Қазақстандағы автотранспорттың экологиялық қауіпсіздігінің проблемалары және оны шешу жолдары

Пән: Транспорт
Жұмыс түрі: Дипломдық жұмыс
Тегін: Антиплагиат
Көлемі: 66 бет
Таңдаулыға:

РЕФЕРАТ

Бітіру жұмысы кіріспеден, үш бөлімнен, беттен, суреттен, кестеден, қорытынды бөлімнен, қолданылған әдебиеттер тізімінен тұрады.

Кілттік сөздер: Стандарт, стандарттау, Евро стандарттары, шығарындылар, экологиялық кезең, шығарындылардың үлестiк нормативтерi, қоршаған орта сапасының нормативтерi, мемлекеттiк экологиялық бақылау, экологиялық қауiпсiздiк, экологиялық нормалау, қауiптi қалдықтар.

Зерттеу тақырыбының өзектілігі. Автотранспорттың экологиялық қауіпсіздігінің проблемалары мемлекеттің экологиялық жағдайының құраушы бөлігі бола отырып, күннен-күнге өзекті мәселе болып отыр.

Жұмыстың мақсаты: Автотранспорттық құралдар мен жанар майлық материалдардың пайдаланылған газының уыттылығын азайтуға экологиялық талаптарды арттыру қажеттілігін бекітуге зерттеу жүргізу, сондай-ақ Қазақстандағы Евро экологиялық стандартын адымдап енгізуге техникалық регламент жобасы мен ұсынысын дайындау.

Зерттеудің міндеттері:

Автокөлік транспортының әсерін үлкен қалалардағы және бүкіл Қазақстан Республикасындағы экологиялық жағдайға зерттеу;
Қазақстанға Евро экологиялық стандарттарын енгізудің қоғамдық-экономикалық салдарын бағалау.

Зерттеу нысаны - транспорттық-экологиялық мәселелерді шешу жолдары.

Зерттеу тақырыбы - Қазақстандағы автотранспорттың экологиялық қауіпсіздігінің проблемалары және оны шешу жолдары.

Жұмыстың құрылымы. Бітіру жұмысы беттен, оның ішінде кіріспеден, екі бөлімнен, қорытынды және қолданылған әдебиеттер тізімінен тұрады.

ГЛОССАРИЙ

Стандарт - мүдделі тараптардың келісімі негізінде әзірленген және қызметтің әр түріне немесе олардың нәтижелеріне қатысты жаппай және көп мәрте пайдалану үшін ережелер, жалпы принциптер немесе сипаттамалар белгіленетін стандарттау, метрология, және сертификаттау жөнінде танылатын орган бекіткен құжат;

Стандарттау - нақты бар немесе ықтимал міндеттерге қатысты жаппай көп мәрте пайдалану үшін белгілі бір салада ережелерді реттеудің оңтайлы дәрежеде қол жеткізуге бағытталған қызмет;

Евро стандарттары - пайдаланылған газ уыттылығына қойылатын талаптар (көміртек тотығы (СО) қалдығының, азот тотығы мен жанбай қалған көмірсутек қалдықтарының жалпы санының, сондай-ақ дизельдік қозғалтқыштар үшін күйенің шекті нормасы) . Алғашқы Евро-1 уыттылықтың жалпыеуропалық нормалары Евроодақтың құрылуымен бір уақытта 1993 жылы енгізілді. Евро-2 нормалары Еуропада 1996 жылы енгізілді: қалдық талаптары орта есеппен 1, 5 есеге қатаңдатылады.

Қауiптi қалдықтар - құрамында қауiптi қасиеттерi (уыттылығы, жарылыс қаупi, радиоактивтiлiгi, өрт қаупi, жоғары реакциялық қабiлетi) бар зиянды заттар болатын, дербес немесе басқа заттармен байланысқа түскен кезде қоршаған ортаға және адам денсаулығына тiкелей немесе ықтимал қауiп төндiретiн қалдықтар;

Шығарындылар - iштен жану қозғалтқыштарының пайдаланылған және картерлiк газдары мен автокөлiк құралдары отынының булануы түрiндегi зиянды (ластаушы) заттар;

Шығарындылардың үлестiк нормативтерi - автокөлiк құралдарына
қатысты белгiленетiн шығарындылар нормативтерi, олар автокөлiк
құралының жасаған жұмысы немесе жүрiсi бiрлiгiне есептелген атмосфераға
шығаруға жол берiлетiн шығарындылардың ең үлкен көлемiн көрсетедi;

БҰҰ ЕЭК N ережесi - Техникалық регламенттiң мақсаты үшiн қолданылатын Бiрiккен Ұлттар Ұйымы Еуропалық экономикалық комиссиясының ережесi;

Қоршаған орта сапасының нормативтерi - қоршаған ортаның және табиғи ресурстардың адам өмiрi мен денсаулығы үшiн қолайлы жай-күйiн сипаттайтын көрсеткiштер;

Мемлекеттiк экологиялық бақылау - уәкiлеттi органның өз құзыретi шегiнде қоршаған ортаны қорғау саласындағы Қазақстан Республикасы заңдарының және Қазақстан Республикасы Үкiметi қаулыларының талаптарын жеке және заңды тұлғалардың сақтауын қамтамасыз етуге бағытталған қызметi;

Экологиялық қауiпсiздiк - жеке адамның, қоғамның және мемлекеттiң өмiрлiк маңызды мүдделерi мен құқықтарының қоршаған ортаға антропогендiк және табиғи әсер ету нәтижесiнде туындайтын қатерлерден қорғалуының жай-күй

МАЗМҰНЫ

КІРІСПЕ

АВТОТРАНСПОРТТЫҢ ЭКОЛОГИЯЛЫҚ ЖАҒДАЙҒА ӘСЕРІҚазақстан транспортының экологиялық қауіпсіздігінің

мәселелерімен күресудің мақсаттары мен принциптері

1. 2 Транспорттық құралдардан шығатын пайдаланылған газдардағы

зиянды заттардың құрамын реттейтін экологиялық ЕВРО

стандарттары

1. 3 ЕВРО стандартының шығу тарихы мен мақсаты

Ауа құрамындағы автокөліктердің пайдаланылған газдарындағы

улы компоненттер және оның адам ағзасына әсері

1. 5 Көлік көздерінен пайда болған ластаушы заттар қалдықтарының

негізгі түрлері

1. 6 Қазақстан Республикасының Экологиялық кодексi

1. 7 Қазақстан Республикасының аумағында айналымға шығарылатын

автокөлiк құралдарының зиянды (ластаушы) заттар

шығарындыларына қойылатын талаптар

ҚАЗАҚСТАНДАҒЫ АВТОТРАНСПОРТТЫҢ ЭКОЛОГИЯЛЫҚ

ҚАУІПСІЗДІГІНІҢ ПРОБЛЕМАЛАРЫ ЖӘНЕ ОНЫ ШЕШУ

ЖОЛДАРЫ

2. 1 Кіріспе

2. 2 Қазақстан Республикасына Евро стандарттарын енгізудің

маңыздылығы мен ЕВРО-3 стандартының енгізілу қиындықтары

2. 3 Алматының транспорттық проблемалары мен оларды шешу

жолдары

2. 4 Отынның альтернативті түрлері

2. 5 Экологиялық проблемаларды шешудің басты концепциялары

2. 6 Транспорттық ластанудан қорғанудың архитектуралық шешімі

2. 7 Қала атмосферасының ластануына құрама есептеулердi өткiзу

үшін автокөлiктiң шығындыларын анықтау әдiстемесі

ӘЛЕМНІҢ ТРАНСПОРТТЫҚ-ЭКОЛОГИЯЛЫҚ

ПРОБЛЕМАЛАРМЕН КҮРЕСУ ӘДІСТЕРІ

3. 1 Қоршаған ортаны қорғаудың негізгі қағидаттары

Әлемдегі қоршаған табиғи орта жағдайының жалпы сипаттамасы

3. 2 Ресейге Евро-4 стандартын енгізу қиындықтары және экологиялық

жағдайдың өзгеруі

3. 3 Әлемнің ірі қалаларының автотранспорттың экологиялық

мәселелерін шешу тәжірибесі

ҚОРЫТЫНДЫ

ҚОЛДАНЫЛҒАН ӘДЕБИЕТТЕР

Кіріспе

Жұмыстың жалпы сипаттамасы. Автотранспорттың экологиялық қауіпсіздігінің проблемалары мемлекеттің экологиялық қауіпсіздігінің құраушы бөлігі болып табылады. Бұл проблеманың мәнділігі мен маңыздылығы күннен күнге өсуде. Бір автокөлік жылына атмосферадан пайдаланылған газдарды қосқанда 800кг тұншықтырғыш газ, 40кг азот тотығы және 200кг әртүрлі көміртек бөле отырып, орта есеппен 4т оттегі жұтады. Экологияға тигізетін залалы жағынан автотранспорт негативті әсер етуі бойынша көшбасшы екенін айта кету керек: ауаның ластануы - 95%, шуыл - 49. 5%, климатқа әсері - 68%. Қазіргі заман талаптарына сай автокөліктің экологияға тигізетін әсері түрлі регламенттер мен заңдарға тәуелді шектелуі қажет. Соған сәйкес дипломдық жұмыста транспорттық құралдардан шығатын пайдаланылған газдардағы зиянды заттардың құрамын реттейтін экологиялық ЕВРО стандартының Қазақстанға енгізілуі қарастырылған. Сонымен қатар автотранспорттың экологиялық қауіпсіздігінің мәселелерінің келесідей шешу жолдары зерттелді: отынның альтернативті түрлері, экологиялық проблемаларды шешудің басты концепциялары, транспорттық ластанудан қорғанудың архитектуралық шешімі мен қала атмосферасының ластануына құрама есептеулердi өткiзу үшін автокөлiктiң шығындыларын анықтау әдiстемесі көрсетілген. Осы шешімдерді есепке ала отырып, жұмыс соңында осы мәселе төңірегінде әлемдік тәжірибе қарастырылды.

Жұмыстың мақсаты: Автотранспорттық құралдар мен жанар майлық материалдардың пайдаланылған газының уыттылығын азайтуға экологиялық талаптарды арттыру қажеттілігін бекітуге зерттеу жүргізу, сондай-ақ Қазақстандағы Евро экологиялық стандартын адымдап енгізуге техникалық регламент проектісі мен рекомендациясын дайындау.

Зерттеудің міндеттері:

Автокөлік транспортының әсерін үлкен қалалардағы және бүкіл Қазақстан Республикасындағы экологиялық жағдайға зерттеу;
Қазақстанға Евро экологиялық стандарттарын енгізудің қоғамдық-экономикалық салдарын бағалау.

Зерттеу нысаны - транспорттық-экологиялық мәселелерді шешу жолдары.

Зерттеудің жаңалығы. Автотранспорттың экологияға әсерін әртүрлі стандарттар мен әдістер арқылы азайтудың эффективтілігі.

Қорғауға жіберілген нәтижелері. Автотранспорттың экологиялық қауіпсіздігін шешудің теориялық зерттеулер қорытындылары.

Жұмыстың апробациясы. Жұмыстағы негізгі нәтижелер Әл-Фараби атындағы ҚазҰУ жас ғылымдар мен студенттердің «Ғылым әлемі» VI Халықаралық конгресі (Алматы, 23-26 сәуір 2012ж. ) атты конференцияда баяндалды.

Жұмыстың практикалық мәнділігі. Жұмыста көрсетілген зерттеу нәтижелері практика жүзінде қолданыс табуы әбден мүмкін.

1. АВТОТРАНСПОРТТЫҢ ЭКОЛОГИЯЛЫҚ ЖАҒДАЙҒА ӘСЕРІ

1. 1 Қазақстан транспортының экологиялық қауіпсіздігінің мәселелерімен күресудің мақсаттары мен принциптері

Автотранспорттың экологиялық қауіпсіздігінің проблемалары мемлекеттің экологиялық қауіпсіздігінің құраушы бөлігі болып табылады. Бұл проблеманың мәнділігі мен маңыздылығы күннен күнге өсуде. Транспорт құралдарының қозғалтқыштарындағы дәстүрлі мотор майының қолданылуына байланысты экологиялық проблемалар тек Қазақстанда ғана емес, бүкіл әлемде көкейкесті мәселе. Көптеген мемлекеттерде автотранспорттың экологизациялануына қатысты қатаң талаптар қабылданған. Нәтижесінде 1993 жылдан 1999 жылдар арасында автокөліктің пайдаланылған газдарындағы зиянды заттар шамамен 2 есеге, ал соңғы 40 жылда уытты компоненттер құрамы 70%-ға азайды. Қазіргі таңда көптеген шетелдік моторқұрылыс фирмалары бұл мәселе шешімін пайдаланылған газдардың нөлдік (Zero) уыттылығымен ұштастырып отыр. Олардың көпжылдық тәжірибесі бұған тек альтернативті (мұнай көзінен емес) мотор майын қолданған жағдайда қол жеткізуге болатындығын көрсетеді. Сол себептен барлық перспективті экологиялық таза автокөліктер альтернативті майдың түріне жобаланады.

Сөзсіз экологиялық таза көліктерді жасауға кететін едәуір материалдық шығындар батыстың моторқұрылыс компанияларының адамгершілігі мен альтруизмділігімен ғана емес, мемлекеттік заңдардың қысымымен айқындалады.

Автотранспортты экологизациялау мәселесіде мемелекеттің рөлі АҚШ-тың мысалында айқын көрінеді. Соңғы онжылдықта АҚШ-та қалалар мен елді мекендердегі экологиялық жағдайды жақсарту мәселелеріне жіті мән беретін заңнамалық актілер қабылданған. Олар: “Альтернативті мотор майы туралы” Заң, “Таза ауа туралы” Заң, “Энергетикалық саясат туралы” Заң. Осы заңдар негізінде АҚШ-тың энергетика Министрлігі автотранспорттағы энергоресурстардың қолдану секторында ғылыми-зерттеу жұмыстарын анағұрлым кеңейтіп, альтернативті май түрлерін кеңкөлемді қолдануға байланысты жаңа бағдарламалар жасауда. Барлық елдердегідей АҚШ-та да автотранспорттың “экологизация” мәселесінде негізгі екпін мұнай майын табиғи газбен ауыстыру болып табылады. Табиғи газдың ең таза альтернативті мотор майы ретінде кең колданылуы мемлекеттің саяси дәрежесіне көтерілген. Дәл сол себептен өзінің президенттігінде Билл Клинтон табиғи газбен жұмыс істейтін автокөлікпен жүрген.

Табиғи газдың ең перспективті экологиялық таза мотор майы ретіндегі басымдылығы көптеген мемлекеттерде айқын көрініс тапқан. Канада, Жаңа Зейландия, Аргентина, Италия, Голландия, Франция және басқа мемлекеттерде автотранспортты алдымен қалалықты газмоторлық майға ауыстыруға байланысты ұлттық бағдарламалар сәтті әрекет етуде. Ол үшін сәйкес нормативті-заңнамалық база жасалған: салықтық, тарифтік, несиелік, бағалық. Нәтижесінде Голландияда автотранспорттың 50%-дан астамы, Италияда - 20% -дан астамы, Венаның 95%-ы және Данияның 87%-ы автобус паркінде май ретінде газды қолданады. Батыс Еуропа мемлекеттерінде автотранспортты газификациялауды дамыту үшін газ майын қолданылатын автокөліктерге салынатын салық анағұрлым төмен. Орта есеппен бұл 1, 5-2 есеге аз, сонымен қатар, көлік иесі автокөлік конверсиясынан кейін салықтан 3 жылға босатылады. 1996 жылдан бері Ұлыбритания мен Францияда газ майын қолданатын автокөліктерге салықты анағұрлым азайтқан. Германияда бұл айырым - 1, 5есе, Голландияда - 1, 7 еседей болады.

Автотранспорттың газификациясы - тек экологиялық проблемалардың шешімі ғана емес, бюджет қаржысының экономиясы (табиғи газдық мооотор майы мұнайлықтан гөрі екі есеге арзан.

Автокөліктердің шығаратын улы газдармен күрес жүргізу өте қиын. Себебі мына шараларды да іске асыру қажет: ауыр жүк машиналардың қаланың ішімен жүруге тыйым салу, бір маршутпен жүретін бірнеше автобустардың шоғырлануына жол бермей, бензинмен жүретін көліктердің ауаға шығаратын газдарын ұстап қалатын бақылап-реттегіш қондырғыларды пайдалану, сондай-ақ барлық жеңіл, жүк және қоғамдық автокөліктерді газға көшіру тиімді. Ол үшін қаланың іші мен сыртындағы жанармай құю бекеттерін жауып, олардың орнына газ құю бекеттерін орнату қажет.

Газды пайдалану өте тиімді, себебі одан ауа ластанбайды және оны қолдану өте арзанға түседі. Алматыда негізінен метро, троллейбус пен трамвайды кеңінен пайдаланған тиімді.

1970-1980 жылдары Алматыда Қазақ ССР Үкіметі қолдауымен қаладағы автокөліктердің уытты қалдықтарынан атмосфералық ауа ластануын төмендетуге байланысты үлкен ғылыми-зерттеу, тәжірибелік және эксперименттік іс-шаралар жүргізілді. Автокөліктердің каталитикалық нейтрализаторлары жасалды және пайдаланылды, автокөліктер газдық отынға ауыстырылды, газқұюшы станциялар салынды, алғаш рет уыттылығын бақылау жүргізілді, Алматы қаласында этил бензинін пайдалану сияқты әрекеттерге тыйым салынды. Алайда, 1990 жылдарда орнаған экономикалық жағдайларға байланысты автотранспорттың зиянды қалдықтарынан Алматыдағы ауа бассейнін қорғау жұмыстары тоқтатылды.

2001-2003 жылдары ҚР-ны қоршайтын ортаны және табиғатты қорғау Министрлігі қолдауымен “Tasis” бағдарламасымен “Алматы қаласының ауа бассейнінің транспорттық ластануы” тақырыбында жұмы жүргізілді. Алматы ауа бассейнінің автокөліктік транспорт кесірінен ластану жағдайы зерттелді. Қала көшелерінде ауа сапасын бақылайтын (мониторинг) жабдықтар, автокөліктерді уыттылыққа (CO, CH, күйе) тексеретін газоанализаторлар сатып алынды. Еуропаға мамандарды оқытатын сапарлар ұйымдастырылды. Нәтижесінде 2002-2003 жылдардағы Алматы қаласының атмосферадағы уытты қалдықтар, автотранспорттар саны мен қоршаған ауа ортасының жағдайы белгіленіп, бос жүретін жұмыс режиміндегі қозғалтқышты автокөліктердегі уыттылықты бақылау кеңестері берілді. Жалпы “Tasis” бағдарламасы тәжірибе жүзінде Алматы қаласының ауа бассейнінің ластануын азайтқан жоқ.

Еуропа мемлекеттерінде автокөлік транспорттарына БҰҰ Еуропа экономикалық комиссиясының стандарттары мен нормалары (ЕВРО-1, ЕВРО-2, ЕВРО-3, ЕВРО-4 және ЕВРО-5) қолданылады.

АҚШ-та әлемдегі ең бірінші тауа ауа туралы заң 1962 жылы қабылданды. 1970 жылы Федералды деңгейде автокөлік уыттылығын бақылайтын нормалар мен әдістер қабылданды. Табиғат жағдайына байланысты Лос-Анжелес қаласында 1960-шы жылдары “Смог” (шайыр) аталған автокөліктік транспортпен ауаның өте қатты ластануы байқалған. Сондықтан Калифорния штатында автокөлік уыттылығына ең қатал заңдар мен нормалар қабылданды. Қазіргі уақытта АҚШ-та EPA-мен жасалған федералды деңгейдегі автокөлік уыттылығының жаңа нормалары мен бақылау ережелері жұмыс істейді. Калифорния штатында федералды нормалардан әлдеқайда қатал өзіндік нормалар дайындалған. Бұл нормалар Еуропа мен Жапония стандарттарымен салыстырғанда төмен (қатал) екенін айта кету керек. АҚШ және Калифорния стандарттары автокөлік уыттылығын бақылау мен жүзеге асыруды енгізу жағынан күрделі болып табылады. Негізінен бұл стандарттар жаңа автокөліктерге қолданылады. Автокөлік өндіруші фирмалар өз көліктерін сәйкес нарықта сату үшін оны АҚШ пен Калифорния стандарттарымен сертификаттау керек. Уыттылық нормаларымен автокөліктерді сертификаттау автокөліктердің қаладағы қозғалысына еліктейтін автокөліктердің жүру циклінде өткізілуі керек. Нормалар автокөліктің уытты қалдықтарына 1 миль жүріске граммен бекітілген. Автокөлікті уыттылыққа сынайтын орталық пен жабдықтардың бағасы 500 мыңнан 1 млн АҚШ долларын құрайды, ал бір көлікті сынау 500 АҚШ долларына тең.

Ресей Федерациясында қоршаған ортаны автотранспортты техниканың ластауынан қорғау шаралары жүргізіледі. 2000 жылдар басында “Техникалық реттеу туралы” РФ-ның заңы бойынша Госстандартпен ЕВРО-1 және ЕВРО-2 стандарттарын енгізу қарастырылды. Алайда экономикалық және техникалық себептермен бұл нормалар енгізілмеді. Қазіргі кезде ЕВРО-4 нормасы “Ресей Федерациясының аумағында айналымға шығарылатын автокөлік құралдарының зиянды (ластаушы) заттар шығарындыларына қойылатын талаптар туралы ” техникалық регламентінің арнайы жобасымен ресми түрде енгізілді. Бірақ бұл проекттің толығымен жүзеге асуы қымбат жабдықтардың қажеттілігімен және автокөлік сертификаттауының бағасы кесірінен қиындатылуы мүмкін. Сондықтан эксплуатацияда тұрған автокөліктер Евро стандарттарының сынағына түсе қоймас. Ресейде бос жүріс жұмыс режимінде автокөлік уыттылығын бақылауды регламенттейтін стандарттар (ГОСТ Р 41 . . . ) да бар. Осыған байланысты Ресей Федерациясында автотранспорт экологиясы аясында жүргізіліп жатқан шаралар мамандар ойынша қанағаттандырарлық емес.

Қазақстан Республикасында 2005 жылы “Автокөліктер және қозғалтқыштар. Зиянды зат қалдықтары. Анықтау әдістері мен нормалары” атты СТ РК 1433-2005 Мемлекеттік стандарт қабылданды. Автокөлік уытты өнім қалдықтарын нормалау негізіне еуропалық және ресейлік нормативтер алынған. Стандарт автокөлік уыттылығын бақылауды тек автокөліктің негізгі эксплуатациондық жұмыстарының аз бөлігін ғана алатын (5-10%) көлік қозғалтқышының бо жүру режимінде регламенттейді. Сондықтан айтарлықтай ұйымдастырушылық және техникалық кемшіліктерді ескере отырып (жемқорлық, тексерулердің мезгілсіздігі, газоанизаторлардың жарамсыздығы және т. б), бұл стандарттың эффективтілігі нөлдік және автокөліктер эксплуатацияда бақыланбайды десек те болады.

Соңғы уақытта әлемнің дамыған елдерінде автотранспорттық құралдардың (АТҚ) экологиялық көрсеткіш жағынан талаптарды бұрын болмағандай қаталдату бақылануда. АҚШ, Жапония, Еуропалық одақ елдерінің автокөліктік өнеркәсібі 2010-2015 жылдарға өндірісті нормативті талаптарға (Евро-5 және Евро-6) белсенді түрде дайындықты өткізіп жатыр. Осы мерзімде АТҚ өндірісі мен қозғалтқыштарды нөлдік зиянды зат қалдықтылыққа қамтамасыздандыру міндеті көзделіп отыр. Циклдан тыс қалдықты деп аталатын бақылаумен үйлестірілген АТҚ ернеулік диагностикасына талаптарды енгізу халықаралық заңдылық шеңберінде эксплуатация кезінде АТҚ зиянды зат қалдығының сапалы жаңа бақылау деңгейінің эффективтілігіне өтуге мүмкіндік береді.

“КазАТК” АҚ-ы елдің транспорттық кешенінің дамуында, соның ішінде, автокөліктік транспортта едәуір ғылыми потенциалға ие. “Автокөлікқұрылыс және автокөлік эксплуатациясы” кафедрасында қазіргі таңда “автокөлік транспортының экологиялық қауіпсіздігін Қазақстан Республикасының АҚТ техникалық талаптарына және автомоторлық май саласында халықаралық стандарттарға қосылған рекомендациялық зерттеулерін ескеріп арттыру мәселелерін зерттеу” тақырыбында жұмыстар жүргізілуде.

Жұмыс мақсаты автотранспорттық құралдар мен жанар майлық материалдардың пайдаланылғангазының уыттылығын азайтуға экологиялық талаптарды арттыру қажеттілігін бекітуге зерттеу жүргізу, сондай-ақ Қазақстандағы Евро экологиялық стандартын адымдап енгізуге техникалық регламент проектісі мен рекомендациясын дайындау.

Келесі міндеттер қойылған:

автокөлік транспортының әсерін үлкен қалалардағы және бүкіл Қазақстан Республикасындағы экологиялық жағдайға зерттеу;
автомоторлық майлар мен қозғалмалы құрамға техникалық талаптарды жоғарылату есебінен автокөлік транспортының экологиялық қауіпсіздігінің жаңару жолын анықтау;
Қазақстанға Евро экологиялық стандарттарын енгізудің қоғамдық-экономикалық салдарын бағалау;
Қазақстан Республикасы автокөлік транспортына жаңа экологиялық стандарттарды енгізу бойынша стратегия мен тактикасын жасау;

Ғылыми жұмыс процесінде келесі зерттеулер жүргізіледі:

Қазақстан Республикасының үлкен қалаларындағы табиғатты қорғау қызметтері мен қалалардың санитарлы-эпидемиологиялық станцияларының деректері бойынша автокөлік транспортынан қоршаған орта мен атмосфералық ауаның қазіргі ластану жағдайын зерттеу және құрама анализ жасау. Автотранспорт техникасының зиянды қалдықтарының саны мен сапасына әртүрлі факторлардың әсерін бағалау және зерттеу. Қалалардың автокөлік паркінің құрамы мен құрылысына, автокөліктердің эксплуатация шарттары мен техникалық жағдайының зиянды қалдық санына әсерін зерттеу. Басқа факторлардың әсерін сандық бағалауды жүргізу.
Стандарттар мен бақылау әдістері бойынша республика қалаларындағы автокөлік уыттылығын бақылаудың эффективтілігін зерттеу. Жүргізіліп жатқан бақылау әдістерімен автокөлік уыттылығының төмендеу ықтималдылығын сандық бағалау. Жұмыс істейтін шаралар эффективтілігін бағалау.
Республикадағы автотранспорттық отынның қолданылуын бағалау және анализдеу, автотранспорт қалдық санын жалпы бағалау, сырттан әкелінетін және республикада өндірілетін отын сапасын бағалау және анализдеу. Автокөлік транспортының ластау деңгейіне стандартқа сай емес отынды қолдану салдарын анықтау.
Қазақстанға сырттан әкелінетін жаңа және эксплутацияланған автотранспорттық құралдардың атмосфералық ауа ластануына әсерін зерттеу. Қазақстанның автокөлік нарығына кіргізілетін автотранспорттық техниканың өндірілу орны, техникалық деңгейі, эксплуатация мерзімі мен басқа факторларға байланысты сапасын бағалау. Автотранспорт техникасының бөлек түрлерін кіргізу шектеулерінің қажеттілігін анықтау. Инспекторлық-бақылау қызметтерін дамыту, сапа бақылауды жақсартуды анықтау.
Еуропа елдері, АҚШ, Жапония мен Ресейдегі автотранспорттық құралдардың уыттылығын тұрақтандыру мәселесінің жағдайына аналитикалық шолу. Кейбір елдерде қабылданған заңдылықтар мен нормативтерді, уыттылықты бақылау әдістері мен автокөлікті сертификаттауды, автокөлік уыттылығын тұрақтандыру тәжірибесін зерттеу. Іс-шаралардың эффективтілігі мен Қазақстанда қолдану мүмкіндігін бағалау.
Қазақстан автокөліктерінің уыттылығын тұрақтандыру принциптері мен ғылыми негіздерді жасау. Тұрақтандыру көрсеткіштері, олардың нормативтері мен тұрақтандыру этаптарын анықтау. Автокөлік уыттылығының нормативті көрсеткіштерін бақылау құралдары мен әдістерін бекіту. Автотранспорт құралдарының уыттылығын тұрақтандыруға заңнамалық қамтамасыздандыруға жоспар құру. Өндірілетін және сырттан келетін отынның экоуыттылық көрсеткіштерін зерттеу мен халықаралық талаптармен гармонизациялай отырып нормативтерді жаңартуға рекомендациялар жасау.
Автокөлік транспортында қолданылатын отынның сапа көрсеткішін бақылау және тұрақтандыру, автомоторлық отын сапасына талаптарды дайындау.
Автокөліктерден шығатын зиянды газ қалдықтарын төмендету жолдары мен қолданылатын перспективті әдістеріне зерттеу жүргізу.
Автомоторлық отын мен АТҚ-ға байланысты техникалық талаптар бойынша Қазақстан Республикасының халықаралық стандарттарға қосылуы мен автокөліктертік транспорттың экологиялық қауіпсіздігін арттыруға рекомендациялар (нормалар мен стандарттар) мен ұсыныстар жасау.

Жоба аяқталған түрде Қазақстан қалаларындағы автокөлік транспортының зиянды экологиялық әсер жағдайын бағалауға мүмкіндік беретін жүйеленген материалды құрайтын болады. Проектіде жаңа этаптағы автокөлік транспортының атмосфералық ауаны ластауын азайтуға және Қазақстан Республикасындағы автокөлік транспортының экологиялық қауіпсіздігін жоғарылатуға бағытталған іс-әрекеттерге ғылыми-дәлелденген ұсыныстар беріледі. Проектіде Қазақстанда өндірілетін және сырттан әкелінетін автокөліктік бензин мен май үшін стандарттар мен нормалар, ұйымдастыру және бақылау әдістері жасалынады.

Жүргізілген зерттеулер нәтижесінде:

... жалғасы

Сіз бұл жұмысты біздің қосымшамыз арқылы толығымен тегін көре аласыз.