«қайым және алаш» сценарий

Мақсаты: Белгілі абайтанушы ғалым, Мемлекеттік сыйлықтың лауреаты Қайым Мұхамедқановтың Алаш жұртына сіңірген зор еңбегін дәріптеу, келелі болашақ ұрпаққа насихаттау. Абайдың ақындық мектебінің негізін қалаған Қайым Мұхамедқановтың шығармашылығымен бірсыпыра таныстыру. Қайым және Алаш арасындағы байланыстың толық ара жігін ашып көрсету.
Көрнекілігі: интерактивті тақта, стенд, ғалымның жинақтары, фотосуреттер көрмесі, видео.
I.Ұйымдастыру
1 – жүргізуші(Әсет): Армысыздар құрметті ұстаздар және студенттер. Бүгінгі біздің «Алаш және Қайым» атты шығармашылық бағыттағы ашық сабаққа қош келдіңіздер.
2 – жүргізушіГүлназ): Алаш пен Қайымның егіз ұғым екендігі айтпаса да түсінікті. Осы жерде ғалымның туып-өскен, білім мен білік жинаған, үлгі-өнеге алған ортасы туралы айта кеткен жөн болар. Ғалымнаң өмір жолын сіздерге оқу орнымыздың № 8 ғимаратындағы Алаштың біртуар азаматы Қайым Мұхамедханов атындағы дәрісхананың қабырға стендтеріндегі мәліметтермен таныстыру арқылы дәріптемекпіз. Ортаға қя – 319с тобының студенттері Калиева Назыммен, Кәрібаев Русланды шақырамыз.
II.Дәрісханамен таныстыру.
Калиева Назым: Алаш Рухымен нәрленген өмір атты қабырға стендінде Мұхаметқан Сейітқұлұлының қысқаша өмірбаяны берілген. Мұхамедхан Сейітқұлұлы жоғары білімді, мәдениетті адам болған. Ахмет Риза мешітінің имамы болған….(қысқаша өмірбаяның баяндау). Стендтегі фотосуреттер жайлы әңгімелеу. 2 стендтегі Қайым Мұхамедхановтың өмірі, шығармашылығы жайлы әңгімелеп беру.Қайым Мұхамедханов (Ғабдулқайым) (1916-2004) - 5 қаңтарда Семей қаласында туған.Семей педагогика институтының филология факультетін 1941 жылы бітірген. Содан көп жыл әдебиет пәнінің мұғалімі, Абай мұражайының директоры қызметін атқарған, «Абайдың әдебиет мектебі» тақырыбына кандидаттық диссертация қорғаған (1951). Ұлы Отан соғысына қатысқан. Әдебиетке 1930 жылдың орта шенінде келген ол алғашқыда өлең-жырлар, драматургия жанрында бірқатар шығармалар жазды, тәржіме жасаумен де көбірек шұғылдан ды. Әдебиет зерттеуші ғалым ретінде Абай мұрасының текстологиялық зерттеулеріне мол үлес қосты. Абай төңірегіндегі атақты әншілер: Көкбай, Ақылбай, Мағауия туралы, өткен заманның кейбір мұралары жайында зерттеулер, көлемді мақалалар жазды. Қайым Мұхамедханов ғалым, абайтануды ғылыми негіздеуші, әрі алғашқы текстологы, ұстаз, ақын, жазушы, драматург. Шәкәрімтанудың негізін қалаушы. Қазақ КСР Гимнінің авторы, КСРО Жазушылар одағының мүшесі, әдеби аудармашы, Семейде Абайдың мұражайын ұйымдастырушы, Қазақстанның Мемлекеттік силығының, Жазушылар одағы силығының, Халықаралық «Алаш» әдеби сыйлығының және Халықаралық Абай академиясының (Лондон) Алтын медалінің иегері, профессор, КСРО және Қазақстан халық ағарту ісінің үздігі; Семей қаласының, Аягөз, Жаңасемей, Абай аудандарының Құрметті азаматы; жарияланған 800-ден аса ғылыми еңбектің авторы. «Абайдың ақын шәкірттері» атты төрт кітаптан тұратын жинақ құрастырды. «Абай» журналының қайта жарық көруіне көп еңбек сіңірді. «Толқын», «Майданнан майданға», «Ер Білісбай» пьесаларының авторы. Әзірбайжан драматургі У.Гаджибековтың «Аршин мол алан», татар жазушысы Ш.Камалдың «Қажы әпенді үйленеді» пьесаларын қазақшалаған. Шығармалары: Абай шығармашылықтың текстологиясы. А., «Қазақстан», 1959; Комиссар Ғаббасов. Пьесалар. А., «Өнер», 1984.