Астана қаласында 70 орындық жалпы типтік мейрамхананың технологиялық-экономикалық негіздемесі және жобасы

КІРІСПЕ

Қоғамдық тамақтандыру әлеуметтік-экономикалық міндеттерді жүзеге асыруда, яғни адамдардың денсаулығын нығайтуда, еңбек өнімділігінің артуында, азық-түлік қорларды үнемді пайдалануда, үй жағдайындағы тамақты дайындау уақытын ықшамдауда, бос уақытын мәдени өткізуге мүмкіншілік жасауда маңызды орын алады. Ол қоғамдық мүшелердің өзара материалдық игіліктерді үлестіру формаларының бірі болып табылады.

Қоғамдық тамақтандырудың ең басты міндеті - қоғамдық тамақтандырудың ұйымдасқан түрде халыққа ақылы қызмет көрсету.

Қазіргі таңда халықтың қызметінің динамикалық даму және нарықтық қатынасқа өту кезеңінде қоғамдық тамақтандыру ерекше мағынаға ие болады. Осы жерден адамдардың қызу жұмыстан кейінгі демалысы үшін өткір қажеттілік туындайды. Осының салдарынан қоғамдық тамақтандыру кәсіпорындарына, сонымен қатар ресторан, бар, кафе және тағы сол сияқты кәсіпорындарға үлкен орын беріледі.

Қоғамдық тамақтандырудың мұнан ары дамуына қажетті шарт ретінде технологиялық жабдықтардың маңызды түрін өндіруді кеңейту және механикаландыру амалдарын, кіші кәсіпорынның дамушы жабдықтарының түрін енгізу болып табылады.

Республикамыздағы нарықтық қатынысқа өту кезеңі қоғамдық тамақтандыру кәсіпорындардың арасында зор бақталастық тудырды, сонымен қатар олардың қызмет көрсету сапасында да көрінеді.

Жобалаушылар ғылым мен өндірістің арасында байланыстырушы топ болып саналады. Болашақ объектінің нәтижелі болуы жобалаушылардың айтарлықтай шеберлігі мен хабардарлығына байланысты.

Қоғамдық тамақтандыру кәсіпорындардың жобаларын істеуде инженер-технологтар маңызды роль атқарады. Қоғамдық тамақтандыру ұйымында жұмыс істей отырып, инженер-технологтар тапсырыс берушінің өкілі ретінде жоба ұйымына болашақ кәсіпорындардың түрін анықтайтын жобалаудың негізгі мәліметтерін береді.

Жоба ұйымының мамандары ретінде инженер-технологтар технологиялық жобалаумен, яғни жоба негізімен қамтамасыз етеді. Олар техникалық және экономикалық қатынастардағы технологиялық процестерді мақсатқа сәйкестігін анықтайды, олардың өткізу жүйелілігі мен бақылау әдістерін орнатады.

Мейрамхана - бұл тұтынушыларға дайындалуы күрделі тағамдардың кең ассортиментін ұсынатын, көбінесе тағамдарды жекелей тапсырыс бойынша дайындайтын қоғамдық тамақтандыратын кәсіпорыны. Мұнда қызмет көрсету деңгейі өте жоғары. Мейрамханада, жиналыс, арнайы кеш, қабылдаулар, отбасылық тойлар, банкет және тематикалық кештерге қызмет көрсету ұйымдастырылады. Мейрамханалар үшін келесідей категориялар белгіленген: люкс, жоғарғы, І, ІІ.