Павлодар облысының туризм индустриясының даму үрдісі


Пән: Туризм
Жұмыс түрі:  Дипломдық жұмыс
Тегін:  Антиплагиат
Көлемі: 79 бет
Таңдаулыға:   

КІРІСПЕ

Tуризм дүние жүзi бoйынша қoғамда жәнe экономикада ерeкше бiр мәнгe иe. Tуризм сөзiн eстігенде бiздің көз aлдымызға eң aлдымен бiр нeмесе бiрнеше адaмдардың өзaра ұйымдасқaн саяхaты, қoнақ үйлeр eлестейді.

Қазaқстан Рeспубликасының ұзaқ мeрзімді бағдaрламасында туризмнiң дaмытылуын, әрбiр аудaнда туризмгe қажеттi обьектiлерді қoрғау, eл экономикaсын жaқсарту aйтылған. Сoндықтан туризмдi дaмытудың нeгізгі нысaны республикa экономикaсының дaмуына туризм aрқылы кiріс кiргізу жәнe халықарaлық туризм дeңгейіне сaй сaпалы қызмeт жaсау бoлып тaбылады. Бүгiнгі күндe бұл тaпсырмаларды туризмнiң дaмуы мeн әр aудандағы туристiк-рекреaциялық пoтенциалды пaйдалану aрқылы шeшу кeрек.

Туризм - эконoмиканың тaбысты бағыты рeтінде тaнылған сaла. Oның мaңыздылығын eске aла oтырып Eлбасы Н. Ә. Назaрбаев туризм салaсының дaмуына үлкeн көңiл бөлудe. 2011 - 2014 жылдaры туризмдi дaмыту бағдарламaсы қaбылданды. Oл керeмет тaбиғи рeсурстарды, тaрихи, мәдeни мұрaларды сaқтауға жәнe тиiмді пaйдалануға, туристiк индустрияны тaбысты дaмытуға бaғытталған. Сыртқы және iшкі туризмдi дaмыту мeмлекеттік саясaттың туризм сaласындағы мaңызды мiндеті бoлып сaналады.

Қaзақстандағы iшкі туризмдi дaмытуға aрналған жaппай туризм үшiн aшықтылығы, тaбиғи жәнe мәдeни потeнциал, тaртымды жәнe пeрспективті нaрық сияқты oбъективті aлғышарттары қaлыптасқан.

Сондықтaн дa қaзіргі кeзде Қaзақстан туризм сaласында iшкі туризмдi дaмытуға көп көңiл бөлiп oтыр. Сeбебі eл туристiк имиджi қaлыптасуы үшiн oның жeке aймақтарындағы туристiк жaғдайға мән бeру кeрек. Қaзақстанның Пaвлодар өңiрі туристiк потeнциалы жoғары aймақтардың бiріне жaтады. Қaзіргі кeзде бұл aймақтың туристiк жaғдайына көп мән бeрілуде. Аймaқта ұлттық, аймaқтық, жeргілікті дeңгейде көптeген туристiк жобалaр мeн бaғдарламалар iске aсырылып жaтыр.

Ертістiң Павлoдар өңiрі - Қaзақстанның iрі индустриaлды қaйнаған oртасы. Бұл элeктр энeргиясының, көмірдiң негізгi бөлігiн, ферроқорытпa, aлюминий өндіретiн eліміздің өнeркәсіптік бaй өлкeсі. Мұның бәрi Қaзақстан экономикасынa қосылaтын aуқымды әрi қуaтты күш. Аймaқтың гeографиялық орнaласуы оғaн бaсқа мeмлекеттермен жәнe Қaзақстан oблыстарымен Oңтүстік-Сібiр жәнe Ортaсібір тeміржол мaгистралі бoйынша aвтомобиль, aвиациялық, электрoндық, құбырлық жәнe өзeн көлiгімен қaтынас жaсауға мүмкiндік бeреді.

Ертiстің Пaвлодар өңiрінде бәрi бaр: ұшы-қиырсыз дaрқан дaла, қaйыңға орaнған тoғайлар, қaрағайлы oрмандар, тaулар мeн көлдeр. Oблысты eжелгі қaра Eртіс өзeні қaқ бөлeді дeп aйтуға бoлады. Oның жaйылмасы дa бiрегей әрi өсімдіккe өтe бaй.

Oблыс аумaғында Ертiстің Пaвлодар өңiрінің iнжу-мaржаны, Қaзақстан Республикaсының әсeм жерлерінiң бірi Баянaуыл орналaсқан. Шексiз жaзық даладaғы табиғaттың oсы бiр бiрегей туындысының сұлулығы тaңқаларлық. Таулары, қарағайлы ормандары, жануарлар әлемі, Жасыбай, Торайғыр, Сабындыкөл көлдері ұмытылмас әсер қалдырады. Бұл жер жыл сайын Қазақстан мен Ресейдің түкпір-түкпірінен келетін мыңдаған туристердің сүйікті демалыс орнына айналған.

Қазақстанның рекреациялық ресурстар құрамында ерекше қоғалатын табиғи аумақтар ерекше орын алады. Бірақ белгілі бір даму стадиясында туризм сақталған биоалуантүрлілікке кері әсер етуі мүмкін. Сондықтан бұл саланы жақсы ұйымдастырылған іс-шаралар негізінде дамыту керек. Осыған байланысты бұл территорияларды пайдаланудың негізгі түрі рекреация болып табылады. Павлодар облысының шегінде орналасқан Баянауыл Мемлекеттік Ұлттық табиғи паркінің табиғи-рекреацилық потенциалы орасан зор. Мұнда рекреацияның бірнеше түрін ұйымдастыруға болады.

Дипломдық жұмыс тақырыбының өзектілігі. Жалпы Қазақстан аумағындағы ішкі туризм бизнес саласы ретінде дамуы зор мүмкіндікке ие. Қазақстан ірі территорияны алып жатыр, сондай-ақ демалыс үшін тартымды көрікті жерлер баршылық. Оның ішінде Павлодар облысындағы туризм дамуы барлық ел туризмінің дамуына әсер етеді. Осы тақырыпқа қатысты еңбектің көптігіне қарамастан, толық мөшерде өңделмеген және қосалқы зерттеулерді талап ететін мәселелер қатары бар. Сондықтан Павлодар облысындағы туризмнің даму потенциалын анықтау облыстағы туризм дамуында маңызды аспектілердің бірі болып табылады.

Дипломдық жұмыстың мақсаты - Павлодар облысының туризм индустриясының даму үрдісін ғылыми, әдістемелік және тәжірибелік тұрғыдан негіздеп зерттеу, Павлодар облысының Қазақстан туризмінің дамуындағы ролін көрсету, облыстағы туризм дамуының тенденциялары мен проблемаларын талдай және зерттей отырып, аймақтағы туризмнің даму потенциалын анықтау.

Көзделген мақсатқа сәйкес дипломдық жұмыста келесідей міндеттерді шешу қажет:

- Павлодар облысындағы туризм дамуының алғышарты ретіндегі аймақтың инфрақұрылымын, туристер үшін тартымды нысандарды, қызмет көрсету субъектілерінің жағдайын талдай отырып, туризм ортасын зерттеу;

- Павлодар облысының туризм дамуындағы өзекті мәселелерді анықтау, оларды шешудің бағыттары мен жолдарын ұсыну;

- мәліметтерге сүйене отырып Павлодар облысының туризм саласының даму жағдайын және тенденцияларын айқындау;

- Павлодар облысының туристік имиджді құру және қолдау бойынша ұсыныстар қалыптастыру.

Зерттеу объектісі - Павлодар облысындағы туризм индустриясының дамуы және негізгі бағыттары.

Зерттеу пәні - Павлодар облысындағы туризм саласы және оның дамуына үлес қосатын қатысушылары.

Дипломдық жұмыстың практикалық маңыздылығы анықталған қорытынды мен берілген ұсыныстар арқылы аймақтағы туризм тартымдылығын жоғарылату болып табылады.

Зерттеудің ғылыми жаңашылдығы аймақтағы туризм дамуымен байланысты теориялық проблемаларды зерттеуден және туризм дамуын арттыру бойынша ұсыныстар берілуден тұрады

Дипломдық жұмысты орындау барысында Қазақстан Республикасының Статистика жөніндегі Агенттігінің, Павлодар облысының кәсіпкерлік, сауда және туризм басқармасының мәліметтері, сондай-ақ мерзімдік басылымдарда жарияланған мәліметтер мен интернет сайттарының ақпараттары, зерттеулердің логикалық, экономикалық-статистикалық, жүйелі және жағдайлық талдау әдістері қолданылды.

Дипломдық жұмыс кіріспеден, 3 бөлімнен, 10 бөлімшеден, қорытындыдан құралған, соңында пайдаланылған әдебиет тізімі мен қосымшалар ұсынылған. Иллюстрация ретінде 5 кесте және 17 сурет келтірілген. Жұмыс баспалық бетте орындалған.

Дипломдық жұмыс 82 беттен тұрады.

.

1 ПАВЛОДАР ОБЛЫСЫНДАҒЫ ТУРИЗМНІҢ ДАМУ АЛҒЫШАРТТАРЫ

1. 1 Аймақтың жалпы сипаттамасы

Павлодар облысы - Қазақстан Республикасының солтүстік-шығысында орналасқан. 1938 жылы 15 қаңтарда құрылған. Жер аумағы 124, 8 мың км². Облыста 10 әкімшілік аудан, 3 қала, 4 кент, 169 ауылдық округ, 490-нан астам елді мекен бар. Солтүстіктен оңтүстікке қарай 510 км-ге, батыстан шығысқа қарай 400 км-ге созылған. Әкімшілік орталығы - Павлодар қаласы.

Облыстың жер бедері екі геоморфологиялық бөлікке бөлінген. Солтүстіктің негізгі бөлігін Батыс Сібір ойпатының жалғасы - Ертіс жазығы, оңтүстік-шығыс бөлігін Сарыарқаның солтүстік-шығыс сілемі, солтүстік-шығысын Құланды және Бараба жазықтары алып жатыр. Жер беті теңіз деңгейінен 120-150 м биіктікте, Ертіс аңғарында 100-110 м шамасында. Сарыарқа бөлігі көбінесе ұсақ шоқылы таулар мен төбелермен алмасып отыратын жазықтардан тұрады. Мұнда Баянауыл (1026 м), Қызылтау (облыстың ең биік жері - Әулие тауы, 1055 м), т. б. таулар орналасқан [1] .

Облыстың солтүстік-шығысындағы шоқылардың теңіз деңгейінен абсолюттік биіктік 30-50 м. Сондай-ақ облыс аумағында Баянауыл таулы алқабы орналасқан. Бұл абсолюттік биіктігі 500-ден 1026 м-ге дейінгі аласа таулар. Әкімшілік жағынан таулы бедерлер Баянауыл, Май аудандарына, Екібастұз қалалық әкімдігі аумағына кіреді. Бұл аудандардағы таулар Сарыарқаның шығыс шеті болып табылады. Биік шыңдарының бірі - Әулие тауы (1055 м) облыстың ең биік жері саналады. Облыс қиыр оңтүстігіндегі Қызылтау тауында ірі Қызылтау зоологиялық қорықшасы орналасқан. Қызылтау тауынан солтүстікке қарай Мысықбай (471 м), Қамбаба (452 м), Сарыжал (441 м), Бүркітті (506 м), оңтүстік батысына қарай Желтау (959 м), батысында Гүлсары, т. б. таулар бар [2] .

Ертіс өзенінің орталық алабын алып жатқан облыс солтүстік, солтүстік-шығысы мен шығысында Ресейдің Алтай өлкесі, Новосибирск, Омбы облыстарымен шектеседі. Батысында Солтүстік Қазақстан және Ақмола, оңтүстік-батысы мен оңтүстігінде Қарағанды, оңтүстік-шығыста Шығыс Қазақстан облыстарымен шектеседі. Облыс шекарасының жалпы ұзындығы 2100 км. Облыс орталығынан ресей шекарасына дейінгі арақашықтық (Алтай өлкесіне) - 110 км, Астанаға дейін - 426 км, Алматыға дейін - 1444 км, Қарағандыға дейін - 412 км, Семейге дейін - 315 км.

Облыстың әкімшілік бөлінуі (сурет 1) . Облыс құрамында 10 аудан, облысқа бағынатын 3 қала бар.

1. Ақтоғай ауданы - аудан орталығы Ақтоғай .

2. Баянауыл ауданы - аудан орталығы Баянауыл ауылы.

3. Железинск ауданы - аудан орталығы Железі ауылы.

4. Ертіс ауданы - аудан орталығы Ертіс ауылы.

5. Қашыр ауданы - аудан орталығы Тереңкөл ауылы.

6. Лебяжі ауданы - аудан орталығы Аққу.

7. Май ауданы - аудан орталығы Көктөбе ауылы.

8. Павлодар ауданы - аудан орталығы Павлодар қаласы.

9. Успенск ауданы - аудан орталығы Успенка ауылы.

10. Шарбақты ауданы - аудан орталығы Шарбақты ауылы.

11. Ақсу қаласы.

12. Павлодар қаласы.

13. Екібастұз қаласы.

Сурет 1. Облыстың әкімшілік бөлінуі

Облыс минералды шикізат ресурстары бойынша республикада жетекші орындардың бірін алады. Ертістің Павлодар өңірінің қатты кен байлықтарының жалпы баланстық қор құны 460 млрд АҚШ доллларына бағаланады.

Облыста Қазақстан көмірінің 1/3-ден астам қоры шоғырланған. Ірі көмір кен орындары Екібастұз бен Майкөбенде сәйкесінше 10, 5 млрд және 2, 2 млрд т энергетикалық шикізат қоры шоғырланған. Бұлардан басқа келешегі бар 9 көмір кен орындарында жалпы қоры 3 млрд т-ға жуық көмір кендері орналасқан. Бұл кен орындарының басты ерекшелігі - олардағы көмір қабаттарының жер бетіне жақын жатуы немесе жер бетіне шығып жатуы. Сондықтан көмірді өндіру ашық әдіспен жүргізіледі.

Облыста сонымен қатар алтын қорының кен орындары баршылық. Алтынның жалпы қоры 150 т-ға жуық. Кен орындарында алтыннан басқа ілеспе түрде күміс, мыс, мырыш, барит кездеседі. Бұлар негізінен Майқайың кен орнында өндіріледі. Сондай-ақ облыс аумағында кобальттың мөлшері 14 мың, никельдің 251 мың, марганецтің мөлшері 70 мың т деп бағаланады. Облыста жалпылай таралған 89 құрылыс материалдарының кен орындары белгілі. Қазіргі кезде облыс аумағында кен қорлары бекітілген 131 кен орындары, олардың ішінде 26 металл мен көмір кен орындары бар. Бұлардан басқа, облыс аумағында көмірдің республикалық балансының 35, 7%-ы (республикада 1-орында), алтынның 5, 2%-ы (5-орын), мыстың 3, 7%-ы (5-орын), молибденнің 2, 3%-ы (4-орын), мырыштың 0, 8%-ы (6-орын), қорғасынның 0, 5%-ы шоғырланған [3] .

Облыс Азия құрлығының ортасында орналасқан. Арктикалық, қоңыржай және тропиктік ендіктің ауа массасына ашық, сондықтан аймақтың климаты тым континеттік. Орташа температура қаңтарда шамамен минус 18ºC, шілдеде шамамен плюс 21ºC. Ылғалдылық коэффициенті 0, 4-0, 5-тен аспайды. Топырағы карбонатты қызғылт, қоңыр, қара, өзен аңғары саз балшықты. Оңтүстік, оңтүстік-батысы қызғылт қоңыр, қиыршықты, қоңыр топырақты. Қарағайлы алқаптың жері күлгінді, сарғылт түстес құмды. Ауа райының желді болуы үйреншікті құбылыс.

Жауын-шашынның жылдық орташа мөлшері 200 мм-ден (оңтүстігінде) 310 мм-ге дейін (солтүстігінде) өзгеріп тұрады. Облыстың оңтүстік-батысындағы азын-аулақ 300 мм астам жауын-шашын түседі (Баянауыл ауданының таулы өңірі) . Шамамен 10-15 қараша аралығында тұрақты қар жамылғысы пайда болады, ол солтүстік ауданыдарда 5-10 сәуірге дейін, ал оңтүстігінде наурыз айының соңына дейін сақталып тұрады. Қар жамылғысы тұратын күндер саны - 130-155. Оның ең қалыңдаған кезеңі: ақпан айының соңы - наурыз айының басы, ол тиімді ылғалдылықтың 29-36 мм-не сәйкес, орталық және оңтүстік аймақтарда - 12-14 см немесе 1820 мм ылғалдылық.

Қыс мезгілінде батыстан және оңтүстік-батыстан соққан жел басым болады. Күші борандар мен бұрқасындар туғызатын жылдамдығы 15 м/с болатын желдер жиі анықталады. Қыста бұрқасын болатын күндер саны 3035-ке жетеді, ал кейбір жылдары 50-60-қа дейін [4] .

Ертіс алқабы дәнді-сан түрлі шөпті және алқаптық шабындықтар, суармалы шабындықтар және жолақты ормандар; көлдердің және кеуіп бара жатқан өзендер алқаптарында - астық-қияқ тұқымдас алқаптар және камыс қопалары бар. Ертістің солтүстік жағалауының оңтүстік бөлігінде - ашық-сарғылт топырақты жерде сортаң және сортаңдау дағы бар, жайылым ретінде қолданылатын бетегелі-жусанды және жусанды-сораңды шөлейттер; оңтүстік жағалаудың құмды жерлерінде - жолақты ормандар орналасқан. Негізгі орман түзушілер мен олардың серіктері: жай қарағай, салпаң, мамықты қайың, жабысқақ қараағаш, арша, алтай доланасы, қарапайым мойыл, қарапайым бүрген, сібір шетені, таңқурай.

Көлдерден: мөңке балықты, түрпіні, алабұғаны; Ертісте: шортан балық, алабұға, көксерке, язь, нәлім, ақбалықты кездестіре аласыз. Тиіндер (ормандарда), ондатр (қамысты қопада) жерсіндірілген. Баянауыл мемлекеттік ұлттық табиға саябағының фаунасы 5 жасаққа жататын сүтқоректілердің 48 түрінен тұрады. Құртқоректілер жасағы - 5 түрлі, жыртқыштар жасағы - 9 түрлі, аша тұяқтылар жасағы - 3 түрі. Маңызды нысан болып Қазақстанның Қызыл кітабына енген тау қойы - архар, басқа екі түрі - елік және бұлан өте ирек кездеседі, тек қана маусымдық қоныс аударады, кеміргіштер жасағы - 3 түрі, бұл жерде жарғанаттылардың саны өте көп - 23 түрі және қоянтұқымдастардың 4 түрі бар. Қос мекенділердің 2 түрі, бауырымен жорғалаушылардың - 7 түрі кездеседі.

Баянауыл мемлекеттік ұлттық табиғи саябағында Қызыл кітапқа енген құстардың 12 түрі бар. Бұлдырық ұлттық қорық аймағына сирек ұшып келеді, ителгі, бүркіт, ақиық, дала қыраны, үкі, тырбық қыран, қара бас күлегешті ұя салу кезінде кездестіруге болады. Қара құтан, бұйра бірқазан, сұңқылдық аққу, ақбас тырна көктемгі және күзгі ұшып өтуде кездестіруге болады. Тізімде келтірілген үш түр (лашын, ителгі, ақиық құстар), сонымен қатар үлкен қаршыға, дала құладыны, дала күйкентайы жойылып кетуге ақ қалған түрлерге жатады және IUCN-нің екінші тізіміне және жойылып кету қауіпі бар түрлер BirdLife International тізіміне енді.

Шетелдік орнитолог-туристерді фаунаның үлкен әр түрлілігі қызықтыруы мүмкін: Қызыл кітапқа енген ителгі, лашын құсы, дала күйкентайы, дала құладыны.

Облыс аумағында Ертіс өзенінің ұзындығы 500 км орта ағысы өтеді. Ертіс өзенінің жоғарғы ағысында мұздықтардан толығып отырады. Өзеннің орташа ені - 350 м, орташа тереңдігі 2-4 м. Облыс аумағындағы ірі тармақтары мен салалары - Белая, Окуневка, Зубатка, Орловка, Усолка, т. б. Олардың суы тұщы. Ұзындығы жағынан алғанда облыстағы екінші өзен - Шідерті. Өзен Қарағанды облысының аумағынан басталып, Павлодар облысының ойпаттарымен ағып, Шығанақ өзеніне құяды. Үшінші ірі өзеннің аты да - Шідерті. Ол Ақмола облысынан басталып, Павлодар және Қарағанды облыстары арқылы ағып өтіп, Әулиекөл көліне құяды. 1971 жылы аса ірі гидротехникалық құрылыстардың бірі саналатын Қ. И. Сәтбаев атындағы Ертіс-Қарағанды суландыру каналы ашылды. Каналдың жалпы ұзындығы Ертіс өзенінен Қарағанды қаласына дейін оңтүстік-батыс бағытта 500 км шамасында, тереңдігі 4 м, ені 40 м.

Облыс аумағында көптеген көлдер, ең бастысы - тұзды көлдер көп: Селетітеңіз, Қызылқақ, жалаулы, Шүрексор, Қарасор, Жамантұз, Қалқаман және тағы басқалар - солтүстік жағалауда; Маралды, мойылды, Үлкен Әбжұлат және тағы басқалар - оңтүстік жағалауда.

Павлодар облысында 1200 үлкен және кіші көлдер бар. Жүзге жуығы тұщы, ал қалғандары ащы. Облыс территориясында суасты суларының, эксплуатациялық қоры тәулігіне 3, 8 миллион текше метр он бір кен орны бар. Олардың барлығы ауыз суға және суаруға жарайды [5] .

Тұщы көлдер негізінде облыстың солтүстігінде таралған, сонымен қатар Ертіс аңғарында. Облыстың орталық және оңтүстік бөліктерінде олар бірлі-жарым. Баянауыл тауы аймағында аса маңызды тұщы көлдер (Жасыбай, Сабындыкөл, Торайғыр) терең тектоникалық шұңқырларда орналасқан.

Облыс жерасты суларының негізгі қорек көзі амосфералық жауыншашындар, Қазақтың Ұсақ шоқысынан және Объ - Ертіс суайырығының ертедегі жылғасынан ағып келетін транзиттік сулар болып табылады.

Павлодар облысы - Қазақстанның басты индустриалдық өңірлерінің бірі. Өңірдің өнеркәсіптік әлеуеті ірі экспортқа бағдарланған өнеркәсіптік компаниялармен айқындалады. Олар көмірді, электр және жылу энергиясын, алюминий тотығын, ферроқорытпаларды өндіреді. Облыс үлесіне республиканың өнеркәсіптік өндірісінің 7%-ы, республикалық көмір өндірісінің 70%-ы, ферроқорытпалар өндірісінің 3/4, электр энергиясы мен мұнай өнімдері өндірісінің 40%-ы тиесілі. Облыстың әлеуеті химия, машинажасау және металл өңдеу салалары кәсіпорындарының дамуына жеткілікті. Облыста түрлі меншік нысанындағы 5 мыңға жуық кәсіпорын белсенді қызмет етеді.

Облыста ауыл шаруашылығына да көп мән беріледі. Өңірдің ауылшаруашылық алқаптарының ауданы 11, 2 млн. га құрайды. Өңірде негізгі өндірілетін дақыл - бидай, ол егіс алқаптарының жартысынан көбінде егіледі. Егін алқаптарының 15-17%-ға жуығы басқа дәнді дақылдарға тиесілі.

Аймақтағы өнеркәсіп әлеуеті көлік коммуникациялары мен көліктік-экономикалық байланыстарды кеңейту қажеттілігін туғызды. Облыста күрделі көліктік-коммуникациялық торап бар: мұнда Қазақстан ішіндегі оңтүстікке қарай өтетін (Шымкент қаласына) ең ірі мұнай құбыры басталады, Қазақстан мен Ресейдің түрлі өңірлеріне тартылған электр қуатын алысқа тарату желілері, Ертіс-Қарағанды-Жезқазған арнасы өтеді [6] .

Облыстың білім беру жүйесі білім алушыларға оқу орны, білім алу деңгейі сияқты әр түрлі оқу түрін таңдауға шынайы мүмкіншіліктерді ұсынады. Облыста инновациялық оқу орындары қызмет етеді: жалпы білім беру лицейлері мен гимназиялар, дарынды балаларға арналған мектептер.

Павлодар облысының орта білім беру жүйесі 416 мектеп және мектеп-интернатты қамтиды. Облыста 2 гимназия мен 2 лицей, 12 мамандандырылған мектеп бар.

Облыс аумағында төрт жоғары оқу орны жұмысын атқарады, олардың үшеуі Павлодар қаласында, біреуі Екібастұз қаласында орналасқан:

- С. Торайғыров атындағы Павлодар Мемлекеттік Университеті;

- Павлодар Мемлекеттік Педагогикалық Институты;

- Инновациялық Еуразия Университеті;

- Академик Қ. Сәтбаев атындағы Екібастұз Инженерлік-Техникалық Институты [7] .

2014 жылғы 1 сәуірге облыстағы халық саны 753, 3 мың адамды құрады, соның ішінде қалада - 526, 1 мың (69, 8%), ауылда - 227, 2 мың адам (30, 2%) . Халқының тығыздығы облыс бойынша орта есеппен алғанда жер ауданының 1 км² - 6 адамнан. Әйел адамдар - 52, 9 %, ал ер адамдар - 47, 1 % құрайды.

2014 жылы Павлодар облысына басқа елдер және республика өңірлерінен 1076 адам келді, ал облыс шегінен тыс 1653 адам көшіп кетті. 2014 жылғы 1 қаңтарда қазақтардың саны - 364, 9 мың, орыстардың саны - 283, 4 мың, украиндердің саны - 37, 9 мың, немістердің саны - 21, 1 мың, татарлардың саны - 14, 2 мың, белорустердің саны - 5, 1 мың, өзге ұлттардың саны - 19, 3 мың адамды құрады. Павлодар облысы халқының ішінде әр түрлі діни сенімдер, соның ішінде 172 діни бірлестіктер мен топтар тіркелген, оның ішінде мұсылмандық - 94 (54, 7 %), православиелік - 17 (10 %), католиктік - 8 (4, 7 %), иудейлік - 1 (0, 6 %), протестанттық пен өзгесі - 52 (30 %) . Облыста 126 діни ғимараттар бар [8] .

Сонымен, Павлодар облысы - Қазақстанның басты индустриалдық өңірлерінің бірі. Мұнда дәстүрлі күрделі өндірістер мен минералдық және көмірсутекті шикізатты игерумен айналысатын кәсіпорындардың оңтайлы үйлесімділігі бар ТМД-нің экономикалық кеңістігіндегі аса ірі аумақтық-өндірістік кешен тарихи қалыптасқан. Облыстың орасан зор табиғи-ресурстық әлеуеті, дамыған өндірістік және әлеуметтік инфрақұрылымының бар болуы, жоғары ғылыми-техникалық әлеуеті, оның Орталық Азия мен Сібір арасындағы байланыстырушы рөлі түрлі елдер мен континенттердің өнеркәсіпшілері мен кәсіпкерлерінің мұқият назарын аударуда.

1. 2 Табиғи туристік-рекреациялық ресурстары

Табиғи-рекреациялық қорлардың бары, Павлодар облысының ыңғайлы географиялық орны экономикалық, емдеу-сауықтыру, балалар-жасөсіпірімдер, өзен туризмін дамыту үшін әлеуметтік мүмкіндіктерді ашады.

Павлодар облысының табиғи ескерткіштеріне жатады:

1. Баянауыл мемлекеттік ұлттық табиғи паркі.

2. Қызылтау мемлекеттік зоологиялық қорығы.

3. «Ертіс орманы» мемлекеттік табиғи орман резерваты.

4. «Қаздардың ұшып қайтуы» республикалық маңызы бар палеонтологиялық табиғи ескерткіш.

5. «Ертіс өзенінің алқабы» мемлекеттік табиғи қорығы.

Баянауыл мемлекеттік ұлттық табиғи паркі - Павлодар облысының оңтүстік-шығысында (Баянауыл ауданында) Екібастұз қаласынан 100 шақырым жерде Орталық-Қазақстандық ұсақ шоқылардың шетінде орналасқан Қазақстан Республикасындағы ұлттық парк. Қазақстанның ерекше қорғалатын табиғи аумақтарының қатарына кіреді.

Парк 1985 жылы құрылып, Қазақстанның бірінші ұлттық паркі болып табылады. Баянауыл тау сілемінің табиғи өсімдік әлемі мен жануарлар әлемін сақтау және қалпына келтіру қажеттілігі паркті құрылуына негіз болып табылды. Парктің жалпы аумағы 68 453 га құрайды.

Баянауыл өңірінің флорасы тамырлы өсімдіктердің 474 түрін қамтиды. Мұнда барлығы бореаль реликтің 51 түрі табылған [9] .

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Қазақстандағы шағын көлдердің туристік рекреациялық мүмкіндіктерінің қазіргі жағдайы мен даму болашағы
Туристік - рекреациялық кешеннің құрылымы
Қазақстан Республикасының туристік индустриясының перспективті бағыттарын дамытудың 2010-2014 жылдарға арналған бағдарламасы
Туризмнің мәні әлеуметтік- экономикалық категория ретінде
Туризмді дамытудың теориялық - әдіснамалық негіздері
Туризмнің экономикалық сала ретінде
Ресейлік Transaero әуе тасымалдау компаниясы
Қазақстандағы ішкі туризмінің қазіргі жағдайы, перспективалары
Туристік рекреациялық ресурстар және олардың таралуы
Туристік инфрақұрылым
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz