Ку – риккетсиоз ауруы

Пән: Ветеринария
Жұмыс түрі: Реферат
Тегін: Антиплагиат
Көлемі: 5 бет
Таңдаулыға:

ҚАЗАҚ ҰЛТТЫҚ АГРАРЛЫҚ УНИВЕРСИТЕТІ

Ветеринария факультеті

Тақырыбы: Ку - риккетсиоз ауруы

Орындаған:

Тексерген:

АЛМАТЫ, 2015 ж.

Жоспар

I Кіріспе

II Негізгі бөлім

1. 1. Ауруға жалпы сипаттама.

1. 2. Сойғанға дейінгі және сойғаннан кейінгі диагностика

1. 3. Ку - риккетсиозбен ауырған жануар өнімдерін ветеринариялық санитариялық сараптаудан өткізу

III Қорытынды

IV Пайдаланылған әдебиеттер

I Кіріспе

Риккетсиоздар - инфекциялық аурулар тобы, ұлпаішілік микроорганизмдер - риккетсиялармен тудырылады. Оларға Coxiella burneti - Ку - лихорадка қоздырғышы, Cowdria ruminantum - гидроперикардит қоздырғышы.

Ку - риккетсиоз - ауылшаруашылық жануарларында әлсіз және латентті формада өтетін адам мен жануардың инфекциялық ауры. Жануарларда дене температурасының жоғарылауымен, бронхитпен, бронхопневманиямен, плевритпен, маститпен, орхитпен сипатталатын ауру. Жүктіліктің екінші кезеңінде іштастаумен сипатталады.

Ауруды ең алғаш рет 1937 жылы түсініксіз, беймәлім лихорадка - Ку - лихорадка ретінде Деррик сипаттаған. Ол Австралияда Портленд қаласындағы Квинслед провинциясының жұмысшылар арасында ауруды бақылаған. КСРО - да М. П. Чумаков, А. П. Беляева, И. А. Шифрин, Н. И. Ходукин және В. А. Лысункина диагноз қойған.

II Негізгі бөлім

1. 1. Ауруға жалпы сипаттама. Ку - риккетсиоз - ауылшаруашылық жануарларында әлсіз және латентті формада өтетін адам мен жануардың инфекциялық ауры. Қоздырушысы - Rickettsia burneti. 1939 жылы австралиялық Ф. М. Бернет және М. Фримен бөліп алған. Бұл өкпе, ұрықжолдас, сүт безіне бейім ұлпаішілік паразит. Жасуша цитоплазмасында ғана паразиттік көрсетеді. Ол полиморфты, таяқша, кокк, сопақша тәрізді, қос - қостан немесе тізбектеліп орналасады. Риккетсилар көлемі 0, 2 - ден 0, 5 - 2 мк. Өлшемі 10 - 12 мк.

Риккетсии Бернета полиморфны 1 - сурет. Ку - риккетсиоз қоздырғышы

Ку - лихорадка қоздырғышы басқа риккетсиялар тәрізді протоплазмадан және қорғаныш қабықшасымен қапталған. Ірі жануарлардың ұлпаларынан бөлінетін риккетсилер негізінен майда және көбіне тізбектеліп орналасқан кокк тәрізді болып келеді, ал ұсақ жануарлар ұлпа өсінділерінде ірілеу және таяқша немесе сопақша болып келеді.

Қозғалмайтын, аэробты, анилин бояуларымен ақшыл түске боялатын, грамм теріс, Романовский - Гимза, Маккаивел әдістері бойынша қызыл түске боялады.

Ку - риккетсиозға барлық үй және жабайы жануарлар бейім. Тауықтар, үйректер, қаздар, көгершіндер ауырады. Жас құстар өте сезімтал келеді.

Кене денесіне енген риккетсиялар ішек жолдарын зақымдап, нәжіспен немесе буынаяқтылар өлексесімен таралады, сонымен қатар дененің бүкіл ұлпасына таралатын риккетсиялардың түрлері бар. Олар сілекей арқылы, жұмыртқа арқылы беріледі. Кенелер ку - риккетсиоздың негізгі қоздырғыштары.

Қойлар мен ірі қара малдарының зақымдалуы қора жайларда жаппай қоздату және бұзаулату кезінде, ұрық суымен бірге бөлінеді. Ауру көбіне көктем, жаз айларында кездеседі.

1. 2. Сойғанға дейінгі және сойғаннан кейінгі диагностика . Аурудың клиникалық белгілерінің білінуі қоздырғыштың уыттылық күшіне, зақымдалу жеріне және жануардың күйіне байланысты. Азық арқылы, кілегейлі қабықтар арқылы, жанасу арқылы, ауа арқылы таралуы мүмкін.

Жылқыларда ауру бронхит және жөтел арқылы ерекшеленеді. Жылқының ауырған кезде ауыр жұмыстарға тартатын болса өкпе эмфеземасы пайда болады. Бұндай жылқыларды жарамсыз деп табады.

Ірі қараларда бронхит, құрғақ жөтел, мастит, циррозбен ерекшеленеді.

Сауын сиырларда сүт өнімділігі төмендейді, маститтер пайда болады, жиі бронхит және бронхопневмония кездеседі.

Құстарда дене температурасының жоғарылауы, салмағының төмендеуі байқалады. Және құстың азыққа тәбеті болмайды, селқостық, қимыл - қозғалысының өзгергенін байқаймыз. 17 ℅ дейін шығынға ұшыратады. Және жұмыртқалағыштығы 34 ℅ дейін төмендейді. Құстар арасында ауру латентті түрде кездеседі.

Ауырған жануарлар арасында өлім көрсеткіші төмен. Тек аурудың асқынған түрінде ғана өлімге душар етеді.

Ауру жануарларда көбіне бронхит, пневмания, плеврит байқалады. Қозы мен бұзауларда бронхопневмния кездеседі. Сонымен қатар фиброзды мастит ошақтарын көруге болады. Лимфа түйіндері ісінеді, абсцесстерді байқауға болады. Бүйрек, бауыр, жүректің де өзгеріске ұшырағанын байқаймыз. Буаз жануарларда ұрық жолдасының қабынғанын байқаймыз.

Құстардың өкпесі қанға толған, бүйрек және көкбауырының ұлғайғанын, ішектің кілегйелі қабығының қанталағанын байқаймыз.

1. 3. Ку - риккетсиозбен ауырған жануар өнімдерін ветеринариялық санитариялық сараптаудан өткізу. Жануар өнімдерін зақымдану дәрежесіне байланысты пайдалануға болады. Ұшаның зақымданған жерлерін алып тастап, қалған бөлігін қайнатқаннан кейін пайдалануға болады. Егер ұша толықтай зақымданған болса, қайта өңдеуге жібереді. Және жануар өнімдерін шұжық, консерві жасау кәсіпорындарына да өткізеді.

III Қорытынды

Қорыта келе, Ку - риккетсиоз аса қауіпті паразиттік аурулар қатарына жататын болғандықтан, күрес шараларын дұрыс ұйымдастыру керек. Аурудың алдын алу үшін шаруашылықтарда зоогигиеналық талаптарды қатаң сақтап, жануарларды күтіп - бағуды дұрыс ұйымдастыру керек. Ауырған жануар өнімдеріне ветеринарялық санитариялық бағаны дұрыс беріп, қолданылу аясын анықтау керек.

IV Пайдаланылған әдебиеттер

А. Ә. Жұмагелдиев, Қ. М. Ромашев., Г. Төлепова «Сойыс малдарын тасымалдау және жұқпалы аурулар кезінде мал өнімдерін санитариялық бағалау» Алматы 2015
Е. И. Қасымов «Індеттану және инфекциялық аурулар санитария негіздерімен» Алматы 2006
Г. А. Байқадамова «Індеттану және індетті аурулар», Алматы 2011
Интернет желісі

... жалғасы

Сіз бұл жұмысты біздің қосымшамыз арқылы толығымен тегін көре аласыз.