Көкөніс дақылдарының зиянкестері

Пән: Ауыл шаруашылығы
Жұмыс түрі: Реферат
Тегін: Антиплагиат
Көлемі: 5 бет
Таңдаулыға:

Қазақстан Білім және Ғылым Министрлігі

Семей қаласының Шәкәрім атындағы мемлекеттік университеті

БӨЖ

Тақырыбы: Көкөніс дақылдарының зиянкестері

Орындаған: Болатбек Еркежан

Тексерген: Мухаметжанова Орынгул Токтабековна

Тобы: АГ-413

Семей 2015

Жоспар:

Ақ көбелектер (қырыққабаттың және шалқанның)
Қырыққабат күйесі
Қырыққабат көбелегі
Айқышгүлділер бүргесі
Темекі трипсі
Пияз шыбыны
Бақша дақылдарының фузариоздық солуы
Пайдаланған әдебиеттер

КӨКӨНІС ЖӘНЕ БАҚША ДАҚЫЛДАРЫНЫҢ ЗИЯНКЕСТЕРІ МЕН АУРУЛАРЫ
Ақ көбелектер (қырыққабаттың және шалқанның)

Оңтүстік аймақта көбелектердің ұшуының басталуы наурыз айының басында тіркелді. Жаппай ұшуы, шағылысуы және жұмыртқа салуы наурыз айының бірінші онкүндігінен бастап байқалды. Қырыққабатта жұлдызқұрттарының тууы 25 сәуірден бастап 21 мамыр аралығында анықталды, 1 өсімдікке тығыздығы 0, 1 жұлдызқұртты құрады. Мамыр айының аяғында және шілде айының басында жаңа ұрпақ көбелектерінің ұшуы байқалды. Үшінші ұрпақ көбелектерінің ұшуы шілде айының аяғында - тамыз айының ортасында тіркелді, саны 0, 05-2 дана/өсімдікке болды. төртінші ұрпақ көбелектерінің ұшуы қыркүйек айының басында анықталды. Өсімдікті зақымдау 2, 5%-ға жетті. Қыркүйек айының екінші онкүндігінің соңында және үшінші онкүндікте зиянкес тегіс қыстауға кетті.

Солтүстік аймақта бірінші ұрпақ көбелегінің ұшуы созылмалы болды. көбелектер маусым айының бірінші онкүндігінде де кездесті. Қырыққабатта жұмыртқа салуы 6-12 маусымда, жұлдызқұрттарының тууы 12-15 маусым күндері тіркелді. Жұлдызқұрттарының саны 0, 1-2, 4 дана/өсімдікке құрады. Өсімдікті зақымдауы 0, 8-2, 0%-ды құрады. Қуыршақтануының басталуы 29 маусымнан бастап 10 шілде аралығында тіркелді. Үшінші ұрпақ көбелектерінің ұшуы 8-13 тамызда анықталды. Үшінші ұрпақ жұлдызқұрттарының тууы 13-23 тамыз күндері тіркелді. Қырыққабатта жұлдызқұрттарының саны 0, 3-тен 5, 0 дана/өсімдікке ауытқып отырды. Қуыршақтары 1-2 дана/м ² санымен өсімдік қалдықтарында қыстауға кетті.
Қырыққабат күйесі

Оңтүстік аймақта қырыққабат күйесінің бірінші ұрпағы ерте көктемде арамшөптерде дамуын бастады. Жұлдызқұрттарының тууы маусым айының аяғында тіркелді, олардың 1 өсімдікке саны 0, 05 дананы құрады. Бірінші ұрпақ көбелектерінің ұшуының созылмалы болуынан зиянкес барлық даму сатысында кездесті, орташа саны 1 өсімдікке 0, 3 дананы құрады.

Солтүстік аймақта бірінші ұрпақ көбелектерінің тууы мамыр айының екінші онкүндігінде, жұмыртқа салуы 5-7 маусымда байқалды. Бірінші ұрпақ жұлдызқұрттарының тууы 13-14 маусымда басталды. Орташа саны 0, 2-1, 0 дана/м ² құрады. Екінші ұрпақ көбелектерінің ұшуы және қырыққабатта жұмыртқа салуы 6-12 шілдеде анықталды. Екінші ұрпақ жұлдызқұрттарының тууы 11-18 шілде күндері байқалды. Жұлдызқұрттарының саны 1 өсімдікке 0, 2-2, 0 дананы құрады. Екінші ұрпақ жұлдызқұрттарының қуыршақтануы 20-27 шілдеде анықталды. Үшінші ұрпақ көбелектерінің ұшуы, жұмыртқа салуы 27 шілдеден бастап 3 тамыз аралығында тіркелді. Үшінші ұрпақ жұлдызқұрттарының тууы 4-15 тамыз аралығында тіркелді. Олардың саны 1 өсімдікке 0, 1 данадан 5, 0 дана аралығында болды. Жапырақ бетінің зақымдануы 5-9%-ға жетті. Жұлдызқұрттарының қуыршақтануы 20-24 қыркүйекте 0, 5-3, 5 дана/м ² санымен байқалды.

Қырыққабат көбелегі

Көкөніс егілген егістіктерде қыстап шыққан қуыршақтарының саны 0, 1-0, 3-тен 2-3 дана/м ² аралығында болды. қырыққабатта көбелектерінің ұшуының басталуы 12-15 маусымда тіркелді. Жұмыртқа салуы 12-25 маусымда анықталды, 1 жұмыртқа салған орында 20-50 жұмыртқа саналды. Жұлдызқұрттарының тууының басталуы оңтүстік аймақта 10 маусымда, солтүстік аймақта 2-3 шілдеде тіркелді. Өсімдікте 0, 1-3, 0% қоныстанғанда жұлдызқұрттарының саны 0, 1-0, 2 дана/1 өсімдікке құрады. Тамыз айының екінші онкүндігінің ортасында жұлдызқұрттар топыраққа қуыршақтануға кете бастады. Олардың салмағы 240-395 мг жетті. Күзгі тексеру барысында қуыршақтарының саны 0, 5-1, 5 шт. /м ² құрады.
Айқышгүлділер бүргесі

Оңтүстік аймақта бүргенің қыстаудан шығуы егістіктің шетінде 27 наурызда тіркелді, қоныстану тығыздығы - 0, 1 дана/өсімдік. Маусым айының басында бүргенің қоректенуі, шағылысуы және жұмыртқа салуы байқалды. Шілде айының ортасында жас қоңыздар кездесті, саны 1 өсімдікке 5-8 дананы құрады. Қыркүйек айының бірінші онкүндігінің басында қоңыздардың қыстау орнына көшуі (миграциясы) тіркелді.

Солтүстік аймақта бүргелердің көкөніс дақылдарына көшуі 5-18 маусым аралығында байқалды, саны 1-3 дана/м ² - 19 дана/м ² аралығында болды. Шағылысуы және жұмыртқа салуы 10-18 маусымда тіркелді. Топырақта балаңқұрттарының тууы және ұсақ тамыршалармен қоректенуі - 20-28 маусымда тіркелді. Қуыршақтануының басталуы 10-18 шілдеде анықталды. Жаңа ұрпақ қоңыздарының шығуы 22-25 шілдеде тіркелді. Бүргелердің саны жоғары болған жоқ. Қоректенуін аяқтаған бүргелер өсімдік қалдықтарының астында қыстауға қалды.

Климаттық жағдайлардың қолайлы болуы, айқышгүлділер дақылдары зиянкестерінің жиынтығының дамуына 2009 жылы олардың санының және зияндылығының жоғарылауы күтіледі.
Темекі трипсі

Арамшөптерде темекі трипсінің шығуы сәуір айының үшінші онкүндігінде тіркелді. Пияз егістігінде қоныстануы мамыр айының екінші жартысында анықталды. Қоныстанудың орташа тығыздығы 0, 7-3, 5 дана/өсімдік, Жамбыл облысында жоғары тығыздығы 9-12-ден 15-20 дана/өсімдікке аралығында болды. Химиялық өңдеу жұмыстары Алматы және Жамбыл облыстарының жекелеген аудандарында жүргізілді. Өсімдіктің өсу кезеңінің бойында имагосының және балаңқұрттарының белсенді қоректенуі байқалды, трипстің дамуы төрт ұрпақта жүрді. Тамыз айының үшінші онкүндігінде өнімді жинау басталғанда қыстауға кетуі анықталды.

2009 жылы темекі трипсінің зияндылығы ауа райы жағдайына және агротехниканың деңгейіне байланысты болады.

Пияз шыбыны

Шыбынның ұшып шығуының басталуы 9 сәуірде, балаңқұрттарының тууы 22 сәуірде орташа 2-4 дана/м ² санымен анықталды. Зияндылығы 25-30%-ға жетті. Балаңқұрттарының қуыршақтануы 25 мамырда тіркелді. Маусым айының бірінші онкүндігінде бірінші ұрпақ шыбынының ұшуы байқалды, қақпатордың 10 сермеудегі саны 3 дананы құрады