағында келтіруге болады: «Холидей Инн», «Нур-туристик» және т. б.

Аймақтық туризм бірқалыпты дамымайды, және бәріненде жиірек келесі туристік аймақтар ерекшеленеді: Европа, Америка, Шығыс Азия және Тынық мұхит аймағы, Африка, Таяу Шығыс, Оңтүстік Азия. Әлемнің аймақтарға бөлінуіндегі пропорцияналды еместігі жөнінде нақты жауап беруге болмайды; Әлемнің әртүрлі бөліктерінің дамуы және ресурстарының жақсаруы әр регионның қай аймақта орналасқанына байланысты.

Мысалға алатын болсақ соңғы он жылдың ішінде туристік кірістер мен туримнің өсуі бойынша үлкен жетістікпен көзге түскен региондар қатарына Таяу Шығыс пен оңтүстік Азияны айтуға болады. Өзара салыстыруларға байланысты орташа региондарда туристік қызмет көрсетулер, қызықты статистикалар, туристік қызметкерлер, маркетинг пен кәсіпорындар көлемі жаңадан ғана даму үстінде.

Тарихқа аздап көз жүгіртіп өтер болсақ, туризм индустриясы Европа елінде туып, осы елде дамып, басқада дүние жүзі елдеріне танылуда. Бұндай жағдайға Европа мемлекеттерінің тарихы ғана емес әлеуметтік-экономикалық дамуы тікелей себеп болып отыр. Қандай жағдай болсада мемлекетте туризмнің массалық дамуына сол елдің әлеуметтік-экономикасының деңгейі, техникасы мен технологиясының дамуы, халықтарының өсу деңгейі тікелей және жанама әсер етеді.

Әлемдік қонақ үй индустрияның негізгі кезеңіне шолу жасайтын болсақ, саяхатта жүрген адамдарға қызмет көрсету алғашқы қонақ үйлер (Керуен сарайлар) б. э. д 2000 жыл бұрын көне шығыс елдерінде кең таралған.

Ежелгі Греция, Ертедегі Рим кезеңінен бастап әртістерге, кубелерге, саяхатшыларға арналған ертедегі қонақ үй түрлері:хаинны, инны, пошта бекеттері болып саналған. Жоғарыдағы қонақ үйлер қазіргі үй функцияларына ұқсас қызмет түрлерін көрсеткен.

Сол замандағы негізгі көлік ретінде аттарды пайдалану, ат қоршаулары мен тұратар болуымен қатар адамдар тынығуға арналған, ас ішетін бөлмелерден тұрған. Ал Орта ғасырларда саяхатшыларға арналған бұл кешендерге әжептәуір өзгерістер енгізілген. Қосымша театр сахналары пайда болған. Қонақ үй иелері өз жанұясымен, құлдары мен қызметшілері келген қонақтарға қызмет көрсеткен. Олардың қызмет көрсету деңгейі жоғары сапалы көлемді қызмет көрсетумен ерекшеленген.

Қонақ үй индустриясының даму тарихы әлемдік адамзат өркениетінің даму тарихы мен тұспа тұс келеді.

Еуропа, Азия дүние бөліктеріндегі ірі империалдардың құлауы. Жібек жолы бойындағы қалалардың күйреуі, соғыс әрекеттері, қонақ үй кәсіпшілігіне тоқырау алып келеді.

XVII-XIX ғасырлар өндірістік революция, су жолының дамуы дүние жүзілік қонақ үй шаруашылығының қалыптасуына өзіндік үлесін тигізді. XX ғасырдағы қонақ үй индустриясының ерте кезден бастап 20 ғасырдың соңына дейінгі даму этаптарының негізгі сипаты төмендегідей.

Біздің эрамызға дейінгі II-I мыңжылдық аралығында Ассирия кезінде керуен сарайлар мен алғашқы адамдар дем алатын үйлерлің саяхатшыларға уақытша тұруына арналып салына басталды. Осы уақытта Шығыс елдерінде, коне Грецияда, Крит аралдарында да керуен сарайларының ашылғандағы белгілі. Б. э. дейінгі I мыңжылдықтың Ежелгі Грек жерінде қонақ үйлердің үш типі қалыптасқан; жекеменшік аулалар (кататоталар), мемлекет құзырындағы аулалар (пандокен), ұйықтайтын бөлмелері бар таверналар (тамақ ішетін орындар)

Б. э. дейінгі VI-ғасырдағы -біздің эрамыздың I ғасырында ежелгі Рим территориясында жол бойында көне қалаларда көптеген жатын үйлер мен таверналар салынған. Оларды пайдаланушылар саяхатшылармен қатар, мемлекеттік шенеуліктер, саудагерлер, кезбелер болып Рим империясындағы пошта байланысының қалыптасуына байланысты мемлекеттік заңға байланысты 70-100 шақырым ат шабыс аралық бекеттерінің ашылуы таверна, қонақ үйлердің ашылуына себеп болды. Рим империясының күйреуі, заманында пайда болған кешендер бұзылып қирауға ұшырады.

Орта ғасыр (V-VIII ғасырлар) заманында Европам мен Шығыс елдерінде сауда мен саясаттың қайта жандануына орай орналастыру мен тамақтану қызмет көрсету саласы дамудың жаңа жолдарына бағытталды. Европалық монастырларда арнайы қонақ жайлық орындар пайда болды. Бұл кешендердің бірінші қабатында ас ішіетін орын және ат қора, шаруашылық, қызметшілерге арналған бөлмелер жабдықталса, ал жоғарғы қабатында жататын бөлмелер төбесі жабық театрлық көріністерге арналған орындар болған.

Қайта өрлеу заманында Европа дүние бөлігінде кәсіпкершіліктің дамуы, ат жегілген тарантас, көлік қүралдарының пайда болуы қонақтар тоқтайтын аулалар орындарының көбеюіне септігін тигізді. Европа елдеріндегі мемлекеттердің экономикалық және саяси байланысының дамуы барысында қонақ үй шаруашылығы қарқынды дамуы байқалады. XVII-XVIII ғасырларда Америка континентіне Европалықтардың келуіне орай Европалық типтегі қонақ үйлер пайда бола бастады. Алғашқы 70 бөлмелі қонақ үй «Сити Отель» Нью-Йорк қаласында 1794 жылы салынған. XVIII-XIX ғасырлардың бас кезінде тек саяхатшыларға арналған орта және үлкен қонақ үйлер пайда болды. Оның ең үлкені 170 бөлмелі «Тремонт» отелі 1829 жылы Бостон қаласында ірге тасын көтерген.

XIX ғасырда Европа мен Америка өндірістік революция нәтижесінде көлік түрлерінің пайда болуы (пороход, паровоз) туризмнің дамуына үлкен ықпалын тигізді.

Нәтижесінде теңіз жағалауында, темір жол бойында қонақ үй құрлысы пайда болды. Қонақ үй компаниялары, корпорациялары, синдикаттардың бизнесмендерге, комерсанттарға және көшіп келушіоерге қонақ үй қызметі ұсынылды. /2/

XX ғасырдлың бас кезінде қонақ үй құрлысы, шаруашылығында жаңа идеялар, тұжырымдамалар, қонақ үй синдикоттары (Лондонда) қонақ үй иелерінің одағы (Париж) 1906 жылы құрылған қонақ үй иелерінің халықаралық қонақ үй одағы, дүние жүзінің 1700 қонақ үйлерінің басын біріктірген. Осы мезгілде Европа қонақ үйлерінде керуендер, конференциялар, ойын-сауық кештері ұйымдастырылған казино, мейрамханалар пайда болған XX ғасырдың 20 жылдарында қонақ үй бизнесіндегі Конрад Хилтон үлесіне тоқталып өткен орынды.

1930 жылдардағы қонақ үй шаруашылығының «Ұлы күйзеліс» өзіндік ықпалын тигізді. Екінші дүние жүзілік соғыс кезеңі де өз септігін тигізді.

1950-1960 жылдары көлік тасымалдау түрлерінің өркендеуі, соғыстан кейінгі халықаралық қатынастардың тұрақталуы, әлеуметтік экономикалық жағдайдың ретке келуі дүние жүзінде қонақ үй шаруашылығының қайта жануына ықпалын тигізді. Қонақ үйдің жаңа типтері мотель, отель, кемпинг т. б. пайда болуы курортты қалаларда демалыс қонақ үйлер салына бастады. Әуежай, жол бойы қонақ үйлері олардың құрамына тамақтану, көңіл көтеру орындары қалыптасты. Адамдардың бос уақытта пайдалану мүмкіншіліктерінің артуына байланысты емдік сауықтыру курортары белгіленген аймақтарды пайда болды.

ДТҰ мәліметі бойынша 17 млн. адамдар тоқтай алатын қонақ үйлер жүйесі қалыптасқан. Солардың ішіндегі ең ірілері «Шератон», «Мариотт», «Рамада», «Редиссон» қонақ үй класстарына орай «Апартамент», «Кондоминниум» түрлері пайда болды.

XX ғасырдың 90-шы жылдарында экономикалық күйзелістерге байланысты қонақ үй шаруашылығының дамуының тежелгені байқалды.

Отельдердің мамандандыруы, супер және экзотикалық түрлерінің шыққанын байқаймыз. Қонақ дамытудың жаңа тұжырымдамалары зор ізденіс бағытта жүргізілді. Шығыс Азия және тынық мұхит секторында қонақ үй шаруашылығы құрлысы жаңа технолдогияны пайдаланды.

2000 жылдары жекеменшік, шағын әртүрлі типтегі қонақ үйлер қалыптасуы нарықтық жағдайда өтуде.

ТМД елдері көлеміндегі қонақ үйлердің даму, қалыптасу тарихы төмендегідей.

Ерте ғасырларда Ресей, Европалық бөліктегі ТМД елдерінде және Жібек жолы бойындағы атпен серуендеушілердің, саудагерлердің, пошта мемлекеттік қызметкерлердің жол бойына тынығуға, тамақтануға ыңғайлы керуен сарайларынан басқа, пошта стансияларының салыну, қонақ үй аулаларының трактирлер құрлысы пайда болып, 1818 жылдың өзінде Мәскеу қаласында 7 қонақ үй жұмыс істеген. Оған дейінгі кезеңде көрші мемлекеттерден келген шет елдік қонақтарға арнайы демалатын, тамақтанатын орындар болған.

Олар «армяндық», «ағылшындық», «гректік», «голандық» т. б болып аталған. Құрылымында шағын сауда сөрелері, кішігірім дүкендер, зат сақтайтн қоймалар, қызмет көрсетуге арналған нысандар болған. Калуга қаласында көненің көзі ретінде қазірге дейін сақталып туристік экскурсиялық нысан құрайды.

1878 жылы Мәскеуде бес қабатты қонақ үй және мейрамханамен ашыла отырып «Үлкен Мәскеу» серіктестігі болып аталған.

1890 жылдары «Европа», «Центральный» қонақ үйлерінде люкс нөмірлер ашылды. Кейінірек «Балчук», «Метрополь» ірге тасы қаланған болатын.

1910 жылдары Ресей жерінде 4685 қонақ үйлері пайда болған екен. Бұлардан басқа кішігірім демалыс, тамақтану орындарын есептемегенде.

Кеңестер дәуірінде бұрынғы жекеменшік қонақ үйлер мемлекеттік коммуналдық жүйеге көше отырып, екінші дүние жүзілік соғысқа дейін Москва және Ресейдің 669 қалаларда қонақ үйлер салынды. Қонақ үй бизнесінің тоқырауы екінші дүние жүзілік соғыс кезінде байқалды.

1960-1970 жылдары 6 мыңнан астам қонақ үйлер пайдалануға беріле отырып «Золотой колос» (4000 орынды), «Ярославль»(2000 орынды), «Туринск», «Алтай», «Восток» (2400 орыннан астам), «Ленинградская» (500 орынды), «Украина» (1660 орынды), «Россия» (5350 орынды) қызмет атқарды.

1980 жылы Олимпиада ойындары қарсаңында «Космос», «Измаилово», «Севастополь», «Спорт», «Международная» қонақ үйлерінің жұмысы жанданды.

1990 жылдары қонақ үй шаруашылығы күйзелісі Кеңестер одағының ыдырауы, жекешелендіру, басқа салаға, офистік ойын-сауық орталықтарына көшу тенденциясы байқалады.

Қазақстан территориясында қонақ үй шаруашылығының пайда болуы

Қазақстан қонақжайлығының қалыптасуының көне тамыры тереңде жатыр. Оның пайда болуы алғашқы қоныстардың, көлік жолдарының және сауда қатынастарының дамуымен байланысты. Алғашқы қонақ үйге ұқсас ғимараттың ашылуын біздің эрамыздың алғашқы ғасырларына қатыстыруға болады. Ұлы Жібек жолы бойындағы аймақтардың зерттелулерінен біз көне көпестермен саяхатшылардың үлкен керуендермен түйелер арқылы қатынайтынын білдік. Олар керуен жолының бойындағы қалалардан немесе елді мекендерден шатыр құрып түнейтін болған. Сондықтан, олар ерте кезеңдердегі қонақ үй кешені болып керуен- сарайлар деген атауға ие болған. Керуен-сарайлар керуеннің тұрғылықты және сату ауласы болып табылса керек. Сол ғасырларда қолайлы қызмет көрсету ұғымы Азия, Европаға қарағанда әлде қайда ілгері болғанымен де, шығыстағы керуен-сарайлар ақша табу мақсатында ғана емес, саяхатшының демалысы мен саудасын дамыту мақсатында салынғаны тарих арқылы белгілі. Бірақ XIII ғасырдың басы болашақ Алматымен жалпы жетісу аймағына қай салада болсын үлкен төңкеріс әкелді. Монғол шапқыншылығы елдің экономикасына ғана емес, қала мәдениетіне де кері ықпалын тигізді. Ұлы Жібек Жолы маңындағы қалалардың күйреуі сауда және керуен жолдарының әлсіреуіне әкелсе, ол өз алдына сол кезеңзегі енді өркендеп келе жатқан керуен-сарайларының еріксіз өз жұмысынтоқтатуына әкеп соқты. Алайда саудамен көлік жолдарының қайта өркендеп дамуы Ақсақ Темірдің билеу кезінде басталды. Соғыс қимылдары алаңының өркендеуіне байланыст елдер жаңа жолдар салып, жаңа қалалардаң салынуы халықаралық қатынастарды дамыта түсті. Мұның өзі жаңа қонақ үйлерді ашуды міндеттеді. Тарихтың келесі беттері XVғасырдың аяғы мен XVI ғасырдың кезеңіндегі қонақ үй тұрақтарының жайы.

Қазақ хандығының құрылуы қонақ үй шаруашылығына еш кері әсерін тигізбей, бір қалыпты дамуды байқатады. Қонақ үй кешендері дамуының одан арғы тарихы Қазақстанның Ресейге қосылу кезеңі болып табылады. XIX ғасырдың алғашқы жартысының соңына қарай Қазақстан толығымен Ресей империясының қол астына енген кезде соғыс қорғаныстарын, жаңа жолмен қалалардаң салынуы қонақ үй шаруашылығының одан әрі қарай дамуын талап етті. Сол тарихи жылдардағы қонақ үйлердің мысалы ретінде бекеттерді, қонақ үй шатырларын айтуға болады. Осылайшы қарқында дамыған Қазақстан қонақ үй шаруашылығы 1903 жылы Алматы қаласында алғашқы «Еуропа» қонақ үйінің салынуына әкеп соқтырды.

Осыншама тарихты арқа тастаған Қазақстан қазір 160-қа жуық қонақ үй жұмыс істесе, оның басым көпшілігі Астанада, Қарағандыда, Алматыда, Шығыс Қазақстан және Оңтүстік Қазақстан аймағында орналасқан.

Қонақ үй шаруашылығын туристік шаруашылықтан бөліп қарауға болмайды. Ал соңғысымен біздің елдің жағдай тамаша емес. Әрине сыртқы туризм бізде біршама жақсы дамыған:қазқстандықтар үшін шет елге демалуды әдетке айналдырған -45, 8%, ішкі туризм бойынша -37, 9% көрсетілсе, туристердің қазақстанға келу көрсеткіші небәрі 16, 3%-ке ғана жетеді. Мемлекет осылардың соңғысына мұқтаж, себебі оның арқасында елге шетелдік валютаның көп келуімен, өндіріс салаларының қарқында дамуына бастау алады. /3/

Қазақстанға туристерді келтіру үшін бірқатар жұмыстар атқарып, оның ішінде қонақ үй инфраструктурасын қолға алу керек. Еліміз қарқында дамудың нарықтық жолына түскендіктен Қазақстан көптегн шетелдік әріптестерімен жұмыс жасап, әр қаладағы біріккен өнеркәсіптермен және шетел өкілеттіктерімен қатар әр қаланың қонақ үй өмірі біршама қайта жанданды. Жаңа қонақ үйлер пайда болып, ескілері жаңартылып немесе қайта күрделі жөндеуден өткізілді.

Алматының Еуразия орталығы ретіндегі деңгейі өсуде, сонымен қатар қалада көптеген саммиттер, халықаралық конференциялар, семинарлар, көрмелер, яғни конгресті және іскер туризмді дамытуға әсерін тигізетін бірнеше бас қосулар өткізілді. Конгресті туризмнің де өз маусымдылығы бар, ол көктем-күз айларына келеді. Қысқы, әсіресе жазғы кезде бизнес - туризмдердің жұмыс белсенділігі төмендейді. Сонымен қатар Қазақстанға іскерлік мақсатпен келетін туристердің арасындағы түрлі деңгейдегі қонақтар бар. Бірақ іскер адамдармен бизнес -туристердің қонақ үй мен отельдерге деген нақты талаптары бар- ол сервистің тиісті деңгейін қамтамасыз ететін қазіргі заманға сай әрі комфортабельді орналастыру орындары болу керек. Ал бес жұлдызды қонақ үйге келетін болсақ, онда қонақ үй бизнесі мамандарының айтуынша, бір орында нөмірге тәулігіне 290 доллар төлетін туристердің арқасында Алматыдағы әлемдік құрылымдағы The Rejent Ankara және Hyatt Rejency қонақ үйлері Қазақстанға жетіп жатыр. Бірақ алғашқы бекітілген баға көп жағдайда қалыпты баға болып саналмайды да, нөмірлер түрлі жеңілдіктер бойынша да өткізуі мүмкін. Ол жеңілдікте, мысалы: корпоративті клиенттнрге немесе отельмен бірге жұмыс жасайтын туристік операторларға берілуі мүмкін. Көрсетілетін жеңілдіктер орасан зор болуы да ықтимал:кейбір туристік фирмалар Алматының бес жұлдызды қонақ үйінің бір орынды нөмірін прайста көрсетілген бағадан 30% түсіреді. Бірақ The Rejent Ankara және Hyatt Rejency деңгейлес қонақ үйлерінің мейрамханалардың, түнгі клубтардың, казино, фитнесс-орталықтарының, конференц залдарының болуы салдарынан аталмыш орындар жергілікті компаниялардң презентация, семинар немесе пресс-конференцияларды ұйымдастыруда белсенді түрде жалға алынуда. Кейбір деректерге сүйенсек қонақ үйлердің негізгі жұмысы емес, осындай қосалқы қызметтері олардың нарық алдында қалуын қамтамасыз етеді. Бірақ басқа да көзқарастың барлығында мойындау керек. Мысалы «Отырар» қонақ үйі кешенінің директорының айтуынша қонақ үйдің негізгі кірісі оның басты жұмысынан ғана келеді. Ал ғимарат ішінде казино, түнгі клуб, мейрамхана, авиакасса және басқалардың болуын тек туристердің ұсынысынан туындағанын айтып түсіндіреді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.