Білім берудегі инновациялық технологиялар

1. Педагогикалық технологияны жобалаудың әдіснамасы. Оқыту технологиясын ұйымдастырудағы инновациялық тәсілдер
2. Педагогикалык технологияларды жіктеу. Педагогикалық технологияны жобалау
3. Оқытудағы қазіргі ақпараттық және коммуникативтік технологиялар. Окыту процесін компьютермен қамтамасыз ету
4. Кәсіптік білім берудегі модульдік және тұлғаға бағдарлы білім беру технологиялары

Жалпы «технология» деген ұғымы гректің techne - өнер, кәсіп, шеберлік, ал logos – ғылым, ілім деген сөздерден құралған қазақша мағынасы – «шеберлік туралы ілім» дегенге келеді.
Шетелдік басылымдар бойынша «технология» дегеніміз - «қағидаларды анықтау және құрастыру, тәсілдерді және материалдарды қолдану жолымен, сонымен қатар қолданылатын әдістерді бағалау көмегімен білімдік тиімділікті жоғарлататын, білім процесінің тиімді тәсілдерін, фактілерді талдау жолымен жасау мақсатында зерттеу», - деп беріледі. Қазіргі заманғы сөздіктерде бұл сөз техникалық мағынада түсіндіріледі. Технология дегеніміз шикізатты өндіру әдістерінің жиынтығы және өндіріс процестері ретінде түсіндіріледі.
Технология ұғымына сөздіктерде мынадай анықтамалар беріледі:
- өндірістің, мысалы, металлдардың, химиялық және т.с.с. құрылыс жұмыстары процесінде өңдеу, әзірлеу, күйінің өзгеруі, қасиеттері, шикізат, материал немесе жартылай фабрикат әдістерінің жиынтығы;
- сәйкес өндіріс жаб¬дықтарымен шикізатқа, материалға немесе жартылай фабрикатқа әсер ету тәсілдері туралы ғылым.
С.И.Ожегов сөздігі бойынша технология дегеніміз - өндірістің белгілі бір саладағы өндірістік әдістер және процестер жиынтығы, сонымен қатар өндіріс тәсілдерініңің ғылыми түрде суреттелуі».
Педагогикалық технологиялар білім беру технологияларының жүзеге асуын бейнелейді, оған нақты оқу пәніне байланысты емес оқу-тәрбие процесін жүзеге асыру заңдылықтары тән. Педагогикалық технологияның құрамына ғылым мен практиканың басқа салаларында кең қолданысқа ие, әр қилы мамандандырылған технологиялар енуі мүмкін: жаңа ақпараттық технолгиялар, электронды және т.б. Сонымен, педагогикалық технологияда білім саласы ретінде оқыту мақсатына жету үшін әдістер, оқыту құралдары және оларды қолдану теориясы анықталуы мүмкін. Оқыту технологиясы «педагогикалық технология» ұғымына жақын, бірақ бірдей (барабар) емес, себебі ол нақты бір пән, тақырып, сұрақ және таңдалып алынған педагогикалық технология шеңберінде анықталған жолды бейнелейді. Оқыту технологиясы вариативті және дербес әдістемелерге туыстас.
Қазіргі заманғы педагогикалық технологиялардың шет елдегі авторлары - Дж.Кэролл, Б.Блум, Д.Брунер, Д.Хамблин, Г.Гейс, В.Коскарелли. Ал білімге қатысты технологиялық бапты жүзеге асырумен айналысқан Ресейлік авторлар - П.Я.Гальперина, Н.Ф.Талызина, А.Г.Ривина, Л.Н.Ланда, Ю.К.Бабанский, П.М.Эрдниева, И.П.Раченко, Л.Я.Зорина, В.П.Беспалько, М.В.Кларина және т.б.
Бүгінгі күндері «педагогикалық технология» ұғымына әр қилы анықтамалар беріледі. Солардың арасында кеңінен тарағаны В.П.Беспалько ұсынған анықтама:педагогикалық технология - оқу мен тәрбие процестерінің еске түсіру барысында қолданылатын құралдар мен әдістер жиынтығы, олар білім мақсатын тиімді түрде жүзеге асыруға мүмкіндік береді.

1 Өстеміров К., Шәметов А., Васильев И. Кәсіптік педагогика: колледж, университет студенттеріне арналған оқулық / Алматы: ТОО «Наз-9» ЖШС, 2006.- 280 б.
2 Бабанский Ю.К., Потамник М.М. Оптимизация педагогического процесса / В вопросах и ответах. - Киев: Родянская школа, 1984. – 286 б..
3 Батышев С.Я. Трудовая подготовка школьников. Вопросы теории и методики. - М.: Педагогика, 1981. -192 б.