«Казойлсервис» ЖШС-нің қаржылық есебі

ІС-ТӘЖІРИБЕ БАҒДАРЛАМАСЫНЫҢ ЖОСПАРЫ:

1. «Казойлсервис» ЖШС-нің қаржылық есебі. Шаруашылық субъектінің меншікті капиталының есебі. Негізгі құралдардың және материалды емес активтердің есебі. Тауарлы-материалдық құлндылықтар қорларының есебі. Ақша құралдарының есебі. Дебиторлық және кредиторлық қарыздардың есебі. Еңбек ақының және оның төлемінің есебі. Қаржылық есеп беру: оны дайындаудың әдісі және тәжірибесі.
2. «Казойлсервис» ЖШС-нің басқару есебі.

2. 1 Өндіріс шығындарының есебі.

1. «Казойлсервис» ЖШС-нің қаржылық есебі.

1. 1 Шаруашылық субъектінің меншікті капиталының есебі.

Кәсіпорынның жарғылық капиталы қызметі бастауды қамтамасыз ету үшін жаңадан құрылған кәсіпорынның жасаған қаражаттарының сомасы болып саналады.

Шаруашылық серіктестіктердің жарғылық капиталына салынатын салымдары, ақша да, бағалы қағаздар да, мүлік те, мүліктік құқықтық та және басқа да мүліктер (интеллектуалдық қызметтің нәтижесінде берілген құқын да алғанда) болуы мүмкін.

Құрылтайшылардың (қатысушылардың) жарлық капиталына натуралды нысанда салынатын салымдары немесе барлық құрылтайшылардың келісімі бойынша немесе барлық құрылтайшылардың жалпы жиналысының шешімі бойынша мүліктік құқығы ақшалай нысанда бағаланады. Осындай салымдардың құнының сомасы жиырма мың айлық есептік көрсеткіштен асып түсуі керек, бірақ сол бағалауды тәуелсіз эксперт (бағалаушы) қуаттауы керек.

Қосымша және жауапкершілігі шектелген серкітестіктердің жарғылық капиталының бастапқы мөлшері құрылтайшылардың салым сомасына тең болады және құжаттарын мемлекеттік тіркеудің өту үшін берген күнінде, оның мөлшері жүз айлық есепті көрсеткішпен кем болмауы керек.

Аталған серіктестіктердің тіркеуге дейін өздерінің жарғылық капиталының жалпы сомасының 25 пайыз мөлшерінде соманы төлеуге міндетті. Бірақ ол жарғылық капиталының минималды сомасынан кем болмауы керек. Жалпы жиналыстың шешімімен бекітілген мерзімде серіктестіктердің барлық қатысушылары жарғылық капиталына берешегін толығымен өтеуі тиіс. Серіктестіктердің қатысушысымен мүшеліктен шығып кетсе, онда оның үлесін үшінші тұлға сатып алуы мүмкін, ол кезде жарғылық капиталдың сомасы өзгермейді, тек қатысушылардың құрамында ғана өзгерістер болады.

Егер де соған байланысты қатысушылар шығып кетсе, онда соған байланысты жарғылық капитал да азаяды, демек: 503 шоты дебеттеледі, 441, 451, 101-103, 106, 121-125, 201-206, 221, 222 шоттары кредиттеледі.

50-ші «Жарғылық капитал» бөлімшесінің шоттары бойынша қалдығы, оның құрылтай құжаттарында көрсетілген жарғылық капиталының мөлшеріне сай келуі тиісті. 50-ші «Жарғылық капитал» бөлімшесінің шоттары бойынша жазу жарғылық капиталының белгіленген тәртібі бойынша жүреді, және олардың ұлғайған немесе агзайған жағдайында құрылтай құжаттарында да тиісті өзгерістер енгізеді.

Резервті капитал - акционерлерлік қоғамның және басқа да тараптардың таза табысының есебінен қалыптасатын меншік капиталының бір бөлігі. Резервтік капитал субъектінің негізгі (оперативтік) қызметінен алынған зияндарын жабуға және ағымдағы табыс жеткіліксіз болған жағдайда, дивидендтерді төлеуге пайдаланылады. Резервтік капиталды құрау және оны пайдалану құрылтайлық құжаттармен және қолданыстағы заңдармен анықталады. Резервтік капитал жарлық капиталымен және басқа да қаражаттарымен бірге бухгалтерлік баланстың пассивінде көрініс табады және олар кәсіпорынның меншік капиталы болып табылады.

Қосымша төленген капитал дегеніміз - акционерлік қоғам өз акцияларын олардың атаулы (номиналды) бағасынан жоғары бағаға сату нәтижесінде түскен сомасы (эмиссиялық табысы) . Мұндай капиталдың (табыстың) есебі 531-ші «Қосымша төленген капитал» шотында жүргізіледі.

Өз меншігіндегі акцияларды сатқанда 531 шоты кредиттіліп, мына шоттар дебеттеледі: 431, 432, 441, 451, 452.

Сатылған акциялар бойынша шоттарды төлеуге ұсынған кезде сатылған акциялардың тұрақты құны 334 - шоттың дебеті мен 723-шоттың кредиті бойынша көрсетіледі.

Қосымша төленбеген капиталдың есебі үшін 54-ші «Қосымша төленбеген капитал» бөлімшесінің шоттары арналған.

Меншікті капитал отандық бухгалтерлік есептің салыстырмалы жаңа объектілердің бірі болып табылады, сәйкесінше аудиттін де.

Меншікті капиталдың аудитін жүзеге асыру үшін төмендегі келтірілген аудиторлық тексеру бағдарламасын ұсынуға болады.

Жарғылық капиталдың аудиторлық тексеру бағдарламасы.

1. 2 Негізгі құралдардың және материалды емес активтердің есебі.

Өзінің іс-әрекетін жүзеге асыру үшін кәсіпорындарында, бухгалтерлік есептің жеке объектіне бөлінген, негізгі құралдар деп аталатын, қажетті еңбек құралдары болуы керек.

Еңбек құралдары, еңбек құралдарының кейбір түрлерін бухгалтерлік есеп стандарттарын енгізгенге дейін Қазақстан Республикасындағы негізгі құралдарға жатқызылатын 6 БЕС сай, 01. 01. 97 жылы енгізілген, негізгі құралдар құнымен шектеледі және келесі нұсқамен анықталады: «негізі құралдар - материалдық өндірісте және қндірістік емес ортада ұзақ мерзім уақытында (бір жылдан көп) әрекет ететін материалды активтер».

Өндіріс процесінде көп рет қолдану, ұзақ мерзімді уақытта бастапқы түрін сақтау (табиғи - заттай түрі) негізгі құралдардың ерекшелігі болып табылады. Өндіріс процессі және сыртқы орта әсерлерінен бірте-бірте тозады және белгіленген нормалар бойынша амортизацияны есептеу жолымен қызметінің нормативті мерзімі бойында бастапқы құнын өнідіріс шығындарына өткізеді. Негізгі құралдар кәсіпорынның материалды-техникалық базасын құрай отырып, өндірістік потенциалдың маңызды элементі болып табылады. Сондықтан кәсіпорынның шаруашылық қызметінің тиімділігін жоғарлатудың маңызды жағдайы болып негізгі құралдардың сақтауын қамтамасыз ету және оларды рационалды қолдану табылады.

Өндіріс прцесіне қатысу сипатына байланысты негізгі құралдар өндірістік және өндірістік емес болып екіге бөлінеді.

Негізгі өндіріс құралдарына өндіріс процесіне тікелей қатысатын объектілер жатады, олардың көмегімен өнімді әзірлеген кезде еңбек құралдарына (машина, құрал-жабдық, құрал-саймандар, т. б. ) әсер ету жүзеге асады және өндірісті жүргізу үшін қажет материалдық жағдайын жасайды (ғимараттар, құрал-жабдық, өткізгіш қондырғылар) . Негізгі өндірістік құралдардың пайдалануын сипаттайтын шолушы экономикалық көрсеткіші і - қор қайтарымы болып табылады, ол негізгі құралдардың бір өлшеміне шаққандағы өндірілетін заттай немесе ақшалай түріндегі өнімді көрсетеді.

Өндірістік емес негізгі құрал-жабдықтар - тұтынуға арналған құрал-жабдықтар. Ол ұжымның мәдени-тұрмыстық (ғимараттар, тұрғын үй-коммуналдық, денсаулық сақтау мүлкі, т. б. ) қажеттіліктерін ұзақ мерзім бойы өтеуге арналған.

Иелігіне қарай негізгі құралдар меншікті және жалға алынған болып бөлінеді. Қарастырылып жатқан кәсіпорында негізгі құралдар жалға алынбайды және берілмейді.

Негізгі құралдардың құрамына келесілер жатады:

Жер - субъект меншігіне сатып алынған жердің көлемі мен құны. Жерге меншік құқығы бар болса, онда олар құқық актісімен расталуы керек.

Машиналар мен жабдықтар - күш беретін машиналар мен жабдықтар; жұмысшы машиналар мен жабдықтар; өлшеу және реттеу аспаптары және қондырғылар мен лабораториялық жабдықтар; әрбір машина, егер ол басқа мүліктік объектінің бөлшегі болмаса, оған кіретін бейімделген құрпалдарды, соған тиісті заттарды, аспаптарды, қоршауды, фундаментті қоса алғанда, мүліктік объекті болып саналады.

Ғимараттар мен қондырғылар - еңбек заттарын өзгертуге қатысы жоқ белгілі бір қызметтерді орындау жолымен өндіріс процесін жүзеге асыруға арналған инженерлік-құрылыс объектілері және электр, жылу немесе механикалық энергияны өткізу қондырғылары (электр өткізу желілері, трансмиссиялары, құбырлары) .

Басқа да негізгі құралдар - кітапхана қорлары, спорт мүлкі және басқа да салымдар.

Амортизацияланған құн - негізгі құралдардың бастапқы және болжанған жою құндарының арасындағы айырмашылығы, ал ол жүйелі түрде амортизациялық жолмен нормативтік қызметіне немесе барлық пайдалы кезеңіне субъектінің шығысы ретінде таратылады.

Негізгі құралдардың бухгалтерлік есебі: негізгі құралдардың келіп түсуін, кәсіпорын ішінде орын ауыстыруы және шығуын, дұрыс құжаттық рәсімделуін және бухгалтерлік есепте уақытылы көрсетілуін; олардың материалдық жауапты адамдарға бекітілуін және сақталуы мен ұтымды пайдаланылуын бақылайды; негізгі құралдардың есептелген амортизациясы мен тозу сомасының есепте дұрыс көрсетілуін, сондай-ақ есептелген амортизация сомасының есепте дұрыс көрсетілуін, негізгі құралдардың қор қайтарымын анықтауды, жаңа техниканың және оны қолданудың жаңа әдістереінің тиімділігін; негізгі құралдарды жһндеу бойынша шығындардың сенімді есебін; негізгі құраолдарды түгелдеуді және қайта бағалауды мезгелінде жасауын және олардың нәтижесін есепте көрсетілуін; негізгі құралдарды сату және олардың басқаша шығу нәтижелерін есепте нақты көрсетілуін қамтамсыз ету керек.

Негізгі құралдардың тозуын және амортизациясын есептеу.

Негізгі құралдар өндіріс процесіне қатысумен, жылдар мерзімінің әсерімен, табиғат күшінің әсер етуімен пайдалану процесінде біртіндеп тозады. Тозудың екі түрі бар: табиғи және сапалы (моральдық) (заман талабына сай келмеуі) .

Негізгі құралдардың амортизациясының есептеудің әртүрлі әдістері бар. Шаруашылық жүргізуші субъектінің бухгалтерлік есеп стандартына сай дербес тұрғыда, өздерінің есеп саясатында амортизацияны есептеудің тәсілі бойынша жасалынады, олар:

• құнын бірқалыпты (түзу сызықты) жолмен есептен шығару;
• құнын орындалған жұмыстың көлеміне пропорцианлды (немесе пара-пар) етіп есептен шығару (өндірістік тәсіл) ;
• жеделдетіп есептен шығару;
• қалдығын азайту жолымен есептен шығару;
• құнын сандардың жиынтығы бойынша (кумулятивтік әдіс) есептен шығару.

Негізгі құралдардың құны бойынша амортизацияны бірқалыпты (түзу сызықты) жолмен есептеу әдісі, яғни объектінің құны, оның қызмет ету мерзімі ішінде өндіріс шығындарына біркелкі норма бойынша жатқызылады. Бұл әдіс негізгі құралдардың тозуына, оның қызмет ету мерзімінің ұзақтығына байланысты болып келеді.

Негізгі құралдардың құны бойынша амортизацияны бірқалыпты (түзу сызықты) жолмен есептеу әдісі мына формула бойынша есептелінеді:

Бастақы құн - жойылу құны

Пайдалану мерзімі

Амортизацияны (тозуды) орындалған жұмыстардың көлеміне пропорционалды түрде есептеу әдісі (өндірістік тәсіл) негізгі құраолдардың тозуы тек олардың пайдалану дәрежесі болып табылады және оны есептеу процессінде уақыт кесіндісі ешқандай рөл атқармайды.

Ол келесі формуламен есептелінеді:

Бастапқы құн - жойылу құны .

Орындалатын жұмыстың болжамды мөлшері.

Амортизацияны (тозуды) есептеудің жеделдітілген әдістері:

А) Кумулятивтік әдісі - латын тілінен аударғанда - өсу, жиналу деген мағынаны білдіреді, яғни сандарды қосудың көмегімен тозудың сомасы есептелінеді, демек объектінің қызмет ету мерзіміндегі жылдар санын қосу арқылы анықталады.

Ә) Азайып отыратын қалдық әдісі - Бұл әдіс те кумулятивтік әдістің принциптеріне негізделген. Оны екі еселенген амортизациялау нормасын қолдану арқылы азайып отырған қалдық әдісі деп те атайды. Мысалы, автокөлікті пайдалану мерзімі 5 жыл. Бірқалыпты үлестіру әдісінде амортизациялау нормасы 20 пайыз болады (100/5) .

Екі еселенген нормасымен есептелініп, азайып отыратын қалдық әдісінде амортизациялау нормасы 40 пайызға тең (20*2) .

Іс-тәжірибе өткен кәсіпорында амортизацияны есептеудің бірқалыпты әдісі қолданады, бас бухгалтердің орынбасарының түсіндіруі бойынша бұның бірнеше қомақты себептері бар:

1. бұл әдіс ҚР-ның Салық кодексінің ережелеріне ең жақын болып табылады, себебі онда амортизацияның шекті нормалары көрсетіледі;
2. сатып алынатын негізгі құралдардың жиі жағдайда өте қымбат болып табылады, сондықтан амортизацияны есептеудің жеделтілген әдісін қолдану кәсіпорын үшін қиынға түседі.

Негізгі құралдарды аудиторлық тексеру бағдарламасына қосылатын сұрақтар шеңбері кең, бірақ олардың барлығы келесіге келтірілген бола алады: негізгі құралдардың баланста көрсетілуінің дұрыстығын тексеру; негізгі құралдардың болуын және сақталуын тексеру; негізгі құралдардың классификасиясының дұрыстығын тексеру; негізгі құралдарды қабылдау, жөндеу, шығару операциялары бойынша есепте толтырылуы және көрінуі; негізгі құралдарды қабылдау және шығару операциялары бойынша кәсіпорынның салықтық заңдылықты сақтау; негізгі құралдарды қолданудың тиімділігі мен техникалық жағдайының талдауы.

Осы және басқа да мәселерді аудитор оқып біліп, оларға аудиторлық қорытындының аналитикалық бөлімінде баға беру керек және бекітілген есеп тәртіптерінен ауытқуларды жою бойынша ұсыныс айту керек.

Негізгі құралдарды түгендеу.

Аудитордың маңызды мәселесі негізгі құралдардың болуы мен бүтіндігін бақылаудың қамтамасыз етілуін тексеру болып табылады. Аудитор негізгі құралдардың сақталуын қамтамасыз ететін шаралар қабылданғанын тексеру қажет. Ол үшін кәсіпорын басшысының бұйрығымен негізгі құралдардың сақталуына материалды жауапты адамдар тағайындалғандығын; тағайындалған тұлғарлармен олардың толық материалды жауапкершілігі туралы келісім-шарттар жасалынғанын; негізгі құралдардың сатылуын қамтамасыз ету үшін жауапты тұлғаларға жағдайлар жасалынғанын; негізгі құралдардың сақталуын тексеру үшің басшының бұйырығымен түгендеу комиссиясы тағайындалғандығын; жылдық бухгалтерлік есеп құру алдында негізгі құралдардың түгендеу жүргізіледі ме; оның нәтижелері дұрыс толтырылады ма; негізгі құралдардың жетіспеушілігі анықталғанда кәнілі адамға қандай шаралар қолданатынын анықтау қажет. Аудитор әдіс арқылы кәсіпорын балансында есептелген негізгі қорлардың нақты барын анықтау үшін бақылаушы түгендеу жүргізуге міндетті. Егер кәсіпорында негізгі құралдар аз болса жаппай тексеру жүргізу керек. Бірақ, егер саны көп болса, негізгі құралдар тобын бөліп алу керек.

Аудитор түгендеу тізімдерін толтыру сапасына назар аудару керек. Объектілер туралы мәліметтер түгендеу карточкаларынан не өткен жылғы материалдарынан түгендеу тізімдерінен көшірме салатын жағдайлар да кездеседі. Негізгі құралдар объектілерін түгендеу процессінде жарамсыз болып, шығарып тасталатын, ескерілмеген және өткізілетін артық машиналар мен құрылғыларының анықталғандығын тексеру керек. Өткізуге немесе шығарып тастауға жататын объектілерге жеке түгендеу тізімдері толтырылады. Түгендеудің толықтығын тексеру үшін түгендеу тізімдерін берілгендерімен, аналитикалық есеп көрсеткіштерімен салыстырылады. Түгендеудің барлық материалдарын зерттеу негізінде өткізілген түгендеу сапасы туралы қорытынды мен оны жақсарту бойынша ұсыныстар беріледі.

Негізгі құралдардың нақты бары мен сақталуын тексеруге кірісер алдында аудитор негізгі құралдардың аналитикалық есебі жүргізілетінің анықтап алу керек, яғни әрбір объектінің қорына жеке ашылатын түгендеу карточкаларының барын және толтыруының дұрыстығын тексеру. Олар объектінің техникалық және экономикалық сипатын, тұратын орнын, бастапқы бағалауды және барлық бағалауды бекітеді. Осы жерде объектң сипатының өзгерісі де көрсетіледі. Түгендеу карточкаларындағы мәліметтер алғашқы құжаттар мәліметтерімен сай келуі керек. Сондықтан әрқашанда тұрған жерінде нақты мәліметтің есепті мәліметтерімен сәйкестігін және негізгі құралдардың қалпы тексеруге болады.

Аудитор мынаны есте сақтау керек: кез-келген кәсіпорын ұйымдастырушылық формадағы есеп түрін қабылдаса, яғни бұл деген есеп хабарларының аналитикалық және синтетикалық есептің әртүрлі регистірлерінің үйлесімділігі, олардың байланысын және олардағы жазулардың реттілігін өңдеудің процессі. Негізгі құралдардың қозғалысы бойынша операциялар алғашқы есепті құжаттардың бір қатар: негізгі құралдарды қабылдау-тапсыру актісі (үлгі -1) ; жөнделген, жаңартылған және модернизацияланған объектілерді қабылдау-тапсыру актісі (үлгі-2) ; негізгі құралдарды есептен шығару актісі (үлгі - 3) ; автокөлік құралдарын есептен шығару актісі (үлгі -4) ; негізгі құралдарды түгендеу карточкасы (үлгі -6) ; негізгі құралдарды есебін түгендеу тізімі (үлгі -10) ; негізгі құралдардың қозғласының карточкасы (үлгі -12) ; жалға алынған негізгі құралдар есебінің карточкасы (үлгі - 12а) .

Аудитор барлық реквизиттерді толтырудың бекітілген ережелеріне сай алғашқы құжаттардың толтырылуын тексеру керек. Ол толтыруға жауапты адамдардың қолына көңіл аудару керек.

Анықталған жетіспеушіліктер аудитордың қорытындысына анықталған бұзушылық фактілерінің нұсқауларымен көрсетілуі керек. Қажет болған жағдайда қайта тексеру жүргізуге болады. Аудитор эксплуатацияға жіберілген негізгі құралдардың уақытылы тапсырылуына көңіл аудару керек. Жеке кәсіпорындарда бұл актілер толтырылмайды немесе ұсынылған талаптардан ауытқулармен толтырылады.

Тәжірибеде негізгі құралдардың жылжуы бойынша еркін түрдегі құжаттардың операцияларын толтыру сияқты қателер жиі кездеседі. Негізгі құралдардың келіп түсуі бойынша техникалық паспорттар, негізгі құралдарды есепке алу карточкаларындағы объектілердің мінездемесінің жазуы бойынша алғашқы құжаттар негізді мыналардың дұрысытығын анықтау керек: негізгі құралдардың классификациясын, өйткені оларды дұрыс бөлмеу тозуды дұрыс есептемеуге және өнімнің өзіндік құнына, қызметтерге, жұмыстарға шығындарды дұрыс жатқызбауына алып келіп соғады; негізгі құралдарды өндірісте қатысуы бойынша бөлуге, өйткені олардың дұрыс бөлінбеу амортизацияны дұрыс есептемеуге алып келеді. Сонымен қатар негізгі құралдарды классификациялау және класстар бойынша дұрыс бөлмеу негізгі құралдарды қайта бағалау нәтижелерінің есебі көрінісінің дұрыс болмауына алып келеді.

Негізгі құралдар есебі кезінде олардың өндірістік не өндірістік еместерге жатқызуды шешу мәселесін бухгалтерлер елемей келеді. Бұл негізгі құралдармен операциялар кезінде қателіктерге алып келеді. Баланста қандай негізгі құралдар қабылданғанына байланысты өндірістік не өндірістік емес белгісі - бухгалтерлік проводкалар және салық салу айырылады.

Аудитор қолданылмайтын жабдықтардың барын, оның сапалық жағдайын, сақтау жағдайларын, артық және керексіз заттарды өткізуге қабылдалған шаралар, сондай заттардың пайда болу себебін анықтау керек.

1. 3 Инвестициялардың есебі, талдауы және аудиті.

Инвестициялар деп өнеркәсіптің, құрылыстың, ауыл шаруашылығының және экономиканың басқа да салаларының кәсіпорындарвына апитал түрінде салынып, жұмсалатын шығындардың жиынтығы. Инвестициялық қызметтің мақсаты - түпкі нәтижесінде кәсіпкерліктен табыс немесе процент алу болып табылады. Инвестициялар өзінің пайдалану мерзіміне қарай қысқа және ұзақ мерзімді болып табылады.

Инвестиция мақсатына қарай: қаржылық және нақты болып бөлінеді. Нақты - бұл кәсіпорынның негізгі капиталын және материалдық-өндірістік қорын өсіруге салынатын салымдар. Қаржылық - бұл субъектінің табыс алу мақсатында пайдаланатын активі, инвестицияланған капиталдың өсімі немесе алынатын басқа да олжалар.

Инвестициялаудың аудитінің мақсаты жаңа технологияны, алдыңғы қатарлы техниканы, ноу-хауды енгізудің тиімділігін, қызметтердің сапасын жоғарлату деңгейін, импортты алмастыру дамытудың деңгейін, шикізаттық базаны кешенді қолданудың жағдайын, маркетингтің, менеджменттің, жаңа жұмыстарын жасауды зерттеудің, жергілікті кадрларды оқытудың жаңа қазіргі замаңғы әдістерің қолдану деңгейін бағалауды және т. б. жүзеге асыру болып табылады.

Аудитор құрылтайшылық құжаттар бойынша шетелдік мемлекеттермен (кәсіпкерлермен) бірігіп Қазақстан Республикасының территориясында шетелдік кәсіпорындардың заңдылығын тексереді, себебі олармен салынатын соммалар шетелдік заңды және жеке тұлғалардың инвестициялары болып табылады

Еншілес, тәуелді және бірігіп бақыланатын шаруашылық серіктестіктерге инвестициялардың аудиті.

Құрылтайшылық құжаттар бойынша аудитор кәсіпорынның инветициясына қатысуының және басқаруына қатысу құқығының, сонымен қатар инвестицияланатын объектінің қаржылық саясатын анықтауға қатысуның пайызының сәйкестігін тексереді. Бұл үшін ол құрылтайшылық құжаттармен қатар келесі шоттар бойынша құралдардың соммасын тексереді:

141- еншілес серіктестіктердің инвестициялары;

142-тәуелді серіктестіктердің инвестициялары;

143-бірлесіп бақыланатын заіды тұлғалардың инвестициялары;

144-басқа да инвестициялар - олардың үлестік қатысуының құжаттарға сай болуы.

Аудитор инвестициялардың есебінің жағдайының 14 «Тәуелді серіктестіктерге инвестициялардың есебі» - БЕС-ның талаптарына сәйкестігін тексереді, ұсынылған әдістердің біреуінің қолданудың дұрыстығын тексереді: үлестік қатысу әдісін немесе инвестицияны есепке алудағы құн әдісін. Келесіні есепке ала отыру қажет, инвестицияның тексерілуін жүзеге асыру барысында есептің ережелері оларды сатып алу, тарту, ұлғайту және азайту көздеріне тәуелді болады. Бұндай көздер болып келесілер табылады: ссудалық капиталдың нарығында құралдарын тарту, меншікті табыстың бір бөлігін, жаңдан жасалған таза табыстың бөлігін мобилизациялау, негізгі құралдарды жаңартуға амортизациялық аударымдар.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс