Жеке оқушымен жұмыс Озық тәжірибелермен танысу, тиімділігін анықтау. Мерзімді басылымдарды шолу. Дарынды және педагогикалық тұрғыдан қараусыз қалған балалармен тәрбие жұмысы

Қазақстан республикасы Білім және Ғылым минсрлігі

Семей қаласы Шәкәрім атынағы мемлекеттік университеті

СӨЖ

Тақырыбы: «Жеке оқушымен жұмыс Озық тәжірибелермен танысу, тиімділігін анықтау. Мерзімді басылымдарды шолу. Дарынды және педагогикалық тұрғыдан қараусыз қалған балалармен тәрбие жұмысы »

П-311 тобы студенті

Орындаған: Турбаева Б. М

Тексерген: Тұрғанбаева Б. Ш

Семей-2015

1. Жеке оқушыменжүргізілетін жұмыстыңбағдарламасы

Қазақстан Республикасының жаңа «Білім туралы» заңына мемлекеттік саясат негізінде ең алғашқы рет «Әр баланың жеке қабілетіне қарай интеллектуалдық даму, жеке адамның дарындылығын дамыту» сияқты өзекті мәселелер енгізіліп отыр.

Дарынды да талапты жастар - бүгінгі егеменді еліміздің жарқын болашағы. Осыған орай, елбасы Н. Ә. Назарбаев: «Бізге керегі - шын дарындылар. Нарық қол - аяғымызды қалай қыспасын мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті», - деп жеткіншектер болашағына үлкен мән берген.

Баланың бойында күш-қуаты жеткілікті, шын дарынды екендігіне сендіру - ұстаз бойындағы құдіретті күш, өйткені сенім үлкен жеңіске жетелейді. Терең біліммен қоса, саналы тәрбие беру - әрбір ұстаздың абыройлы борышы.

Тілді тереңдетіп оқыту бүгінгі таңда білім берудің мемлекеттік тұжырым концепциясының басты бағыттарының біріне айналып отыр.

Тілді білу ұлтаралық қарым-қатынасты мәдениетті жақсартады. Әрбір халықтың жылдар бойы жасаған мәдениетін, оның озық үлгілерін таныту арқылы баланы сол уақытқа құрметтеп қарауға тәрбиелеумен бірге оның тілге деген сүйіспеншілік сезімін оятады.

Дарынды балалармен арнаулы курстың және факультатив сабақты ұйымдастырудың мақсаты - оқушыларға қазақ тілі пәні бойынша терең білім беріп, олардың осы пәнге деген қызығушылығын арттыру, қазақ тілінің байлығы, көркемдігі, әуездігі, сөйлеу мәдениеті мен этикетін таныту.

Қазақ тілі мемлекеттік тіл ретінде қоғамымыздағы халықтар арасындағы ізгілік қатынасы, түсініктікті, келісімділікті нығайтуға, оның ұйытқысы болуға қызмет етеді. Қазақстан Республикасының мемлекеттігін, территория тұтастығын, халықтар достығын, Ата Заңын, мемлекеттік рәміздерін құрметтеуге үндей отырып, дара тұлға бойында қазақстандық патриотизм сезімін қалыптастыруды мақсат етеді.

Бағдарлама төмендегідей міндеттерді атқарады:

1. Мектеп бағдарламасын жан-жақты меңгеру

2. Алған білімдерін ғылыми негіздеу

3. Ғылыми негізі бойынша шығармашылық жұмысын дамыту

4. Қазақша ойлауға, қазақша сөйлеу желісіне, қазақша сөйлеу әуезділігіне

жету

Дарынды балаларға қойылатын талаптар және оның орындалуын үш басқышқа бөлгенді жөн көрдім.

Бірінші басқышта мынадай талаптар қойылады:

1. Жазу көркемділігінің дұрыс болуы

2. Ойын жүйелі жеткізе білуі

3. Сурет бойынша әңгіме құрай білуі

4. 4-5 өлеңді жатқа айтуы

5. Сөзге талдау жасауы

6. Суретті альбом жасай білуі

7. Мәтінге жуық мазмұндап айтуы

8. Сөздің құрамын талдай білуі

9. Сөз таптарына қарай талдай білуі

10. Шағын әңгіме, шығарма жаза бастауы

11. Ауыз әдебиеті үлгілерін меңгере бастауы

Енді екінші басқышта қазақ тіліне байланысты оқушыларға мынадай талаптар қойылады:

1. Тереңдетілген бағдарлама негізінде білім деңгейі сараланады

2. Оқушылар қосымша оқулықтармен жұмыс істейді

3. Өтілген тақырыптар бойынша әңгіме жазады

4. Шығармашылық ізденіс жұмыстарын жүргізеді (альбомдар, дидактикалық материалдар құрастырылады)

5. Сөйлем талдаудың жолдарын меңгереді

Үшінші басқыштағы оқушылардың талап-деңгейі:

1. Қазақ тілінің салалары бойынша жан-жақты талдау жасайды

2. Ойын әдеби тілде көркемдеп жеткізе алады, пікірталасқа қатысады

3. Туған өлке, өнер иелерінің шығармашылығын оқиды

4. Баспасөзде көрінеді, конкурстарға қатысады

5. Рефераттар жазады

6. Өнер бәйгелерде көрінеді

7. Шығармашылық жұмысы ғылым негізі бойынша дамытылады

Оқушылардың қабілетін дамытудың жұмыс түрлері:

1. Әр түрлі кездесулер өткізу

2. Тарихи орындар мен мұражайларға апару

3. Әр түрлі тақырыпта сайыс, пікірталас өткізіп, алған әсерлері бойынша әңгіме жазады

4. Өтілген ақын-жазушылар туралы мағлұмат жинайды, рефераттар жазады

5. Тыңдау, оқу, жазу, сөйлесу, тілдесу жұмыстарын жүргізу

Дарынды және шығармашылық қабілетті жоғары балалармен жұмыс істейтін мұғалімнің рөлі білімді беру емес, дара тұлғаның өзіндік мүмкіндігін ашу, оқушының өзіндік дамуына бағалауына және ойлау дербестігіне көп көңіл бөлу өйткені бұл шығармашылық потенциалының айқындалуына мүмкіндік туғызады.

Озық тәжірибелермен танысу, тиімділігін анықтау

Жоғары мектеп оқытушысы өз саласының маманы болумен қатар білім стандарттарында айқындалған психологиялық, педагогикалық, ғылыми бағыттардан да жеткілікті деңгейде құзыреттіліктері қалыптасқандығын көрсете алулары тиіс. Өкінішке орай жоғары оқу орындары білім беру жүйесі қызметіне бірден араласып кететіндей мамандар дайындап отыр деп айта алмаймыз. Мысалы атап айтсақ жоғары мектептердің жас мамандары кәсіби әрекетте туындайтын мәселелерді шешуде педагогика мен психологияның жетістіктерін пайдалануға, оқыту үрдісінде жаңашылдық технологияларды қолдануға, студенттермен тәрбиелік мақсаттағы жұмыстарды, зерттеушілік жұмыстарды жүргізуге, өз бетінше білім жинақтауға қиналатындықтарын көріп жүрміз. Тіпті өзі оқыған ғылым саласында да терең білімдері болмайтындары кездеседі.

Ал білім мекемелері мен өндірістерде жас маманды жұмысқа бейімдеу, оның ұжыммен етене болып кетуіне жағдай жасау, мамандығына көңілі толмау сезімдерінің болмауына ықпал ету ісі бүгінде өз дәрежесінде жүргізіліп отырмағаны белгілі. Оның себептері : оқу орындарында жаңашылдық үрдістердің кенжелеуі, оқу-әдістемелік, ғылыми-әдістемелік жұмыстарды ұйымдастыруда формальділіктің орын алуы мен олардың өз дәрежесінде жүргізілмеуі; тәлімгерлік институттарының болмауы, оқу орындарындағы шамадан тыс қағазбастылық, профессорлық - оқытушылар құрамының жүктемелерінің көп болып, керісінше міндеттер ауқымының молдығы, жастардың педагогикалық қызметке деген қырсыздығы, онымен айналысуды мансұқ етпеуі т. б. с. с. Алайда болашақты ойлаған әр басшының, аға буын өкілінің, мамандығын сүйетін майталман ұстаздың жастарды тәрбиелеуге бей-жай қарамайтындығына сенім жоқ емес.

Тәлімгерлік-тәрбиенің бір түрі. Ол - жас маманды жұмыс орынында оқыту арқылы, аз шығынмен қолданбалы құзыреттіліктерді меңгертудің қуатты құралы. Тәлімгерлік озық тәжірибеден туындайды. Тек өзгеден өзгеше, бұрынғыдан нәтижелірек тәжірибе ғана осындай атқа ие болмақ. Сондықтан «озық тәжірибе» ұғымын мәнін қарастырғанды жөн санадық.

О зық тәжірибеге түсіндірме сөздікте практикада меңгерілген білім, іскерлік, дағдының жиынтығы; адам санасындағы сол әлем мен қоғамдық практиканың өз ара әрекетінің нәтижесі деген анықтама берілсе, осыдан келіп шығатын «педагогикалық озат тәжірибе» ұғымының мағанасын педагогикалық энциклопедияда: педагогтың оқу мен тәрбиедегі жинақтаған тәсіл жүйесі, оны жұмыс процесінде қолдану және жетілдіру; оқу- тәрбие процесіндегі мұғалімнің білім, іскерлік, дағдысының бірлестігі; мұғалімнің педагогикалық шеберлігінің негізі; педагогикалық ғылымды дамытудың көзі деген мағына арқылы түсіндіріледі.

М. Н. Скаткин бұл түсінікті кеңейте отырып: «озық педагогикалық іс-тәжірибе немесе озық педагогикалық тәжірибе дегеніміз - оқу-тәрбие үрдісіндегі педагогтың жоғары шеберлігі, аз шығынмен, күш, уақыт жұмсау арқылы жоғары нәтиже алуға болатын тиімді тәжірибе» деген тұжырым жасайды.

Бұл ретте тәжірибенің озық екендігін анықтау үшін арнайы критерийлер айқындалуы тиіс екндігіне көңіл бөлу қажеттігі туындайды. Төменде өз тәжірибемізде қолданылған критерийлер кестесін келтіріп отырмыз.

Кесте № 1 Озық тәжірибені анықтау критерийлері

Жоғарыда айтылғандарды тұжырымдай келе білім мекемесі ең алдымен педагогтар еңбектерін бағалай отырып озат деп танылатын тәжірибені сараптан өткізулері, содан кейін сәйкесінше мамандар арасында ұжымдық шығармашылыққа өзіндік үлес қосып жүрген, жаңашыл, сапалы еңбегімен танылған, беделді болашақ тәлімгерлерді анықтап алғаны жөн. Олардың әрқайсысының қай бағытта басқаға көмек бере алатындығы айқындалған соң, тәлімгерлер институтын құрып, жас мамандарды оларға бекіту жүзеге асырылады. Тәлімгер болып әдетте озат тәжірибе иесі, педагогикалық әрекетте шеберлігімен танылған маман тағайындалады.

Тәлімгерлік туралы айтқанда мұндағы басты кейіпкері тәлімгер жайлы сөз қозғамауға болмайды. Жақсы тәлімгер болу үшін ең алдымен жастарды сүйе білу қажет. Нағыз тәлімгер өзінен мықты, өзінен ақылды жанды тәрбиелеуге барын салады. Сондықтан да тәлімгерлікті ең алдымен шығармашылық әрекет ретінде қабылдаған жөн.

Тәлімгердің міндеті - жас маманға өзін - өзі іске қосудың тетіктерін меңгерту, өз жұмысына рефлексия жасап, баға беруге баулу, тұлғаның жекелік қасиеттерінің дамуына көмектесу болып табылады.

Тәлімгердің жұмысының нәтижелілігі сондықтан да, тәлім алушы мен оның ұстазының, әріптестер мен басшылар арасындағы өзара әрекеттестік жүйесінің дұрыс құрылуына тікелей байланысты. Олардың ортақ іске қатысты мотивтерінің сәйкес, ортақ мүдделері ұқсас және ақиқатқа деген бірыңғай көзқарасының болулары жұмыстың жемістілігін қамтамасыз етеді.

Тәлімгердің жұмысының түрлеріне : ұйымдастырушылық-басқарушылық; әлеуметтік - педагогикалық ; ұйымдастырушылық - әдістемелік; ақпараттық кеңес берушілік; түзетушілік қызметтер жатады.

- ұйымдастырушылық-басқарушылық қызмет жас мамандардың кәсіби қиыншылықтарын анықтауды ұйымдастыру, тәлімгерлік жұмыстың бағыт бағдарын айқындау, жоспарын жасау, үйренушінің педагогикалық әрекетке деген мотивтерін туғызудан тұрады;

- әлеуметтік - педагогикалық қызмет жас маманды ұжымның ішкі тіртібіне, қарым қатынас мәдениетіне, оны кәсіби дамудың жеке траекториясын жасауына көмек көрсетуге бағытталады;

- ұйымдастырушылық - әдістемелік қызмет жас оқытушының оқу үрдісін әдістемелік тұрғыда қамтамасыздандыруға, педагогикалық технологияларды пайдалануға машықтандыру, студенттермен тәрбие жұмыстарын ұйымдастырудың тиімді жолдарын меңгеруіне бағытталуымен сипатталады;

- ақпараттық кеңес берушілік өзінің қызмет кәсіби білімі мен тәжірибесін тұрақты түрде жеткізу; жас маманның оны ұдайы толықтырып отыруы, кәсіби құзыреттіліктерді қалыптастыру үшін қандай ақпаратпен жұмыс жасау керектігі, оларды табу мен өңдеу жолдарына қатысты ақыл кеңестер беру аясында жүргізіледі.

Тәлімгерлік не береді дегенге келсек, ең алдымен жоғары оқу орындарының алдына қойылып отырған сапалы маман дайындаудың тиімділігін арттырады; жас кадрлардың өз мамандығының қыр - сырын үйреніп, оқыту әдістері мен технологияларын тез меңгеруіне жағдай жасайды; мамандардың біліктіліктілігін көтеруге кететін шығындарды азайтады; жас мамандардың білім мекеме жағдайларына әлеуметтік - кәсіби бейімделу үрдісін жеделдетеді.

Тәлімгерлік қандай формаларда жүзеге асырылады деген мәселеге тоқталсақ, білім мекемелерінде кең тараған әдістемелік жұмыстарды еске түсіруге болады. Олар төмендегі кестеде қысқаша бейнеленген:

Байқап отырғандай педагогика мен дидактикада озат тәжірибені насихаттаудың көптеген жолдары бар. Бұларға қосымша: баспадан еңбегін басып шығару, газет - журналдарда жариялау, хабарлар ұйымдастыру, ашық сабақтар циклын көрсету, курстық жұмыстарда насихаттау, семинарлар өткізу, авторлық кештер не күн өткізу т. б. с. с. түрлері де барлығымызға таныс.

Біз өз мақаламызда соңғы уақыттарды қолданысқа еніп жатқан тәжірибе жинау мен алмасудың, жаңа формаларының кейбіріне тоқталуды жөн көрдік.

Озат тәжірибені таратудың инновациялық формаларының бірі - шеберлік сынып әдісі. Мұндағы басты кейіпкер шебер . Қазіргі кезде шебер - оқытушы деп зерттеушілік біліктері қалыптасқан, тәжірибелік жұмыстарды білетін, инновациялық педагогикалық технологияларды қолдана, талдай алатын, өз әрекетінің қорытындыларын болжайтын, әдістемелік нұсқаулар дайындайтын ұстазды айту қабылданған.

С. И. Ожеговтың түсіндірме сөздігінде «шебер» сөзіне бірнеше түсіндірмені табуға болады. Оларға тоқтала кетсек: өндірістің белгілі бір саласындағы білікті маман; өндірістің жеке бір саласының жетекшісі; бір нәрсені жақсы әрі жылдам орындайтын адам; өз ісінде жоғары өнерге жеткен маман. Бұлардың ішіндегі педагогтарға соңғы екі анықтама педагогтарға сәйкес келеді.

Қазіргі педагогикалық әдебиетттерде «педагогикалық шеберлік» ұғымының сипаттамасына мына төмендегі компоненттер енеді:

• психологиялық және этикалық-педагогикалық эрудиция; кәсіби қабілеттер;
• педагогикалық техника;
• кәсіби әрекетті жүзеге асыруға қажетті тұлғаның арнайы сапалары.

Халқымызда «шебердің қолы ортақ» деген даналық сөз бар. Мұның астарында өз білгеніңді өзгеге үйрету керектігі меңзеледі. Шеберлік сынып бұл ретте таптырмайтын құрал деуге болады.

« Шеберлік сынып» озат оқытушының өз тәжірибесін өзгелерге таныту мен таратудың ең оңтайлы жолы. Ал қатысушы үшін - практикалық жолмен тәжірибе жинақтаудың, жаңа білім алудың тиімді тәсілі. Белгілі ғалым М. М. Поташник шеберлік - сыныпты шеберден кәсіби сабақ алудың айырықша түрі ретінде сипаттайды. Шеберлік - сынып жинақталған озық тәжірибені таратудың, сол арқылы мұғалімдердің біліктілігін арттырудың тиімді формаларының бірі. Демек шебер өз тәжірибесін, білімін, шеберлігін мен өнерін ашық көрсетеді.

«Шеберлік - сынып» - бұл озат тәжірибе авторының онымен танысушыларға қызығушылық танытқан мұғалімдер алдында өзін таныстыруы. «Шеберлік сыныпта» тәжірибе авторы: тек өзіне ғана тән педагогикалық әрекеттер мен кешенді әдістемелік тәсілдерден тұратын; оқу - тәрбие үрдісін шешудің тиімділігін арттыратын өзара байланыстағы ерекше іс - әрекеттерден түзілген; мұғалімнің жұмысындағы тұтастықты, әр әдіс пен тәсілді орнымен қолданудағы оптимальділікті, педагогикалық іс-әрекетінде субъектімен жұмыс етудегі әртүрлілікті, олардың тұлғалық дамуына қолайлы жағдай туғызудағы жан - жақтылықты көрсететін өзіндік оқыту жүйесін танытуы тиіс.

«Шеберлік сыныпты» ұйымдастырып өткізудің өзіндік реті мен тәртібі болады. Тек сол сақталғанда ғана оған қатысушылар қанағат тауып, өздеріне қажеттісін алуларына мүмкіндік пайда болады. Біз өз тәжірибемізде шеберлік сыныпты өткізудің төмендегідей құрылымын басшылыққа алдық.

1. Шебер - педагогтың тәжірибесін презентациялау . Бұл қадамда мұғалім қолданатын технологиялар мен озық әдістердің негізгі идеялары баяндалады, олардың ғылыми негіздері жайлы түсінік беріледі. Шеберлік сыныптың осы кезеңінде шебер қазіргі педагогикалық технологияларды, ақпараттық - коммуникациялық технологияларды кеңінен қолдану мүмкіндігі бар. Атап айтсақ мультимедиялық техникамен слайдтар арқылы, интерактивті, маркерлік тақтаны, компьютерді пайдалану жасалып тұрған хабарламаны қабылдауды жеңіл етеді.

2. Сабақ немесе сабақтар жүйесін көрсету. Шеберлік сыныптың бұл кезеңінде оқытушы алдымен сабақтың жобасы жайлы әңгімелейді. Онда қолданатын әдістер мен тәсілдерді немесе педагогикалық технологияны қысқаша сипаттайды. Сабақта пайдаланылатын бұл әдістерден күтілетін нәтижеге сипаттама береді. Содан кейін ұсынылып отырған жоба бойынша қатысушылар мен тыңдаушылардың қойған сұрақтарына жауап ұйымдастырылады.

3. Тыңдаушыларды қатыстыра отырып, білім алушылармен тиімді жұмыс жасаудың соны тәсілдерін демонстрациялайтын иммитациялық сабақтар өткізу. Білім көтерудегі тәжірибелік жұмыстар үнемі аудитория мен студенттер жағдайында өткізіле бермейді. Мысалы каникул кезінде ұйымдастырылатын курстық жұмыстар немесе өте көп аудитория жинаған семинарлар мен оқытушылардың басқосулары т. б. жағдайлар. Мұндай кездерде көп мәселелер сол іс - әрекетке қатысушылардың өздерін қатыстыру арқылы жүргізіледі. Тәжірибе авторы бұл кезеңде өзін нағыз модератор ретінде көрсете алуы тиіс.

4. Жобалау (проектілеу) кезеңі . Шеберлік сыныпта ауызша насихатталып, практикалық тұрғыда байқалған тәжірибеден соң аздаған пікір алмасу ұйымдастырылады да, тыңдаушылар топтарға бөлініп, осы тәжірибе бойынша өз алғандарын жобалауға тапсырма алады. Шебердің мақсаты қатысушыларды өз қалаулары мен қызығушылықтар бойынша топтарға дұрыс бөлу болып табылады. Тіпті жеке дара жұмыс жасағылары келетіндерге де жағдай жасаған дұрыс. Бұл уақытта шебер кеңес беруші, басқарушы ролінде болып, қатысушылардың өз бетінше жұмыстарын ұйымдастырады, өздерінің еркін жұмыс істеуіне мүмкіндік береді.

5. Рефлексия кезеңі. Бұл кезеңінде шебер мен қатысушылардың бірлескен жұмыстары бойынша талқылаулар жасалады. Қарастырылған мәселе бойынша шешімдер қабылданады. Шеберлік сыныпқа қатысушы оқытушылар озат тәжірибенің: жаңашылдық деңгейінің, алынған нәтиженің «тиімді» не «тиімсіз» болғанын дәлелдей алу, соған байланысты өзіндік көзқарасын білдіру, бірлесе орындалып өткен әрекеттің нәтижесін зерттеумен айналысады. Тек сонда ғана алдағы жұмыстарда дұрыс мақсат қойып, алға шығармашылыққа қарай жылжудың жобасын жасау мүмкін болады.

Кейбір шеберлік сыныптарды шығармашылық шеберханалар түрінде ұйымдастырған да тиімді. Шеберханалар оған қатысушылардың әрқайсысының белсенділігін арттыру, олардың бастамаларын қолдау, әрекеттеріне еркіндік беру жағдайында ұйымдастырылады. Ол фантазия мен шығармашылықты ынталандырады.

Жас маманның кәсіби дамуына әсер ететін әдістемелік жұмыстың бір түрі портфолио әзірлеу.

Портфолио - мұғалімнің кәсіби дамуының нәтижелерін көрсететін көпмақсатты құжат. Бұл әдіс педагогикаға саясат, бизнес салаларынын келген және оны мұғалім де, оқушы да тіпті білім беру ұйымдары да жинақтай алады. Портфолио - белгілі бір жас маманның жетістіктерін жинақтау, бағалау тәсілі. Тәлімгер жас оқытушының портфолио жинақтауына басшылық жасап, дүркін - дүркін ол бойынша пікір алмасу ұйымдастырып отыруы оның кәсіби жетілуінің тиімділігін арттырары сөзсіз.

Маманды жұмыс орынында оқытудың инновациялық түрінің бірі ретінде қазіргі кезде коучинг қолданылады. «Коучинг» ұғымын ең алғаш қолданысқа енгізген ағылшын бизмесмені және кеңесшісі Джонм Уитмор енгізген. Аудармасы «тәлім беру», «дайындау», «жаттықтыру» дегенді білдіреді.

Коучингтің философиясы : әр адам «мен бұдан да қабілеттірекпін» деген сезіммен өмір сүреді, олар өзіне не қажет екендігін біледі; қажеттілігін іске асыра алады. Дегенмен ол үшін нақты жағдайды сезіне алуы, ержүрек болуы, тоқтаусыз әрекет етуі керек. Бақытты, табысты болу тек сонда ғана өз өз қолыңда бола алады.

Коуч (жаттықтырушы) маманның (оның қызметін тұтынушы) қызметтегі әлсіз тұстары жайлы әңгімелесе, қателіктерін талдай отырып, оның өз қатесін өзінің табуына, өзінің өзгеруіне, өзін өзінің дамытуына қызмет етеді. Коучингте ақыл айтылмайды, мәселені шешудің рецептілері берілмейді. Коуч тәрбиеленушілерді сұрақтар қою, жағдаятты талдау, оған басқаша қарау арқылы шешімді өздерінің табуына бағыттайды. Сол арқылы маманның әлеуетіне әсер ететін, оның ішкі ресурстарын ашып, ісінде табысты болуына ықпал етеді. Коучинг тәлімгер мен тәрбиеленушінің бірлескен әрекеті. Ол адамның ішкі күштерін белсендіреді. Сондықтан коучинг дәстүрлі тәлімгерліктен өзінің тиімділігі жағынан әлдеқайда жоғары тұр деуге болады.

Оның тиімділігі адамдармен жұмыс жасаудың тиімді мына төмендегі 3 компоненттің қатар жүруіне тікелей байланысты:

1. Коуч және тұтынушы соңғының мақсаттары мен қажеттіліктеріне бағытталған, тұтынушының жеке дара әрекетіне қарағанда жоғарырақ нәтижеге қол жеткізуге бағытталған синергияға негізделуі.

2. Коучингтің құрылымы : тұтынушы коучтың кәсібилігі мен ұйымдастырушылығы арқасында үйрену барысында өзіне көбірек жауапкершілік алады, белсенді ойлап әрекет етеді, алдына мақсат қойып, жоспарларын аяқтайды.

3. Коуч тұтынушының өз бетінше кемшіліктерін жоюды, дербес шешім қабылдауға үйретудің, соның нәтижесінде еңбек өнімділігі арттырып, одан қанағат табудың, жеке өмірін мәнді етудің жолдарын білетін кәсібилік пен сараптамалылық компонентінің болуы.

Дарынды және педагогикалық тұрғыдан қараусыз қалған балалармен тәрбие жұмысы

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс