Заңды тұлғаларды несиелеу туралы мәлімет

Пән: Банк ісі
Жұмыс түрі: Дипломдық жұмыс
Тегін: Антиплагиат
Көлемі: 78 бет
Таңдаулыға:

Мазмұны:

Кіріспе 3

1 Заңды тұлғаларды несиелеуді ұйымдастырудың теориялық негізі 6

1. 1 Заңды тұлғаларды несиелеудің және олардың ерекшеліктерінің экономикалық мәні 6

1. 2 Заңды тұлғаларды несиелеуді ұйымдастыру үрдісінің кезеңдері 13

1. 3 АҚ «Банк ЦентрКредиттің» несиелік саясаты негізінде заңды тұлғалардың төлем қабілеттілігін анықтау 19

2 АҚ «Банк ЦентрКредиттің» тәжірибесі негізінде заңды тұлғаларды несиелеуге талдау жүргізу 28

2. 1 АҚ «Банк ЦентрКредиттің» қаржылық жағдайы 28

2. 2 ЖШС«Спецзаказ» шарап өндіру зауытын несиелеу тәжірибесін талдау 39

2. 3 АҚ «Мегатрон» хром компаниясын жобалық несиелеуіне талдау жүргізу 55

3 Коммерциялық банктердің заңды тұлғаларды несиелеудегі мәселелері мен оны дамыту жолдары 72

3. 1 Заңды тұлғаларды несиелеуді ұйымдастырудағы кемшіліктер 72

3. 2 Заңды тұлғаларды несиелеуді жетілдіру жолдары 75

Қорытынды 78

Пайдаланылған әдебиеттер тізімі 79

Кіріспе

Қазіргі заманғы қоғамда банктер әр түрлі операцияларды іске асырады. Олар тек ақша айналымын және несиелік қатынастарды жүзеге асырып қана қоймайды, сонымен қатар банктер арқылы ұлттық шаруашылықты қаржыландыру, сақтандыру операциялары, бағалы қағаздарды сату-сатып алу, кей жағдайларда делдалдық келісімдер мен мүлікті басқаруды жүзеге асырады. Несиелік мекемелер кеңесші ретінде көрінеді, халықшаруашылық мәселелерді талқылауға қатысады, статистиканы жүргізеді және олардың өздерінің қоластындағы кәсіпорындары болады.

Қазақстанның бәсекеге қабілетті 50 елдің қатарына кіру мақсатында қазіргі таңда коммерциялық банктердің қызметтерінің деңгейін жоғарлату, сапалы банк қызметін көрсету міндеті тұр.

Банктің маңыздылығын оның арнайы алынған субъектіге қатысты емес, макродеңгейдегі экономикаға қатысы арқылы түсінуге болады.

Банктің экономикалық маңызын талдай отырып, қайсыбір банк қандай да бір операцияны қандай да бір көлемде орындауын абстрактау қажет.

Банк көрсететін қызметтердің ішіндегі көп үлесті несиелеу қызметі құрайды. Несиелеу - бұл банк қызметінің тәуекелді және табысы жоғары түрі. Банк қызметінің маңызды саласы ретінде ұлттық экономиканың дамуына ерекше әсер етеді. Сонымен қатар банк несиесі өз қызметі мен құрылымын көрсететін мақсатты жағдайларға да әсер етеді. Әр мезетте бұл жағдайларды жүйелеу және олардың несиелеу кезеңіне әсерін түсіну ғылыми және тәжірибелік қызығушылықты туғызтады.

Тұлғаларға несие беру ішінде заңды тұлғаларды несиелеу саласы 71 % үлесті құрайтындықтан, экономикамыздың өркендеуі үшін заңды тұлғаларға несие беруге ерекше назар аударуымыз қажет. Басты назар банк пен клиенттер арасында бір-біріне деген сенімділіктің болуында.

Тарихи тұрғыдан қарағанда, банктің негізгі қызметі - қаржыны жинақтап және оны болашақта тиімді орналастыру. Банктің несиелік қоржыны жылжымалы және өзгермелі. Бұлай болу себебі жаңа қаржы құралдарының пайда болуымен және қаржы нарығының дамуы негізінде банк өткізілетін операциялар тізбесі кеңейуімен байланысты. Бірақ нарықтық экономикаға өткендіктен, несиелік қатынастың пайда болуы мен дамуына қатысты экономикалық басқару әдістерінің маңызы артты. Бұндай жағдайда банк жұмысы толықтай материалдық қызығушылыққа шартталған есептілікке қарай құрылды. Сондықтан, жоғарғы табыс пен төменгі тәуекелге негізделген банк қоржынын құру көкейкесті мәселе болып табылады.

Туындайтын несиелік тәуекелден құтылу үшін банк несие алушы мен несиені беру жағдайын мұқият талдап, қарыз алушының несиені өтеу қабілеттілігі мен қаржылық жағдайына ылғи бақылау жүргізтеді. Бұл көрсетілімдер банктің несиелік қызметін нақты қарыз алушы тұрғысынан қарастырады. Сонымен қатар, толықтай несиелік қоржын жағдайына да көңіл бөлу қажет.

Банк несиені ұйымдастырудың бәсекелік жағдайында жоғарғы деңгейге жетуге қызығушылық білдіреді. Сол үшін банк қызметкерлері тек қана теориялық тұрғыдан біліп қоймай, сондай-ақ шетел банктері қолданатын несиелеу әдістерін, несиелеу саласындағы жоғары нәтижеге жетуге бағытталған өзіндік программаларды өңдеп, тәжірибелік тұрғыдан үйренгендерін қолдана білуі тиіс.

Банктің несиелік қоржынымен жүйелі түрде жұмыс істеуі, яғни оны бағалау мен талдау несие нарығын жүргізудегі стратегия мен тактиканы өңдеудің негізгі кезеңі болып табылады. Несиелік қоржынмен жүргізілген жақсы жұмыс банктің сапасын көрсетеді.

Диплом жұмысы тақырыбының өзектілігі. Нарықтық экономика жағдайында Қазақстан экономикасының өркендеуі үшін заңды тұлғалардың өндіргіш күштерін ынталандыру мен олардың ғылыми-техникалық прогресс жетістіктерін өндіріске енгізуге арналған несиелеуді ұйымдастыру мәселелері бүгінгі таңда өзекті тақырыптардың бірі болып танылады.

Диплом жұмысының мақсаты банк несиесінің қызметі мен мәнін талдау, заңды тұлғаларды несиелеудің ұйымдастыру кезеңдерін талдау мен ондағы ерекшеліктерін анықтау. Соның негізінде түйіндеме қорытындылар жасап, ұсыныстар енгізу.

Көрсетілген мақсатқа жету үшін келесідей міндеттер қойылады:

Коммерциялық банктің несиелік операция түсінігін теориялық тұрғыдан қарастыру, яғни несиенің қажеттілігі мен мәнін, қағидаларын, сыныпталуын ашу, заңды тұлғаларға несие беру кезектілігін көрсету;
«Банк ЦентрКредиттің» қазіргі кездегі жағдайы мен заңды тұлғаларды несиелеу тәжірибесін талдау;
несие берер алдында заңды тұлғалардың қаржылық жағдайын талдау;
Заңды тұлғаларды несиелеудегі негізгі проблемаларды қарастырып, оларды шешу жолдарын көрсету.

Осы міндеттерді қоя отырып аталған дипломдық жұмыстың мақсаттарына қол жеткізілді. Сонымен қатар жұмыстың соңында тараулардағы қарастырылағн мәліметтер бойынша қорытынды жасалады.

Диплом жұмысының құрылымы: 3 тараудан тұрады. Олар:

Бірінші тарауда заңды тұлғаларға несие берудің теориялық мәні мен ерекшеліктері, несиелік қатынастарды ұйымдастырудың қағидалары және несие алушының төлем қабілеттілігі қарастырылған.

Ал екінші тарауда АҚ «Банк ЦентрКредиттің» мәліметтері негізінде банктің қаржылық жағдайы, жауапкершілігі шектеулі серіктестікті стандартты несиелеуі және акционерлік қоғамды жобалық несиелеуі талданған.

Үшінші тарауда коммерциялық банктердің заңды тұлғаларды несиелеудегі мәселелері мен оны жетілдірудегі ұсыныстар қарастырылған.

Диплом жұмысын жазудың әдістемелік негізін Қазақстан Республикасының заңдары, АҚ «Банк ЦентрКредиттен» алынған мәліметтер, сонымен бірге отандық және шетелдік экономист ғалымдардың еңбектері мен қоғамдық баспа бетте жарияланған мақалалар, сонымен қатар интернет көздері құрайды.

Заңды тұлғаларды несиелеуді ұйымдастырудың теориялық негізі

1. 1 Заңды тұлғаларды несиелеудің және олардың ерекшеліктерінің экономикалық мәні

Қазақстан Республикасының нарықтық экономикадағы дамуы несиелік қатынастың жүргізілу потенциалымен байланысты болды. Несиелік қатынас түсінігі қаражатты берудегі несие беруші мен қарыз алушы арасындағы қатынасты білдіреді.

Несие қарыз капиталының, яғни қарызға берілетін ақша капиталы қозғалысының формасын көрсетеді. Несие ақша капиталының қарыз капиталына өзгерісін қамтамасыз етеді және қарыз алушы мен несие беруші арасындағы қатынасты көрсетеді. Оның көмегімен мемлекеттің, жеке сектордың және шаруашылық жүргізуші субъектілердің бос ақша қаражаттары қарыз капиталы ретінде шоғырланып, уақытша қолданысқа беріледі.

Нарық жағдайындағы несиенің негізгі түрі банк несиесі болып табылады. Банк несиесі банк операцияларында, экономиканың дамуы үшін қаражат тартуда жетекші рөл атқарады. Несие ресурсы банк инвестициясының айтарлықтай үлесін құрайды, ұдайы өндіріс процесін жеделдетуге мүмкіндік береді, сондай-ақ шаруашылық жүргізуші субъектілердің экономикалық орнықтылығын қамтамасыз етеді. Банктік несие аймағында несиелік қатынас субъектілері болып шаруашылық органдары, мемлекет және банктің өзі танылады. Несиелік қатынастағы келісім-шартта субъектілер несие беруші және қарыз алушы ретінде қатысады. [1]

Несие беруші - несиелік келісімнің қарыз ұсынатын жағы. Ол кәсіпорын-дардың, ұйымдардың, кеңселер мен халықтың уақытша бос қаражаттарын шоғырландырып, оларды қарыз алушыға уақытша пайдалану үшін несие түрінде ұсынады.

Қарызға алушы - несиелік қытнастар жағы, несие алып, алған қарызды қайтаруға міндетті жағы. Қарызға алушы алынған қаражаттың меншік иесі болып табылмайды, өндіріс саласында, айналымда, оны өз қалауымен қолданады. Бұл жағдайда ол алынған ақшадан гөрі, яғни шаруашылықта ауыспалы айналым қоры таусылғаннан кейін оны іске асырып, пайдаланғаны үшін өсімақы төлеп, қарызды артық көлемде төлейді. [1] Сонымен қатар, қарыз алушы қарыз алатын қаражатты қайтаруға экономикалық және заңи тұрғыдан кепілдік беруі тиіс. Мұндай кепіл кепіл заты немесе келесі үшінші тұлға гарант бола алады.

Қарыз алушы алған несие мен оған есептелетін үстемақыны несиелік келісім-шартта көрсетілген мерзімде төлеуі үшін өндіріс процессін дұрыс ұйымдастыруы тиіс. Қарыз алушының өндірісін үзіліссіз қамтамасыз ету және кредитордан алған қаражатқа меншік құқығын қамтамасыз ету үшін алынған несиенің нақты қажеттілігі қарыз алушының несие берушіге қатысты экономикалық тәуелділігін анықтайды. Экономиканың қазіргі даму сатысында бұл тәуелділік тұрақты сипатқа ие және қарыз алушының алынған ссуда бойынша және оған төленетін сыйақыны міндетті түрде төлеуін талап етеді. Кері жағдайда кредиторға жағымсыз әріптес болады және қарыз алуда белгілі қиындықтарға тап болады. Көрсетілген тәуелділік несиелік келісімде қарыз алушының орны кредиторға қарағанда мағыналы екенін көрсетпейді, олар бұл келісімде мақсаттары мен қызығушылығы тең құқылы болуы негізінде несиелік қатынас пайда болуын көрсетеді.

Несиелік қатынаста экономикалық субъектілер өз орындарын ауыстыра алады: несие беруші қарыз алушы бола алса, керісінше қарыз беуші несие алушы бола алады. Тауар-ақша қатынастарының қазіргі даму деңгейінде бір уақытта кредитор қарыз алушы болып жұмыс істеу сипатына ие.

Кредитор қарыз алушыға уақытша қолдануға ақша немесе тауар түрінде қарыз береді, ол өзіне тән ерекшелікке сәйкес қарыз құны деп аталады.

Қарыз құны - бұл несиелік келімнің объектісі, соның негізінде несиелік қатынас туындайды. Ол несиелік қатынас объектісі ретінде өзіндік сипатқа ие.

Біріншіден, қарыз құнының қозғалысы қайтарымдылық сипатқа ие: кредитордан несие алушыға, содан соң несие алушыдан кредиторға қарай.

Екіншіден, қарыз құны аванстық сипатқа ие. Аванстау қарыз құнын қолдану арқылы табыс немесе басқа әсер алынған жағдайды айтамыз. Мысалы, несие алушы тек несие алғанда қарыздарын жауып қана қоймай, несиеге алған қаражтты дұрыс жұмсаса қосымша пайдада алуы мүмкін.

Үшіншіден, қарыз құны басқа жаңа тұлғаның шарауашылық процестегі қозғалысын жалғастырушы.

Төртіншіден, қарыз құны өндірістің үздіксіздігін қамтамасыз етіп, өндіріс процессін одан әрі жылдамдатады. [2, 25. ]

Сонымен, несиенің әрбір құрылымдық элементі өзгеше мәнге ие бола отырып, несиелік қатынаста өзіндік сипатын көрсетеді. Бірақ несиенің бір объектісін немесе субъектісін талдау несиенің толықтай мазмұнын анықтай алмайды. Несиенің экономикалық категория ретіндегі мәнін бүкіл элементтер бірігіп сипаттағанда ғана ашылады. Бұл жағдайды дұрыс емес бағалау тәжірибеде кері әсерге әкеледі.

Қазіргі уақытта ішкі экономикалық айналымда көбінесе ақшалай түрдегі несие көп қолданылады. Ол ең алдымен банктік несие түрінде беріледі.

Банктік несие бос ақшалай қаражатты жинақтап, қайтару негізінде берумен, сондай-ақ ақша белгісін несиелеу жүйесі айналымында эмиссиялаумен байланысты.

Банктік несиелеу жүйесі несиелік процесс элементерімен байланысты қатарларды ұсынады. Ол несиелеу қағидалары мен объектілерін, несиені қайтару механизмдерін қамтиды. Несиелеу қағидасы банктік несие жүйесінің негізгі элементін және оны іске асыру кезінде сақталатын негізгі ережелер мен жағдайларды құрайды. Бұл ережелер мен жағдайлар табиғаты, ролі, қоғамдық тұрғыдан айқындалатын несие қызметі бойынша анықталады.

Қазіргі несиелік қатынастарды ұйымдастыру принциптері екі топқа бөлінеді:

І топқа - жалпы экономикалық тәртіптегі қағидалар:

Несиенің үнемділігі;
Несиенің жинақтылығы;
Несиенің дифференциалдығы.

ІІ топқа -несиенің мәнін бейнелейтін қағидалар:

Несиенің мерзімділігі;
Несиенің қайтарымдылығы;
Несиенің төлемділігі;
Несиенің қамтамасыз етілуі. [3, 480. ]

Несие экономикалық категория ретінде басқа құн категорияларымен байланыста болатындықтан жалпы экономикалық қағидаларды да қамтиды. Мұндай қағидаларға көбінесе үнемділік, жинақтылық, дифференциалдығы жатқызылады. [4, 592. ]

Үнемділік қағидасы аз несие салып, ең үлкен тиімді табысқа қол жеткізуге бағыттау. Мұнда тек несие беруші ретінде банкке ғана маңызды емес, сонымен қоса қарыз алушыға да маңызды. Бұл қағиданы банктің іске асыруы несие ресурсы айналымын жылдамдатуға мүмкіндік берсе, ал қарыз алушыға несие сыйақасы шығындарын қысқартуға және пайданы жоғарылатуға әсер етеді.

Жинақтылық қағидасы белгілі кезеңдегі мемлекет экономикасының даму заңдылықтары мен ерекшеліктерін ескеретін несие саясатын қолдануды тұжырымдайды.

Дифференциалдық қағидасы әр түрлі қарыз алушыға, объектілерге, түрлі мақсаттарға түрлі амалдар көрсетуді білдіреді. Жоспарлы экономика жағдайында дифференциалдықтың негізгі белгісі болып қаржы-шаруашылық қызметтің негізгі көрсеткіштерінің ұйымдастыруын орындау табылады. Жақсы жұмыс істейтін кәсіпорынға банк несиелеуде жеңілдіктер береді, жұмыс қабілеттілігі нашар кәсіпорындарға санкциялар қолданады.

Несиенің дифференциалдығы тек несиелік қабілетті сипаттайтын көрсеткіштер негізінде ғана жүзеге асырылады, ол мерзімділік принципімен байланысты, яғни несие уақытында қайтара алатын шаруашылық органдарына беріледі. Екіншіден, бұл принцип несиелік келісім жасалғанға дейін және банктер несиелік ресурстарға деген сұранысын оқып-үйрену барысында потенциалды қарыз алушылардың несиелік қабілетін және сұралып отырған ссуданың қамтамасыз етілу сипатын және олардың банк үшін пайдалылығын, сондай-ақ қаражаттардың жұмсалу ұзақтығын жетекшілікке ала отырып, бастапқы несиені орналастырғанға дейін іске қосылады.

Жалпы экономикалық қатардағы қағидадан басқа несиенің өз мәні мен ерекшелігін нақты көрсететін қағидаларды бөлек қарастырады. Банк несиесінің мәнін бейнелейтін қағидалар: несиенің мерзімділігі, несиенің қайтарымдылығы, несиенің төлемділігі және несиенің қамтамасыз етілу қағидалары. [5. ]

Мерзімділік қағидасы - бұл белгілі экономикалық категория ретіндегі мәніне негізделген несиенің ерекше бір белгісі. Ол несие берушінің қарыз алушыға берілген қаражаты белгілі бір уақыт ішінде келісілген тәртіпке сай қайтарылуға тиістілігімен қорытындыланады. Осыдан келіп, несиенің қайтарымдылық қағидасы туындайды.

Қайтарылмайтын несие болмайды. Сондықтан да, қайтарымдылық - несиенің ажырамас бөлігі болып табылады.

Шаруашылықтың нарықтық қатынастарға өтуіне байланысты несиелеудің бұл қағидасына ерекше мән берілген. Біріншіден, оның сақталуына байланысты ұдайы өндірісте ақшалай қаражаттармен бірқалыпты қамтамасыз етілу тәуекелі. Екіншіден, бұл қағиданы сақтау коммерциялық банктердің өтімділігін қамтамасыз етуі үшін қажет. Олардың жұмысын ұйымдастыру қағидасы тартылатын несиелік ресурстардың қайтарымсыз жұмсалымдарға салынуына жол бермейді. Үшіншіден, әр жекелеген қарыз алушы үшін бұл қағиданың сақталуы банктен жаңа несие алуға мүмкіндік береді.

Несиенің төлемділігі - бұл несие берушіге қарыз алушы берілетін қаражатты қайтару барысында бастапқы сомадан өсіп қайтарылатындығын білдіреді.

Несиеге қойылатын сыйақы мөлшерлемесін несиенің бағасы деп атайды. Еркін реттелетін нарық жүйесі тұсында несие үшін сыйақы мөлшерлемесі несиеге деген сұраныс пен ұсыныс негізінде қалыптасады.

Қазіргі банктердің несие үшін сыйақы мөлшерлемесін белгілеуде ескеретін басты факторларына мыналар жатады:

Орталық банктің коммерциалық банктерге беретін ссудалары бойынша белгіленетін сыйақысының базалық мөлшерлемесі;
Өз клиенттеріне депозиттік шоттар бойынша төлейтін орташа сыйақы мөлшері;
Банктің несиелік ресурстарының құрылымы тартылған (қаражаттар үлесі қаншалықты жоғары болса, несие бағасы соғұрлым қымбат болуға тиіс) ;
Несиеге деген сұраныс (сұраныс аз болса, несие бағасы да арзан болады) ;
Несиенің сұралатын мерзімі мен түрі, банк үшін оның қамтамасыз етілуіне байланысты тәуекел дәрежесі;
Еліміздегі ақша айналысының тұрақтылығы (инфляция қарқыны қаншалықты жоғары болса, соған сәйкес несие үшін төленетін сыйақыда жоғары болуға тиіс) .

Сонымен қатар, пайыз мөлшерлемесіне объективтік және экономикалық,

сол сияқты субъективтік факторлар да әсер етеді. Шын мәнісінде, заңды және жеке тұлғалардан тартатын несиелік ресурстар қаншалықты қымбатқа түссе, соғұрлым несиенің бағасы жоғары келеді.

Несиелеудің келесі бір қағидасы - берілетін ссудалардың материалдық жағынан қамтамасыз етілуі. Бұл аталған несиенің қағидасы көзге көрінгісіз, себебі қамтамасыз етілген құндылықтардың иесі мемлекет болғандықтан да, несиенің қамтамасыз етілуін тексеру процесі тек қағаз жүзінде ғана жүргізіледі. Ал, бүгінгі несиенің қамтамасыз етілуі ретінде кепіл-хат, кепілдеме, кепіл, сақтандыру міндеттемелері қолданылады. [6, 766. ]

Несиенің қамтамасыз етілу тәсілдері мынадай:

Кепілге берілетін ссуда - бұл қарыз алушының активтерімен қамтамасыз етілген несие. Кепілге берілетін активтер қарыз алушының иелігінде қалып, оның пайдалануында болады.

Экономикасы жақсы дамыған елдердегі қарыз алушының жағдайы жақсы болып келген жағдайларда несие қамтамасыз етілмеуі де мүмкін.

Несиелерді қамтамасыз етудің келесі бір жолы - несиелерді сақтандыру. Несиені берер кезде банкте тәуекелге баратындықтан, сенімді болу үшін қарыз алушының несиелік қабілетіне де зор көңіл бөледі. Қарыз алушының несиелік қабілеті - бұл коммерциялық банк балансының өтімділігін қолдау әдісі болып табылады.

Қарыз алушының несиелік қабілетінің, оның төлем қабілетінен бір айырмашылығы - онда өткен кезеңдегі немесе қандай да бір күндегі төлемсіздікті есепке алмайды, яғни мұнда алдағы уақыттардағы қарызды өтеу қабілеті болжанады.

Қарыз алушының қаржылық тұрақтылығын объективті бағалау және несиелік операцияларға байланысты мүмкін болар тәуекелдерді есепке алу банкке несиелік ресурстарды тиімді басқаруға және пайда табуға мүмкіндік береді.

Әлемдік және отандық банктік тәжірибе қарыз алушының несиелік қабілетінің мынадай критерийлерін бөліп қарайды: қарыз алушының мінездемесі, қаражатты қарызға алу қабілеті, ағымдағы қызметі барысында қарызды өтеу үшін қажетті қаражатты табу қабілеті, капиталы, несиенің қамтамасыз етілуі, несиелік мәміле жасалатын жағдай, бақылау.

Банк несиесі қызметтерінің маңызды бағыттарының біріне корпоративтік клиенттерді несиелеу жатады.

Корпоративтік клиент - қызмет көрсетуде ерекше басымдықтарды иеленетін және даму барысында ынтымақтасуға болатын банк клиенті. Корпоративтік клиенттерге акционерлік қоғамдар, жеке компаниялар, жауапкершілігі шектеулі серіктестіктер, шаруа қожалықтары, бірлескен кәсіпорындар жатады. Банк несие ұсынарда алдымен заңды тұлғаның меншікті қаражатына аса назар аударатындықтан корпоративті клиенттің ұйымдық-құқықтық құрылым маңызды болып табылады. Бұл заңды тұлғаны несиелеудегі басты ерекшеліктің бірі. Мысалы, жауапкершілігі шектеулі серіктестіктер ҚР «Жауапкершілігі шектеулі серіктестік туралы» заңына сәйкес жарғылық капиталы құрылтайшылар салымдарын біріктіру жолымен ққұрылып, оның мөлшері 100АЕК- тен кем болмауы қажет. Жарғылық капитал салымдарына: ақша, бағалы қағаздар, заттар, мүліктік құқық, оның ішінде жер пайдалану құқығы және басқа да мүліктер жатады. Мүліктік емес жеке құқықтар мен өзге де материалдық емес игілік түріндегі салымды енгізуге тыйым салынады.

Жауапкершілігі шектеулі серіктестікке қатысушыларының қосқан салымдары негізінде компания шеккен зияндарға тәуекел етеді. Егер серіктестіктердің құрылтай құжаттарында оның белгілі бір мерзімге немесе нақты бір мақсатқа қол жеткізу үшін құрылатыны көзделмесе, онда серіктестік белгіленбеген мерзімге құрылған болып есептеледі. [7]

Ал, акционерлік қоғам - өз қызметін жүзеге асыру үшін қаражат тарту мақсатымен акциялар шығаратын заңды тұлға. Акционерлік қоғам мүшелері міндеттемелер бойынша жауап бермейді және ҚР «Акционерлік қоғам туралы» заңында қарастырылған жағдайларды қоспағанда, өзіне тиесілі акциялар құнының көлемінде қоғамның қызметіне қатысты шығынға ұшырауға тәуекел етеді. да жарғылық капиталдың ең төменгі мөлшері кемінде 50 000АЕК болуы тиіс, 30 күн ішінде қалыптасуы керек. [8], [9] Жарғылық капиталдың мөлшерін кеңейту мақсатындағы қосымша шығарылатын акциялар номиналдық құны есебімен тіркеледі. Жарғыға толықтырулар мен өзгертулер енгізу немесе қабылдау акционерлер жалпы санының ¾-нен анықталады. [10] Акционерлер табысты дивиденд түрінде ала алады. Сондықтан бұл жерде артықшылықты және жай акция түріне бөлінеді. Жай акция, оның иесіне акционерлік қоғамның табысына байланысты табыс әкеледі және қоғамды басқару ісіне немесе жалпы жиналысқа қатысуға құқық береді. Ал, артықшылықты акция, иесіне қоғамның табысына байланыссыз тұрақты табыс алуға құқық береді, бірақ басқару ісіне қатыса алмайды. Тағы бір артықшылыға қоғам борыштық тұрақсызддыққа ұшыраған жағдайда мүлікті жай акция иесінен бұрын алуға мүмкіндік береді.

Банк осы ерекшеліктердің барлығына ескере отырып заңды тұлғаларды несиелейді.

Корпораттивтік клиенттерді несиелеу мынадай екі қызмет атқарады:

Макроэкономикалық - елдің экономикасын инвестициялауға арналған ақшалай ресурстарды жұмылдыру;
Микроэкономикалық - банктердің табыстылығы мен тұрақтылығын арттыруға ықпал ететін негізгі табыстарды алу.

... жалғасы

Сіз бұл жұмысты біздің қосымшамыз арқылы толығымен тегін көре аласыз.