Біріккен маркетингтік коммуникация жүйесі

Пән: Маркетинг
Жұмыс түрі: Курстық жұмыс
Тегін: Антиплагиат
Көлемі: 37 бет
Таңдаулыға:

Мазмұны

Кіріспе

1бөлім. Біріккен маркетингтік коммуникация жүйесінің теориялық негіздері

1. 1Біріккен маркетингтік коммуникация жүйесінің мазмұны

1. 2Біріккен маркетингтік коммуникация жүйесінің негізгі элементтері мен қағидалары

1. 3Біріккен маркетингтік коммуникацияларды пайдаланудың шетелдік тәжірибесі мен дамуы

2бөлім. Қазақстан Республикасындағы банк саласында біріккен маркетингтік коммуникацияларды қолдану деңгейінің қазіргі даму жағдайы

2. 1 ҚР банк жүйесінің дамуы

2. 2 "Банк Центр Кредит" АҚ-ң жалпы сипаттамасы

2. 3"Банк Центр Кредит" АҚ-ң біріккен маркетингтік коммуникация жүйесін талдау

3бөлім. Біріккен маркетингтік коммуникация жүйесін қолдану арқылы маркетингтік қызметті жетілдірудегі ұсыныстар

3. 1Біріккен маркетингтік коммуникация жүйесін қолданудың болашағы

3. 2Біріккен маркетингтік коммуникация жүйесін жетілдірудегі негізгі бағыттар

Қорытынды

Қолданылған әдебиеттер тізімі

3. ҚР банк саласындағы БМК жетілдіру бағыттары

3. 1"Банк Центр Кредит" АҚ-да БМК дамыту болашағы

3. 2

Кіріспе

1бөлім. Біріккен маркетингтік коммуникация жүйесінің теориялық негіздері

1. 1Біріккен маркетингтік коммуникация жүйесінің мазмұны

Қазіргі бәсекелестік дамыған заманда сату көлемін ұлғайтып, пайда табу үшін сапалы тауарлар мен қызметтерді иелену жеткіліксіз болып табылады. Ол үшін тұтынушылардың осы тауарлардан алатын пайдасын олардың санасына жеткізе білу қажет. Бәсекенің күшеюі мен нарықтың тауарлармен толығуына байланысты қазіргі кезде маркетингтік коммуникацияның (МК) рөлі мен маңыздылығы арта түсуде.

Әрбір кәсіпорын нарық сұранысын қанағаттандыру, сонымен қатар табысты жұмыс жасау мақсатында нақты бір маркетинг құралдарын қолдану үстінде. Маркетингтік коммуникация бүтіндей экономикалық жүйенің тұрақтылығын қамтамасыз етуде және сауда - коммерциялық қызметтерді жүзеге асырудың н

егізі болып табылады. 20 жыл уақыт аралығында қолданылған "маркетингтік коммуникация" түсінігі қазірде тек жарнама немесе жылжыту ретінде ғана қарастырылмайды, яғни, бүл түсініктің ауқымы кеңейе түсіп, ол ынталандыру үдерісі, әсер ету, сонымен қатар, өндіруші, сатушы және тұтынушы арасындағы коммуникациялық және коммерциялық қарым -қатынас орнатушы ретінде қарастырылады. Атақты маркетолог Е. П. Голубкованың айтуы бойынша, "маркетингтік коммуникация" терминін қолданысқа енгізу қоғам арасындағы коммуникация рөлінің шапшаң өсуімен сабақтас. Қазіргі адамдар ғаламдық компьютерлік жүйелер мен виртуалды әлем құрастырылып жатқан информациялық - коммуникациялық заманда өмір сүруде.

Маркетинг облысындағы атақты мамандар Дон Шульц, Стэнли Танненбаум және Роберт Лаутербор маркетингте қолданылатын коммуникация интеграциясын жарнама, қоғаммен байланыс, өткізуді ынталандыру және қызметкерлермен қарым - қатынасты орнату сияқты бөліктерді бір бүтіндей етіп түсінудің жаға бір әдісі ретінде көрсетеді. Ақыр соңында, әрек ету және ақпарат алмасу үдерісіне қатысатын барлық обьектілер мен субьектілердің тұтынушыларға қалай көрінетіндігін бағалау үшін, оларды жекеленген маркетингтік коммуникациялар қайта құрады.

Біріккен маркетингтік комуникацияның мәнісін түсіну үшін осы проблематикаға тән негізгі ұғымдарды қарастырайық. Қазіргі таңда “коммуникация”, “маркетингтік коммуникациялар”, “біріккен маркетингтік коммуникациялар”ұғымдарына әртүрлі түсініктемелер бар.

Жалпы, “коммуникация” термині ( лат. communicatio) ғылыми әдебиеттерде XX ғ. басында пайда болды. Америкалық социологияның негізін қалаушылардың бірі Чарльз Кули (1864-1929) коммуникацияны адамдар арасындағы қарым - қатынастың өмір сүріп, дамуына мүмкіндік беретін механизм деп түсінген екен.

Қазірде коммуникация қарым - қатынасты, бір адамнан екіншіге, бір жүйеден екінші жүйеге ақпарат таратуды білдіреді. Сонымен қатар, коммуникация байланысты, хабарламаны, ақпаратты жасап, таратуды, қоғам арасындағы ақпаратпен алмасуды, хабар беруді, өзара әрекеттесуді де білдереді.

Американдық ғалымдар Франк Дэнс мен Карл Ларсон “коммуникация” терминінің 126 түсінігін зерттеген екен. Қазіргі кезеңде “коммуникация” термині 3 негізгі түсінікке ие. Біріншіден, коммуникация рухани және заттық әлемнің кез келген обьектісін байланыстырушы құрал. Екіншіден, бұл адамдар бір - бірімен ақпарат алмасатын қарым - қатынас. Үшіншіден, қоғамға, оның жекелей топтарына әсер ету мақсатында бұқаралық ақпарат алмасу және тарату болып табылады.

Маркетингтік коммуникация (marketing communications) - тауарларды немесе қызметтерді жылжыту технологияларының жиынтығы болып табылады. Ол өзіне жарнама (advertising), жеке сатуды, өткізуді ынталандыруды (sales promotion), қоғаммен байланысты (public relations - PR) біріктіреді.

Кейбір авторлар коммуникация түрлеріне тікелей маркетингті, сонымен қатар көрмелер мен жәрмеңкелерді жатқызады. Қазіргі жағдайда тікелей маркетинг тауарларды тарату арнасы ретінде жеке мағынаға ие болып отыр.

Тауарды сырт пішіні, оның түрі, түсі, буып-түюі, орауы да коммуникациялық қызмет атқаруы мүмкін.

Кейбір теоретиктер маркетингтік коммуникацияның көрме және бренд сияқты элементтерін бөліп көрсетіп, осы тізімге қосып жатады. Бельгиялық профессор Ж. Ж. Ламбеннің пікірі бойынша маркетингтік коммуникация келесілерден тұрады: жарнама, жеке сату, сейлз промоушн, қоғаммен байланыс, тікелей маркетинг(каталог бойынша сату, телевизиялық маркетинг, көрме, жәрмеңке, тікелей пошталық жарнама - direct mail) . Маркетингтік коммуникацияны ол фирманың әртүрлі аудиторияларға, сонымен қоса клиенттерге, жабдықтаушыларға, акционерлерге, басқару органдарына және персоналға бағыттаған сигналдардың жиынтығы деп түсіндіреді.

Дәстүрлі маркетинг өнімнің көпшілікке бірдейлігімен, өткізумен және өндіріспен бірге қарқынды түрде дамыды. Бірақ, 1990 ж басында маркетинг мүлдем өзгереді, ол тұтынушылар тобына бағытталған тауар санын емес, жеке тұтынушыға көп көңіл бөлуді қарастырады, осы кезеңде біріккен маркетингтік коммуникация дүниеге келеді.

Біріккен маркетингтік коммуникация - XX ғ. соңғы жылдарындағы экономикалық қызметтің дамуы негізінде пайда болған, соңғы 25 жыл ішіндегі лидерлік позицияны ұстанға жаңа маркетингтік коммуникация жүйесі болып табылады. Көптеген маркетинг және коммуникация облысындағы мамандар біріккен маркетингтік коммуникацияны маркетинг мәселелерінің шешімін табудағы тиімді әрі бірегей құрал деп танытады. Нарықтың үдемелі түрде дамуы тек қана арналарды, олардың түрлерін, коммуникация типтерін ғана емес, ортақ мақсатқа жетуде қолданылатын әдістер мен құралдарды да интегралдауды талап етеді.

Маркетингтік коммуникацияның интеграцияланған жүйесінің негізгі компоненттері жарнама, қоғаммен байланыс, өткізуді ынталандыру, жеке сату, бренд коммуникациялар.

Маркетингтік комуникацияның әртүрлі құралдарын біріктіре отырып, әр компоненттің артықшылығы және жекелей түрде бірікккен маркетингтік коммуникацияның әрбір элементі ие болмаған жаңа қасиеттің пайда болуы негізінде синергетикалық нәтижеге қол жеткізуге болады.

Д. Шульц біріккен маркетингтік коммуникацияны маркетингтің жаңа парадигмасы деп атайды, яғни, маркетингті жаңаша қабылдау, қалыптасқан көзқарастың және әсер етудің өзгеруі, себебі, нарық дамудың жаңа баспалдағына дайын еді.

Уақыт аралығы

Сипаттама

Уақыт аралығы: 1940 ж

Сипаттама: Маркетингтік коммуникацияның ең алғашқы біріктірілген программасын НАТО - ң жаппай насихаттау компаниясы тұрғындардың күмәнін сейілту мақсатында қолданады, қажеттілік туындаған жағдайда халықаралық істерге АҚШ араласады. Бұл компания әрбір тұрғынды жауға бірігіп, қарсы тұруға шақырады. Ортақ мақсатқа қол жеткізу үшін медиялық құралдардың бірнеше элементтері қолданылады.

Уақыт аралығы: 1950 ж

Сипаттама: Әскери өнімнен азаматтық өнімге өту. Жаппай өндірістің пайда болуы, ондағы жалпы мақсат - өте көп мөлшерде көпшілікке арналған стандартталған өнім өндіру.

Уақыт аралығы: 1960 ж

Сипаттама: Төрт параметрді (product (тауар), place (орын), prise (баға), promotion (жылжыту) ) қолдану арқылы компания қызметіне талдау жасау негізінде кәсіпорынның маркетингтік саясатын жасауға көмектесетін 4P теориясының қалыптасуы.

Уақыт аралығы: 1970 ж

Сипаттама: Жарнама бұрынғыдай тұтынушыға емес тауарға бағытталады. Д. Траут и Э. Райс нарықта жайғастыру теориясын қалыптастырады. Олар тауарды жарнама берушілер немесе агенттіктер емес тұтынушылар жайғастырады деп тұжырымдайды.

Уақыт аралығы: 1980 ж

Сипаттама: Маркетингтің жаңа әдістері пайда болады: өнімнің жаңа түрлеріне тұрақты көңіл бөлу, жиынтық бәсекелестік стратегиялар, өндіріс көлемін арттырудағы үздіксіз ұмтылыс,

Уақыт аралығы: 1990 ж

Сипаттама: Р. Лаутерборн 4C теориясының қалыптасуы: (consumer (потребитель), cost (издержки), convenience (удоб-ство), communication (коммуникации) ) . Бұл теорияны 4P теориясының айнадағы бейнесі деп атауға болады, себебі, сатушының әрбір қимылы сатып алушының қимылынан көрінеді. Тұтынушыларға кең таңдауға мүмкіндік беретін жаңа медиялық құралдар қарқынды түрде дамиды. Интерактивті, компьютерлік құралдардың жаңа дәуірі келеді. Әсер етудің басты мақсаты тұтынушы болып табылады және көпшіліктен жекеге өту жүзеге асырылады.

Біріккен маркетингтік коммуникация эволюциясы

Бұл кестеде 1940 - 1990 ж арасындағы Д. Шульцтың деректері негізінде құрастырылған, біріккен маркетингтік коммуникацияның тарихи кезеңдері көрсетілген(автор өзі құрастырған) . Осы кезеңдер аралығында американдық ғалымдардың, экономист - маркетологтардың еңбектері жарық көріп, біріккен маркетингтік коммуникация жүйесі пайда бола бастаған. Д. Шульц, С. Тонненбаум және Р. Лаутерборн біріккен маркетинтік коммуникацияның пайда болуына талдау жасай отырып, 1990 ж коммуникация реинжинирингін жүргізуді ғана емес, маркетингтік коммуникация үрдісін қайта ұғынуды талап етеді.

Соңғы уақытта компания басшылығы өз қызметін жүзеге асыру барысында біріккен маркетингтік коммуникацияны қолдануға ықылас танытып отыр. Біріккен маркетингтік коммуникация тұжырымдамасын енгізіп, дамуына өте үлкен теориялық үлес қосқан американдық және ағылшын ғалымдары болып табылады.

Қазіргі таңда коммуникацияның дамуында кейбір өзгерістер болып өтті. Қазіргі таңда маркетологтар жаппай сатып алушыларға бейімделуін тоқтатып, жеке сегменттер мен тұтынушылар топтарына бағытталған тар көлемді, бір жақты маркетингтік бағдарламалар жасауда. Жаппай маркетингтен оның мамандандырылған түріне ауысуы бұқаралық ақпарат құралдарындағы жаңа буынның - Web-парақтар және Интернет сияқты компьютерлік қызмет көрсетудің туындауына алып келді. Қазіргі тұтынушылар компаниялар туралы толық ақпаратпен қамтамасыз етілген. Әр түрлі арналардан келіп түсетін ақпараттар бір-біріне қарама-қайшы болмауы керек, өйткені ол тұтынушының көңілінде күдік тудыруы мүмкін. Сондықтан маркетологтар өз арналарының қызметін үйлестіре білуі қажет. Қазіргі таңда интегралданған маркетингтік коммуникация (ИМС) тұжырымдамасын қабылдаған компаниялар көбеюде. Біріккен маркетингтік коммуникация - компания мен оның тауарлары туралы тұтынушылардың сенімді түсінігін қалыптастыру мақсатында жүргізілетін коммуникация арналарының жұмысын жүйелі түрде үйлестіруге бағыттылған тұжырымдама. Біріккен маркетингтік коммуникация коммуникация құралдарын оңтайлы іріктеп алуға және бірыңғай жылжыту стратегиясын жасауға мүмкіндік береді.

Кейбір елдердің заңдары бойынша сатушылар тұтынушыларды алалауға немесе арнайы тұтынушылар деп бөле-жара қарауға тыйым салынған. Жеңілдіктер барлық делдалдар үшін бірыңғай болуы тиіс.

Біріккен маркетингтік коммуникация (ағыл. integrated marketing communications - IMC) - мақсатты аудиториямен сенімді қарым - қатынас орнатып, компания мақсатын жүзеге асыратындай жағдай туғызуға жарнамадан бастап, орамға дейінгі барлық маркетингтік коммуникация құралдарын бейімдеу болып табылады.

Американдық жарнамалық агенттіктер қауымдастығының берген анықтамасы бойынша, біріккен маркетингтік коммуникация - бұл маркетингтік коммуникацияларды жоспарлау тұжырымдамасы, яғни маркетингтік коммуникацияның жеке бағыттарының (жарнама, ынталандыру, PR және т. б. ) стратегиялық рөлінің қажеттілігіне баға беруден туындаған және жеке үндеулердің қайшылықсыз шоғырлануы арқылы маркетингтік бағдарламалар әсерін максимизациялауға, тізбектілікті және айқындықты қамтамасыз ету үшін тиімді байланысты іздестіру болып табылады.

Төмендегі кестеден ғалымдардың біріккен маркетингтік коммуникация түсінігіне берген анықтамаларын көруге болады.

№

Аты - жөні

Берген анықтамалары

№: 1

Аты - жөні: Филипп Котлер

Берген анықтамалары: Біріккен маркетингтік коммуникацияларды "жылжыту кешені" деп атауды ұсынып, келесідей анықтама берген: " біріккен маркетингтік коммуникация - тұжырымдама, осы тұжырымдамаға сәйкес компания өзі және тауары туралы айқын, сенімді бейне қалыптастыру үшін қызметін мұқият ойластырып және көптеген коммуникация каналдарының - жарнама, БАҚ, қоғаммен байланыс, жеке сату, тікелей маркетинг, тауар орамы қызметін үйлестіреді"

№: 2

Аты - жөні: Пол Смит, «Маркетинговые коммуникации. Интеграционные достижения» монографиясы

Берген анықтамалары: Біріккен маркетингтік коммуникация маркетинг кешенінің барлық формаларының өзара әрекеттесуі, яғни, максималды экономикалық тиімділікке қол жеткізу үшін әрбір форма маркетинг құралдарының біреуімен біріктіріліп, нығайтылуы қажет.

№: 3

Аты - жөні: Д. Шульц

Берген анықтамалары: Біріккен маркетингтік коммуникация маркетингтің жаңа парадигмасы, яғни, маркететингті жаңаша қабылдау, қалыптасқан көзқарастың және әсер етудің өзгеруі.

№: 4

Аты - жөні:

Берген анықтамалары:

№: 5

Аты - жөні:

Берген анықтамалары:

№: 6

Аты - жөні:

Берген анықтамалары:

№: 7

Аты - жөні:

Берген анықтамалары:

№: 8

Аты - жөні:

Берген анықтамалары:

Жалпы, біріккен маркетингтік коммуникацияларды қолданатын компаниялардағы нарық қатысушылары байланысқа қол жеткізу мақсатында маркетингтік комуникацияның элементтерін бір - бірімен үйлестіріп жатады, яғни, ол өз кезегінде әрбір жеке элементтің жалғыз өзі қолданылуына қарағанда, басқа элементтермен біріге отырып, өнімді қолдауда өте күшті әсер ете алатындығын көрсетеді.

Біріккен маркетингтік коммуникациялар нарықтық коммуникацияның барлық түрлерін біріктіреді: жарнама, қоғаммен байланыс, директ - маркетинг, сейлз промоушн, бренд коммуникациялар. Мақсатты аудиторияға сенімді, нанымды хабарлама жіберу, сонымен қатар, компанияның мақсаттарына қол жеткізуіне көмек беретін коммуникация құралдары да интегралданады.

Сонымен қатар, біріккен маркетингтік коммуникациялар маркетингтік коммуникацияның барлық қолданылатын құралдарын да біріктіреді, мысалы: корпоративтік имиджді қалыптастыру құралдары, саясат бейнесінің қалыптасуы, жарнама өнімдерін, слогандарды құрастыру жүйесі, т. б.

Біріккен маркетингтік коммуникацияның мазмұнын ашу барысында біз негізге алатын Пол Смит, Крис Берри және Алан Пулфордтың біріккен маркетингтік коммуникация топтамасына келесілер кіреді: жеке сату, сейлз промоушн, жарнама, тікелей маркетинг, демеушілік, көрмелер, фирмалық стиль, орам, сату орындарындағы жарнама, ауызша хабарламалар, интернет және жаңа массмедия.

Ал И. М. Синяева, С. В. Земляк, В. В. Синяевтың пікірі бойынша біріккен маркетингтік коммуникациялар жарнама, қоғаммен байланыс, тікелей маркетинг, интерактивті маркетинг, демеушілік, корпоративтік танымдылықтан тұрады.

Қазіргі таңда мамандар ең аз дегенде ширек ғасырға дейінгі аралықта біріккен маркетингтік коммуникация маркетингтік стратегияларды құруда ең негізігі рөлде болмақ деп болжайды. Маркетингтік құралдарды біріктіру идеясын абсолютті түрде жаңа идея деп айтуға болмайды. Себебі, бұл идея осы уақытқа дейінде қолданылды.

1950 - ж басында Martsteller Inc агенттігі біріккен маркетингтік коммуникацияны қолданды. Бұл кезеңде ол «жалпы коммуникация» деп аталған. Компания клиенттерінің жартысы PR облысында да, жарнама облысында да «жалпы коммуникация» қызметін қолданған. Бірақ, бүтіндей алғанда маркетингтік интеграция қабылдай алмады.

Жаңа көзқарас пайда болған шақта жарнама және PR агенттіктердің клиенттері бұл қызметті аса қажет етпеді, себебі, бұл кезеңде тауарларды немесе қызметтерді жылжытудың теледидардағы жарнама негізіндегі ескі әдісі жақсы жұмыс істеп тұрған еді. ТВ жарнама пайда болған сәтінен бастап - ақ өзінің тиімділігін көрсеткен. 1950 - ж басында көп мөлшерде қаражат жұмсау ерсі саналды және тұтыну дербес құндылыққа әлі айналмаған еді. «Ты можешь себе это позволить!», «Ты должна на это потратиться!» -сияқты слогандар негізіндегі соғыстан кейін жарнамалардың барлығы тұтынушыларды сатып алуға мәжбүр етіп, соғыстан кейінгі бірінші жылдықта оларды аскетизмнен шығаруға талпынды. Ресейде де 12-13 ж бұрын теледидарда жарнамаланған барлық заттар сатып алынып отырған. 1950-ж біріккен маркетингтік коммуникациялар тіпті қажет емес еді. Себебі, осы кезеңде де өте ауқымды аудиторияны қамтыған теледидардағы жарнама тиімділін арттыра түскен еді. Жарнамалық роликті теледидарға шығарған кейін-ақ сату көлемі ұлғайып, түскен пайда қайтадан жарнамаға инвестицияланатын болған. Компаниялар өте үлкен пайдаға кенеліп, тұтынушылар болса өз қажеттіліктерін толыққанды қанағаттандырып отырған.

1990-ж ортасында ғана мамандардың көпшілігі дәстүрлі маркетингтік схемалардың тиімсіз екендігін байқаған сәтте біріккен маркетингтік коммуникация идеясы өзекті бола бастады. Дәстүрлі маркетингтік схемалардың тым қымбат, әрі тиімсіз екенін түсінген компаниялар жаңа идеяны қабылдауға дайын еді. Оған басты себеп ретінде келесілерді айтуға болады:

Бірінші себеп - тұтынушылардың өзгеруі. 1990- ж батыс қоғамы мүлдем өзгереді, тұтынушының психологиялық портреті мен оның жарнамалық хабарламаға қатынасы өзгерді. Осы жылдары тұтынушылар өндірушілер жайлы толық ақпарат алу мақсатында олармен интерактивті қарым - қатынас құруға талпынды. Тұтынушылардың бұл түрі әлеуметтік позицияны айқын ұстаған фирмаларды қалады. Сонымен қатар, 1990- ж тұтынушыларына лидерлер пікіріне ерекше ықылас таныту тән еді.
Екінші себеп - ТВ жарнама тым қымбат әрі тиімсіз болды. Видеороликтер үстемдік еткен дәуірде өскен ұрпақ, теледидардағы жолдаулардың мағынасын түсініп, оны бұрынғыдай сезінуді тоқтатты. Лезде ауыстыру барысында жарнамаға қарамауға мүмкін беретін, өте көп жаңа каналдар пайда болды. Теледидардағы жарнама бағасы артып(әсіресе прайм - таймда), тиімділігі төмендей берді. Жапай жарнаманың тиімділігінің бірден құлдырап кетуі, батыс жарнама мамандары үшін естен танарлықтай жағдай болды. Ал, Тв жарнама әлі де болса басты рөлді атқарып тұрған Ресей нарығы үшін бұл алдыдағы күтілетін жағдай деп болжанады.
Үшінші себеп - дәстүрлі әрекет жаңа ақпараттық каналдарды ескермеді. Жаңа технологиялар мен интернет әсерінен БАК де өзгерістер болды: ақпар таратудың жаңа каналдары, жаңа интерактивті медиа пайда болды, тар маманданған БАҚ-ң дами бастады.
Төртінші себеп- нарық сегменттерінің артуы нақты бір коммуникация каналы арқылы, арнайы дайындалған хабарламалар таратылатын ақпаратқа дискретті тұрғыдан әрекет етуді талап етті. Идеалды жағдайда - жеке әрбір нақты тұтынушы үшін.
Бесінші себеп- дәстүрлі әрекет етудің қымбатшылығы. 1990- ж әсіресе жаңа нарықта маркетингтік мәселелердің арзан шешімін табуға қажеттілік пайда болды. Бұл мәселеде біріккен маркетингтік коммуникация ұтымды жағдайда болды. Яғни, ол бюджетті біріктіріп, тиімділігін арттыруға, осы арқылы пайдаға жетуге, санаулы серіктестермен ғана жұмыс жасауға, оларға кешенді шешімдерді бір бүтін блок ретінде беруге мүмкіндік береді.

Біріккен маркетингтік коммуникацияның мақсаты - синергетикаға қол жеткізу, яғни, жекелей қолданылуына қарағанда өте үлкен әсер беретін маркетингтік коммуникацияның бірнеше құралдарын біріктіріп қолдану.

Синергетикалық әсер - бір мақсатта біріктіріліп, соның есебінен әрқайсысын жеке қолданғандағыдан жоғары әсер ету сомасын көрсететін, әртүрлі маркетингтік және жарнамалық әрекеттердің біріктіруілігіндегі әсер. (2 + 2 > 4) . Бұл тауарларды жылжытудың тиімділігін артырудағы әдістердің бірі болып табылады.

Шульц, Танненбаум және Лаутерборн біріккен маркетингтік коммуникация моделін құрастыру барысында келесілерді негіз етті: маркетингтік коммуникациялар тұтынушының нарықта не істейтінінен, олардың сатып алуларынан басталуы қажет. Бұл әдіс негізінде маркетолог маркетингтік тұжырымдамаға сәйкестендіріп жасалған, өзі ұстанатын коммуникацияны қолдануды емес, тұтынушыдан басталатын талдауды алға жылжыту жатыр.

Бұл жерде, маркетингтік тұжырымдама қазіргі таңдағы жаңа тұжырымдама ретінде өткен ғасырдың 50-ж жылдары қалыптасты. Оның мәні мынада: ұйымның табысты қызмет етуінің шарты тұтынушының қажеттіліктері мен мұқтаждықтарын анықтау және оларды қанағаттандыру есебінен фирма мен компаниялардың өз мақсаттарына жетуі. Басты обьект - фирманың мұқтаждықтары мен қажеттіліктері бар мақсатты клиенттері. Демек, маркетингтік тұжырымдама - клиенттердің мұқтаждықтары мен қажеттіліктерін өтеуге бағытталған фирма жұмысын бір арнаға біріктіру және оларды бәсекелестермен салыстырғанда тауармен тиімді қамтамасыз ету.

Маркетингтің иеориясы мен тәжірибесінде мынадай тұжырымдамалар бар:

өндірістік;
тауарлық;
өткізу немесе саудалық;
маркетингтік;
қоғамдық немесе әлеуметтік - этикалық маркетинг тұжырымдамасы. [Оразбаева, 11-12]

Котлердің айтуы бойынша, маркетинг тұжырымдамасының маңызы - бұл мекеменің мақсатына жету негізіне тұтынысты қанағаттандыруды нысаналап, маркетинг күшімен нығайтып, клиенттер мұқтаждығы мен тұтынысына бағыт алу. [Котлер, 22]

Маркетинг тұжырымдамалары

... жалғасы

Сіз бұл жұмысты біздің қосымшамыз арқылы толығымен тегін көре аласыз.