Кәсіпорынның маркетингтік іс-әрекеттері

Пән: Маркетинг
Жұмыс түрі: Дипломдық жұмыс
Тегін: Антиплагиат
Көлемі: 52 бет
Таңдаулыға:

КІРІСПЕ

Бітіру жұмысының өзектілігі осы уақытта ҚР экономикасының түбегейлі жүйелік өзгерістерінен туындайды. Микро деңгейде бұл кезең экономикалық субьектілердің іскерлік бағыттары мен шарттарының өзгерісімен сипатталады. Кәсіпорындар мен ұйымдарда басқарудың жаңа жүйесі қалыптасып келе жатқан кезінде негізгі кұрамдастарының бірі - маркетинг жүйесі. Қазақстанда маркетингтің қалыптасуының қажеттілігі жалпы әлемдік басқарудың теориясы мен практикасының тенденцияларымен анықталады. Осымен қатар маркетинг нарық инфрақұрылымының құрамдасы ретінде қоғамның даму тенденциясы, уақыт пен сыртқы орта өзгешілігін айқындайды. Қазіргі отандық жағдайларда маркетинг аумағындағы батыс тәжірибесін толықтай қолдану мүмкін емес. Сол себепті Қазақстанда маркетинг жүйесінің қалыптасуы бағыттары мен мүкіндіктерін, шарттарын анықтау мақсатында маркетигтің дамуының теориялық тұжырымдамаларын құру және оның тәжірибесін талдау маңызды мәселелердің бірі. Қандай да болсын кәсіпорын өзінің серітестерімен нарықтық қарым- қатынаста іс-әрекет етеді. Ал бұл жағдайда тек заманға сай, бәсекелестік қабілеті жоғары өнім шығаратын кәсіп орын ғана жетістікке жете алады. Сол себепті қазіргі нарық жағдайында шаруашылык субьектілерінің табысты жұмыс істеуі үшін осы заманғы ғылыми теория мен практиканың әдіс- амалдарын қолдана білудін маңызы зор.

Бүгінгі таңда қалыптасқан экономикалық жағдайларда кәсіпорындар алдында тұрған жаңа мәселелерді пайымды шешу маркетинг принциптері мен әдістерін қолдану арқылы жүзеге асады. Осы тұрғыда маркетинг өндіруші көзқарасындағы тиімді шығын мен пайда кезінде сұранысты табу, болжау және оны қанағаттандыруға байланысты тұтынушыға негізделген тауар (қызмет) өндіру және басқару жүйесі ретінде сипатталады. Маркетинг кәсіпкерлік, коммерциялық және тағы да басқа шаруашылық іс - әрекеттерде өте жақсы жетістіктерге жетудегі тиімді құрал ретінде қолдану үшін міндетті түрде оның қазіргі таңдағы жаңа әдістемелерін білу керек. Қазақстан Республикасы экономикасының дамуының қазіргі өтпелі кезеңінде түрлі меншік формасындағы кәсіпорындар мен шаруашылық іс - әрекеттерінің әртүрлі масштабтары үшін маркетингтік іс - әрекетті қолдану өте маңызды болып отыр.

Қазіргі таңда көптеген кәсіпорындар өте жоғары тәуекелділікке негізделген стратегиялық шаруашылық аймақтарда жұмыс жасауға міндетті болып отыр. Егер де терең біліміңіз болмаса, онда кәсіпорынның өмір сүруіне төмендегідей сыртқы орта факторлары әсер етуі мүмкін:тұтынушылардың мінез - құлқы, бәсекелестердің позициялары, серіктестерді дұрыс таңдау, тұтынушыларды қызықтыратын тауар және қызмет ассортименттерінің бәсеке қабілеттілігін құру.

Қазақстан Республикасында өндірілетін тауарлар мен қызметтердің көпшілігі бойынша тұтынушылар мұқтаждығының қанағаттандырылуы деңгейі әлі де төмен, осы кезде өндіріс құралдары мен жекелей түрлерінің дамуы әр түрлі қарқында жүруі салдарынан айтарлықтай ішкі салалық және аймақтық диспропорциялардың болуына әкеледі. Сондықтан аймақтық және ішкі салалық теңестігін қамтамасыз ету мақсатында аймақтық аспектіде оның жекелей ішкі салаларының даму деңгейін бағалау қажет. Маркетингтік зерттеулер негізінде жүретін мұндай бағалаудың өзі нарық жағдайының сипаттамасын берумен қатар республиканың жекелей аймақтары бойынша мұқтаждықты тауып, сонымен қатар оны қанағаттандыру үшін талап етілетін инвестиция көлемі мен оның көздерін белгілейді. Қазақстан Республикасы экономикасында болып жатқан құнсыздану үрдісі, жалпы өндірістік қуаттылықтар құнының қымбаттауы, сонымен қатар кәсіпорындардың қалыптасқан қаржылық жағдайындағы өз қоры есебінен дамыту және жаңғырту айтарлықтай ауыртпалықтар тұғызды. Сондықтан өндірушілерге банктік несие немесе тыс инвесторлар қорын жұмылдыру түрінде қарыз қор іздеуіне тура келеді. Осы тұрғыда тіптен қор жетімділігі болуы кезінде республикамызда уақыт талабына сай бәсеке қабілеттілігі жоғары тауарлар мен қызметтер өндіру үшін тұтынушылар талаптарын қанағаттандыратын және олардың көңілдерінен шығатын өнім ұсыну кәсіпорындардың күнделікті іскерлігінде кездесетін өзекті мәселеге айналды. Осындай көптеген ауыртпалықтарды жеңуде маркетинг ғылым, кәсіпкерлік және нақты уақытпен тексерілген тәжірибелік әдістердің қоспасы ретінде нарық шарттарында кәсіп орындардың іс- әрекетін жетілдіру мен өндірістік, өткізу, қаржылық және тағы да басқа сол сияқты кең алмағында көптеген қателіктерден құтылуға көмектесуге қолайлы жағдайлар құратын әмбебеп жүйе болып барады.

Бітіру жумысының негізгі мақсаты - еліміздегі бүгінгі күні қалыптасқан маркетинг теориясы мен практикасын талдай отырып, оның экономикамыздын алға басуында ерекше орын алуы жайлы сөз қозғап, отандық кәсіпорындардың, соның ішінде АЛСИ ЖАҚ -ның маркетингті қолдану процесін зерттей отырып, маркетинг іс-әрекетін әрмен жетілдірудің негізгі бағыттарын ұсыну.

Бітіру жұмысының міндеттері:

Кәсіп орынның маркетинг іс- әрекетінің мәнін зерттеу
Маркетингтік басқару үрдісін қарастыру.
маркетинг іс- әрекетінің ұйымдастыру формаларының негіздерін анықтау.
Нақты бір кәсіпорынның маркетингтік іс- әрекетін талдау.
Нақты бір кәсіпорынның бөлшек сауда іс- әрекетін басқаруды қарастыру.

Бірінші бөлімінде маркетингтің жалпы қысқаша сипаттамасын, функцияларын, яғни қолданылатын әдіс- амалдарды, оның басты заңдылықтары мен принциптерін, маркетингтәк саясаттың негіздері қарастырылады.

Екінші бөлімінде фирманың жалпы сипаттамасы, іс-әрекетінің негізгі бағыттары, маркетингтік жоспарлау және басқару жүйелері қарастырылды.

Үшінші бөлімде маркетингтік іс- әрекетті жетілдіру жолдары, ұйымдастыру құрылымдары, фирманаң бөлшек сауда іс - әрекетін басқару жүйелері тереңірек қарастырылған.

Қысқаша айтқанда, кәсіпорынды басқарудың маркетингтік концепсиясы- бұл тәжірибелі капитанның қолындағы бизнес кемесің көздеген мақсатқа неғұрылым қауіпсіз жолмен жеткізудің компасы және лоциясы болып табылады.

Бітіру жұмысын жазу барысында келесі ақпарат көзідері қолданылады:

Нысанбаев С. Н., Сатыбалдин С. С., Қожаназаров Қ. сияқты отандық экономист ғалымдарының еңбектері
Ф. Котлер, Эванс Дж. Р., Берман Б. сияқты шетел экономист ғалымдарының еңбектері
көпшілік ақпарат құралдарынан жиналған мәліметтер

І КӘСІПОРЫННЫҢ МАРКЕТИНГТІК ІС - ӘРЕКЕТІНІҢ ТЕОРИЯЛЫҚ НЕГІЗДЕРІ

. Кәсіпорынның маркетингтік іс-әрекетінің мәні мен мазмұны

Нарыққа өту жағдайында елімізде өнеркәсіп (кәсіпорын, ұйым) және өткізуді басқарудың нарықтық концепциясы кең танымал болып отыр және ол «маркетинг» деп аталады. Ағылшын сөзінен шыққан «маркет» сөзі, қазақ тіліне аударғанда «нарық» деген ұғымды береді. АҚШ -та шыққан терминдер сөздігінде маркетинг - тауар және қызметті өндірушіден тұтынұшыға жылжытатын фирманың экономикалық іс-әрекеті ретінде көрінген [1] . Ал қазіргі уақытта екі мыңға жуық маркетинг анықтамалары бар. Маркетинг іскерлігі өсіңкілігі және күрделілігін куәлендіретін және оның кешенді сипаттамасын беруге тырысуда, ол бір немесе бірнеше жақтан қарастырылады. Жалпылай әртүлі маркетинг анықтамаларын бірнеше топқа бөлуге болады:

Маркетинг іс- әрекеті нақты мәселелер тізбегі немесе іскерлік бағыттары арқылы анықталады. Американдық маркетинг ассоциациясы (АМА) 1985 жылы келесі анықтаманы құптады:»Маркетинг іс- әрекеті жоспарлау және оның мағыналық енгізілуі, баға белгілну, жылжыту процестерін жүзеге асырып, идеялар, тауар немесе қызметті айырбас арқылы жекелей тұлғалар және ұйымдар мақсаттарын қанағаттандыруды сипаттайды» [2]
Маркетинг нарық шарттарына әсер ету және есепке алу арқылы пайда табуға бағытталған кәсіпорынды басқару жүйесі ретінде қарастырылады.
«Маркетинг - айырбас арқылы қажеттілік және тұтынушылықты қанағаттандыруға бағытталған адам іс - әрекетінің түрі » [3] .
«Маркетингтік іс- әрекет тауарларды құру, ұсыну және айырбас арқылы индивидтер, оның топтарының қажеттілігі мен тұтынушылығын қанағаттандыруға бағытталған әлеуметтік және басқарушылық үрдіс» [4] .

Қарастырылған анықтамалар маркетингтік әр қилы категориялары аспектілерін айқындап, кейбір батыс мамандарының есебінше, берілген сұрақты оқу үшін аз пайдалы, тіптен шектелген мағына түрінде табылатын маркетинг ретінде айқынсыз аумақта және кең анықтаманы үстірт беруге тырысады.

Қорытындылай келе, жоғарыда аталған анықтамалар негізінде маркетингтік іс-әрекеттің тұтынушының қажеттілігі мен сұранысын қанағаттандыруға негізделген іс-әрекет ретінде бизнес философиясына айналуын атап өту керек.

Маркетинг категориясы эволюциясын зерттеуде Дж. Эванс және Б. Берман екі негізгі анықтама топтарын бөліп көрсетеді: классикалық (шектелген) және қазіргі уақыттағы (жалпыланған) . Классикалық анықтамаларында маркетингтік қызмет кәсіпкерлік іскерлік түрі ретінде қарастырылып шектелуіне байланысты болады. Ал маркетинг өзінше даму өлшемі бойынша коммерциялық емес ұйымдар, жекелей адамдар іскерлігі, аймағы, идеялары секілді әр сипаттағы аумақтарды қамтиды. Сол себепті автолар маркетингтік іс- әрекеттің өз анықтамаларын төмендегідей ұсынады: «бұл айырбас арқылы тауар, қызмет, ұйым, адамдар, аймақ және идеяларға сұранысты болжау, басқару және қанағаттандыру» [5] .

Қызықты маркетинг категориясының анықтамасы Дж. Гильберт еңбегінде сипатталып, оның маңызды үш мәнін бөліп көрсеткен:

біріншіден, бұл анықталған функциялар, топтар немесе фирманың ішкі бөлімдеріне (жарнама, өнімді жылжыту, өткізу, сатып алушыларға қызмет көрсету, баға белгілеу саясатына және т. б. ) қатысты басқару іс- әрекеті;
екіншіден, маркетингтің әлеуметтік ролін атап өтуде көбінесе маркетинг сөзі макроэкономикада маркетинг жүйесі түсінігі баламасы ретінде пайдаланылады;
үшіншіден, бұл фирманы басқару философиясы болып табылып, маркетинг қызметіне ғана қарасты жүрмей жоғары басқару деңгейінде жүзеге асады.

Тарихи түрде фирмалар алдымен ішкі маркетингті дамытып, біртіндеп өндірістік - коммерциялық іс- әрекет көлемін кеңейте отырып, өзі орналасқан аймағының шегінен шыға бүкіл елге маркетингтік іс-әрекетін таратады.

Қазақстан Республикасына қатысты тұтынушылық нарықта, өндіріс құралдары нарығында және қызметтер аумағында, кәсіпорындарда маркетинг іс-әрекеті бір уақытта қолданылып, осы кезде қызметтер аумағында (әсіресе, жарнамалық бизнес, банктік және қаржылық аумақ, саудада) біршама үлкен қарқынмен дамып келе жатқанын атап өтуге болады.

Маркетингтік іс-әрекет функциялары - тауар және қызмет маркетингінің үрдісін іске асыруда қолданылылатын мамандандырылған іс- қимылдың жеке түрлері мен олардың жиындысы.

Маркетинг фукциялары өзара байланысты әрекеттер кешенін сипаттайды (1- сурет) .

Маркетинг іс-әрекетімен айналысатын ғалымдар мен тәжірибесі мол мамандар әр түрлі сипатта функциялар аттары мен мағынасын береді. Мәселен, маркетинг бойынша әйгілі ғалымдар Дж. М. Эванс және Б. Берман айтуынша: «Маркетинг іс-әрекетінің негізгі функциялары болып табылатындар: қоршаған ортаны талдау және нарықты зерттеулер, тұтынушыларды талдау, тауар (қызмет) жоспарлау, өткізуді жоспарлау, тауарды жылжытуды жоспарлау, бағаны жоспарлау, әлеуметтік жауапкершілікті қамтамасыз ету мен маркетингті басқару».

Кәсіпорынның ішкі және сыртқы ортасын талдау: Кәсіпорынның ішкі және сыртқы ортасын талдау

Жаңа тауар концепциясын қалыптастыру: Жаңа тауар концепциясын қалыптастыру

Кәсіпорынның ішкі және сыртқы ортасын талдау: Рыноктарды талдау

Жаңа тауар концепциясын қалыптастыру: Маркетингтік зерттеулер негізінде тауарларды өндіруді жоспарлау

Кәсіпорынның ішкі және сыртқы ортасын талдау: Тұтынушыларды талдау

Жаңа тауар концепциясын қалыптастыру: Тауар қозғалысы, өткізу және сервисті жоспарлау

Кәсіпорынның ішкі және сыртқы ортасын талдау: Бәсекелестік және бәсекелестерді талдау

Жаңа тауар концепциясын қалыптастыру: Сұранымды қалыптастыру мен өткізуді ынталандыру

Кәсіпорынның ішкі және сыртқы ортасын талдау: Тауарларды оқу

Жаңа тауар концепциясын қалыптастыру: Баға саясатын қалыптастыру және жүзеге асыру

Кәсіпорынның ішкі және сыртқы ортасын талдау:

Жаңа тауар концепциясын қалыптастыру: Маркетингтік бағдарламаларды құру және жүзеге асыру

Кәсіпорынның ішкі және сыртқы ортасын талдау:

Жаңа тауар концепциясын қалыптастыру:

Марктингті ақпараттық қамтамасыз ету: Марктингті ақпараттық қамтамасыз ету

Маркетингті басқару (тәуекелділік, пайда, тиімділіктер мен маркетинг рәсімдерін жоспарлау, жүзеге асыру және бақылау): Маркетингті басқару (тәуекелділік, пайда, тиімділіктер мен маркетинг рәсімдерін жоспарлау, жүзеге асыру және бақылау)

1-сурет. Маркетинг функциялары.

Мұндай жинақ шартсыз түрде маркетингті іс-әрекеттің толық функционалдық спектрін сипаттайды. Бірақ басқа жерде олардың тоқтауынша: «Маркетинг ауқымы кең, яғни баға белгілеу, қоймаға сақтау, орау, сауда маркасын құру, өткізу, сауда персоналын басқару, несие, тасымалдау, әлеуметтік жауапкершілік, бөлшек сауданы орналастыру үшін орын таңдау, тұтынушыларды оқу, көтерме және бөлшек сауда, жарнама, қоғаммен байланыс, нарықты зерттеулер мен тауарды жоспарлау, кепілдік берумен байланысты болады».

Функциялардың мәні және мағынасы бойынша жоғарыда көрсетілгеннен басқа келесі толықтыруларды енгізеді: ситуациялық басқару; ақпараттық цикл; жаңа бәсекелестік қабілетті идеяларды құру; ұзақ мерзімді жеміске негізделу; бірдей өнімнің негізгі құрамдастары массалық арзан өндірісіне негізделу; дүниежүзілік нарықта сұранымды есепке алу; маркетингтің стандарттық бағдарламаларын қолдану; маркетингтегі серіктестік [5] .

Маркетингтік іс-әрекет үрдісінде жалпы және нақты функциялар орындалады (2-сурет) . Мысалға сұранымға зерттеу жүргізу кезінде талдау, болжау және мақсатты қою, жоспарлау мен маркетингтің басқа жалпы функцияларының барлығы орындалады.

Қорытындылай келе жоғарыда аталып кеткен мәселелерден маркетингтің барлық функцияларын екі критериймен жіктеуге болады: мағынасына қарай және маркетингтік әсер етудің обьектісі бойынша. Біріншісін жалпы, ал екіншісін нақты деп атауға болады. Біздің есебімізше, маркетинг функцияларын мағынасы бойынша келесідей бөлуге болады: талдау, болжау және мақсат қою; жоспарау; есептеу мен бақылау; бағалау.

Маркетингтік әсер ету обьектісі бойынша функциялар келесідей жіктеледі:нарықта сұраныс пен ұсынысты оқу; нарықты сегменттеу; мақсатты сегментті таңдау мен оның сыйымдылығын анықтау; кәсіпорынның маркетингтік ортасын талдау; кәсіпорын мүмкіндіктерін анықтау; тауар саясатын орындау; баға белгілеу және баға саясаты; тауар қозғалысы және өнімді өткізу; сұранымды қалыптастыру және өткізуді ынталандыру; сыртқы экономикалық маркетингтік іс-әрекет; кәсіпорында маркетингтік іс-әрекетті ұйымдастыру.

Салтты түрде маркетингтік іс-әрекет кешенін келесі құрамдастар қатарына бөледі, яғни олар негізгі функциялар тізбегін анықтайды (функционалдық аспект) :

маркетингтік іс-әрекеттің орындалуына байланысты нарық конъюнктурасын және проблемаларын оқу;
кәсіпорынның тауар саясатын құру (тауар жайлы ойды анықтау, оның орындалуы және кешенді толықтырғыш қызметтерін, номенклатура және өнім көптүрлілігін жоспарлау) ;
кәсіпорынның баға саясатын жүзеге асыру;
тауар қозғалысын және өзінің өнімін сатуды ұйымдастыру;
нарыққа өнімді жылжыту (жарнама, ынталандырушы рәсімдер, жекелей сату, паблик рилейшнз(PR) ) ;
маркетингті басқару.

Маркетингтің көрсетілген функцияларының әрбір өзінше маңызды, бірақ өзара байланысты және жиынтық түрде орындалатындары (маркетинг- қоспа (микс) немесе маркетинг кешені - 4 «Р», яғни product - тауар, price- баға, place - өткізу (орны), promotion- тауарды жылжыту, яғни осы элементтердің ағылшынша алғашқы әріптері) маркетинг қағидаларын жемісті жүзеге асыру үшін қажетті шарттарды, оның идеясын нақты тәжірибелі түрде қамтамасыз етеді. Бұл туралы келесі тарауда ашып қарастырамыз.

Жоғарыда аталған маркетингтің функциялары тұтас мәселеге нақтыланып, бір бөлігі арнайы ұйымдарда орындалып, ал қалғаны кәсіпорынның маркетингтік іс-әрекетіне тиеді. Кәсіпорынның орындайтын маркетингтік іс-әрекетінде экономикалық, әлеуметтік, қаржылық, өндірістік, өткізу және зерттеу жұмыстары белгілері болады. Маркетингтік іс-әрекеттің мәні және негізгі функцияларын түсіну кәсіпорында маркетинг қызметінің әрекет етуінің қажетті құрамдас болып табылады. Ол маркетинг іс-әрекетінің қамтитын функциялары мен мәселелерін анықтай отырып, оны жетілдіруді қамтамасыз етуді көздейді.

Басқаруға маркетингтік жақындаудың негізін қалайтын талаптарды айқындауға қатысты американың осы аумақтағы маманы П. Друкердің айтуынша: «Маркетинг бойынша маманды өндіріс соңына емес, керісінше басына қойып, маркетингтік іс-әрекетті бизнестің әрбір фазасына интегралдау керек. Зерттеулер арқылы әрбір инженер, конструктор және өндірушіні клиенттің қандай өнімді көргісі келетінін, қандай бағаны төлеуге келісімдігі, қайда және қандай көлемде тұтынылатыны жайлы деректеме беруі тиіс. Маркетингтік іс-әрекет проектілеу, өнімді жоспарлау, экономикалық талдау, тарату, өткізу және өнім бойынша қызмет көрсетуге әсер етеді».

Қазіргі уақытта республикамызда көптеген кәсіпорындар не өндіре алса, соны сатып, тұтынушылардың қажеттілігі және оны қанағаттандыру көп есепке алынбай отыруының бір басты себебі функционалдық қызметтер және маркетинг арасында ақпаратты алмасу және өзара байланыстар толықтай жетіле қойған жоқ.

Маркетинг кәсіпорын іскерлігінің барлық басқа да жақтарымен тығыз өзара байланысты болады. Көбінесе басқа бағыттағы салалар маркетингтің дамуына шектеулер ретінде әрекет етуімен бірге бәсекелесті сыртқы ортада өзінше шаруашылық субъектілерінің тиімді дамуының қажетті шарттары болып табылады [6] .

Батыстағы экономикалық ғылымдарда қалыптасқан маркетингтің түсініктерін және қағидаларын салыстырмалы талдау арқылы барлық отандық кәсіпорындарға қатысты, жекелей республикамыздың кәсіпорындарында маркетинг жүйесінің даму тұжырымдамаларын құру кезінде келесі ойлар қолданылған:

кәсіпорындарда маркетинг жүйесінің қалыптасуы және дамуы үшін қажетті экономикалық шарттарды құру;

маркетингтің анықталған функциялар кешені ретінде, кәсіпорынды басқарудың орта деңгейінде жүзеге асырылуы және басқару философиясы ретінде болуы сияқты екі жақты табиғатын есепке алу;
маркетингтің функционалдық құрамдастарын кешенді қолдану;
тауар және баға саясаты, өткізу мен тауарды нарыққа жылжыту, нарықты зерттеу және маркетинг қызметін басқарумен толықтырылған;
маркетинг қызметін құрылымдық ұйымдастырылып, маркетинг және басқа да кәсіпорынның функцияларының интеграциялануға бағытталуы;
басқарудың маркетингтік қағидаларына өту кезінде кәсіпорынның басқару жүйесінің өзгеруі.

Нарықтық қатынастарға өту кезіндегі маркетингті ұйымдастыру процесіне сыртқы ортаның өзгерістері, соның ішінде заң шығару базасының жетілдірілуі айтарлықтай ықпал етеді. Сыртқы ортаның қалыптасқан факторлары жағдайын талдау отандық кәсіпорындарда маркетинг жүйесін ұйымдастыруды қаржыландырудың жетімсіздігін объективті анықтайды. Бұл осы іскерлікте тәжірибе тапшылығымен қатар нарық шарттарында білікті жұмысты қамтамасыз ету үшін қажет маркетинг жүйесінің ресурстық потенциал элементтерінің барлық түрлерінің (кадрлық, қаржылық, техникалық, әдістемелік және т. б. ) жеткіліксіздігіне әкеледі (3-сурет) .

Осы көрсетілген суретте өтпелі кезеңде фирмаларда маркетинг жүйесін ұйымдастырудың объективті проблемаларын анықтайтын факторлар келтірілген. Қазақстан кәсіпорындарында маркетингтік іс-әрекет жүйесін ұйымдастырудың мәселелерін шешу үшін салалық өзгешеліктерді есепке алу маңызды болғандықтан кәсіпорындағы (фирма, ұйым) маркетинг іс-әрекетін басқару процесі келесі тарауда көрініс алады.

2-сурет. Кәсіпорындарда маркетинг жүйесін ұйымдастырудың негізгі объективті проблемалары

1. 2 Кәсіпорынның маркетингтік іс-әрекетін басқару процесі

Қазіргі уақытта өзіміз көріп жүргеніміздей, маркетинг іс-әрекеті кәсіпорынды нарыққа бағыттап басқарудың философиясы болып табылады. Ал практикалық маркетингтің кешені, маркетингтік іс-әрекет - бұл өндіріс немесе ғылыми - зерттеу жұмыстары (ҒЗЖ) сияқты басқарудың объектісі. Осыған байланысты маркетингтік іс - әрекетті басқару жүйесі және оның құрылымы мен қызметтері: жоспарлау, ұйымдастыру, бақылау, реттеу және санақтау болып табылады. Бұл мәселе әлі толығымен анықталмаған, сондықтан оның ең анық элементтеріне тоқтала кетейік.

Жоғарыда айтылғандардан бізге мыналар белгілі: маркетингтік іс - әрекеттің ең маңыздылары болып нарықты зерттеу және тауар өндіруші кәсіпорынның нарықтық мүмкіндіктерін талдау және жоспарлау, маркетингтік саясаттың кешенін құрастырып және іске асыру танылады. Осы жерде тағы айта кетелік, маркетинг іс- әрекеті ҒЗЖ, өндірісте, жоспарлауды және т. б қызметтерді өзі атқармайды, ол осы және басқа қызметтердің түрлерін, тауар өндірушінің нарықтық мақсаттарын ескере отырып, шешімдер қабылдауда қажетті ақпаратпен қамтамасыз етеді.

Маркетинг концепциясы күрделі әлеуметтік - экономикалық құбылысты сипаттайды. Ол басқарудың тіптен жаңа өзгеше функциясын орындауды талап етеді. Маркетингті тиімді басқару үшін әрбір фирма маркетинг қызметін ұйымдастыруы тиіс.

Кәсіпорынның маркетингтік іс- әрекеті - бұл маркетинг қағидалары мен әдістері негізінде әрекет ететін арнайы бөлімше. Кәсіпорынның маркетингтік іс - әрекеті өзіне экономикалық жоспарлау, техника - өндірістік, зерттеушілік, өткізу мен валюта қаржылық сипаттағы кешенді жұмыстарды шоғырландырып, оның персоналының теоретикалық және практикалық дайындығының жоғары деңгейін талап етеді.

Маркетинг іс - әрекетінің қалыптасуына кәсіпорын жағдайына орай әсер етуші факторлар мен жағдайлар шарттары ықпал етеді.

Анықтаушы фактор деп кәсіпорын мақсаттарын атауға болады. Кез келген компания немесе фирма күрделі аумалы - төкпелі маркетингтік орталықта әрекет жасайды. Егер компания өмір сүргісі келсе, түрлі - түрлі тұтынушылар топтарына қажетті бағалы заттарды шығаруды ұсынуы керек.

Компания нақтылы нарықта оның мақсаты тауар ассортименті көкейкестілігін сақтайтындығына сенімді болуы керек.

... жалғасы

Сіз бұл жұмысты біздің қосымшамыз арқылы толығымен тегін көре аласыз.