Шабындықтар мен жайылымдарда әр түрлі шөптер қоспасын пайдалану

 Жақсартқыш дақылдарды таңдау және оларды шабындықтар мен жайылымдарда пайдалану
 Көпжылдық шөптер мен шөп қоспаларын егу

Далалық аймақтардағы сай – салаларда екпе шабындықтар мен жайылымдар жасау үшін қажетті негізгі көпжылдық шөптер: көкгүлді және сарыбас жоңышқа, құм эспарцеті ақбас және сарыбас түйежоңышқа, тарақша және құм еркекшөбі және оларды аралас егу болып есептеледі. Далалық аймақтың солтүстік бөлігінде қоспа шөп өсіру үшін, астықтұқымдастардан қылтықсыз арпабас пен көгентамырсыз бидайықты қосуға болады.
Оның сыртында, екпе жайылымдар жасау үшін, АҚШ пен канаданың ұлан – байтақ далаларында кең тараған және Қазақстанның оңтүстік – шығысындағы шөлейт жерлерде жақсы нәтижелер берген майман тарлауды, сондай – ақ изен мен күздік қой жайылымдары үшін малазығы тұрғысынан құнды есептелетін жусандарды тездетіп сынақтан өткізу және дақылдар қатарына енгізу қажет.
Далалық аймақтардың түрлі аудандарында жоғарыда аталған шөптер мен олардың қоспаларының өнімділігі бірдей емес. Әрбір нақты алқап пен аудан үшін оларды дұрыс таңдай және басқа да бірдей агротехникалық тәсілдер қолдана отырып, өнім деңгейін айтарлықтай көтеруге болады. Көпжылдық шөптер мен шөп қоспаларының салыстырмалы өнімділігі 6.1 кестеде берілген.

1. С.Ә. Оразбаев, А.Ә. Төреханов, И.И. Алимаев, Б.А.Ысқақ ”Шалғындық және жайылымдық мал азығы өндірісі”
2. К.Әубәкіров, Т.Атақұлов, А.Ахмет ”Мал азығын өндіру”