Қашықтан оқу технологиясы

Пән: Информатика, Программалау, Мәліметтер қоры
Жұмыс түрі: Дипломдық жұмыс
Тегін: Антиплагиат
Көлемі: 64 бет
Таңдаулыға:

Кіріспе

Қазіргі кездегі жүріп жатқан жаһандану үрдісі әлемдік бәсекелестікті күшейте түсуде. Тіпті бірқатар дамыған елдерде бұл идея ұлттық қағидаға айналған. Сондықтан халықаралық ұйымдар әлем елдерінің бәсекеге қабілеттілігінің рейтингін анықтауға кірісті. Елбасы Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында «Білім беру реформасы - Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдарының бірі» деп атап көрсетті.

Қай заманда да өркениеттің дамуы интеллектуалдық шығармашылық қабілеттіліктің негізінде жасалынған, әлі де солай болып келеді. Шығармашылық адам санасының жасампаздығын және іс-әрекетінің биік белсенділігін көрсетеді. Адам қабілетінің дәрежесі, оның кәсіби іскерлік шеберлігі, бизнес пен кәсіпкерліктің нәтижелілігі, жаңалық ашуы тұлғаның шығармашылық ойлауына қатысты анықталады.

Оқытушы жеке көзқарасы бар, соны қорғай білетін жігерлі тұлға, зерттеушілік, ойшылдық қасиеті бар маман, білімді де білікті, көп оқитын, көп тоқитын, білімін күнделікті ісіне шебер қолдана білетін, өзінің оқушысын өз бетінше білім алуға үйрете алатын болу керек. Бұл өмір талабы. Оқытушыда ұйымдастырушылық, құрылымдық, бейімділік, сараптамалық қабілеті болуы шарт. Ол сонымен қоса ұлттық құндылықтарды яғни, этнопедагогика, этнопсихология негіздерін меңгеру қажет. Ғаламдасуға байланысты «интернет» жүйесін жетік меңгерген, әлемдік білімге сай, мәдениеті жоғары, жеке тұлға тәрбиелей алатын ұстаз болуы қажет. Осыған қарап ХХІ ғасырда мұғалімге қойылатын талаптар зор екенін көреміз.

ХХІ ғасыр - бұл ақпараттық қоғам дәуірі, технологиялық мәдениет дәуірі, айналадағы дүниеге, адамның денсаулығына, кәсіби мәдениеттілігіне мұқият қарайтын дәуір. Бүгінгі білім мазмұны оқытушы мен оқушының арасындағы байланысты субъективті деңгейде көтерудегі демократиялық бастамалардың барлығы оқытушылар арқылы жүзеге асырылады.

Қазіргі таңда дәстүрлі оқыту әдістемесінің заман талабына сай толық білім беруге, меңгертуге кепілдік бермейтіндігін мектеп тәжірибесі көрсетіп отыр. Сондықтан жаңартылған әдістемелік жүйенің оқыту процесінде іске асу үшін оны технологияландыру қажеттілігі туады.

Білім беру үрдісін ақпараттандыру - жаңа ақпараттық технологияларды пайдалану арқылы дамыта оқыту, дара тұлғаны бағыттап оқыту мақсаттарын жүзеге асыра отырып, оқу-тәрбие үрдісінің барлық деңгейлерінің тиімділігі мен сапасын жоғарлатуды көздейді.

Электрондық оқулықпен оқытудың негізгі мақсаты - оқыту үрдісін үздіксіз және толық деңгейде бақылау, сонымен қатар ақпараттық ізденіс қабілетін дамыту.

Бұл дипломдық жұмыста қашықтан оқудың берілген материалдарын қолдану, әртүрлі техникалық мүмкіндіктермен байланысты оқытудың дәстүрлі тәсілдерін кеңейтумен байланысты. Әртүрлі оқытудың қазіргі кездегі техникалық амалдары түбірімен дәстүрлі әдістерді кеңейтіп және жаңарту негізінде, сонымен қатар оқытушы ролін өзгерте отырып, оқу материалдарын өзіндік үйренуге мүмкіндік береді.

Оқытуды ақпараттық-техникалық үлгілеу жеке оқыту материалдарын жаңартып, оқытушы мен студенттің байланысын және байланыс құралдарының жаңарып отыруына, сонымен қатар оқу жүйесін ұйымдастыруда жаңа бағыттарды пайдалануды қамтамасыз етеді.

Осы орайда, дәстүрлі әдістерді толығымен жойып, жаңа әдістерді жасап, оны қолдану деген мағынаға қайшы, яғни дәстүрлі әдістерді пайдаланып, оны жаңғыртып жаңа телекоммуникациялық технологияларды пайдаланып оны өмірге енгізу болып табылады.

Компьютерлік телекоммуникациялар қазіргі уақытта тек жаңашылдық белгі ғана емес, телекомуникацияның алдағы күнге тіке қарау. Компьютерлік телекоммуникациялар немесе "телекоммуникациялар" - қашықтан оқудағы бір компьютерден екіншіге беру құралы болып табылады.

Бүгінгі күні Интернеттің негізгі идеясы - гипермәтінді белгілеу тілін (НТМL) пайдалану. Оның интерпретаторы (машина тіліне тасымалдау) болып-browse(қалауынша кім қалай атайды - броузер немесе браузер) бағдарламасы болып табылады. Броузер Web парақтарды көру үшін арналған бағдарлама. Бұл бағдарламаларды әйгілі Місrosoft Internet Ехрlorer және Netcape Navigator фирмалары дайындаған.

Ақпараттық технология қоғамның ақпараттық ресурстарды қолдану үрдісін құраушылардың маңыздырағы болып табылады . Қазіргі негізге дейін ол бірнеше эвалюциялық сатыдан өтті. Олардың ауысуы ең бастысы ғылыми- техналогиялық прогресстің дамуымен, ақпаратты қайта өңдеудің жаңа техналогиялық құралдарының пайда болуымен анықталады. Қазіргі қоғамда ақпаратты қайта өңдеу техналогиясының негізгі техналогиялық құралы- қызметін дербес компьютер атқарады. Ол техналогиялық үрдістерді құру мен қолдану концепциясынада, сонымен бірге нәтижелі ақпарат сапасынада мәнді түрде әсер етті. Ақпараттық техналогиялар терминіне “жаңа ”, “компьютерлік” және “қазіргі кездегі ”синонимдері қосылу есебінен жаңа терминдер пайда болда. Жаңа ақпараттық технология - дербес компьютерлермен телекоммуникациялық құралдарды қолданатын пайдалануының жұмыс істеуінің “достық” интерфейісі бар ақпараттық технология.

“Компьютерлік” термині оны таратудың негізгі техникалық құралы компьютер болып табылатынын көрсетеді.

Жаңа (компьютерлік) ақөпараттық технологияның үш негізгі принципі болады:

компьютермен жұмыс істеудің интерактивті (диологтық) жұмыс режимі;
басқа да бағдарламалармен интеграциялылығы (сәйкестігі, өзара байланысы) ;
мәліметтердің де алға қойылған міндеттердің де өзгерту үрдісініің нақтылығы.

Материалдық өндірістің технологиялық үрдісін таратуқұрамына мыналар енетін әр түрлі техникалық құралдар көмегімен жүзеге асырылады: жабдық, станоктар, саймандар, канвейерлік сызықтар және т. с. с.

Инструментарий ретінде дербес компьютерге арналған бағдарламалық өнімдердің келесі кең таралған түрлерін қолдануға болады; мәтіндік процессор (редактор) таспа жүйелері, электрондық кестелер, мәліметтер басқару жүйесі, электрондық жазба кітапшалары, электрондық күнтізбелер, функционалдық тағайындалудағы ақпараттық жүйелер (қаржылық, бухгалтерлік, маркетингке арналған және т. с. с. ) ; эксперттік жүйелер және т. б.

Дипломдық жұмысының мақсаты - студенттеріне арналған берілгендер қорын басқару жүйесінен жақсы электрондық оқулық жасау, қолданбалы құралдармен тәжірибені игеру, ақпараттық технологиясымен танысу, сонымен қоса өзге Delphi визуалды ортада электрондық оқулық құру. Пайдаланушы электрондық оқулықты қолдана отырып, «Ақпараттық жүйелердің интерфейсі» пәні бойынша өзінің ой өрісін дамытады.

Зерттеу объектісі: Delphi ортасында «Ақпараттық жүйелердің интерфейсі» пәні бойынша электрондық оқулық құру.

Жұмыстың қолдану облысы: бұл электрондық оқулық орта және жоғары оқу орындарында қолданылады.

Дипломдық жұмыста HTML гипермәтіндік тілінің технологиялар мүмкіндіктерін және принциптерін электрондық оқулық жасауда қарастырдым, сонымен қоса электрондық оқулықты, өзге бағдарламалармен (Borland Delphi) байланыстырып жаңа бір үлгідегі электрондық ресурс жасадым.

Дипломдық жұмыстың өзектілігі: мұндай құрылған бағдарлама әсіресе Интернетте электрондық оқулық құру технологиясын жетiлдiруге және көптеген пайдаланушыға білімін көтеруге көмектеседі.

Бірінші бөлімде, қашықтан оқу оқытушы мен арадағы қатынасты компьютерлік желі, аудио- және видео байланыс, баспа құралдары арқылы ақпарат алмасуды қамтамасыз ететін арнайы технология қарастырылған.

Екінші бөлімде, клиенттік компьютерде HTML- файлын көрінерлік бейнеге ауыстыруды және WWW обьектісіне қатынауды жүзеге асыратын браузер-бағдарламасы болуы керек. Бұл файлдар қолданушының операциялық ортасына тәуелсіз қол жетерліктей болуы керек. Соның барсында, серверлік қосымшалар клиенттен инвариантты құрылуға міндетті және олардың өңделуі әмбебапталған клиенттің бар болуына және корпорацияның функционалды тапсырмаларын жүзеге асыруға толығымен бағытталған болуы керек.

Үшінші бөлімде, оқу құралының қалай құрылыалатындығы және оның түрлері қарастырылған. Электронды оқу құралының жасалуы, талабы, міндеті, кімдерге арналғандығы туралы мәліметтер қарастырылған. Сонымен қатар, жүйелік талап та бар.

Сонымен қатар, электронды оқулық, оның мақсаты мен міндеттері, талаптары және оқушы қауымға ыңғайлылы туралы сөз болады.

1 қашықтар оқу

1. 1 Қашықтан оқудың негізгі түсініктері

Қашықтан оқу оқытушы мен оқушының орналасқан аймақ арасы мен уақыт мүмкіндіктерін қолданып оқыту әдісі болып табылады. Сонымен қатар, қашықтан оқу оқытушы мен арадағы қатынасты компьютерлік желі, аудио- және видео байланыс, баспа құралдары арқылы ақпарат алмасуды қамтамасыз ететін арнайы технология.

Осы жағдайда қашықтан оқу алыс жерде тұратын немесе басқа әдістермен білім ала алмайтын студенттерге арналған тиіміді оқу түрі болып табылады.

Сонымен, қашықтан оқу келесі негізгі белгілермен сипатталады:

білім алу қажеттілігі және оны көрсету мүмкіндіктері;
студент пен оқытушының үнемі контактта болмау мүмкіншілігі;
студент пен оқытушының байланыс жүйелерінің көмегімен техникалық өзара байланысын іске асырады;
педагогикалық алмасу технологиясына сәйкес, қашықтан оқу үшін арнайы дайындалған дидактикалық материалдардың болуы.

Осы анықтама арқылы кең тараған оқу формасын дәстүрлі түрдегі баспа материалдарынан әртүрлі аудио- және видео- курстар, сонымен қатар оқу фильмдерін қоса өзіндік оқуды қамтитын оқудың әртүлі формалары болып келеді.

«Қашықтан оқу» термині барлық оқушылар мен оқытушылар үшін және алыс арақашықтықтан білім алатындар үшін, әртүрлі үлгілердің қолданылу түрін білдіретін атау.

Қашықтан оқу түрлерін қолданатын басқа да білім алу түрлері оқыту процессінің басты құрайтын негізіне негізделеді, яғни:

пән мазмұнын баяндау;
оқытушылармен өзара байланысу;
тәжірибелік тапсырмаларды орындау.

Қашықтан оқудың берілген материалдарын қолдану, әртүрлі техникалық мүмкіндіктермен байланысты оқытудың дәстүрлі тәсілдерін кеңейтумен байланысты. Әртүрлі оқытудың қазіргі кездегі техникалық амалдары түбірімен дәстүрлі әдістерді кеңейтіп және жаңарту негізінде, сонымен қатар оқытушы ролін өзгерте отырып, оқу материалдарын өзіндік үйренуге мүмкіндік береді.

Қашықтан оқытудың дәстүрлі оқыту формасынан айырмашылығы келесі түрде сипатталады:

тиілімділігі, бұл жерде пәнді оқып үйрену үшін уақыт шектелмеген және ыңғайлы орында отырып үйренуге болады;
модульділігі, жеке және топтық қажеттілікке жауап беретін тәуелсіз түрдегі оқу курстарының жиынынан тұратын оқу жоспарын қалыптастыру;
параллельділігі, яғни оқу өндірістен тыс емес түрде өзінің кәсіптік жұмысымен қатар түрде білім алу;
қамту, оқуға қажетті ақпараттарға (электронды кітапхана, мәліметтер қоры және тағы басқа оқу көздері), оқытушымен байланыс және студенттердің өзара ақпарат алмасуы желі арқылы бір мезгілде хабар алмаса алу мүмкіндігі;
электронды оқу құралдары және техникалық құралдарды тиімді түрде алудың үнемділігі;
технология, оқу процесінде қазіргі заманға ақпараттық және телекоммуникациялық технологиялардың мүмкіндіктерін пайдалану;
әлеуметтік теңділігі, барлық студенттердің материалдық жағдайына, денсаулығына, тұратын жеріне шек қойылмай, білім алу;
экспорт және импорт мүмкіншіліктерін оқу қызметі нарығында дүние жүзілік жеткен табыстарды пайдалану.

Жаңа әдістер мен оқыту технологиялары қашықтан оқуда теория мен тәжірибеге жаңа ұйымдастырушылық формаларды әкелді, олар келесі түрде:

виртуалды оқу топтары, топтардың оқу әдістері мен пәндерінің бірдей болуын қамтамасыз етеді;
алға қойылған мақсаттарды шешуде, кейбір тәжірбелік есептерді шығаруда, олардың ортақ жұмысының болуы;
білім жүйесінің алыстатылған жүйесі, оқу процесінің үздіксіз қамтамасыз етілуі мақсатындағы оқытушы мен студенттердің арасында үнемі ақпараттық байланыстың болуы;
кері байланысы бар телекоммуникациялық құралдар, қандай да бір жағдайда студент жұмысының даралығын жүзеге асырудағы оқу процесінің жылдамдығы;
сұхбаттық оқу технологиялары, кәдімгі телефон байланысынан басқа да, телеконференция және электронды поштаны қолдану.

Қашықтан оқу оқытушы ролін кеңейту мақсатында, үнемі өзі оқитын пән курсын жаңартып отыруды талап етеді. Студентке де қойылатын талап өседі, оның компьютерлік техникамен жұмыс атқаруына да көп көңіл бөлінеді.

Информатизация жағдайында қащықтан оқу процесі қазіргі заман талабына сай көптеген өзгерістер әкеп қана қоймай, глобальді түрде оқу ортасын жаңадан қалыптастырды. Әртүрлі оқу процесі мен ортасын өзара байланыстыру, ақпарат алмасу мен беріліс технологияларының әртүрлілігін қосып қана қоймай, оның қажеттісін пайдалануға көмектесті.

Қашықтан оқуды дамытуда кілттік тенденциялар болып келесілер табылады:

ақпарат берілісінің диверсификация әдістері;
оқу мекемелерінің телекомуникациялық бірігуінің пайда болуы;
білім алу процесінде студенттің белсенділігі;
оқытудың бақылау нәтижесін тиімді жүйеде жасау.

Бұрынғы кезде білім алудың алыстатылған формадағы технологиясы баспа оқу материалдарына, аудио- және видео- жазбаларының таралуына негізделсе, ал қазір қазіргі заманғы телекоммуникациялар негізінде интерактивті қолдануға рұқсат береді.

Кең ауқымды ақпараттық ресурстардың жинақталуы студентке білім алу процесінде өзіндік бақылауға және ақпараттық білім алудағы мәліметтерді әртүрлі байланыс арналары арқылы меңгеруге рұқсат береді, осының барлығы қашықтан оқудың көп амалдылығына әкеліп соғады.

Алдымен, қашықтан оқудың көпамалдылығы оқу мекемелеріндегі оқыту процесін басқару және ұйымдастыру принциптеріне әкеп соғады, оқытушылар құрамын дайындау, жаңа әдістер технологияларын меңгере алатын болуы керек.

Алғашқы кезде оқу мекемелері көмекші элемент ретінде оқытудың техникалық жағдайына бағытталса, ал қазіргі кезде оқытушы құрамының техгикалық, ақпараттық дайындығы бірінші жоспарға шықты.

Оқытудың қазіргі заманғы әдістерін меңгеру оқу формалары бойынша студенттердің қажеттілктерін қанағаттандыруы керек. өз кезегінде қазіргі заманғы технологиялар оқыту процесін өзгертеді.

Оқу аспектілері ақпараттық жағынан дамуда, ал білім алу технологиялары оқөу мекмесінің ақпараттық инфра құрылымының бірден бір элементі болып табылады, ол әкімшілікке де, оқытуға да қатысты.

Осы технологиялық инфрақұрылым оқу мекемелерінің мүмкіншіліктерін кеңейтеді, білім алудың дәстүрлік формасына қашықтық және уақыт бойынша да шек қоймайды.

Ақпараттық технологиялар қазіргі кездегі педагогикалық ғылымда оқыту ортасына жаңа статус берді, ол ақпарат алмасудың жаңа амалдарына байланысты.

Негізінен қашықтан оқу жүйесі былай сипатталады:

Мемлекеттік стандартқа сай оқу мақсаты қалыптастырылады.

Оқу құрамына әлеуметтік тапсырысқа педагогикалық модель кіреді, сонымен қатар оқыту процесі, жүзеге асыру үшін ұйымдастыру формалары мен әдістері оның мазмұнымен анықталады.

Оқыту объектілері болып білім алудың осы формасындағы қолданушылар болып табылады (студенттер, тыңдаушылар, оқушылар және тағы басқалары) .

Қашықтан оқу субъектлері болып оқытушылар саналады. Олар оқу процесінің басты буыны ретінде үлкен ролге ие. Осындай қажеттіліктерге сай, қашықтан оқыту жүйесінде оқытушыларды тьютор деп жаңа термин қолданылады, яғни олар оқытушы-кеңесшілер деген мағынаны білдіреді, бұл мамандар информатиканы және телекоммуникацияны жаңа білулері қажет.

Қашықтан оқу формасы бес жалпы дидактикалық әдістерді қамтиды:

ақпаратты-рецептивті;
репродуктивті;
проблемалы;
эвристикалық;
зерттеушілік.

Олар оқытушы мен студенттердің өзара байланысуының педагогикалық әдістерінің жиынына ие.

Материалдық, техникалық құралдармен жабдықталған комплекстерге ие болуы керек.

Жекеленген-бақылаудың әкімшілік жүйесі кіріс бақылауының ерекшеліктерін анықтайды.

Қаржы-экономикалық ішкі жүйе - құқықтық нормативтермен қоса қаржылық мәселермен айналысады.

Заң актлерімен айналысуы керек, яғни тьютордың еңбегі, жекеменшікті қорғау, аттестациялау, көмектер, оқу мерзімі туралы мәселермен айналысады.

Маркетингтік ішкі жүйе - мұнда тек оқу орындары ғана емес, мемлекет те тапсырыс беруші және тұтынушы роліне ие болады.

Көрсетілген қашықтан оқу түрінің қалыптасуының ұйымдастырушылық негіздері келесі ерекшеліктерге ие:

оқудың үздіксіздігі;
оқу процесін жүргізудегі ашықтық және жеке бағыттарға сүйену;
басты оқу орнына негізделген орталықтандырылу;
оқытушы-кеңесшілердің болуы (тьюторов), олар әр пәнге сай орайластырылған болуы шарт.

Қашықтан оқу формасында дәстүрлі құралдардан басқа да мынадай қосымшалар болады:

электронды оқу баспалары;
компьютерлік оқу жүйелері;
аудио- видео оқу материалдары.

Электронды оқу құралдары қағаз құралдарды толықтыра отырып, мынадай ерекшеліктерге ие болады:

компьютер жадысында ыңғайлы түрде сақталған,
гипермәтіндік мүмкіндіктер,
тез түрде өзгерістер енгізуге болады,
электронды пошта арқылы жіберуге болады.

Қосымша материалдар магнитофон, видеомагнитофон немесе лазерлі компакт-дисктерді қолданады.

Бірақ негізгі шарт болып компьютер желісін пайдалану табылады.

1. 2 Қашықтан оқудағы технологиялар

Қашықтан оқу қазіргі уақытта компьютер желісіне негізделген. Бұл ғылым, өндіріс, өнеркәсіп, білім саласын өте кең қамтыған.

Телекоммуникациялар (грек тілінен аударғанда tele - алыс, латын тілінде communicatio - қарам-қатынас мағынасын білдіреді) - бұл ақпарат берілісінің барлық түріне қатысты, яғни радио, телевидение, телефон, телеграф, телетайп, телекс, телефакс, сонымен қатар компьютерлік телекоммуникациялар.

Сервистік ақпараттық технологиялар:

видеомәтін;
көріністерді сақтау;
мәтіндік құжаттарды жасау және өңдеу үшін мәтіндік процессор;
кестелік мәліметтермен көптеген операцияларды орындайтын, оларды диаграмма және грфиктер түрінде безендіретін, инженерлік, финанстық және статистикалық есептерді жүргізетін кестелік процессор;
үш өлшемді компьютерлік графиканы, дыбысты және виртуальдық нақтылықты қолданумен ақпараттарды біруақытта көрсетуге арналған мультимедиа;
электрондық оқу курстарын жасауда көп қолданылатын мәтін бойынша немесе кез келген орынға аусатын гипертекст.

Компьютерлік қашықтан оқу білім беру мәселелерінің спектрінде қолданылады, мысалы:

оқудың сырттай формасына негізделген университеттерде;
оқудың күндізгі және сыртқы формасын қолданылатын университеттерде;
қосымша білім алғысы келетін тұлғаларға арналған программаларда;
студенттер кез келген курста күндізгі не сырттай оқу формасын таңдауға болатын оқу мекемелерінде;
орташа білімді немесе жоғарғы оқу орнының студенттерін біріктіретін халықаралық жобаларда;
білім алумен байланысты әлеуметтік программаларды өткізуде.

Білім беруде ақпараттық технологияны қолдану оқудың виртуалдық формасына ауысуына әкелі соғады. Сонымен оқушы өз үйінде отырып, сабаққа қатыса алады. Виртуалдық нақтылық телебағдарламаны көруден айырмашылығы студент экранда болып жатқанға қатыса алады, яғни сұрақ беріп, оған жауап ала алады. Студент үйден шықпай, жер шарының кез келген жерінен кез келген оқу орнын таңдап, оған түсе алады. Виртуальдық тренажерлар нақтылықтың толық әсерін береді. Визуалды және дыбыстық элементтердің сапасын арттырумен нақтылықтың барлық жағын үлгілей алады.

Қазіргі заманғы қашықтан оқу жүйесінің негізі болып компьютер желісі табылады.

Қандай компьютер болса да өзімен бірге аналық плата негізінде біріккен әртүрлі құрылғылар жиынтығын береді. Сондықтанда аналық плата мультимедиалық жүйенің негізгі элементі болып табылады және көбіне жүйелік болып аталады. Аналық плата өзімен өткізгіштер тізімін, chipset және слоттарды ұсынады. Өткізгіштер тізімі шина деп аталады. Шиналар басқару, адрестеу және мәліметтерді беру қызметін атқарады

Аналық плата - дербес компьютердің негізгі платасы. Онда мына құрылғылар орналасады:

... жалғасы

Сіз бұл жұмысты біздің қосымшамыз арқылы толығымен тегін көре аласыз.