Оңтүстік Қазақстан облысының Статистика департаментінің өндіріс статистикасы бөлімінің деректер қорын жобалау

Пән: Автоматтандыру, Техника
Жұмыс түрі: Курстық жұмыс
Тегін: Антиплагиат
Көлемі: 46 бет
Таңдаулыға:

Аннотация

Бұл курстық жұмыс «Оңтүстік Қазақстан облысының Статистика департаментінің өндіріс статистикасы бөлімінің деректер қорын жобалау» тақырыбы бойынша орындалған.

Бағдарламалық жабдықтама Borland Delphi 7 бағдарламалау ортасында жасалынған. Бағдарлама өндіріс статистикасы бөлімі жұмыс орынының қызметін ұйымдастыру үшін арналған. Бағдарламаның ашық архитектурасы кез келген кәсіпорынға ерекше жөндеулерсіз ары қарай жетілдіруге және интеграциялауға мүмкін болатындай етіп жасалынған.

Курстық жұмыс 2 бөлімнен, кіріспеден және қорытындыдан тұрады. Жұмыс жалпы көлемі 107 бетті құрайды. Жұмыста 9 сурет, 20 кесте, 1 қосымша бар .

Бағдарлама М. Әуезов атындағы ОҚМУ-дың «ақпараттық жүйелер» кафедрасында орындалған.

Мазмұны

Кіріспе . . . 8

1 Аналитикалық бөлім . . . 10

1. 1Өндіріс туралы түсінік . . . 10

1. 2Өндірістік құрылым түрлері . . . 15

1. 3 Өнеркәсіп өндірісі . . . 17

2 Жобалық бөлім . . . 22

2. 1Ақпараттық жүйені құру ортасына шолу . . . 22

2. 2Delphi бағдарламасы және оның компоненттері . . . 23

2. 3Мәліметтер қоры объектілері және компоненттері . . . 26

2. 4 Компоненттер . . . 27

2. 5 Мәлiметтер қорында кестенi құру және толтыру . . . 30

2. 6 SQL Explorer-дi пайдаланып, алиас дайындау жолы . . . 33

2. 7 Мәліметтер қорында сұраныс құру . . . 33

2. 8 Мәлiметтер қорында есеп құру . . . 36

2. 9 Кестелерді Delphi объектiлi программалау тiлiнде байланыстыру

жолдары . . . 36

2. 10 Бағдарламаның қолданбалы интерфейсіне сипаттама . . . 41 Қорытынды . . . 48Пайдаланылған әдебиеттер тізімі . . . 50

Қосымшалар . . . 51

Нормативтік сілтемелер

Берілген Курстық жұмыста келесі құжаттарға сілтемелер жасалған

болатын:

СанПиН 2. 2. 4. 548-96 «Гигиенические требования к микроклимату производственных помещений»

СНиП 23-05-95 «Естественное и искусственное освещение»

СанПиН 2. 2. 2. 542-96 «Гигиенические требования к видео дисплейным терминалам, персональным электронно-вычислительным машинам и организации работы»

Белгілеулер мен қысқартулар

ҚР СТ - Қазақстан Республикасының стандарты

ГОСТ - мемлекет аралық стандарт

МСЖ - мемлекеттік стандарттау жүйесі

БҚБЖ - берілгендер қорын басқару жүйесі

ОҚО - Оңтүстік Қазақстан Облысы

SQL - Structured Query Language

БҚ - берілгендер қоры

Ms Access - Microsoft Access

Ms Excel - Microsoft Excel

Қ. Ә. - Қалалық әкімшілік

ЖШС - Жеке шаруашылық серіктестік

АЖ - Ақпараттық жүйелер

Анықтамалар

Өнеркәсіп - бұл материальдық өндірістің жетекші және ең үлкен саласы, оған кәсіпорындар және бірлестіктер, табиғи минеральдық, өсімдік және мал шаруашылығынан шикізат өнімдерін өндіру, сонымен қатар ауыл шаруашылығы өнімдерін қайта өңдеу кіреді. Өнеркәсіпте еңбек құралдары, негізгі еңбек игіліктері және халық тұтынатын өнімдер жасалынады. Өнеркәсіп материальдық өндірістің саласы болып табылады және бұл оны өндірістік емес кеңістік салаларынан аластады. Сондай - ақ бұл мемлекеттің материальдық- өндірістік базасын құруда және оның халқының әл - ауқатын жақсартуда маңызды орын алатын өте жақсы дамыған өндірістік қатынастарға ие ірі сала. Өнеркәсіпте қоғамдық өнімнің және ұлттық кірістің басым бөлігі құрылады.

Сала - шығарылатын өнім, өндіріс технологиясы, негізгі қорлар және жұмыс істеушілердің кәсіптік дағды-машықтары ортақ болып келетін кәсіпорындар мен ұйымдардың жиынтығы. Бұл өндірістің технологиясы мен ұйымы, еңбек құралдары мен бұйымдары және шығаратын өнімінің түрімен ерекшеленетін өндірістің бір бөлігі. Қазіргі техниканың дамуымен, технологияның жетілдірілумен және өндірістің ұйымдастырушылығы арқасында кезекті еңбек бөлінісі мен салалардың күрделенуі жүріп жатыр, бұл жайт рациональды үйлесімділікті және сәйкестілікті қатал қадағалауды қажет етеді.

Кәсіпорын - экономикалық даму сатысының негізгі бөлігі болып табылады. Өйткені кәсіпорындарда қоғамға қажетті өнім шығарылады және қызметкерлер мен жұмыс құралдарының арасында байланыс орнатылады. Еркін өнеркәсіп кәсіпорны дегеніміз өндірістік - техникалық, ұйымдастыру - әкімшілік және шаруашылық еркіндігі бар өндіріс бірлігі. Кәсіпорындар белгілі бір өндіріс өнімін шығару үшін, не болмаса жұмыс атқару үшін, әр түрлі қызметтерді көрсету арқылы қоғамның қажеттілігін қанағаттандыру және пайда табу мақсатында құрылады.

Мәліметтер қоры дегеніміз - құрылымы арнайы тәсіл бойынша ұйымдастырылған берілген форматтағы файлдар жиынтығы болып есептеледі.

Сұраныс дегенiмiз - мәлiметтер қорынан өзiмiзге керектi информацияны бiр немесе бiрнеше кестелерден алуға мүмкiндiк беру болып табылады.

Төтенше жағдай дегеніміз - адамдардың қаза табуына әкеліп соғатын немесе әкеліп соғуы мүмкін, олардың денсаулығына, қоршаған ортаға және шаруашылық жүргізуші объектілерге нұқсан келтірген немесе келтіруі мүмкін, халықты едәуір дәрежеде материалдық шығындарға ұшыратып, тіршілік жағдайын бұзған немесе бұзуы мүмкін авария, зілзала немесе апат салдарынан белгілі бір аумақта туындаған жағдай.

Кіріспе

Өндіріс статистикасы өнеркәсіпте орын алатын, олардың сапалық бөлігімен ажырамас байланыстағы көпшілік құбылыстар мен процесстердің сандық жағын оқытады. Ол нақты бір орын және уақыт жағдайларындағы өнеркәсіптік өндірістің заңдылықтарының сандық бет әлпетін зерттейді. Бұл заңдылықтар құбылыстардың дамуымен, құрылымының өзгеруімен, кейбір құбылыстардың екінші бір құбылыстардың өзгеруіне тәуелділігімен байланысты болуы және кездейсоқ факторлардың әсерінен тәуелсіз жиынтылықтарда байқалуы мүмкін. Осылайша көпшілік құбылыстар мен процесстерді зерттей келе, өнеркәсіп статистикасы, бұл жерде бугалтерлік және оперативті есептен өзгеше жинақтаушы есеп ретінде көрініс береді, оқу пәні ретінде жекелеген өнеркәсіптегі өндірістік және шаруашылық қызметтің әрбір бірлік дерегі саналады. Бірақ бұл статистиканың басқа есеп түрлерімен байланысы жоқ дегенді білдірмейді. Керісінше, бұның барлығы біріге келе біртұтас есеп және статистика жүйесін құрады.

Өндіріс статистикасы сонымен қатар, келешекте көпшілік болатын, жаңа, үдемелі құбылыстар мен процесстердің пайда болуын айқындайды, мысалы өндірістік өнеркәсіптердің жаңа жобалау және экономикалық ынталандыру тәртібіне көшуі, жаңа өндірістік бірлестіктердің құрылуы және т. б.

Өндіріс статистикасы әртүрлі саладағы министірліктер мен шаруашылық органдарға мемлекеттің өнеркәсіпті дамыту жоспарының жүзеге асырылуы жайында экономико - статистикалық ақпаратты ұсынады. Жоспарда белгіленетін бағыттар, өнеркәсіптің даму қарқыны белгілі бір көрсеткіштер жүйесінде нақты орнын табады. Өнеркәсіп статистикасының басты міндеті барлығынан бұрын өндірістік бірлестіктер, кәсіпорындардан бастап бүкіл өнеркәсіп саласының жоспардағы тапсырмалардың жүзеге асыру процесінің статистикалық есебін ұйымдастыру болып табылады. Алынған деректерді өңдей келе, статистика өткен кезеңдегі өнеркәсіп жағдайын бейнелейтін көрсеткіштерді есептеп шығарады және келешек кезеңге жоспар құруға керекті бастапқы деректерді береді. Алайда статистика тек қол жеткізген өнеркәсіп деңгейін тіркеп қана қоймайды, сонымен қатар ол жоспардың орындалуын анализдейді, сөйтіп жекелеген үйлеспеушіліктердің пайда болуы жайында хабарлап отырады және өнеркәсіптік қорларды айқындайды - бұл оның жоспарларды жүзеге асыруға қатысатынын белгісі. Статистиканың осы аналитикалық есебі жыл өткен сайын өз маңыздылын артыруда. Сөйтіп, өнеркәсіп статистикасының есептері негізінен осы саланы басқару мен жоспардаудағы тапсырмаларымен анықталып жатыр.

Өндіріс статистикасының бірінші тапсырмасы оның екінші тапсырмасы - статистикалық көрсеткіштер жүйесіне негізделген зерттеме және анализдеумен тығыз байланысты, тапсырма қазақстандық өнеркәсіп экономикасын жан - жақты ғылыми зерттеуге негізделген.

Сонымен қатар өнеркәсіп статистикасы тапсырмаларының қатарына мыналар кіреді: жеке бөліктердегі және толық алғандағы өнеркәсіп жұмысының нәтижелерін табу, жоспардың орындалу деңгейін бағалау, қол жеткізген нәтижелерге себепші болған жеке факторлардың рөлін анықтау, өнім өндіруді келешектік ұлғайтуға арналған ішкі өнеркәсіптік қорларды анықтап беру. Ұсынылған статистикалық деректердің нақтылығы мен сенімділігін қамтамасыз ету де статистиканың басты міндеттерінің бірі.

Бұл курстық жұмыста жалпы және жеке салалары бойынша өнеркәсіптік өндірістің серпінін сипаттайтын, оның салалық құрылымы, өнеркәсіптің өндірістік қуатын өнімнің дербес түрлерін шығаруға қолдану, қаржылық - шаруашылық қызмет саласаларының жеке көрсеткіштері туралы мағлұмат келтірілетін болады. Барлық құндық көрсеткіштер баға түрінде көрсетіледі.

Оңтүстік Қазақстан облысының өнеркәсіп саласы серпін үстінде, бұл серпін осы жұмыста қаралатын болады.

Курстық жұмысымның мақсаты елімізде болып жатқан экономикалық және әлеуметтік процестер мен олардың даму үрдістерін жан-жақты және объективті түрде зерделеу, қорыту және талдау.

Аналитикалық бөлімӨндіріс туралы түсінік

Жұмысымның басында мен келесі ұғымдарға түсініктеме беріп кетпекпін:

Өнеркәсіп өндіруші және өңдеуші болып екіге бөлінеді. Табиғи шикізат, балық аулау және теңіз өнімдерін өндіру, орманды пайдалану, және т. б. өндіретін кәсіпорындар - өндіруші өнеркәсіпке жатады, ал өндіруші өнеркәсіп және өңдеу алды кезеңінің өнімдерін өңдеуші кәсіпорындар, сонымен қатар ауылшаруашылығы өнімдерін өңдеуші кәсіпорындар - өңдеуші өнеркәсіпке; соңғысына шаруашылық бұйымдарды жөндеу де жатқызылады.

Шаруашылық қызметке тағы да халық өзі өндіретін жабайы өсетін өсімдіктерді, жидектерді, саңырауқұлақтарды жинау; өнім өндіру, сүт өнімдерін өңдеу(қаймақ, ірімшік, май) және мал сою(ет, теріден алынатын бұйымдар, қылшықтар) жатады. Бірақ статистика бұларды өнеркәсіп өнімі ретінде емес, ал «Өзге қызмет түрлері саласының өндірісі» өнімі ретінде қарастырады.

Еңбекті бөлу және қоғамдастыру заңы жүйелі түрде жаңа салалардың пайда болуына алып келеді және олардың экономикалық мақсатқа сай келуін ықпалдайды. Дәл осы экономикалық мақсат қою еңбектің бөлінуі мен қоғамдастырылуының қарқыны мен деңгейін анықтайды. Көпшілік жағдайда өндірістің өсу қарқынын жылдамдату мүмкіншіліктері, тауар мен қызметті арзандату, олардың сапасын жоғарылату және осының негізінде бәсекелестікке қабілеттілікті арттыру - экономикалық мақсат қою өлшемі ретінде көрініс береді. Бұның барлығы берілген уақыт аралығында, белгілі шектеулі қорлар негізінде қоғам қажеттілігін ең аз шығынмен қанағаттандыру болып табылады.

Еңбекті қоғамдастыру мен бөлінудің тұрақты жүзеге асырылатын, өзінің жоғары көрінісінде жаңа салалар мен олардың интеграциясын көрсететін күрделі процесінің қозғаушы күштері мен нақты факторлары болып ғылыми техникалық процесс, қоғамдық өндіріс ұйымдарының құрылымы, ұлттық экономика қажеттілігі, оның мүмкіндіктері және тағы басқалар болып табылады.

Экономикалық ғылымның ірі беделділері қоғамдық өндірісті зерттей отырып, оның бүкіл тарихи даму кезеңінде еңбек бөлінуінің үш түрі сәйкес келетін үш кезеңнен өткенін анықтады, 1. 1 кестеде сәйкес:

Кесте 1. 1

Қоғамдық өндіріс құрылымы

1 кезең

2 кезең

3 кезең

Бірінші - еңбек бөлінісінің жалпы кезеңінде халық шаруашылығының ірі салалары қалыптасты - өнеркәсіп, ауыл шаруашылығы, құрылыс, транспорт, байланыс.

Еңбек бөлінісінің екінші кезеңінде халық шаруышылығының ірі салаларынан өнеркәсіптің, ауыл щаруашылығының, құрылыстың, транспорттың, байланыстың мамандандырылған салалары қалыптасты. Бұл салалардың мамандандырылу деңгейі мүлдем әртүрлі және белгілі шамада шартты және салыстырмалы сипатқа ие, бұл олардың іс-тәжірибеде бөлек топтарға, кешендерге және т. б. жүйелеу қажеттігін тудырады.

Машина жасау өнеркәсіп саласы ретінде әртүрлі белгілері бойынша топтастырылған 70 - тен астам мамандандырылған салалардан құралады және өз алдына бүтін халық шаруашылығының машина жасау кешенін құрайды. Тамақ өнеркәсібінде де дәл солай 40-тан астам мамандандырылған салалардан құралады және халық шаруашылығының сәйкес салаларымен бірге негізгі агроөнеркәсіп кешенін құрайды.

Үшінші - жеке кезең немесе еңбек бөлінісінің түрі белгілі жағдайларда сала қалыптастыра алатын жаңа өндірісті жасау мүмкіндігі бар кәсіпорынның өзінде жүреді.

Сала қалыптасып, күрделі сала аралық бірлескен құрылымда сәйкес ортақ ұйымдық-басқару құрылымдарымен және олардан тысқары ұйымдық-басқару құрылымымен жеке автономиялық түрде жұмыс істейді. Бұдан саланың маңызы өндірістің алғашқы бірыңғай ұйымдарының жиынтығымен - кәсіпорын, нарық субъектілерінің, шаруашылық субъектілерінің шынайы жасалатын материалды өндірістің ерекше өрісі ретінде өзгермейді. Бұдан салалардың тек жұмыс істеу шарттары - қолайлы немесе қолайсыз, жағымды немесе жағымсыз, бұл ақырғы сәтте саланың жұмыс істеу тиімділігінің көрсеткішін және оның бәсекеге жарамдылығын анықтайды. Саланың жұмыс істеуінің экономикалық тиімділігі бәсекелес нарықпен қатаң бағаланатын саланың қызметі мен өнімнің бәсекеге қабілеттілігін ұйымның сипаты анықтайды.

Өндіріс - бұл қоғамның өмір сүруі мен дамуына қажетті материалдық игіліктерді жасау үдерісі. Өндіріс мазмұнын анықтайтын еңбек әрекеті келесі үш кезеңнен тұрады:

- мақсатқа сәйкес жұмыс немесе еңбектің өзі;

- еңбек заты, яғни адамның тиімді іс - әрекетіне бағытталған нәрсенің барлығы;

- адам еңбек заттарын өңдеп, оларды өз қажетін қанағаттандыруға бейімдейтін еңбек құралдары(машиналар, жабдықтар, құралдар)

Материалдық өндіріс өнімі - табиғат пен еңбек заттарының бірігуінен түзілетін материалдық игілік.

Өндіріс ұғымы саладан түсінігінде тек біртекті кәсіпорындар жиынтығының жоқ болуымен ерекшеленеді. Сонымен өндіріс ұғымы сала ұғымынан біршама кең мағынаға ие, салалардың барлығы өндірістен пайда болады. Кейбір өндірістер белгілі бір экономикалық жағдайларды құру барысында жаңа мамандандырылған салаларды қалыптастырады, мысалға алсақ кезінде спирт өнеркәсібі қант қызылшасы өнеркәсібінен қалыптасты, ал спирт өнеркәсібінен өз кезегінде шарап өнеркәсібі бөлініп шыққн болатын. Бірақ кейбір өндірістер салаларға бөліне алмайды, оларға мысалы бү өнеркәсібін жатқызуға болады. Мұндай өндірістер өз алдына тәуелсіз болып кәсіпорын бола алмайды, олар тек басқа кәсіпорындарға қосымша бола алады.

Қазақстан Республикасы нарықтық қатынастарды қалыптастыру кезеңіне көшті. Нарықтық экономика өзінің мәнісі бойынша еңбек өнімділігінің өсуін, өндіріс тиімділігінің барынша артуын ынталандыратын құралы болып табылады. Дегенмен, осындай жағдайда да өндіріс тиімділігін арттырудың негізгі бағыттарын, оның өсуіне әсер ететін факторларын, тиімділікті анықтау әдістерін айқындау маңызды болып табылады.

Қоғамдық өндірістің экономикалық тиімділігін арттырудың негізгі бағыттарын дұрыс анықтауүшін тиімділіктің өлшемі мен көрсеткіштерін тұжырымдап алу қажет. «Өндірістің экономикалық тиімділігі» ұғымына әлеуметтік тиімділік те кіреді(қол еңбегі үлесінің төмендеуі, еңбек жағдайларын жақсарту және т. с. с. ) .

Бақылау бірлігі болып белгілері статистикалық бақылау процесін сипаттауға жататын алғашқы объект саналады. Есептеу бірлігі болып статистикалық бақылау бағдарламасында қарастырылған сұрақтар жіберілетін орган табылады. Бақылау бірлігін таңдау зерттеу мақсатына байланысты болады. Бақылау бірлігі келесілер болуы мүмкін: жұмысшы, қажетті белгілерді қорғаушы (еңбек өндірімділігі, еңбек ақы, жұмыс өтілі және т. б. ), жеке жұмысшылардан әртүрлі; жабдықтардың әрбір бірлігі (машина, станок) - техникалық жағдайы, өндірімділігінің сипатына байланысты; цехтарды мамандандыруды зерттеген кезде бұл жағдайлардың барлығында есептеу бірлігі болып кәсіпорын (зауыт, фабрика, кеніш, шахта, электростанция, мұнай кәсіпшілігі, ағаш өнеркәсібі шаруашылығы және т. б. ) болып табылады, бірақ кәсіпорын жиі бірмезгілде бақылау бірлігі және есептеу бірлігі бола алады, мысалы, өзіндік құнын, пайда мен рентабельділігін зерттеген кезде.

Өнеркәсіптік кәсіпорын, өндірістік бірлестік өнеркәсіптің негізгі буыны болып табылады, сондықтан олар өнеркәсіп статистикасында негізгі есептеу бірліктері ретінде қарастырылады.

Қазақстан өнеркәсібінің статистикасында статистикалық бақылау жүргізудің негізгі түрі кәсіпорындар мен бірлестіктердің жұмысын алғашқы құжаттамалық есептеуде негізделетін есепке алу болып табылады. Статистикалық есептеуді кәсіпорынның өндірістік саласының жеке жақтарына терең талдау жүргізетін арнайы ұйымдастырылған бақылау мәліметтері толықтырады.

Жиынтықты қамту толықтығы бойынша статистикалық бақылау ҚР өнеркәсібінде әдетте бірыңғай болып табылады; есепке жиынтықтың барлық бірліктері жатады. Кейде бірыңғай емес бақылау қолданылады, мысалы ішінара бақылау, бұл кезде деректердің барлық жиынтығының мәліметі олардың кейбір ішінара кездейсоқ ретпен таңдап алынған бөлігінен алынады. Ішінара бақылау өнім сапасын анықтауда кеңінен қолданылады.

Өндірістік жүйе ретінде кәсіпорынның ішкі және сыртқы ортасы болады.

Сыртқы ортаға - экономикалық саясат, құқықтық жағдай, экономикалық, әлеуметтік, экологиялық және технологиялық жағдайлар жатады.

Ішкі ортаға - еңбек ресурстары, техника және технология, бәсекелестік, маркетинг және т. б. жатады.

Кәсіпорынның нарықтық экономикадағы негізгі мақсаты - бәсекелесуге қабілетті өнім шығару арқылы неғұрлым көп пайда табу және ең аз шығынмен барынша көп пайда табу негізінде сұранысқа ие және бәсекелесуге қабілеті бар өнім шығару.

Өнеркәсіптік кәсіпорынның функциялары мыналар:

- өндірісте және жекелей тұтынылатын өнім шығару;

- тұтынушыға өнімді жеткізу және сату;

- өнімді сатып болғаннан кейін қызметті жалғастыру;

- кәіпорындағы өндірісті материалдық - техникалық жабдықтау;

- кәсіпорын қызметкерлерінің еңбегін ұйымдастыру және басқару;

- кәсіпорындағы өндіріс көлемін жан - жақты дамытып, ұлғайту;

- кәсіпкерлік;

- салықтарды төлеу, мемлекеттік бюджеттің және басқа да қаржы ұйымдарының міндетті және міндетті емес төлемдерін өтеу;

- мемлекеттік заңдарды, нормативтер мен стандарттарды орындау.

Қазіргі заманғы өндірістің басты мазмұны - өндірісті автоматтандыру арқылы ғылыми - техникалық өзгерістер жағдайында даму.

Әрбір өнеркәсіптік мекеме өзінің қызметкерлерінің және оның отбасы мүшелерінің қажеттерін қанағаттандыруға арналған өндірістік бөлімшелерден: шаруашылықтарға қызмет ету цехтары мен телімдерінен, басқару, ұйымдастыру органдарынан тұрады.

Кәсіпорынның өндірістік бөлімшелері - цехтар, телімдер, қызмет көрсетуші шаруашылықтар мен қызметтер(өндірістік үдеріске тікелей немесе жанама түрде қатысатын), олардың арасындағы өзара байланыстардың барлығы оның өндірістік құрылымын құрайды. Ол еңбек өнімділігінің деңгейін, өндіріс шығындарын, берілген материалдық өндірістің техника - экономикалық және экономика - географикалық деректері негізінде техника мен табиғи байлықтарды пайдалану тиімділігін анықтайды.

Ұтымды өндірістік құрылымды құру келесі тәртіппен жүзеге асырылады:

- кәсіпорын цехтарының құрамы, қуаты берілген өнім көлемін дайындауды қамтамасыз ететін мөлшерде белгіленеді;

- әрбір цех және қойма үшін аудан көлемі есептеліп, олардың кәсіпорынның бас жоспарында кеңістік бойынша орналасуы анықталады;

- кәсіпорын ішіндегі барлық көліктік байланыстары, олардың жалпы мемлекеттік (кәсіпорыннан тыс) жолдармен өзара қатынасы жоспарланады;

- өндірістік үдеріс барысында еңбек заттарының цехаралық қозғалысының ең қысқа маршруттары белгіленеді.

Өндіріс бөлімшелеріне цехтар, телімдер мен зертханалар жатады, оларда негізгі өнім (кәсіпорын шығаратын), жабдықтаушы өнімдер(сырттан әкелетін), материалдар мен жартылай өңделген өнімдер, пайдалану үдерісінде өнімге қызмет көрсету және жөндеуге қажетті көмекші бөлшектер, бақылау - тексерулерден, сынақтардан өтеді, технологиялық мақсатқа әр түрлі энергияны пайдаланады.

Жұмыскерлерге қызмет көрсетуші бөлімшелеріне тұрғын үй - коммуналдық бөлімдер, олардың қызметтері, фабрика - асхана, буфеттер, бала - бақша, санаторий, пансионаттар, демалыс үйлері, профилакторий, медициналық санитарлық бөлімшелер, еркін спорттық қоғамдар, техникалық оқыту бөлімдері және жұмыскер, инженер - техникалық қызметкерлер, қызметкерлердің біліктілігін, мәдени деңгейін жоғарылатумен шұғылданатын оқу орындары кіреді.

1. 2 Өндірістік құрылым түрлері

Өнеркәсіптік мекемеде өндірістік құрылымның үш түрі белгілі: заттық, технологиялық және аралас (заттық - технологиялық) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.