Зиянды биогенді заттармен ластанған өнімдерді ветеринариялық санитариялық сараптау

Жоғары мөлшердегі ылғалдылық және белоктың сау мал етінде болуы микрофлораның дамуына қолайлы орта туғызады. Әдетте малды сою барысында залалсыздандырылған ет кездеспейді, оның құрамында барлық микроорганизмдер тобы кездеседі, яғни бактериялар, микромицеттер, саңырауқұлақтар, ашытқылар, сүзгіш вирустар. Еттің санитарлық жағдайы және оның шіру үрдісіне тұрақтылығы малды өсіру, тасымалдау, алғашқы өңдеу және ет өнімдерін дайындау жағдайларына тікелей байланысты. Арық және қажыған малдардың организмінің төзімділігі төмендеп, бактериялар ішектен және лимфа түйіндерден, қан мен ұлпаларға өтеді. Бұл жағдайда еттің құрамында ішек, протея таяқшалары, стафилококк және анаэробты таяқшалар табылады. Мал және құстардың әртүрлі ауруларында бұлшықет және ішкі ағзаларда микроорганизмдер кездеседі. Сойыс малынан, құстардан алынған өнімдер адамдарда инфекциялық немесе тағамдық улануларды туғызады. Етте микроорганизмдердің өсуі өңдеу жұмыстары барысында да кездеседі. Мәселен, тері түсіру, ағзаны ішкі органдардан босатқанда, қансыздандыру, тазалау, лас құралдарды қолданғанда, жұмысшылар жеке бас қауіпсіздігін ұстамағанда. Шикізаттың тез бұзылу ерекшеліктерін және етте микрофлораның дамуын ескере келе, шикізат және дайын өнімде патогенді және шартты патогенді, бактериалды токсиндерді анықтау міндетті болып табылады.

1. Рогов И.А. и др. Сырье и пищевая ценность колбасных изделий. “Общая технология мяса и мясопродуктов”.-М:Колос, 2000.-С.128-130.
2. Билетова Н.В., Корнелаева Р.П., Кострикина Л.Г., Любашенко С.Я..М: Пищевая промышленность, 1980.-С.314-316.
3. Дмитриев А.И., Дорутина В.В. Справочник “Микробиологический контроль мяса животных, птицы, яиц и продуктов их переработки”. – М: “Колос”,2002.-С.236-238.