Кремнийлі тыңайтқыштардың күріш дақылының өнімділігіне әсері


Отчет проверки оригинальности работы
http://antipl. kaznu. kz:8080/KoshirmeWeb/report?docId=1173007&accessCode=jNhZVxfPSp3CkRn01h ( http://antipl. kaznu. kz:8080/KoshirmeWeb/report?docId=1173007&accessCode=jNhZVxfPSp3CkRn01h)
Данные документа:
Название работы: Автор: Дата: Язык работы: Тип работы: Обработан:
Общая уникальность документа:
КРЕМНИЙЛІ ТЫҢАЙТҚЫШТАРДЫҢ КҮРІШ ДАҚЫЛЫНЫҢ ӨНІМДІЛІГІНЕ ӘСЕРІ
Оразбаева Талшын Рыскелдіқызы (oralbaeva. talshyn)
07. 06. 2015
Қазақша
Дипломная работа за 1. 76 сек 93. 81 %
Схожие работы:
Ссылки на работы:
#
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
КРЕМНИЙЛІ ТЫҢАЙТҚЫШТАРДЫҢ КҮРІШ ДАҚЫЛЫНЫҢ ӨНІМДІЛІГІНЕ ӘСЕРІ
КІРІСПЕ
Күріш дақылының кремнефильді өсімдік екендігі баршаға мәлім. Осыған орай, Орта Азия мен Қазақстаннан басқа мемлекеттердегі күріш алқаптарында силикатты тыңайтқыштар, басқаларымен қатар, толыққанды мөлшерде пайдаланылады. Біздің елдегі бұл заттың тыңайтқыштар жүйесіне енбеу себебі, күріш алқаптарының барлығы аридті немесе шөлдік аймақта жайғасып, ондағы топырақтарда кремнеземнің (SiO2) молынан қамтамасыз етілулерімен түсіндіріледі. Дегенмен, соңғы жылдардағы алынған мәліметтерге жүгінсек, бұл жерлерде кремнийдің күріш дақылына тиімді көлемі 0, 51-0, 55%-ды ғана құрайды екен. Бұл құбылысты зерттеушілер, күріш алқаптарындағы топырақтардың ұзақ уақыт (60-70 жыл) бойы, жылда суға бөктіріліп, кәріздік сулар арқылы кремнийдің жуылып кететіндігімен және оның орны толмай, бір жақты сүзіліп кетуімен түсіндіреді.
Әлемдегі күрішшілердің басым көпшілігі, топырақтағы кремнийдің жетіспеушілігін, осы құрамдас тыңайтқыштарды ендіру арқылы қанағаттандырады. Ол үшін, көбінесе, металлургия заводтарының қалдықтары болып табылатын - шлактарды 20 т/га мөлшерде қолданады. Біздің ойымызша, Қазақстан Республикасы үшін мұндай көлемдегі шлакты пайдалану өте тиімсіз болып табылады. Сондықтан, осы ұсынып отырған жұмыстың мақсаты: күріш дақылының дәндерін себу алдында кремнийлі заттардың әртүрлі концентрацияларымен өңдеп (сіңіріп), өскіндердің өсу қарқындылықтарына жағымды әсерлерін анықтау әдістерін жасау.
4 Осы мақсатқа жету үшін келесі мәселелер шешіледі: кремний тұздарының 0, 25; 0, 50; 0, 75; 1, 00 және 1, 25 пайыздық концентрацияларының күріш дәнін себу алдында өңдеудің зертханалық жағдайдағы өніп-өсуіне әсерлерін зерттеу; осы концентрациялы кремний тұздарының ерітіндісіне күріш дәндерін әр сағат сайын 1-48 сағат аралығында ұстап, 2 тәулік өткен мерзімде, барлығын бір мезгілде субстратқа еккенде, екі тәулік бойы әр 1 сағатта дәндерді өніп-өсу ортасына ендірген боламыз. Осыдан күріш өнгеннен кейін 2 апта бойы олардың өсу қарқындылықтарын өскіндердің биіктіктерін өлшеу (см) арқылы анықтау.
4 Зерттеу әдістері: жұмыс зертхана жағдайында жүргізілді. Кремний тұздарының 0, 25; 0, 50; 0, 75; 1, 00 және 1, 25 пайыздық концентрацияларының күріш дәнін себу алдында өңдеудің зертханалық жағдайдағы өніп-өсуіне әсерлерін жуылған өзен асты құмында өсіру арқылы анықталды.
2 Зертханалық зерттеулер арнайы фитотрондық бөлмеде жүргізіліп, күріштің өніп-өсуін реттейтін жағдайлар жасалды (t°С, ылғалдылық, фотосинтез процесіне қажетті жасанды жарық көздері және т. б. ) .
Жүргізілген эксперименталдық жұмыстардың нәтижесінде кремний метасиликатты тұзының (Na2SiO3·9H2O) 0, 75 пайыздық судағы ерітіндісінде егілетін күріш дәндерін 24 сағат бойы ұсталып еккен нұсқасындағы өскіндердің биіктіктері орта есеппен 13, 6 см-ге жетті, ал бақылау нұсқасындағы өсімдіктер 6, 9 см-ге жетті.
НЕГІЗГІ БӨЛІМ
. ӘДЕБИЕТТЕРГЕ ШОЛУ
1. 1 Кремнийдің табиғатта таралуы
Кремний химиялық элементі Д. И. Менделеевтің құрастырған периодтық жүйесінің IV тобында орналасып, реттік атомдық саны 14, массасы - 28, 08. Бұл элемент, алғашқы рет, 1811 жылы француз химиктері Ж. Л. Гей-Люссак және Л. Ж. Тенардың фторлы кремнийді калиймен қосып, қыздыру арқылы бөліп алған.
Химиялық қасиеті жағынан кремний нағыз металға жатады. Сондықтан, бұл элемент, табиғаттағы минералдық және жансыз кешеннің барлығы үшін жанды әлемдегі көміртегінің маңыздылығы сияқты орны ерекше. Бірақ, кремнийдің көміртегінен айырма бір ерекшелігі - қосылыстар түзуге бейім еместігі. Мұның себебі, оның атомдары ұзын тізбекті қосылыстарды жасай алмайды, ал С-С байланыс энергиясы Si-Si қосылыс энергиясынан әлдеқайда үлкен: Si-Si қосылысының энергиясы 177 кДж·моль-1, ал С-С қосылысының энергиясы - 348 кДж·моль-1 тең, ал Si-O қосылыс энергиясы (369 кДж·моль-1) С-О қосылыс энергиясына (351 кДж·моль-1) қарағанда үлкен. Сондықтан, Si-O-Si қосылысындағы макромолекулярлық құрылым кремнийдің көптеген қосылыстарында кездесіп, осы элементтің химиясына тән болып келеді. Одан соң, көміртегіне қарағанда екілік немесе үштік байланыс құрамайды. Өйткені атомдық радиусының үлкен болғанына байланысты р-орбитальдарын бөгеп, π-қосылысын жасауға мүмкіншілік бермейді.
Кремний - жер шарында таралуы бойынша оттегінен кейін екінші орынды алады және жердің «қаттылығының» негізі болып табылады [1] . Оның жер қыртысындағы кларкі 29, 5% тең. Жалпы алғанда Жер мен оның атмосферасының массасының ¼ бөлігі кремнийден, ½ оттегінен тұрады. Жер қыртысындағы қол жетімді кремнийдің жалпы көлемі ондағы қалған элементтердің массасынан оттегін алып тастаған массасына тең [2] . «Маған мыналарды көрсетеді - деп, өзінің танымал кітаптарының бірінде академик А. Е. Ферсман [3] жазған, − мынадай ең алуан түрлі заттарды: күннің шуағында мөлдір бұлақтай жарқыраған шарды, әдемі, ала суретті ақық тас пен жарқын жылтыр тасты, көл жағасындағы таза құмды, жібек тәріздес жұқа ерітілген кварцты немесе содан жасалынған ыстыққа төзімді ыдысты, фантастикалық яшманың жұмбақ суретін, тасқа айналған ағаш . . . осының бәрі кремний мен оттегі элементтерінің химиялық қосылыстарынан пайда болған». Кремний табиғатта таза күйінде кездеспейді, ол көптеген минералдардың құрамында болады. Құрамында ең көп кремний бар минералдарға кварц, тау хрустальдары, шақпақтас, яшма, халцедон, ақық тас, қара шақпақ тас, таскендір жатады. Барлығы 800-ден астам құрамында кремний бар минералдар белгілі [4] .
Жер құрамындағы кремнийдің бар немесе жоқтығы, ең алдымен, оның ішіндегі кварцпен, ал одан кейін бірінші және екінші реттік силикаттармен және алюмосиликаттармен анықталады. Кейбір жағдайда, аморфты кремнезем опал мен халцедон түрінде кездеседі. Мұның шығу тегін биогенді (опалды фитолитарлар, ысқыштың спикулалары, диатомдардың қаңқалары) және гидрогенді (жердің кремнийленуі) процестермен байланыстырады.
Топырақтың құрамындағы кремний қосылыстарының жалпы маңыздылығын және олардың рөлін Д. С. Орлов [5] келесі негізгі жағдайлармен анықтайды:
- кремнийдің басым топырақтар мен олардың тектік қабаттарындағы қосылыстары олардың материалдықнегізін құрай отырып, өте маңызды қаңқалық рөлді орындайды;
- кремнийдің топырақ кескінінде таралуы, ондағы жүріп жатқан процестердің типтерін анықтайды, алSiO2:R2O3 немесе SiO2:Al2O3 арқылы топырақтың астындағы литология қабатының мору типін анықтауға болады;
- топырақтың көптеген маңызды қасиеттері кремнийдің қосылыстарымен тікелей байланысты. Алюмосиликаттардың мөлшері мен құрамынан, балшықты минералдардан топырақтың жабысқақтығы мен біріктілігі, олардың ісінуі мен катиондық алмасудың сиымдылығы бағынышты болады. Сазды және ауыр саздақ топырақтарда инертті кварцтың өзі де жағымды рөл атқаруы мүмкін. Ол топырақтың ауа мен сулы режимдерін жақсартуға қатысады.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат
Қосымша
Email: info@stud.kz