Интернет желісінің ақпараттық қорларын білім беруде қолдану ерекшеліктері

Пән: Информатика, Программалау, Мәліметтер қоры
Жұмыс түрі: Дипломдық жұмыс
Тегін: Антиплагиат
Көлемі: 72 бет
Таңдаулыға:

Интернет желісінің ақпараттық қорларын білім беруде қолдану ерекшеліктері

МАЗМҰНЫ

КІРІСПЕ

КІРІСПЕ:

: 1

КІРІСПЕ: БІЛІМ БЕРУДІ АҚПАРАТТАНДЫРУДЫҢ ТЕОРИЯЛЫҚ НЕГІЗДЕРІ

8: 10

КІРІСПЕ:

: 1. 1

КІРІСПЕ: Білім берудегі ақпараттандырудың қазіргі жағдайы

8: 10

КІРІСПЕ:

: 1. 2

КІРІСПЕ: Білім беруде ақпараттық-телекоммуникациялық технологияларды қолданудың ерекшеліктері

8: 20

КІРІСПЕ:

: 1. 3

КІРІСПЕ: Информатиканы жалпы білім беретін орта мектептерде оқытудың мазмұны

8: 27

КІРІСПЕ:

: 2

КІРІСПЕ: БІЛІМ БЕРУДЕ ИНТЕРНЕТ ЖЕЛІСІН ҚОЛДАНУДЫҢ ӘДІСТЕМЕСІ

8: 36

КІРІСПЕ:

: 2. 1.

КІРІСПЕ: Білім беруде компьютерлік желілерді қолданудың әдістері мен құралдары

8: 36

КІРІСПЕ:

: 2. 2

КІРІСПЕ: Информатика пәнін оқытуда Интернет желісін қолдану әдістемесі

8: 45

КІРІСПЕ:

КІРІСПЕ: ҚОРЫТЫНДЫ

8: 66

КІРІСПЕ:

КІРІСПЕ: ПАЙДАЛАНЫЛҒАН ӘДЕБИЕТТЕР

8: 68

КІРІСПЕ:

КІРІСПЕ: ҚОСЫМШАЛАР

8: 69

НОРМАТИВТІК СІЛТЕМЕЛЕР

Жоғарғы оқу орындарында диплом жұмысын (жоба) орындау ережесіне (негізгі ережелер) (ҚР МЖМБС 5. 03. 016 2009) ;
Университет ережесі. Дипломдық жұмысты (жобаны) әзірлеу мен рәсімдеуге қойылатын жалпы талаптарға (УЕ-ХҚТУ-015-2014) ;
Диплом жұмыстарын рәсімдеу және қорғауға табыс ету бойынша әдістемелік нұсқаулыққа (5В011100-Информатика және 5В060200-Информатика мамандықтары. Әдістемелік нұсқаулық Жаратылыстану факультетінің Оқу-әдістемелік кеңесімен бекітілген. 27. 08. 2013ж. №1хаттама) сілтемелер қолданылған.

АНЫҚТАМАЛАР

E-learning (ағылшын тілінен Electronic Learning қысқартылған) - электрондық оқыту жүйесі, қашықтан оқыту, компьютердің көмегімен оқыту, желілік оқыту, виртуалды оқыту, ақпараттық, электрондық технологиялардың көмегімен оқыту синонимі. ЮНЕСКО мамандарының берген анықтамасы бойынша: «e - learning - интернет және мультимедиа көмегімен оқыту».

Компьютерлік желі дегенiмiз - ресурстарды (дискi, принтер, коммуникациялық құрылғылар) тиiмдi пайдалану максатында бiр-бiрiмен байланыстырылған компьютерлер.

Интернет - (aғылшынша Internet - желiаралқ байланыс) бүкіл Жер шары бойынша ақпарат ағынын таратуды қамтамасыз ететін желiлер жиынтығы.

WWW (World Wide Web) - Интернет мәліметтерін жеңіл көруге болатын графикалык интерфейс мүмкіндігін береді.

БЕЛГІЛЕУЛЕР МЕН ҚЫСҚАРТУЛАР

АКТ - ақпараттық коммуникациялық технология

HTTP -Hyper-Text Transmission Protocol

WWW - World Wide Web

Чат - IRC -Internet Real Chat

КІРІСПЕ

Қазақстан Республикасында білім беруді дамытудың 2011-2020 жылдарға арналған мемлекеттік бағдарламасында оқу үдерісін автоматтандыру кезең-кезеңімен 2011-2013 жылдары және 2014-2016 жылдары жүзеге асыралытындығы айтылған. Сонымен қатар, 2020 жылға қарай жоғары оқу орындарын кең жолақты Интернетпен 100% қамтамасыз ету, білім беру порталын құру міндеті нақты көрсетілген [1] .

Индустриалдық қоғамнан ақпараттық қоғамға өтпелі осы кезеңде, әсіресе, ауқымды ақпараттық жүйе - Интернет желісінің маңызы зор. Интернет күн өткен сайын өзінің қолданылу аясын кеңейтіп, тоқтаусыз дамуда. 1997 жылы әлем елдерінің 50 млн. компьютері ауқымды желіге қосылған болса, 2001 жылы жарты миллиардтан астам халық бұл қызметті пайдаланған. 2004 жылы жер шары тұрғындарының 13%-ы Интернетке қол жетімді болса, бүгінгі күні бұл көрсеткіш 41%-ға жетіп отыр. Интернет адам өміртіршілігінің кез келген саласына әсер етуде. Сондықтан қазіргі заманғы жаңа тұрпатты маманға қойылатын жоғары талаптардың бірі - Интернет-технологияларды пайдалана алуға қабілетінің, икемділігінің болуы қажет. Осыған байланысты, кәсіби білікті мамандар даярлайтын жоғары оқу орындары мен педагогика ғылымына артылатын жүк те ауқымды болмақ.

Қазіргі қоғамдағы ақпараттану жағдайында білім беруде жеке тұлғасын қалыптастырып, ақпараттық қоғамда өмір сүруіне, оның ақпарат ағымында дұрыс бағдар жасап, тиімді шешім табуына, оларды пайдалану қабілеттілігін қалыптастыруда білім беруде ақпараттық-қатынастық технологияларды, соның ішінде Интернет-ресурстарды пайдаланудың маңызы зор.

Қазақстанда Интернет арқылы білім беруде толығымен жүйелі түрде контентпен қамтамасыз етпеген. Мектеп жасындағы балаларға арналған мамандандырылған сайттар, порталдар және білім беретін ресурстар жоқ. Қазіргі кезеңде Интернет-ресурстарды жасау мектеп жасындағы балалардың жас ерекшеліктері білім жүйесі ретіндегі педагогикалық инструментарияны талап ететіні байқалып отыр. Мектеп сайтын жасау мәселесі - техникалық болғанмен ауқымы кең дәрежелі, контентті (мазмұнды) мәселе болып келеді. Жоғарыда аталған мәселелерге орай мектепте Интернет-ресурстарды пайдалану қажеттiлiгi мен Интернет-ресурстарды пайдалану әдiстемесiнiң жасалмағандығы арасында қарама-қайшылық бар екендігі анықталды. Осы қайшылық негiзiнде білім беруде Интернет-ресурстардың қажеттілігі, оны мұғалімдердің қолдана білу, өзінің жеке блогын ашу, Интернет-ресурстармен толықтыру мәселелері туындайды.

Зерттеудің мақсаты: білім беруде Интернет-ресурстарды пайдалану әдістемесін теориялық тұрғыда негіздеу, тәжірибе жүзінде сынақтан өткізу және жасалған әдістеменің тиімділігін дәлелдеу.

Зерттеудің міндеттері:

Білім беруде интернет қорларының маңыздылығын, оқытудағы мақсатын, міндеттерін және мазмұнын талдау.
Информатика пәнін оқытуда интернет ресурстарының мүмкіндіктерін саралау.
Білім беруде оқытуда ақпараттық қорларды қолданып информатиканы оқытуды жетілдіру.

Зерттеу объектісі: орта мектептердегі информатика курсын оқыту процесi.

Ғылыми жаңашылдығы: Орта мектепте интернет желісін пайдаланудың әдістемелік жолдары ұсынылды.

Практикалық маңыздылығы: Ұсынылған әдістеме нәтижелерін жалпы білім беретін орта мектептердің информатика курсын оқытуда пайдалануға болады.

Теориялық және әдіснамалық негіздерін: Білім беру жүйесінің психологиялық-педагогикалық, ғылыми-техникалық негіздері, тұлға дамуының жалпы философиялық принциптері, біртұтастық туралы диалектикалық теориясы, қазіргі білім беру проблемалары, оқыту әдістемесі мен теориясы, тұлғаны дамыту саласындағы отандық және шетелдік ғалымдардың еңбектері құрайды.

Дипломдық зерттеудің теориялық, ғылыми-әдістемелік қағидаларын жасауда оқыту үдерісін зерттеудегі жүйелілік, тұлғалық және іс-әрекет тұрғысынан қараудың жалпы ғылыми принциптері, сонымен бірге психологиялық, педагогикалық теориялар туралы; проблемалық оқытудың психологиялық-педагогикалық және әдістемелік негіздері туралы теориялары мен идеялары қолданылды.

Дипломдық жұмыстың құрылымы мен мазмұны. Дипломдық жұмыс кiрiспеден, екi тараудан, қорытындыдан, пайдаланылған әдебиеттер тiзiмiнен және қосымшалардан тұрады.

1. БІЛІМ БЕРУДІ АҚПАРАТТАНДЫРУДЫҢ ТЕОРИЯЛЫҚ НЕГІЗДЕРІ

1. 1 Білім беруді ақпараттандырудың қазіргі жағдайы

Қазіргі кездегі білім беруді жаңғыртудың негізгі бағыттарының бірі окыту процесін ақпараттандырудың қажеттілігі болып табылады. Білім ұйымдары «e -learning» негізінде электронды оқытуды 2015 жылға қарай 50%, 2020 жылға қарай 90% іске асыратыны мақсаттық индикатормен анықталған. Осыған байланысты педагог-ұстаздардың ақпараттық білім беру жүйесінде ақпараттық-білімдік орта қалыптастыру мен оның қызметі және кәсіби дайындығының мәселелері ерекше маңызға ие.

Қазақстандағы жоғары оқу орындарының іші нде әсіресе гуманитарлық білім беруді ақпараттандыру үдерісі елеулі мәселелердің барлығымен сипатталады, олар жүйелі түрде шешуді қажет етеді. Жоғары білікті педагогикалық, әсіресе ақпараттық, компьютерлік дайындығы бар, шетел тілдерін білетін кадрлардың жетіспеушілігі оқыту сапасына жағымсыз ықпал етуде. Осы мәселелерді орындау ақпараттық жоғары білім берудің сапасын арттыруға бағытталған және білім беру мен жалпы қоғам үшін ғылыми-теориялық және практикалык маңызға ие.

Ақпараттық білімді қазіргі заман талаптарына сәйкес ұйымдастырып, оның білім беру үдерісіне жаңа технологияларды енгізу туралы ғылыми зерттеулерге тереңірек бойлап, кеңірек ой жүгіртсек, қазіргі заманның әрбір адамы белгілі бір сапа-қасиетке ие болуы қажет екені айқын бола бастады. Ол - компьютерлік сауаттылық пен электронды құрал-жабдықтарда оңтайлы жұмыс істеп, өзіне және қоғамға кажетті ақпаратты жедел әрі қажетті мөлшерде ала білу және тиесінше пайдалана білу екені анық. Өйткені жаңа заманның адамы жылдам өзгеріске түсіп, құбылып отыратын қазіргі жоғары дамыған ақпараттық қоғамға бейімделуі қажет. Сондықтан да қазіргі таңда отандық білім беру жүйесінің, оның ақпараттық жоғары білім беру саласының алдында зор міндет тұр. Ол - қазақстандық әрбір азаматтың бойына түрлі білім мен біліктілік қасиеттердің ішіндегі ең бастыларының бірі болып саналатын ақпараттық технологияларды дұрыс пайдалана білу бойынша сауаттылық қалыптастыру, яғни қажетті техникалық құрылғылармен жұмыс істеп, солар арқылы алынған ақпаратпен тиімді қарым-қатынас жасай алатын жаңа заманның және әлемдік бәсекеге қабілетті білікті мамандар мен кәсіп иелерін дайындау болып отыр [2] .

Қазақстан Республикасы тәуелсіздігі мен тұтастығын берік қалыптастыруда жаратылыстану-матеикатикалық пәндердің, соның ішінде информатика пәндерінің алар орны ерекше. Сол себептен ақпараттық жоғары білім беру заман талабына қарай жаңа технологиялармен оқытылып ақпараттандырылуы өзекті мәселелердің қатарына жатады.

Білім беруді ақпараттандыру жағдайында информатика саласындағы педагог мамандардың біліктілігін көтеру - бүгінгі күннің негізгі міндеттерінің біріне айналып отыр. Сондықтан педагог мамандардың біліктілігін көтеруді ақпараттандыру туралы тұжырымдама, стандарт және оқу-тақырыптық жоспарларын жасақтау кажет. Аталған қажеттілікті шешу барысында педагог мамандардың біліктілігін ақпараттық технологияны өз қызметтеріне пайдалану саласы бойынша тұжырымдама, модульдік жұмыс бағдарламаларын жүйелеп бір қалыпка келтірілуі керек. Сонымен бірге білім беруді ақпараттандыру жағдайында информатик мамандардың ақпараттық сауаттылығын, ақпараттық мәдениетін және ақпараттық құзырлығы сияқты қабілеттіліктерді қалыптастыру мәселесі бүгінгі күннің өзекті мәселесіне айналып отыр. Біздің болашақтың жоғары технологиялық және ғылыми қамтымды өндірістері үшін кадрлар қорын жасақтауымыз қажет.

ХХ ғасырдың ортасында атақты ғалым В. М. Глушков: «ЭЕМ желілері мен оларға терминал арқылы байланысу жүйелерінің дамуы келесі ғасыр басында техникалық жағынан жетілген елдерде ақпараттың басым бөлігі, бірінші кезекте, ғылыми техникалық, экономикалық, саяси - әлеуметтік мәліметтер кағаз күйде - ЭЕМ жадында сақталады. Соның салдарынан ХХІ ғасыр басында осындай ақпаратты пайдалана алмайтын адам ХХ ғасыр басында оқи да, жаза да алмайтын жанға ұқсас болады . . . », - деген болатын.

Елбасының «Жаңа әлемдегі жаңа Қазақстан» атты жолдауында: «Біз бүкіл еліміз бойынша әлемдік стандарттар деңгейінде сапалы білім беру қызметін көрсетуге қол жеткізуіміз керек» десе, осы жолдаудың ІІІ тарауы, он сегізінші бағытының жетінші тармақшасында: «Ақпараттық технологиялар мен ақпаратты таратудың жаңа нысандарына бағытталған мамандырылған білім беру бағыттарын құру міндеті де алдымызда тұр» делінген, сондай - ақ он жетінші бағытының үшінші тармақшасында «Он-лайн тәсілінде оқыту тәжірибесін дамытып, елімізде оқу теледидарын құру қажет» деп атап көрсетілгендей бүгінгі күні білім беру жүйесі жаңа педагогикалык технологияға негізделуін және ақпараттық құралдарының кеңінен қолданылуын қажет етеді. Осылайша оқу - тәрбие үрдісінде жаңа ақпараттық технологияларды пайдалану заман талабынан туындап отыр.

Ақпараттық-телекоммуникациялық технология электрондық есептеуіш техникасымен жұмыс істеуге, оку барысында компьютерді пайдалануға, модельдеуге, электрондық окулықтарды, интерактивті құралдарды қолдануға, интернетте жұмыс істеуге, компьютерлік оқыту бағдарламаларына негізделеді. Ақпараттық әдістемелік материалдар коммуникациялық байланыс құралдарын пайдалану арқылы білім беруді жетілдіруді көздейді.

Ақпараттық-коммуникациялық технологияның келешек ұрпақтың жан-жақты білім алуына, іскер әрі талантты, шығармашылығы мол, еркін дамуына жол ашатын педагогикалық, психологиялык жағдай жасау үшін де тигізер пайдасы аса зор.

ХХІ ғасыр - бұл ақпараттық қоғам дәуірі, технологиялық мәдениет дәуірі, айналадағы дүниеге, адамның денсаулығына, кәсіби мәдениеттілігіне мұқият қарайтын дәуір. Білім беру үрдісін ақпараттандыру - жаңа ақпараттық технологияларды пайдалану арқылы дамыта оқыту, дара тұлғаны бағыттап оқыту мақсаттарын жүзеге асыра отырып, оқу тәрбие үрдісінің барлық деңгейлерінің тиімділігі мен сапасын жоғарылатуды көздейді.
БҰҰ - ның шешімімен «ХХІ - ғасыр ақпараттандыру ғасыры» деп аталады. Қазақстан Республикасы да ғылыми - техникалық прогрестің негізгі белгісі - қоғамды ақпараттандыру болатын жаңа кезеңіне енді.

Ақпараттық қоғамның негізгі талабы - оқушыларға ақпараттық білім негіздерін беру, логикалық-құрылымдық ойлау қабілеттерін дамыту, ақпараттық технологияны өзіндік даму мен оны іске асыру құралы ретінде пайдалану дағдыларын қалыптастырып, ақпараттық қоғамға бейімдеу.

Білім беру жүйесін ақпараттандыру дегеніміз - берілетін білім сапасын көтеруді жүзеге асыруға бағытталған үрдіс, яғни еліміздің ұлттық білім жүйесінің барлық түрлерінде кәдімгі технологияларды тиімді және компьютерлік ақпараттандыру технологияларына алмастыру, оларды сүйемелдеу және дамыту, нақты жүзеге асыру шаралары [2] .

Ақпарат алмасу істеріндегі компьютерлік технологиялар рөлі өте жылдам өсіп келе жатыр, соңғы кезде телефон, радио, теледидар сияқты құралдар орнына электрондық телекоммуникациялық құрылғылар пайдаланыла бастады, олар - өндірістік, әлеуметтік және тұрмыстық мәселелерге кеңінен араласып келе жатқан электрондық почта мен Интернет жүйелері болып табылады.

Ақпараттық технологияларды тәжірибе жүзінде пайдалану жолында арнайы білім беру мақсатында жаңа пән - информатика сабағы соңғы 20 жыл көлемінде окылып келеді. Оның орта білім жүйесіндегі алатын орны қазіргі ақпараттық қоғамдағы кәсіби қызметінің негізі болып табылатын әлемнің ақпараттық - жүйелік бейнесін жасау, ақпараттық орта мен адамның тиімді қарым - қатынасын қалыптастыру сияқты мәселелермен анықталып келеді. Осыған қоса қазіргі кезде педагогикалық ғылым саласында да оның әдіснамасы мен парадигмасын жетілдіруге кажет тереңдетілген әлеуметтік өзгерістер болып жатыр.

Бүгінгі күні білім беру жүйесін ақпараттандыру ісінің басты мақсаты - заман талабына байланысты ақпараттық қоғамның шарттарына сәйкес оқушыларды тұрмыстық, қоғамдық және кәсіптік өмір салаларына толық әрі тиімді түрде араластыру болып табылады. Ақпараттандыру ісінде білім жүйесінің адамзат тіршілігінің барлық әлеуметтік аймақтармен әрекеттесуі және олардың бір - біріне әсер етуі толық бейнеленеді. Мұнда білім беру ісінің өзі де күрделі құрылымнан тұратын жүйе ретінде қарастырылады.

Қазіргі ақпараттық коммуникациялық технологияларды пайдалану негізінде жаңа педагогикалық әдістерді қалыптастыруға бағытталған білім беру жүйесін ақпараттандыруды зерттеу істері окулықтар шығарумен катарласа немесе оның алдында аткарылуы керек.

Қазакстандағы дарынды балаларға білім беруді акпараттандыру мәселелері;

- білім берудің жаңа технологияларын (оқу теледидарлары, Internet Telekom, Relkom және кашықтықтан оқытудың өзге түрлері) жасау, жүзеге асыру;

- дарынды жастар мәселесінің және балалардың ақпарат алмасуының бағдарламаларын әзірлеу.

Заман ағымына сай күнделікті сабаққа видео, аудио қондырғылары мен теледидарды, компьютерді колдану айтарлықтай нәтижелер беруде. Бұндай қондырғылар оқушылардың қызығушылығын арттырып, зейін койып тыңдаумен қатар, түсінбей қалған сәттерін қайталап көруге, тыңдауға және алған мағлұматты нақтылауға мүмкіндік береді. Оқушылардың өздері де алынған ақпаратты көшіріп алып (дискетке, бейне таспаға) онымен өз ыңғайына қарай жұмыс істей алады.

Әсіресе, олардың тиімділігі:

1. Қашыктыктан білім алу мүмкінділігінің туындауы;

2. Қажетті ақпаратты жедел түрде алу мүмкінділігі;

3. Экономикалык тиімділігі (бару, келу, тұрмыс таукыметі т. с. с. материалдық шығынды қажет етпеу) ;

4. Білім сапасына әсері зор. Әсіресе, тіл сабақтарын игеруге (ағылшын, орыс, қазақ т. с. с. тілдерді) айқын сезіледі;

5. Іс - әрекет, қимылды қажет ететін пәндер мен тапсырмаларды оқып үйренуге (би өнері, қол еңбек, дене шынықтыру сабақтары т. с. с. ) ;

6. Қарапайым көзбен көріп, қолмен ұстап сезіну немесе құлакпен есту мүмкіндіктер болмайтын табиғаттың таңғажайып үрдістері мен әртүрлі физикалық, химиялық, биологиялық тәжірибе нәтижелерін көріп, сезінуге мүмкіндік береді;

7. Оқушының ой - өрісін, дүниетанымын кеңейтуге де, ықпалы зор (теледидардағы ғылыми - көпшілік, рухани, тарихи танымдық хабарлар мен компьютерлік жүйедегі шахмат, дойбы, тоғызкұмалақ т. с. с логикалық ойындар) .

Қазіргі таңда білім беру жүйесінде электрондық байланыс жүйелерінде ақпарат алмасу интернет, электрондық почта, телеконференция, видеоконференция, телекоммуникациялық жүйелер аркылы іске асырылуда. Бірақ кез - келген жаңалыктың жақсылығымен қатар зияны да болатыны да белгілі. Мұндағы ең басты назар аударалык мәселе: олардың ара салмағы. Демек кемшілігін түзеп, зиянын жойып, артыкшылығын жетілдіре түсу кажет.

Информатиканы және акпараттық - коммуникациялык технологиялар (АКТ) казіргі ақпараттық әлемде ерекше орын алады. Компьютерді иелену дағдылары, күнделікті жұмыста АКТ пайдалана білуі, WWW (Интернетпен) жұмыс істеу, теориялык информатика негіздерін білу, мектеп түлектерінің ақпараттық мәдениеті, адамзат қолындағы электрондық ақпараттық ресустарды жасау және пайдалана білу - жаңа ғасырдың артықшылығы осындай [3] .

Білім беруді ақпараттандырудың негізгі бағыттары;

- методологиясын жетілдіру мен стратегиялық мазмұнын таңдау;

- әдістері мен формаларын ұйымдастыру;

- қоғамды ақпараттандырудың қазіргі жағдайында тұлғаны тәрбиелеу мен дамыту;

- оқытудың әдістемелік жүйесін жасау;

- оқушының интеллектуалдық потенциалын дамытуға бағыттау;

- өз бетімен білім алу біліктілігін қалыптастыру;

- ақпараттық - оқу, эксперементтік - зерттеу қызметінің өз бетімен түрі іс - әрекеттерін жүзеге асыру;

- тестілік, диагностикалық бакылау әдістері мен оқушылардың білім деңгейін бағалау. Болашақта Қазақстанда білім беру жүйесін ақпараттандыру телекоммуникациялық желілерді жасау және дамытумен ұштасады. Ал білім беру жүйесінің негізгі міндеттері біртұтас телекоммуникациялық желіні кұру және дамыту аркылы шешіледі.

Олар:

- ақпараттық мәдениетті ұйымдастыру мен жеделдету үрдісі жоғары деңгейге жеткізу;

- жасалынған және дамып келе жатқан телекоммуникациялық желілерді біртұтас бүкіл әлемдік ақпараттық кеңістікте интеграциялау;

- біртұтас ақпараттық кеңістікте әртүрлі деңгейдегі ақпараттармен алмасуды қамтамасыз ету;

- білім беруді дербестендіруді қамтамасыз ету, дистанциялық оқытуға мүмкіндік жасау.

Дәстүрлі информатика курсында телекоммуникациялар орта, кейде жоғары буында оқытылатынына қарамастан, желімен және электрондық почтамен жұмыста пропедевтикалық курстар мен ерте дамыту үйірмелеріне қоскан дұрыс. Бүгінде білім беруде оқушылары катыса алатын көптеген жобалар бар. Жобалар ғаламдық немесе төңіректік ауқымда болуы мүмкін. Бірі мектеп немесе сынып аясымен шектелсе, келесісі ұлттық, тіпті халыкаралық деңгейге шығады. Оларға қатысу арқылы балалар жаңа достар табады, жеке немесе ортақ мәселелерді шешеді өзіндік идеяларын, ынтымақтық пен шығармашылық қабілеттерін жүзеге асырады [3] .

Ақпараттық қоғамда жаңа заманға лайықты білім беру жүйесін қалыптастыру білім беруге ақпараттық-коммуникациялық технологияларды (АКТ) ендірумен тікелей байланысты. АКТ құралдары өзінің дидактикалық мүмкіндіктерімен оқыту жүйесінің барлық компоненттеріне (оқытудың мақсатына, мазмұнына, әдістері мен ұйымдастыру түрлеріне) әсер етуімен қатар, адамның интеллектуалдық, шығармашылық әлеуетін, аналитикалық, сыни ойлау қабілетін, оқу барысында түрліше ақпарат көздерімен өздігінше жұмыс істей алу қасиетін дамыту секілді күрделі педагогикалық міндеттерді шешуді де қамтамасыз етеді. Мұндай АКТ құралдарының қатарына Интернет-технологияларды жатқызуға болады.

Өз кезегінде ақпараттық технологиялар оқу үдерісінде ең жетілген құрал-жабдық, кең көлемді ақпараттық орта, сонымен бірге, ақпараттық алмасудың жаңа ұйымдастыру-әдістемелік инфрақұрылымы болып табылады. Сондықтан да, ақпараттық технологиялар құралдары мен мүмкіндіктерін тиімді пайдалану, сонымен бірге, оны үйрену - барлық оқу үдерісіне қатысушылардың, атап айтқанда, білім ұйымдарының басшыларының, профессор-оқытушылардың, технологтар мен әдіскерлердің, студенттер мен магистранттардың маңызды кәсіби қажеттілігі болып саналады.

В. П. Тихомиров айтқандай, ақпараттық технологиялар қалыптасып келе жатқан күрделі ғылым саласы, оны терең ұғыну үшін интернет желісін табысты пайдалануға қажетті кәсіби шеберлікті қалыптастыру мақсатында тәжірибелік жұмыстар жүргізілуі керек [4] .

Ақпараттық технологиялар оқу үдерісінің болмысын да өзгертеді:

- ақпараттық қор және әдістемелік тәжірибе бүкіләлемдік компьютерлік желілер арқылы таралады және де оқу дәрісханасына ғана сиятын мазмұнмен шектелмейді;

- дәстүрлі «сызықтық» оқыту әдісіне қосымша болып, интернет «тармақталған» оқыту түрін жасайды, мұндағы online- байланыс қаншалықты студент пен оқытушы болса, соншалықты көп бағытқа шығуы мүмкін;

- оқушылардың және оқытушылар ақпаратты «тұтынушыдан» өзіндік online-ақпаратты «өндірушіге» айналады және де олар барлық әлемді қамтыған білім құрамасының қатысушылары болады;

- интернеттің ақпараттық және коммуникациялық күші, дәстүрлі оқу құрылымдарын және жаңа білім бағыттарын ( мысалы, қашықтықтан оқыту) жаңартады.

Біздің ойымызша, ақпараттық технологияны оқу үдерісіне, ғылыми жұмыстарға, ұйымдастыру жұмыстарына және тұлғалар қарым-қатынасына енгізу, оларды пайдаланудың шынайы қажеттілігімен анықталады, кәсіби іс-әрекеттің дұрыс дамыған жағдайында ғана қалыптасады. Әлемдік желі ресурстарымен байланысқан тек осы қажеттілік қана қазіргі заман маманының артықшылығы болып табылады.

Ақпараттық технологиялар оқытудың жаңа әдістерін пайдалануға мүмкіндік беретін, соның негізінде білім беру сапасының артуына жол ашатын бірден-бір технология. Ақпаратық технологияны кәсіби білім беру үдерісіне енгізу, бірнеше педагогикалық жағдайларға және дидактикалық ұстанымдарға байланысты [5] .

... жалғасы

Сіз бұл жұмысты біздің қосымшамыз арқылы толығымен тегін көре аласыз.