Автокөлік тасымалдаудың техникалық сенімділігін қамтамасыздандыру

Пән: Автоматтандыру, Техника
Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

МАЗМҰНЫ

КІРІСПЕ

ЛОГИСТИКАНЫҢ ТЕОРИЯЛЫҚ НЕГІЗДЕРІ1. 1. Логистика түсінігі және оның даму тарихы, эволюциясы. 1. 2. Автокөлік түрлеріне байланысты ұжымдағы тасымалдауды ұйымдастыру мен басқару ерекшеліктері

1. 3 Қазақстан Республикасындағы көлік жүйесіндегі автомобильдердің маңыздылығы

2 . АВТОКӨЛІК ТАСЫМАЛДАУДЫҢ ТЕХНИКАЛЫҚ СЕНІМДІЛІГІН ҚАМТАМАСЫЗДАНДЫРУДЫҢ ПРАКТИКАЛЫҚ КӨРСЕТКІШТЕРІ («Transinter TIM group» ЖШС мысалында)

2. 1Автокөліктің техникалық жағдайына сәйкес пайдалану тиімділіктерін арттыру амалдары

2. 2Автокөлік логистикасының сенімділігінің тасымалдау шығындарына байланысты өзгеруін анықтау

АВТОКӨЛІК ТАСЫМАЛДАУ САЛАСЫНЫҢ ДАМУ ЖОЛДАРЫАвтокөліктерді тиімді пайдалану амалдары мен жетілдіру жолдарыКөлік жүйесінің бүгінгі күйі мен даму перспективалары.

Қорытынды

1. ЛОГИСТИКАНЫҢ ТЕОРИЯЛЫҚ НЕГІЗДЕРІ
1. 1. Логистика түсінігі және оның даму тарихы, эволюциясы.

Логистиканың пайда болу және даму тарихы көне заманнан басталады. Гамбург университетінің профессоры Г. Павеллектің айтуынша, тіпті Рим империясының кезеңінде »логистер» немесе »логистиктер» деген мәртебесі бар қызметкерлер болған. Олар азық-түлік өнімдерін бөлумен айналысқан. Біздің дәуірдің бірінші мыңжылдығында бірқатар елдердің әскери лексиконында логистиканы қарулы күштерді материалды ресурстармен қамтамасыз ету және олардың қорларын сақтау бойынша қызметпен байланыстырған. Мысалы, византийлік патша VІ Леон (б. з. 865-912 ж. ж. ) кезінде логистиканың міндеттеріне әскерді қаруландыру, оларды әскери мүлікпен қамтамасыз ету, олардың қажеттіліктерін уақтылы қарайластыру жатады деп есептелген.

Дарынды әскер басшылары қажет уақытта және керекті орыннан табылған қару-жарақтың, отынның, азық-түлік пен әскер жарағының жеңіске жетуде қаншалықты маңызды роль атқаратындығын әр уақытта түсінген. Адамзат тарихындағы бүкіл соғыстар әскерлерді жабдықтаудың ұйымдастырылуына байланысты жеңіліп немесе жеңіске ұшырап отырған.

Логистикалық әдіс Екінші дүниежүзілік соғыс кезінде, әсіресе американдық әскерлерде кеңінен қолданылды. Әскери өнеркәсіптің, тылдағы және фронттағы жабдықтау базалары мен көліктің нақты бірлескен іс-әрекеті американдық әскерді қажетті мөлшерде қару-жарақпен, жанар-жағар май материалдарымен және азық-түлікпен уақтылы және жүйелі түрде қамтамасыз етуге мүмкіндік жасады. Үлкен ағылшын-орыс сөздігі бүгінгі таңда да “logіstіes” сөзін әскери 1) тыл және жабдықтау; 2) материалды-техникалық қамтамасыз ету; 3) тыл жұмысын ұйымдастыру және жүргізу деп аударып жүр.

Логистика дамуының тағы бір бағыты - экономикалық, мұнда логистика деп шаруашылық жүргізудің ғылыми-практикалық бағыты, яғни өндіріс және айналым сфераларындағы материалды және олармен байланысты ақпараттық және қаржы ағымдарын тиімді басқару түсіндіріледі.

Экономикада логистиканың кең қолданылуы 60-70-ші жылдарға келеді және байланыс технологиялары саласындағы жетістіктермен байланысты. Шикізат, бөлшектер мен дайын өнімдердің қозғалысының барлық сатыларын іштей бақылау мүмкіндігі материалды ағымдарды басқарудың дәстүрлі үлгісіндегі жіберілетін үлкен шығындарды айқын байқауға мүмкіндік берді. Экономикада логистиканы қолданудан алатын экономикалық ұтыс тауарларды жылжыту саласында әріптестерді бірлестіктерге бейімдеуге әсер етті.

Логистиканың практикалық потенциалын алғашқы болып американдық мамандар Пол Конверс және Питер Дракер түсінді. Олар оның потенциалды мүмкіндіктерін “шығындарды үнемдеудің соңғы шегі” және “экономиканың танылмаған материгі” ретінде анықтады. Кейіннен олардың көзқарастарын көптеген теоретик-логистиктер бөлісті. М. Потер, Д. Стон және басқа да осылар сияқты американдық зерттеушілердің айтуынша, логистика өзінің дәстүрлі тар анықтамасының шекарасынан шықты және фирманың жоспарлауы мен стратегиялық басқаруында маңызды орын алады.

Логистика түсініктеріндегі белгілі бір айырмашылықтарға қарамастан, олардың екеуі де жалпы және айрықша белгілері: үйлесімділік, рационалдық және дәл есептеуді бөліп көрсетеді.

Логистика эволюциясы болашақта логистикалық концепция енгізудің алғышарты қалыптасқандығымен маңызды. Оған төмендегілерді жатқызуға болады:

тауарлардың өткізуді ұйымдастыру жүйелеріндегі қорлар мен тасымалдау шығындарының өсуі;
транспорт тарифтерінің өсуі;
маркетинг концепциясының пайда болуы және тез таралуы;
әскери логистиканың теориясы мен практикасының дамуы.

1950-ші жылдардың ортасынан бастап 1970-ші жылдарға дейінгі кезеңді батыс мамандары логистиканың қалыптасу кезеңі (концептуализация) деп атайды. Бұл кезең, ең алдымен, АҚШ-тағы логистиканың теориясы мен практикасының тез дамуымен сипатталды. Сол кезеңде дистрибьюцияны жақсарту мүмкіндігін, ең алдымен шығындарды төмендету тұрғысынан, елемеуге болмайды. Белгілі американ жазушысы және менеджмент бойынша кеңесші Питер Друкер дистрибьюцияны »көбінесе еленбейтін және американ бизнесінің ең сенімді саласы » деп атаған.

Логистиканың батыс бизнесінде тез етек жаюының маңызды фактілерінің бірі - жеке бөлудегі жалпы шығындар концепциясының пайда болуы болды. Бұл концепцияның мәні, дистрибьюцияда шығындарды тауарды өндірушіден тұтынушыға жылжытуға кеткен шығындардың жалпы деңгейі азаятындай етіп қайта топтауға болатындығына келіп саяды. Мысалы, тауарлар тасымалын автомобиль көлігінен әуе көлігіне алмастыра отырып, аралық қоймаларды құру қажеттілігінен қашуға болады, яғни қорларды қоймалауға, сақтауға және басқаруға кететін шығындарды шығаруға болады. Бұл жерде тасымалдау шығындары өскенмен, өткізу торындағы шығындардың жалпы деңгейі төмендейді. Бұл мысал, екі маңызды логистикалық қызметтер (қор мен тасымалдау) арасындағы ішкі өзара қатынасқа ерекше көңіл бөледі. Жалпы шығындар концепциясы логистикалық шешімдерді қабылдау әдістемесін дамыту үшін негіз болып табылады.

Сонымен бірге, осы кезеңде логистиканың тез дамуын түсіндіретін бірқатар объективті экономикалық және технологиялық факторлар болған. Олардың негізгілеріне төмендегілерді жатқызуға болады:

тұтынушы сұранысының модельдеріндегі және қатынас-тарындағы өзгерістер (олигополиялық рыноктардың дамуы)
өндіріске жұмсалатын шығындарды қысу;
компьютерлі технологиялардағы прогресс;
қорларды қалыптастыру стратегияларындағы өзгерістер;
әскери тәжірибенің әсері.

Бұл факторлар 60-шы жылдары АҚШ-та айқын көрінді. Рыноктағы негізгі тенденциялар сатып алушыларға көңіл бөлудің күшеюі (соның ішінде, қызмет көрсету үлесінің өсуі) және бірдей қажеттіліктерді қанағаттандыратын (бәсекелес тауарлардың) түрлі тауарлардың көп болуы болды. Олигополистік рыноктық құрылымдардың тез дамуы бизнес ұйымдарын сұраныс пен ұсынысты үйлестірудің, тұтынушыларға жақсы қызмет көрсетудің жаңа жолдарын іздеуге мәжбүр етті. Тапсырыс циклдарын қысқартуға және өнім өндірісіне жаңа кинетикалық көзқарастар пайда болды. Тауарлар түрлерінің көбеюі дистрибьюция жүйелерінде қорлардың құрылуы мен сақтауына кететін шығындардың өсуіне алып келді. Бұл өз кезегінде тауар өткізуші құрылымдарды жетілдірудің және жеке бөлу процестеріндегі шығындарды төмендетудің жаңа жолдарын іздеуді талап етті.

Екінші дүниежүзілік соғыстан соңғы белсенді экономикалық өсуден кейін, 60-шы жылдардың ортасында өндірушілердің ұзартылған пайдасының едәуір құлдырауы және оның тарылу кезеңі байқалды.

Рыноктық жағдайдың өзгеруі, олигополистік бәсекелестіктің өсуі өнім өндірушілерге шығын факторларының қысымын күшейтті, менеджерлерді еңбек өнімділігін жоғарылатудың, өндіріс пен дистрибьюциядағы шығындарды төмендетудің жаңа жолдарын іздеуге мәжбүр етті. Жаңа логистикалық концепциялар оларға сондай мүмкіндік берді. Бұдан басқа, менеджерлердің логистикалық шығындардың көп мөлшерге дейін жете алатына көзі жетті.

Ірі батыс фирмалары ғаламдық стратегияларды дамытуға, яғни әлемдік рынок үшін және арзан шикізат, бөлшектер, еңбек ресурстарын табуға болатын жерлерде өнім өндіруге тырысты. ЕО елдерінде және АҚШ-пен Канада арасында болғандай дәстүрлі ұлттық, сауда, кеден және басқа да кедергілердің жойылуы шекаралар арқылы тауарлардың, қызметтердің және адамдардың еркін өтуіне әсер етті және халықаралық логистикалық үйлесудің мәнін күшейтті. Халықаралық аренада логистикалық белсенділік кешенді болды, ал өндірісті және дистрибьюция орталықтарын орналастыру, көлік түрін таңдау, қызмет түрін, қорларды басқару әдістерін таңдау, байланыс және ақпарат жүйелерін жобалау сияқты мәселелер логистикалық менеджменттің жаңа дағдыларын талап етті.

Интегралды логистика концепциясының арнасында іскерліктегі әріптестер дайын өнім қорларын жоспарлауда және басқаруда, тасымалдауда, жүктерді өңдеуде, сауданы ұйымдастыруда табысты үйлестірудің жолдарын іздестіре бастады. Бірлестіктердің көптеген негізгі формалары логистикалық шығындарды қысқарту және тұтынушыларға қызмет көрсету сапасын жақсарту мақсатында ұйымдастырушылық және функцияаралық жоспарлауды, басқаруды жетілдіру бағытында дамыды. Көптеген логистикалық одақтар тасымалдауда, көтерме сауда және дистрибьюция жүйелеріндегі маманданған дәстүрлі бәсекелестер арасында құрылды.

Сонымен, “логистикалық ренессанс” кезеңінде көптеген іскер ұйымдары үшін логистика бәсекелестік күрестегі маңызды стратегиялық құралдардың бірі болды және алдыңғы қатарлы интегралды логистиканың концепцияларын қолданған фирмалар рыноктағы өз позицияларын бекітті. Қазіргі сатыда болашақ логистикалық концепцияның эволюциясына әсер еткен батыс рынок экономикасындағы негізгі тенденцияларға мыналар жатады:

өнеркәсіп өндірісінің құлдырауы;
өнеркәсіптегі маманданудың тереңдеуі;
бірлестіктерді және менеджменттің жаңа формаларын ұйымдастыруда жаңа тәсілдерді қажет ететін сауда серіктестерімен жаңа қарым-қатынас;
әлемдік интеграциялық үрдістердің дамуы;
іскерліктің барлық салаларында күшейген бәсекелестік;
жаңа ақпараттық-компьютерлік технологияларды енгізуден оларды тиімді пайдалануға өтуі;
жаңа өнім түрлерінің өндірісіне тез өтуге мүмкіндік беретін икемді технологиялық құралдарды, жобалаудың автоматты жүйелерін, икемді автоматталған және роботталған өндірістің енгізілуі;
қызмет көрсету өнеркәсібіне логистика принциптерін енгізуді күшейту.

Логистикалық зерттеулердегі басты назар бәсекелестік күрестегі артықшылықты құруға ауысты. Бәсекелестік күшейген жағдайда рынокта өз бәсекелестерін табысты жеңу үшін фирма икемді және қозғалмалы болуы тиіс, яғни бәсекелестіктің маңызды факторы уақыт болып табылады. Бұдан басқа, іскерліктің сыртқы ортасы кешенді және анықталмаған болып келеді, бұл қалыптасушы логистикалық жүйелердің жоғары деңгейлі бейімделуін және тұрақтануын талап етеді.

Логистика ғылым ретінде және азаматтық саладағы бизнес құралы ретінде ең алдымен АҚШ-та 1950-ші жылдардың басында қалыптаса бастады. Логистика эволюциясы дамыған капиталистік елдердегі нарықтық қатынастардың тарихымен, эволюциясымен тығыз байланысты, іскерліктегі “логистика” терминінің өзі тек 70-ші жылдардың соңында ғана қалыптасып, әлемде жаппай қолданыла бастады.

Отандық және шетел экономикалық әдебиеттерінде логистика түсінігінің көптеген анықтамаларын кездестіруге болады, онда басқару объектісі материалдық ағымдармен шектелмейді. Сондай-ақ “банктік логистика”, “ақпараттық логистика” сияқты бірқатар басқа терминдер пайда болды [2] .

Логистиканы материалдық және олармен байланысты ақпараттық ағымдарды басқарудың теориясы мен практикасы ретінде қарастырады.

Материалды ағымдарды басқару, басқа кез келген объектілерді басқару сияқты, екі бөлімнен тұрады:

шешім қабылдау;
қабылданған шешімді жүзеге асыру.

Материалды ағымдарды басқару бойынша дәлелді шешімдер қабылдау үшін белгілі бір білім қажет. Осы білімді жасайтын қызметті логистикаға жатқызады; сәйкесінше көптеген анықтамалар логистиканы ғылым немесе ғылыми бағыт ретінде пайымдайды: логистика - материалдық ағымдардың тиімділігін жоғарылатудың жаңа мүмкіндіктерін іздеумен тікелей байланысты пәнаралық ғылыми бағыт.

Ғылым ретінде логистика мынадай міндеттер атқарады:

сұранысты болжамдау және соның негізінде қорларды жоспарлау;
өндіріс пен көліктің қажетті қуаттылығын анықтау;
материалды ағымдарды оңтайлы басқару негізінде дайын өнімді бөлудің ғылыми принциптерін жасау;
өндіріс пунктінде және тұтынушылардағы тиеу үрдістерін және тасымалдау-қоймалау операцияларын басқарудың ғылыми негіздерін жасау;
логистикалық жүйелердің қызмет етулерінің түрлі математикалық модельдерінің варианттарын құру;
дайын өнімдерді бірлесіп жоспарлаудың, жабдықтаудың, өндірістің, қоймалаудың, өткізудің және тасымалдаудың әдістерін жасау және т. б. бірқатар мәселелер.

Ғылыммен алынған білім материалды ағымдарды басқару саласында дәлелденген шешімдер қабылдауға мүмкіндік береді. Қабылданған шешімдерді тәжірибе жүзінде жүзеге асыру үшін нақты әрекеттер қажет. Сондықтан да анықтамалардың басқа тобы логистиканы шаруашылық қызмет ретінде қарастырады: логистика - өндіріс және айналыс сфераларындағы материалды ағымдарды басқару болып табылатын шаруашылық қызметтің бағыты.

Логистиканың негізгі объектісі - ішкі материалды ағымдардың схемасын, шикізаттың алғашқы көздерінен бастап соңғы тұтынушыға дейін, қарастырып өтейік. Бұл схемадағы материалдар қозғалысының бүкіл жолын екі үлкен учаскіге бөлуге болады:

бірінші учаскіде өндірістік-техникалық бағыттағы өнімдер қозғалады;
екіншіде - халық тұтынатын бұйымдар.

Тізбек бойынша қозғалуына байланысты саналық құрамы өзгеріп отырады. Ең алдымен, шикізат көзі мен алғашқы өңдеуші кәсіпорын арасында, сондай-ақ түрлі өндірістер арасында жаппай біртекті жүктер қозғалады. Тізбектің соңында материалды ағымдар тұтынуға дайын әр түрлі тауарлар ретінде көрінеді. Кейбір өндіріс орындары ішінде материалды ағымдар бар. Мұнда цехтар арасында немесе цехтардың ішінде түрлі бөлшектер, жартылай фабрикаттар, дайындамалар орын ауысып отырады.

Логистикалық процесс кезінде материалдық ағым кәсіпорынға дейін жеткізіліп, қойма және өндірістік учаскілер тізбегі арқылы оның тиімді жылжуы ұйымдастырылады, содан соң дайын өнім тұтынушыға оның тапсырысына сәйкес жеткізіледі.

Түрлі сапалы материалды ағымдарды басқару бойынша аталған қызмет түрлері логистиканың мазмұнын құрайды, оны логистикалық терминологиялық сөздік былайша анықтайды: логистика (logіstіcs) - шикізат пен материалдарды өндірістік кәсіпорынға дейін жеткізу үрдісінде, тұтынушының талаптарына сәйкес дайын өнімдерді тұтынушыға дейін жеткізу үрдісінде жүргізілетін материалды және материалдық емес операцияларды, тасымалдауды, қоймалауды басқару, жоспарлау және бақылау туралы ғылым. Материалды ағымдарды басқарудың негізгі объектісі ретінде бөліп қарастыру экономикалық үрдістерді жеңілдетеді. Бірақ мұндай жеңілдік жүктердің қозғалысын, шикізаттың бірінші көзінен бастап барлық аралық үрдістер арқылы соңғы тұтынушыға жеткенге дейін іштей бақылаудың мақсаттарын қоюға және оны шешуге мүмкіндік береді. Бірқатар факторлардан абстракциялау және зерттеу мен басқарудың негізгі объектісі ретінде материалды ағымдарды бөліп қарастыру үлгілеу есептерінің шамаларын қысқарта отырып, ішкі логистикалық тізбектерді жобалауға, олардың жүру тәртібін зерттеуге және болжамдауға мүмкіндік береді, сондай-ақ экономикалық үрдістерді ресми зерттеуге жаңа мүмкіндіктер ашады.

1. 2 Автокөлік түрлеріне байланысты ұжымдағы тасымалдауды ұйымдастыру мен басқару ерекшеліктері

Бүгінгі Қазақстан Республикасы заңдары, елімізде қандай да болмасын кәсіпкерлік түрімен айналысуға толықтай негіз берген. Соған байланысты жылма-жыл көптеген кіші, шағын және орта кәсіпкерлікпен айналысатын мекемелер, фирмалар сияқты әртүрлі ұжымдар жұмыс істеуде. Бірақ жылдық талдау мәліметтері көрсетіп отырғанындай, солардың 30 . . . 35 пайызы толықтай жұмыс істей алмай қатардан қалып отыр.

Бұл ұсынылған ұйымдастыру мен басқару жүйесіне көшу мақсатында іс-шаралар атқармас бұрын, әрбір ұжымға, мекемеге немесе кәсіпорындарына жеке-жеке тоқталып, анықтаған дұрыс. “Жекешелікті басқару” түсінігі немесе кадр саясаты жұмысшылардың жағдайын және фирманың ұйымдастырылған құрылымымен қарым-қатынасын кең ауқымда қамтиды. Оларға жұмысқа алу, мамандарды орналастыру, төлемақы жүйесі, кәсіпкерлік оқыту, әлеуметтік-тұрмыстық жағдай т. б. кіреді.

Жапондық және американдық жекешелікті басқару стильдерінің қорытындысы және салыстырмалы мінездемелері бойынша негізгі ерекшеліктерін бөліп алу жұмыстың негізгі мақсаты болып табылады. Басқарудың осы ерекшеліктерін бөліп ала отырып, басқа елдердің менеджмент саласында пайдалану, соның ішінде Ресейде де пайдлану жүзеге асырылды. Ірі жапониялық мекемелерде жапондық жекешелікті басқару жүйесі қолданылады және бұл жүйеге барлық әлемнің мамандары назар аударуда.

Ал көлік логистикасын басқару оларға қойылатын негізгі талаптарға сәйкес бірнеше қосымша атқарылатын қызметтердің сапасынанан тікелей байланысты. Төмендегі суретте шартты түрде берілген.

Сурет 1 − Көлікпен тасымалдау тізбегінің сенімділігі мен сапасына әсер етер факторлар

Автокөліктер логистикасындағы ұйымдастыру мен басқару мәселелері экономикалық заңдылықтарды білу ғана емес, ол ең бірінші мамандарды жеке адамдарды жинастырып, оларға табыс табу амалдарын және ол үшін не істеу керек екенін жеткізе білу. Сонымен қатар әрбір ұжым мүшесінен нені талап ететінін анықтау және соны әрқайсысына жеткізу. Ондаған жылдар өндірісте, кәсіпкерлікте жұмыс істеген мамандардың іс-тәжірибе көрсетіп отырғанындай, алғашқыда жұмыс іздеп келіп, орналасқандар өзара үйлесімді тұрақты ұжым құра алмады. Соның ішінде жүк тасымалдау автокөліктері жүргізушілері мен техника жөндеу мамандары. Бірақ оның бәрі тек сырт көзге ғана солай сияқты, ал негізінен әрбір жүргізуші немесе жөндеуші мамандар арасында іштей сараптамалар, сынау сияқты көзқарастар мен сырттай танысу болады. Оның барлығы, соның ішінде әрбір жеке адамға даген ой пікірлері мен анықтамалары алыс жолдарда, автокөлікте техникалық ахаулар шығып көмек керек болғанда анықталады. Өйткені барлық адамда өзінің ерекшеліктері, кемшіліктері мен артықшылығы, мейірмандығы, адамгершілігі және өмірдегі нақты көзқарастары болады. Сонымен қатар ұжымдардың тұрақтылығы және оның еңбек өнімділігі сол мекемедегі басшының ұстанымына, өмірдегі ішкі талаптары мен оның жеке басының адамгершілігіне және оларды нақты жағдайда, соның ішінде қаржы ағымдарына келгендегі ұстанымына байланысты. Жалпы жеке бастың «интеракционистік» теориясына сәйкес кез-келген адамның іштегі ұстанымы тұрақты бола тұрып, нақты жағдайларда сырттай өзін басқаша ұстауы немесе әрекет етуі мүмкін.

Күнделікті ұжымда жұмыс істеуден төмендегідей заңдылықтарды байқауға болады, егер адам ақ көңіл, ниеті таза, жаман ойы жоқ болса кез-келген ортаға, ұжымға тез сіңісіп кетеді. Ал оның мойнына алған мамандықты, жұмысты атқару сапасы бір басқа. Ал адам керісінше тұйық, көп сөйлемей, өзімен-өзі болса, онда ұжымға тез сіңіп кетпейді, ондай адамдарды нақты жұмыс үстінде және мойынына алған міндеттемесін орындау қорытындысы арқылы бағалайды. Өмір тәжірибесі көрсетіп отырғанындай үлкен шеберлер мен іскер жұмысшылар осындай адамдардан шығады. Олар әруақытта өз ішкі дүниесімен өзі ғана болады да, нақты қолға алған шаруасымен айналысады, яғни одан басқа жан-жағындағы болып жатқан және өзіне тікелей әсер етпейтін шаруаларға, шараларға араласпайды да, көңілде бөлмейді. Ал осындай мінезді мамандар автокөліктерді жөндеу жұмысшылары болса, мекемедегі автокөліктердің техникалық дайындығы және сапасы жоғары болады. Ал керісінше адамдармен тез табысып, іші-бауырына кіріп, өз сөзін, ой-пікірін толықтай жеткізе білетін адамдар делдалдықтарға, қамтамасыздандыру жұмыстарын орындауға, жүк тапсырушылармен келісім жүргізуге баға жетпес пайда береді. Яғни кез-келген ұжымда адамдардың жеке тұлғалық қасиеттеріне сәйкес, оның болашағын, экономикалық тиімділігін алдын-ала болжауға болады. Ол үшін мынандай қасиеттерін атап өтуге болады:

− Жауапкершілігі - әрбір айтылған сөзі мен іс-әрекетіне жауап беру.

− Дайындығы - өз мамандығының теориялық, практикалық негіздерін меңгеру.

−Еркіндігі - тапсырылған жауапкершілікті, тапсырманы өз еркіндігімен қабылдауы.

−Құпиялылығы - жұмыс бабындағы барлық, соның ішінде кәсіби мамандығы ерекшеліктерімен құпиялылығын сақтауы.

−Ынталылығы - міндетті атқаруда жаңа шешімдермен, ынтасын қолдануы,

−Тиімділігі - меңгерген мамандығы жетілдіру арқасында жұмыстан өсу, көп табыс табу, жұмыс көлемін арттыру, еңбекөнімділігін көтеру.

−Келісімшілдігі - ұжымның, басшылардың, жеке адамдарды ой-пікірі мен санасуы.

Жалпы кез келген ұжымдарда, мейлі ол үлкен болсын, кіші болсын адамдар арасында жеке адаммен көпшіліктің арасындағы қарым қатынастар ерекшеліктері мен заңдылықтары болады. Мысалы ұжымға жаңадан келген адам алғашқыда өзінің дене бітімімен, сөз сөйлеу мәнерімен, жүріс тұрысымен, өткен өмірінің ерекшеліктерімен өлшенеді немесе бағаланады. Кейбір жаңадан келгендер үлкен спортшы, өнер адамы болуы мүмкін, бірақ бұл аталған ерекшеліктер тек қана белгілі бір мезгіл ішінде ғана бағаланады. Одан соң нақты міндетін атқару сапасына қарай өлшенеді. Ол тек қана басшылар үшін емес, сол ұжымның кез келген мүшесі үшін әртүрлі сенімге, сыйға ие болуы мүмкін. Мысалы нақты бір тапсырған шаруаны шала, аяғына дейін орындамай немесе мәселені шешпей «бос бұйдаға» салып соза берсе, одан екінші адамдар немесе автокөлік жүргізушілері жұмыстарын атқара алмай еңбек ақысыз қалса, онда ол адамның өткен еңбектеріне, атақ дәрежесіне, өнеріне, дене бітіміне қарамайды және қатаң талап қояды.

Нарық кеңестігі нақты адамдардың кешегі мен ертеңгісінен бұрын, бүгінгі іс-әрекетіне жауап беруін талап етеді. Кәсіпкерліктің басты жетістік кепілі ол кез-келген жұмысты нақты және дер кезінде орындау, мәселені шешу және одан нақты қорытынды шығару. Олай болмаған жағдайда ешқандай табыс, жетістік немесе келешек болмайды. Ұжымға келген адамдар алғашқы таныстықтан өту уақытында, сол ұжым мүшелеріне жоғарыдағы атап өткендей өзін-өзі мойындата біліп, қолынан не келетінін сендіре білуі тиіс. Бұл адамның ұжымға жеке дара сіңісуінің басты шарты.

... жалғасы

Сіз бұл жұмысты біздің қосымшамыз арқылы толығымен тегін көре аласыз.