Салық жүйесі мемлекеттік реттеудің маңызды құралы ретінде

І. Кіріспе бөлім. Салықтардың мәні.
ІІ. Негізгі бөлім.
А) Салық жүйесі
Ә) Мемлекеттiк реттеудің маңызды құралы
Б) экономиканы мемлекеттік реттеудің негізгі нысаны ретінде.
ІІІ. Қорытынды.

Салықтар – белгілі бір мөлшерлерде және белгіленген мерзімдерде алынатын заңмен көзделген міндетті төлемдер.
Салықтардың экономикалық маңызы мемлекеттің заңды және жеке тұлғалармен арада қалыптасатын ақша қатынастарымен сипатталады. Бұл ақша қатынастары мемлекет иелігіндегі ақша қаражаттарын жұмылдыруда өзіндік қоғамдық маңызға ие және онымен объективті байланыста.
Салықтардың маңызы олардың төмендегі функцияларынан көрінеді:
• Салықтардың фискалдық функциясы мемлекеттік бюджетке қаражаттардың келіп түсуі мен мемлекеттік шығыстарды қаржыландыруды қамтамасыз етеді.
• Салықтардың қайта бөлу функциясы мемлекеттің пайдасына әртүрлі шаруашылық жүргізу субьектілері кірістерінің бөліктерін қайта бөлуден тұрады. Аталған функциялардың қолданылу ауқымы жалпы ұлттық өнімдегі салықтардың үлестерін айқындайды; ол ұлттық табысты мемлекет иелігіне алу дәрежесін көрсетеді.
• Реттеушілік функция бағдарламаларға сәйкес халық шаруашылығын дамытуға ықпал етеді. Бұл ретте салықтардың формаларын таңдау, мөлшерлемелерді (ставкаларды), алу тәсілдерін, жеңілдіктерді өзгерту пайдаланылады. Аталған реттеуіштер қоғамдық ұдайы өндірістің құрылымы мен пропорцияларына, жинақтау және тұтыну көлемдеріне әсерін тигізеді.
Нарықтық экономикада салықтар мемлекеттік бюджеттің кіріс бөлігін қалыптастыруда маңызды рөл атқарады. Салық түсімдерінің үлес салмағы соңғы жылдары 70-80% деңгейде сақталуда, сол мезгілде нарықтық экономикасы дамыған елдердің бюджетіне түсетін салық түсімдері 50-55% шегін құрайды.
Салық жүйелерi, мемлекеттiң экономикаға қатысу формасы ретiнде ұдайы өндiрiстiк процесстiң барлық кезеңдерiндегi капиталға әсер етедi. Салық жүйелерi арқылы мемлекет бюджеттiң табыстық және шығыстық бөлiгiн реттеп отырады, ондағы оның мақсаты-экономиканың перспективтi салаларын дамытуға қолдау көрсету, экономиканы дағдарыстан шығару және экономикалық жүйенiң тұрақтылығын қамтамасыз етуге қолдау көрсету. Салық салуды ұйымдастыру мемлекеттiң өз функцияларын тиiмдi атқаруға мүмкiндiк бередi, бұл экономиканы салықтық реттеудiң қажеттiлiгiн және мiндеттiлiгiн анықтайды. Осыған байланысты, тиiмдi құрылған салық салу жүйесi экономиканың керi беталыстардан тәуелдiлiгiн азайтуға мүмкiндiк бередi. Мұндай жағдай салық салуды ұйымдастыруды бiрiншi кезектегi маңызды мәселелердiң қатарына жатқызады және жүргiзiлiп жатқан салықтық реформалардың теориялық және әдiстемелiк негiзделуiн қажет етедi.