Жетібай кен орны


КІРІСПЕ
1 ГЕОЛОГИЯЛЫҚ БӨЛІМ
1.1 Кенорны жөніндегі жалпы мағлұматтар
1.2 Алаңның геология . геофизикалық зерттеу тарихы
1.3 Стратиграфия
1.4 Тектоника
1.5 Мұнайгаздылығы
1.6 Сулылығы
1.7 Ұңғыны жүргізу кезіндегі қиындықтар кездесуі мүмкін аймақтар
1.8 Керн алу аралықтары.
1.9 Өнімді қабаттарда ашу және сынау
1.9.1 Өнімді қабаттарда ашу және сынамалау, қабаттарды сынамалау тәсілдері мен аралықтары
1.9.2 Өнімді қабаттарды ашу әдісі
1.10 Ұңғыда жүргізілетін геофизикалық зерттеулер
1.11 Мұнай және газ қорларын есептеу
Жетібай кен орнының ашылуы аса зор маңызды жаңалық болды. Бұл кен орындарының ашылуы 2010 м және одан да төмен тереңдікте жатқан тау жыныстарында мұнайдың бар екендігі жөніндегі ғалымдар мен мамандардың көптен бергі болжамын расқа шығарды.
Қазіргі уақытта Оңтүстік Жетібай кен орны игеріліп, онда пайдалану ұңғыларын бұрғылау жұмыстары жүргізілуде.
Бұл дипломдық жобада, осы кен орнында 2010 м тереңдікте бұрғыланатын пайдалану ұңғысын жобалаймыз.
Бұл дипломдық жобада осы кен орында VIII горизонтының геологиялық құрылымы мен мұнай газдылығын анықтау мақсатында жүргізілетін геологиялық жұмыстарын қарастырамыз.

Пән: Өнеркәсіп, Өндіріс
Жұмыс түрі: Материал
Көлемі: 11 бет
Бұл жұмыстың бағасы: 300 теңге




КІРІСПЕ

Жетібай кен орнының ашылуы аса зор маңызды жаңалық болды. Бұл кен
орындарының ашылуы 2010 м және одан да төмен тереңдікте жатқан тау
жыныстарында мұнайдың бар екендігі жөніндегі ғалымдар мен мамандардың
көптен бергі болжамын расқа шығарды.
Қазіргі уақытта Оңтүстік Жетібай кен орны игеріліп, онда пайдалану
ұңғыларын бұрғылау жұмыстары жүргізілуде.
Бұл дипломдық жобада, осы кен орнында 2010 м тереңдікте бұрғыланатын
пайдалану ұңғысын жобалаймыз.
Бұл дипломдық жобада осы кен орында VIII горизонтының геологиялық
құрылымы мен мұнай газдылығын анықтау мақсатында жүргізілетін геологиялық
жұмыстарын қарастырамыз.

1 ГЕОЛОГИЯЛЫҚ БӨЛІМ

1.1 Кенорны жөніндегі жалпы мағлұматтар

Жетібай кенорны әкімшілік жағынан Қазақстан Республикасы, Маңғыстау
облысы, Қарақия ауданына қарайды. Ол Жетібай және Жаңа Жетібай елді
мекендерінің маңында орналасқан. Жақын елді мекендер болып Ақтау қаласы 80
км, Жаңа Өзен қаласы 75 км, Құрық ауылы 65 км. Бұл елді мекендер Жетібай
кенорнымен асфальтталған автомобиль жолдарымен, сонымен қатар темір жолмен
байланысады.
Кен орны аймағы ұсақ төбелі жазықтық болып келеді, абсолюттік биіктік
белгілері +165-+139 м. Арасында өзгеріп отырады. Аудан климаты шұғыл
континентальды, өзінің ерекше құрғақтылығымен ерекшеленеді. Жылдық
жауын-шашын мөлшері 140 мм-ге дейін жетеді. Абсолюттік ең жоғаргы
температура +47°С,ал ең төменгі температура -35°С. Ауаның орташа жылдық
температурасы +10°С. Күшті жел мен шаңды дауылдар жиі көтеріліп тұрады,
соғатын желдің негізгі бағыты солтүстік- шығыс болып табылады. Қыстың
күндері 1 м тереңдікке дейін тоң қатады.
Кенорындарының өндірістік мұнай-газдылығы 1961 жылы анықталды. Мұнай
кенорнын өндіруші мекеме - "Маңғыстаумұнайгаз" өндіріс бірлестігінің
"Жетібай мұнай" мұнай-газ өндіру басқармасы, ал бұрғылау жұмыстарын
жүргізуші осы өндірістік бірлестіктің Жетібай бұрғылау жұмыстары
басқармасы. Кен орны үстімен Ақтау-Жетібай-Өзен-Макат- Атырау темір жолы
өтеді. Өндірілген мұнай жолайғы қыздыру пунктері арқылы Өзен- Атырау
-Самара және Өзен-Жетібай-Ақтау мұнай кұбырларымен
тасымалданады. Бұнымен қоса Ақтау қаласындағы аймақтан танкерлерге
кұйылып, басқа мемлекеттерге аттандырады. Көп қабатты кен орны Жетібайдан
1969 жылдан бері мұнай өндірілуде.
Ауданды ауыз сумен қамтамасыз ету үшін Сауысқан-Өзен-Жетібай және
Ақтау- Жетібай су құбырлары тартылған. Ал өндірістік қажеттерге жұмсалатын
техникалық су арнайы ұңғылардан алынады.

1.2 Алаңның геология – геофизикалық зерттеу тарихы

1951-1953 жылы Маңғыстау ойысы мен үстірті үстінде 1:500 000
масштабымен аймақтық гравитациялық түсіру жүргізілді. Осы түсірумен Жетібай
дөңесі де қамтылды, бірақ картада ол ауырлық күштерінің локальдық тұйық
ауытқуы ретінде емес, белгісіз пішінді гравитациялық шығыңқы жер болып
шықты. 1955 жылы Маңғыстау түбегінің тереңдік құрылымын БГБҒЗИ аймақтық-
сейсмикалық зерттеулермен анықтады. Жетібай құдықтарымен өткен бір
сейсмикалық тілмеден сейсмикалық тірек қабатының әлсіз иілуі байқалады. Осы
сейсмикалық профильдің негізінде Б. Динов пен О. Черепанов қабаттардың
иілген жерінде құрылымның бар екендігі жайлы болжам жасап, оны құдықтардың
атына сай – Жетібай деп атады.
1957-1958 жылдары БГБҒЗИ-мен Жетібайда Оңтүстік Маңғыстау
жағдайларында антиклинальдық құрылымдарды анықтау мақсатын көздеген жоғарғы
дәлдікті гравиметрияны қолданған гравитациялық түсіру болды. Бірақ бұл
тәсіл көп таратылмады.
1958 жылы сейсмикалық түсірулер тағы да жүргізіледі де, нәтижесінде
көтерілімнің тереңдік құрылысы зерттеледі және неоком қабаты табанының 3
қабатының құрылымдық картасы жасалады.
1959 жылы Маңғышылақмұнайбарлау тресті іздеу-барлау ұңғыларын
бұрғылап бастайды. 1961 жылы №2 ұңғыдан III және IV қабаттарды сынау
кезінде өндірістік маңызы бар екендігі анықталған, ал сәл кейін №6 ұңғыдан
XII қабаттан күшті мұнай-газ, су фонтаны атқылаған. Ұңғы дебиті шамамен
300 м3тәулік болған, бұның ішінде 60-65 % мұнай, 35-40 % газ болған.
Мұнайдың өндірістік ағыны алынған соң 1962 жылы юра жүйесінің 14
қабатын игеруге барлау және айқындауды көздеген өндірістік барлау жобасы
жасалды. Қабылданған жобаға сәйкес 130-дан аса құм қабаттары мен
аралықтарынан тұратын қалыңдығы 900 метрдей бүкіл өнімді қабатты қалың үш
барлау қатарына бөледі. Бірінші қатарға I-VI қабаттар, екінші қатарға VI-
X қабаттар, үшінші қатарға XIІ-XIV қабаттар жатқызылады. Барлаудың әрбір
қатары жеке бөлек ұңғылар торы бойынша бұрғыланады, ұңғылар арасы 1-2 км
болды. Қабаттарды сынау жоғарыдан төмен жүргізіледі. Ұңғыда 12 объектіге
дейін сыналды.
1974-1975 жылдары Жетібайда 16 ұңғыма бұрғыланды, оның 14-ін
Маңғыстаумұнай өндірістік бірлестігі бұрғылады. 1976-1980 жылдары
Оңтүстік Маңғыстауда оныншы және одан арғы бесжылдықтарға іздеу-барлау
жұмыстарының майданын дайындау мақсатында ірі мұнай-газ қорларын анықтау
және зерттеу жұмыстары жүргізіледі. Сонымен қатар осы қорлардың ірі
тектоникалық элементтермен байланысыдәлелденді.
1973 жылдан бері қарай кенорнын игеру қабат қысымын көтермелеп ұстау
арқылы жүзеге асып келеді. Бұның өз ішінде XII қабат айдаушы ұңғылар
қатарымен блокты қию тәсілімен игерілсе, VIII, X, XI қабаттарды игеруге
контур ішілік суландыру тәсілі қолданылады.

1.3 Стратиграфия

Жетібай кенорнында терең бұрғылау жұмыстары арқылы қалыңдығы 2010 м
мезозой шөгінді қабаты ашылған, статиграфиялық диапозоны неогеннен байосқа
дейін.
Алынған үлгі бойынша қиманың юра бөлігі барынша толық сипатталған.
Бұлардан төмен немесе жоғары жатқан тау жыныстардың литологиялық құрамы
жекелеген керн үлгілері бойынша анықталған. Осыған байланысты
стратиграфиялық қиманы талдап, жіктеу үшін өндірістік-геофизикалық
сипаттамалар, каротаждың көмегімен алынған мәліметтер пайдаланылады. Юра
шөгінділері қимасында он екі мұнай-газ өнімді қабаттары анықталған.
Таужыныс коллекторының кеуектілігі жоғарыдан төменге қарай азая береді.
Юра жүйесінің ортаңғы және жоғарғы бөлімдері, бор жүйесінің төменгі
бөлімі ярустарға бөлінген.
Юра жүйесі-(J)
Қимада юра төрт бөліммен берілген. Бірақ олардың зерттеу дәрежесі
әркелкі, себебі кенорнындағы мұнай-газ түзілімдері орналасу ерекшеліктеріне
байланысты көптеген ұңғылар мен ортаңғы юра шөгінділеріне дейін қазылған.
Жалпы қалыңдығы 965 м.
Юра жүйесі -(J)
Ортаңғы бөлім
Қимада ортаңғы бөлім байос және бат ярустарына бөлінген.
Байос ярусы-(J2)
Литологиялық құрамы бойынша бұл ярус қабаттасып жатқан сұр түсті
құмтас, алевролит, саздардан құралған. Қиманың төменгі бөлігі барлық
жерлерде құмтасты, ал жоғарғы бөлігі алевролит сазды болып келеді. Байос
ярусының қалыңдығы 315 м.
Бат ярусы –(J2bt)
Литологиясы бойынша қарастырылып отырған ярус алевролитті, құмтасты
жәнесазды тау жыныстардан тұрады.Бат ярусының қалыңдығы 275 м.
Ортаңғы юранының жалпы қалыңдығы 590 м.
Юра жүйесі –(J3)
Жоғарғы бөлім
Жоғарғы бөлімнің құрамында келловей және оксфорд ярустарының
шөгінділері бөлінген.
Келловей ярусы-(J3k)
Бұл ярус құмтас, алевролит және сазды тау жыныстардан құралған.
Ярустағы тау жыныстар көбінесе қатты цементтелген әртүрлі құмтастардан және
ашық-сұр алевролиттерден тұрады. Келловей ярусының қалыңдығы 165 м.
Оксфорд ярусы-(J3o)
Литологиялық құрамы бойынша оксфорд ярусы сұр түсті құмтас, сазды
тау жыныстар, алевролиттермен сипатталады. Бұл ярусқа жекелеген қабаттар
мен пачкалардың өзара бір-бірімен ауысуы тән. Оксфорд ярусының қалыңдығы
210 м.
Жоғарғы юранының жалпы қалыңдығы 375 м.
Бор жүйесі-(K)
Бор жүйесі қалыңдығы алаң және тілме бойымен біртекті еместігімен
сипатталатын күрделі құрылысқа ие. Бор жүйесі төменгі және жоғарғы
бөлімдермен берілген. Төменгі бор бөлімі альб, апт, неоком ярустарынан
құралған. Ал жоғарғы бор бөлімі сеноман және дат ярустарымен берілген.
Төменгі бөлім
Альб ярусы-(K1al)
Бұл ярус тау алмасып жатқан құмтастардан, алевролиттерден және
саздардан құралады. Альб ярусының қалыңдығы 275 м.
Апт ярусы-(K1a)
Литологиялық құрамы бойынша бұл ярус сұр түсті құмтас, алевролит,
саздардың қабаттасуымен ерекшеленеді. Қиманың төменгі бөлігі құмтасты, ал
жоғарғы бөлігі алевролит сазды болып келеді. Апт ярусының қалыңдығы 285 м.
Неоком ярусы-(K1nc)
Литологиялық құрамына қарай неоком ярусы саздар, құмтастар,
алевролиттерден, сонымен қатар аргиллиттер мен құмдардан тұрады. Неоком
ярусының қалыңдығы 275 м.
Бор жүйесі-(K2)
Жоғарғы бөлім
Сеноман ярусы-(K2c)
Бұл ярус құмтастардан, алевролиттер мен саздардан құралған. Құрамы
мен түсі альб ярусының тау жыныстарына ұқсас. Сеноман ярусының қалыңдығы
115 м.
Дат ярусы-(K2d)
Литологиялық құрамы бойынша Дат ярусы әктасты мергельдерден тұрады.
Ярустың астыңғы бөлігінде саздардың басымдылығы анықталған. Дат ярусы
қалыңдығы 75 м.
Палеоген жүйесі – (Р)
Өндірістік-геофизикалық зерттеулердің нәтижелеріне байланысты жүйенің
шөгінділері палеоцен, эоцен және олигаценге бөлінеді. Литологиялық қимасы
кезектесіп орналасқан мергельдермен және саздармен сипатталады. Жалпы
қалыңдығы 100 м.
Неоген жүйесі – (N)
Жетібай кен орнында неогеннің литологиялық құрылысы ізбестастар,
мергельдер және саздармен берілген. Жалпы қалыңдығы 100 м.
Төрттік жүйе − (Q)
Литологиялық құрамы бойынша эллювиальды құмдар мен саздардан
құралған. Төрттік жүйенің жалпы қалыңдығы 75 м.

1.4 Тектоника

Геологиялық-геофизикалық зерттеулердің нәтижелеріне байланысты
алынған мағлұматтар бойынша Жетібай кенорны орналасқан аудан терең майысу
ретінде орта Каспий мұнайлы бассейнінің Оңтүстік Маңғыстау аймағына жатады.
Оңтүстік Маңғыстау майысуы ассиметриялық құрылыстан тұрады. Солтүстік
қанаты тіктеу болып, оңтүстік қанаты жайпақ болып келеді. Солтүстік қанаты
террасалармен күрделенген. Террасалардың ұзындығы 140 км, ені 30 км. Оның
үстіне батыстан шығысқа қарай ке ніштер орналасқан. Жетібай, Шығыс Жетібай,
Тартын, Қарамандыбас, Өзен кенішінен шығыс жаққа қарай құрылымдық терраса
пайда болады. .
Жетібай кенорны ендік бағытқа созылып жатқан ірі
антиклинальдық қатпарда орналасқан. Құрылымы бойынша кенорны
субендікке бағытталған екі көтеріліммен күрделенілген – батыс
бағытында Жетібай және шығыс бағытында Нармауыл көтерілімі.
Оленен ярусының табаны бойынша ( изогипса – 2640 м) көтерілім
өлшемдері 4,8-1,1 км. Тереңдік ұлғайған сайын құрылым өлшемдері өседі және
анизий ярусы табаны бойынша 12-2,5 км, амплитуда 450 м. Көтерілімнің оң
қанаты биіктеу және сонымен қатар ол күрт сынумен күрделенілген. Юра қабаты
бойынша көтерілім өлшемі 22-6 км, ал амплитудасы 65 м.Құрылымы неғұрлым
жайпақ, құлау бұрышы тереңдігі өсуіне қарай 2о-тен 30о-ке дейін өзгереді.
Терең бұрғылау ұңғыларымен кен орнында шөгінді тау жыныстардың триастан
төрттік дәуірге дейін жататын 3 км-лік қабаты ашылды. Бұлардың ішінде юра
жүйесінің қабаттары қатпарланған.
Қазіргі кезде Жетібай кенорнында 1 газ қабаты және III, V, X, XIII
мұнай қабаттары игерілуде.

1.5 Мұнайгаздылығы

Барлама бұрғылау жұмыстары процесі негізінде қималарда жоғарыдан
төмен мұнайлы, газды, мұнай-газды 13 өнімдік қабаттар анықталды. Оленен
байос, бат, келловей, ярустарының өнімділігі анықталған.
Терең сараптамалардан алынған сынама бойынша юра шөгіндегілердегі
өнімді қабаттардағы мұнай төменде көрсетілген параметрлерге жақын. Қабаттық
жағдайдағы мұнайдың тығыздығы 0,780 гсм3. ХІ қабаттың құмтасты
қабаттарымен, құмтасты саз пачкалары аралықтарының қанығу сипаттамасы
талдауының өңдірістік-геофизикалық зерттеулерінің мәліметтері бойынша
келесідей заңдылық анықталды. Құмтастар ... жалғасы
Ұқсас жұмыстар
Жетібай кен орны жайлы
Жетібай мұнай-газ кен орны
Қарамандыбас кен орны
Айранкөл мұнай кен орны
Боранқұл кен орны
Гамма теңіз кен орны
Ақшабұлақ кен орны
Өзен жетібай
Амангелді газ кен орны
Құмкөл кен орны
Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор №1 болып табылады.

Байланыс

Qazaqstan
Phone: 777 614 50 20
WhatsApp: 777 614 50 20
Email: info@stud.kz
Көмек / Помощь
Арайлым
Біз міндетті түрде жауап береміз!
Мы обязательно ответим!
Жіберу / Отправить

Рахмет!
Хабарлама жіберілді. / Сообщение отправлено.

Email: info@stud.kz

Phone: 777 614 50 20
Жабу / Закрыть

Көмек / Помощь