Алматы қаласы мемлекеттік сәулет-құрылысы

Пән: Құрылыс
Жұмыс түрі: Дипломдық жұмыс
Тегін: Антиплагиат
Көлемі: 78 бет
Таңдаулыға:

МАЗМҰНЫ

КІРІСПЕ . . . 6

ЖОБАЛАРДЫ БАСҚАРУДЫҢ ТЕОРИЯЛЫҚ НЕГІЗДЕРІ . . . 8

Жобаларды басқару ұғымы, мақсаты, қағидалары . . . 8
Жобаларды басқару стандарттары . . . 17
Құрылыс саласындағы жобаларды басқару ерекшеліктері . . . 23
Жобаларды басқарудың құқықтық негіздері . . . 26

2АЛМАТЫ ҚАЛАСЫ МЕМЛЕКЕТТІК СӘУЛЕТ-ҚҰРЫЛЫС ТӘЖІРИБЕСІН ТАЛДАУ . . . 29

2. 1Алматы қаласы мемлекеттік сәулет-құрылыс бақылау басқармасына жалпы шолу . . . 29

2. 2 Сәулет және қала құрылысы бөлімі қызметінің стратегиялық бағыттары мен мақсаттары . . . 37

2. 3Алматы қаласы мемлекеттік сәулет-құрылыс басқармасының жобаларының қазіргі жағдайын талдау . . . 44

3 ҚҰРЫЛЫС САЛАСЫНДАҒЫ ЖОБАНЫ БАСҚАРУДЫҢ ЖЕТІЛДІРУ ЖОЛДАРЫ . . . 55

3. 1 Құрылыс саласындағы мәселелерді шешу жолдары . . . 55

3. 2 Сәулет-құрылыс саласын жақсартуда мемлекеттің рөлін арттыру . . . 64

ҚОРЫТЫНДЫ . . . 67

ПАЙДАЛАНЫЛҒАН ӘДЕБИЕТТЕР ТІЗІМІ . . . 71

ҚОСЫМША . . . 73

КІРІСПЕ

Зерттеу тақырыбының өзектілігі. Қазақстанның нарықтық экономикаға өтуі қоғамның барлық салаларына өз әсерін тигізіп, жаңаша ұйымдастыру, қызмет ету бағыттары мен көптеген тұрмыстық мәселелерді туындатты, сонымен қатар құрылыс саласы мен шаруашылығы қызметтері де көптеген өзгерістерге ұшырады, бұл Қазақстан Республикасындағы тұрғын үй нарығының дамуына әкеліп, халықтың тұрмыс тіршілігін нарықтық бағытқа бұрды. Нарық инфрақұрылымының кеңеюі тұрғын үй құрылысының көлемі мен сапасына тікелей әсер етіпқана қоймай, тұрғындардың қолайлы жағдайда тұрмыс кешуіне себепші болады. Сондықтан құрылыс саласын дамыту бағыттарын анықтау және ұтымды ұйымдастыру қоғам үшін аса маңызды. Тұрғын үй ерекше тауар, оның құны мен оған деген сұраныс пен ұсыныс арасында көптеген келеңсіздіктер соңғы кездері жиі кездесуде, мұны мемлекет тарапынан реттеу жағдайларын қарастыру аса маңызды орынға ие болды және Қазақстанда мемлекеттік құрылыс саласына байланысты бағдарламалары қабылданып, іске асырылуда. Құрылыс саласын дамытуға мемлекеттік, жергілікті органдар, банктік қаржы ұйымдары, ірі кәсіпорындар және тағы басқа мекемелер өз үлестерін қосуда, ал олардың қызметінің нарықта ұтымды жүргізілуі экономикалық дамуға оң әсер береді эәне экономикалық басқа да салаларына өз ықпалын тигізеді. Құрылыс саласын дамыту мемлекеттің саяси маңызды міндеттерінің бірі, бұл Қазақстанның 2030 жылға дейінгі даму Стратегиясының басым бағыттарында көрініс тапқан.

Қазақстан Республикасының Президенті Н. Ә. Назарбаевтың Қазақстан халқына арналған жыл сайынғы Жолдауларында да тұрғындардың баспана жағдайы, тұрғын үймен қамтамасыз ету басты міндеттердің бірі болып қарастырылады.

Қазіргі тұрғын үй нарығының инфрақұрылымы даму үстінде, нарықта көптеген институттар қызмет етеді, олардың қызмет ету бағыттарын талдау елдің әлеуметтік-кономикалық мәселелерін шешуде қажетті болып табылады. Тақырыптың ғылыми зерттелу дәрежесі. Тұрғын үй нарығы, мәселелері, тиімді қызмет етуі туралы экономист ғалымдардың еңбектерінде жан-жақты қарастырылған, В. В. Шеремет, Стэнли Э. Портни, Рассел Д. Арчибальд, Ньюэлл Майкл, Ким Хелдман, Ю. Н. Лапыгин, Ф. Г. Клиффорд, У. Л. Эрик, А. А. Матвеев, Д. А. Новиков, И. И. Мазур, В. Д. Шапиро, Н. А. Назарбаев, Ә. Әмірқанов, А. К. Тұрғұлов және т. б. ғалымдар мен басқа да авторлардың ғылыми еңбектерінде нарық зерттеліп, қарастырылған.

Зерттеу жұмыстарының мақсаты мен міндеттері. Зерттеудің мақсаты құрылыс саласындағы субъектілер мен объектілердің қызмет етуіндегі қиыншылықтар, кемшіліктердің анықталуы негізінде құрылыс саласын әрі қарай жетілдіре отырып, дамытудың экономикалық механизмін әзірлеу. Мемлекеттік сәулет-құрылыс бақылауы басқармасының негізгі міндеті, құрылысы жүріп жатқан нысандардың сапасын ретке келтіру. Бірінші кезекте техникалық қадағалаушыларға, авторлық қадағалаушыларға, мердігер мекеменің ішкі бақылаушыларына талаптар қойылады. Қойылған мақсаттарға байланысты мына міндеттерді зерттеу қарастырылған:

Нарық механизмін талдау, құрылыс саласын одан әрі дамытудың ғылыми аспектілерін зерттеу;
Шетелдік құрылыс саласының дамуындағы тәжірибелерді зерттеу;
Отандық құрылыс саласының даму тенденциясын зерттеу және мәселелерін анықтау;
Ұлттық, аймақтық құрылыс нарығын дамытушы бағдарламалардың қызметін талдау және одан әрі қарай дамытуда ұсыныстар жасау;
Туған еліміздің Қазақстан Республикасы тәуелсіздік алғанына көп болмаса да өзінің сәулет және құрылыс салу өнерін әлем мойындайтындай дәрежеге көтеруге талпынып келеді, бұған еліміздің жаңа ордасы-Астана қаласының ұлттық нақышта басым жобаланған сәулеті мен құрылысы дәлел бола алады. Сәулет және құрылыс бөлімінде маманданып жүрген әрбір жастың болашақта осындай үлкен ғасыр құрылыстарын жобалауға және тұрғызуға өз үлесін білімдарлықпен қосуы қазіргі студенттік кезден басталады деп есептеймін.

Қазіргі заманғы сәлеттік-құрылыстың жоба ғылым мен техника жетістіктері мен отандық және шетелдік озат тәжірибелерді ескере отырып жүргізілуі қажет. Сондай-ақ қаралған жоба-жоғары өнімділіктегі қондырғыларды, өндірістік процесстердің механизациялануы және автоматтандырылуы, құрылыстың индустриялы әдісін қолдану, ғимараттар мен имараттардың көлемдік-жобалау және конструктивтік шешімдерін жетілдіру ескеру есебіне бағытталған күрделі қаржыны игеру тиімділігін қамтамасыз ететіндей болуы керек. Жобаны жүзеге асыру барысында оның негізгі мақсатын (миссия деп те атайды) бірінші дәрежедегі мақсаттардан, сонымен қатар мақсат бөлімшелерінен тапсырмалар, қызметтерден және нәтижелерден бөліп қарастырады. Жобаның болашақ негізгі қызметтері немесе өнімдері, оның негізгі рыноктары және оңтайлы технологиялары тұрғысынан қарағанда миссия жобаның басты міндеті болып табылады. Мақсаттылық жобаның маңызды және ажырамас бөлігі болып табылады. Жобаның мақсатын анықтау оның миссиясын жасаудан басталады.

Дипломдық жұмыс: 3 бөлімнен, кіріспе, қорытынды, пайдаланылған әдебиеттердің тізімі, қосымша және 16-кесте мен 8-суреттен тұрады.

ЖОБАЛАРДЫ БАСҚАРУДЫҢ ТЕОРИЯЛЫҚ НЕГІЗДЕРІ

1. 1 Жобаларды басқару ұғымы, мақсаты, қағидалары.

Жоба дегеніміз, бір жағынан, қандай да бір идея, объектінің сипатталған, нақты есептелген, сызба, бизнес-жоспар түріндегі бейнесі. Екінші жағынан, жоба - ойды жүзеге асыруға арналған іс-әрекеттердің бағдарламасы.

Жоба-жасалуға, қайта құрылуға, қалпына келтірілуге, салынуға тиісті кәсіпорындар мен ғимараттардың, қондырғылар мен жабдықтардың, аппараттардың, тағы басқа макеттері, есептеулері және принципті дәлелдері көрсетілген техникалық құжаттар жиынтығы. Жобаны ғылыми тұрғыда дайындау үшін жобалық тапсырма беріледі де, сол бойынша есептеу жүргізіліп, жоба қамтитын мәселелер тұтас шешім табады. Кәсіпорындарды жобалауға тапсырма берілгенде нарықтық экономика жағдайына сәйкес жаңа құрылыстың немесе қайта құрудың тиімділігі ескеріле отырып, техникалық-экономикалық дәлелдерге сүйенеді. Жобалық тапсырмада мынадай негізгі сипаттамалар: үкіметтің тиісті қаулысы, құрылыс салынатын аудан, шығарылатын өнім мен кәсіпорынның өндірістік қуаты, шикәзатпен, отынмен, газбен, электр энергиясымен, сумен, тағы басқа қамтамасыз ететін көздер мен әдістер, өндірісті белгілі бір өнім түрлерін шығаруға ыңғайлау, құрылыстың аяқталу мезгілі және кейбір жеке бөліктерінің іске қосылуы, жұмсалатын қаражат мөлшері, өзіндік құн көрсеткіштері, болашақта ұлғайту мүмкіндіктері, тағы басқа мәліметтер түгел көрсетілуге тиіс.

Жұмыстық жоба-бұйым жасау кезіндегі конструкциялық құжаттаманың (техникалық жобадан кейін) жасаудың 4-ші сатысы; оған мына этаптар жатады:

Жұмыстың сызбаларды және техникалық жағдайларды жасау, транспорттық құралдардың тәжірибеден өткен агрегаттардың үлгілерін дайындау және сынақтан өткізу конструкциялық құжаттаманы жөнге келтіріп отыру;
Сонымен қатар бұған мыналар жатады: бос серияны және орнату сериясын сынау; конструкциялық құжаттаманы жөнге келтіру;
Құжаттарға-тәжірибелік үлгілер үшін «о» литерін, орнату сериясы үшін «а», басты серия үшін «б» беру.

Техникалық-жоба конструкциялық құжаттаманың бұйымды жасау кезіндегі 3-ші стадиясы, оған мыналар жатады:
Жалпы құрастыру сызбасын аяқтау, шасси пакетін жасап шығару, агрегаттар конструкциясын жасап шығару;
Құжаттарға «т» литерін тағайындайды.
Нобай жоба-бұйымды жасау кезіндегі конструкциялық құжаттаманы жасаудың 2-ші сатысы (техникалық ұсыныстан кейін) -мынадай кезеңдер жатады:

Эскиздік құрастыру сызбасы, ізденіс макеттерін құру, ішкі және сыртқы пішімдеу;
Бұл конструкциялық құжаттар мен пішіндердің жиынтығында, ол жолаушылар мен жүргізушінің орналасуы, бұйымның сыртқы және ішкі пішіндері туралы толық көрініс беретін қорытынды техникалық шешімдер болуы керек.

Қазіргі жағдайда жобалардың бірнеше мысалын көрсетуге болады: тұрғын үй немесе өнеркәсіптік объект құрылысы, ғылыми-зертттеу жұмыстарының бағдарламасы, кәсіпорын құрыллысын жаңарту, жаңа ұйым құру, жаңа техника мен технологияны жасау, кинофильм жасау, аймақты дамыту (Батыста дизайн деп аталады) .

Қазіргі әдебиеттерді талдай отырып, жобаларды 2 түрлі көзқараспен анықтауға болады:

- жобаны қызмет түрі, шаралардың кешені түрінде анықтау;

- жобаны құжат түрінде анықтау.

Жоба үрдістер мен қосалқы жобалардан тұрады. Үрдіс - нәтиже әкелетін іс-әрекеттердің жиынтығы.

Жоба түсінігі бірнеше белгілермен сипатталатын түрлі қызметтерді біріктіреді. Олардың негізгілері:

-нақты мақсаттарға, нәтижелерге жетуге бағытталу;

-белгілі ресурстар;

- басталу мен аяқталуы белгіленген шектелген уақыт ұзақтығы.

Жалпы алғанда, жоба - бұл жоспарланған немесе ойластырылған нәрсе.

Жобаның элементтері:

ой (мәселе, міндет)
Жүзеге асыру құралдары (шешім)
Жүзеге асыру мақсаттары (нәтиже, шешім)

Бағдарлама - өзара байланысты жобалардың жиынтығы.

Бәсекелестік пен жоғары технологиялардың дамуының әсерінен жобалық-бағдарланған әлемде өмір сүруіміз «Жобаларды басқару» пәнінің маңыздылығын анықтайды.

«Жобаларды басқару» жеке пән ретінде Батыстың дамыған елдерінде ХХ ғасырдың 50 жылдары қарастырыла бастады. «Жобаларды басқару» салыстырмалы жас ғылым, бірақ жобаларды басқаруды адамдар ерте кезден білген. Мысалы, Ұлы қытай қорғаны, Эйфелева башня жобаларды басқару әдістерін білмей салынуы мүмкін емес еді. Жобаларды басқару - даму сатысындағы менеджменттің жаңа бағыты [1] .

Жобаларды басқару дегеніміз жоба мақсатына жетуде басқару техникасы мен технологиясын, заманауи әдістерді қолдана отырып адам және материалдық ресурстарды жобаның өмірлік циклының барлық кезеңдерінде ұйымдастыру, жоспарлау, басшылық ету, үйлестіру әдістемесі.

Жобаны басқару функциялары жобалық басқарушылық іс әрекетті білдіреді. Олар басқару жүйесі құрылымының қалыптасуын анықтайды. Оған жататындар: жоспарлау, шешім қабылдау, жоба бюджетін жасау, жобаны ұйымдастыру, мониторинг, бағалау, бақылау, экспертиза жасау, бухгалтерлік есеп, тексеру және қабылдап алу, әкімшілік қызметі. Жоспарлау жобаны басқару функциясы ретінде. Жоспарлау басқарушыға белгілі бір уақыт кезеңіндегі болашақ қызметтердің сипатын, қалпын және реттілігін анықтауға мүмкіндік беретін құрал болып табылады. Жоспарлауға енетіндер: жобаға қатысты сыртқы қоршаған ортаның даму перспективаларын анықтау, мақсаттар мен болашақ стратегияларды қалыптастыру, бірінші қатардағы міндеттерді белгілеп және оларды орындауға қажетті іс әрекеттер бағытын анықтау. Негізінен, жоба тиімді жүзеге асуы үшін мақсатқа қол жеткізуге мүмкіндік беретін жобаны басқару функцияларын дұрыс жүргізу керек. Жобаны басқару әдістері мыналарға мүмкіндік береді: жобаның мақсаттарын анықтап, негіздемесін айқындауға; жобаның құрылымын анықтауға (мақсат бөлімшелерін, жүзеге асырылуы тиіс жұмыстың негізгі кезеңдерін) ; қаржыландыру көздері мен керекті көлемін анықтауға; жобаны жүзеге асырушылырды таңдауға, әсіресе, сатулар мен конкурстар арқылы, келісім шарттарға отыру; жобаны орындалу мерзімін анықтауға, оны жүзеге асыру графигін құруға, қажетті ресурстарды есептеуге; жобаның бюджеті мен сметасын жасауға, тәуекелдерді жоспарлауға және есептеуге; жобаны жүзеге асырылуын бақылауға. Жобаларды әдет бойынша тактикалық және стратегиялық деп ажыратады. Соңғысының қатарына меншік түрінің өзгерісін (арендалық кәсіпорынды, акционерлік қоғамды, жеке кәсіпорынды, біріккен кәсіпорындарды құру) немесе өндіріс сипатының түбегейлі (жаңа өнім өндірісі, толық автоматтандырылған өндіріске көшу) өзгерісін қарастыратын жобаларды жатқызады. Тактикалық жобалар, әдетте, шығарылатын өнім көлемінің өзгеруімен, өнім сапасын жоғарлатуымен және қондырғыларды жаңартуымен байланысты болады. Отандық тәжірибеде жоба түсінігі жаңа түсінік емес. Бұрынғы уақытта оның айырмашылығы кәсіпорынның дамуының негізгі бағыттарын заң бойынша осы кәсіпорыннан жоғары деңгейде тұрған экономикалық саланың анықтайтыны болып табылатын. Жаңа экономикалық жағдайларда кәсіорын, яғни оның иелері және жоғары басқару құрамы өз келешектерін, барлық стратегиялық және тактикалық мәселелерін өз бетінше шешеді.

Жобаны жүзеге асыру барысында оның негізгі мақсатын (миссия деп те атайды) бірінші дәрежедегі мақсаттардан, сонымен қатар мақсат бөлімшелерінен тапсырмалар, қызметтерден және нәтижелерден бөліп қарастырады. Миссия бұл жобаның негізгі мақсаты, оны жүзеге асырудың нақты айқындалған себебі. Ол жобаның статусын айқындайды, келесі деңгейдегі мақсаттарды айқындауға бағыт береді, сонымен қатар әр түрлі ұйымдастырушылық деңгейдегі стратегия үшін бағыт беруші болып табылады. Жобаның болашақ негізгі қызметтері немесе өнімдері, оның негізгі рыноктары және оңтайлы технологиялары тұрғысынан қарағанда миссия жобаның басты міндеті болып табылады. Мақсаттылық жобаның маңызды және ажырамас бөлігі болып табылады. Жобаның мақсатын анықтау оның миссиясын жасаудан басталады. Миссияның негізінде мақсаттар анықталып, жобаның міндеттері қойылады. Мақсат дұрыс қойылса, жобаның қатысушыларын басты мақсатқа қол жеткізуге бағыттауға болады және жоба басты мақсатқа сәйкес келмеген жағдайда өзгерістер туралы ұсыныс жасалынады немесе жобадан бас тартады. Жоба стратегиясы алға қойылған миссиясы және жоба мақсаты жүйесімен анықталған нәтижеге жету мақсатымен жұмыстардың бағытын ұйымдастырудағы ортаңғы буын. Жоба стратегиясын дайындауды 3 кезекті процедураға бөлуге болады:

Стратегиялық талдау
Стратегияны құрастыру және таңдау
Стратегияны жүзеге асыру

Стратегиялық талдау ішкі және сыртқы ортаны талдаудан басталады. Сыртқы ортадан кез келген қауіпті немесе жобаны жүзеге асыру мүмкіндігін күтуге болады.

Стратегиянны құрасастыру және таңдау үш түрлі ұйымдастырушылық деңгейде жүзеге асырылады:

Корпоративтік стратегия (дамудың жалпы бағыты, яғни өсу стратегиясы, сақтап қалу немесе қысқартулар) ;
Іскерлік стратегия (нақты рыноктағы нақты тауардың бәсеклестік стратегиясы) ; іскерлік стратегияны жүзеге асыру кезінде үш негізгі әдіс қолданады: шығындардағы лидерлік стратегиясы, дифференциация стратегиясы, белгілі бір бағыттағы шоғырлану стратегиясы.
Функционалдық стратегия (әрбір функциялық бөлімшеге бөлек құрастырылады)

Стратегияны жүзеге асыру ең алдымен ұйымдастырушылық құрылымда және ұйымдастырушылық мәдениетте болатын белгілі өзгертулердің керектігін білдіреді. Сондықтан басқарудың ұйымдастырушылық құрылымына арнайы координациялық механизмдерді қосымша енгізу қажет: жобалық, жобааралық (бағдарламалық), венчурлық (жоғары тәуекелге ие жобалар) топтар.

Жоба мазмұны - арнайы сипаттары мен функциялары бар жоба нәтижелеріне қол жеткізу үшін қажет іс-әрекеттер. Жоба мақсатын анықтамас бұрын жоба миссиясы жасалады. Жоба мазмұны жобаның сәтті жүзеге асуына қажет жұмыстардан ғана тұрады. Жобаның мазмұнын басқарудың негізгі үрдістері : Жоба инициациясы. Инициация - жаңа жобаны жүзеге асырудың қажеттілігін анықтау. Инициация нәтижесі құжаттар кешені (мақсат, жоба өнімінің сипаттамалары, жоба менеджерін тағайындау), жобаны жүзеге асырудың мерзімі мен қаржыландырудағы шектеулер, болжамдық көрсеткіштер.

Мазмұнды жоспарлау жоба мақсатын жеңіл басқарылатын компоненттерге бөлу. Компоненттерді бөлу келесілерді жүзеге асыру үшін керек: Жоба құны, уақыты және ресурстар бойынша бағалау үшін ; Жобаның орындалуын өлшеу және бақылау үшін ; Жоба бойынша құқық пен міндеттерді бөлу ; Жауапкершілік деңгейін анықтау ; Жоба мазмұнының өзгеруін бақылау. Жұмыстар көлемі жобаның маңызды сипаттарының бірі. Жұмысты бөлу құрылымын жасағаннан кейін нормативтер мен эксперттік бағалаулар нәтижесінде анықталады. Жұмыс көлемінің түсімі еңбек сыйымдылығын, жоба ұзақтығын, және құнын сипаттау үшін қолданылады. Жұмыстардың құрылымы төмендегі параметрлерден: Идентификатор - жоба жұмысы бойынша берілген кодтар; Жүйелік диаграмма қолданылатын жұмыстардың қысқаша мазмұны ; Жұмыс басталуының ұзақтығы ; Жұмыс орындалу пайызы ; Орындалған жұмыстың қалған уақыт мерзімі ; Жұмыстың ерте басталу, аяқталу, кеш басталу, аяқталу мерзімі ; Уақыт резерві нақты басталу, аяқталу уақыты, алдыңғы орындалған жұмыстар, кейінгі орындалған жұмыстар.

Масштабы бойынша: шағын, орта, мегажоба

Шағын жобалар масштабы бойынша үлкен емес, қарапайым және көлемі шектелген. Американдық тәжірибеде:капитал салымдары $10-15 млн. долларға дейін; еңбек шығындары 40-50 мың адам-сағатқа дейін. Мысалы, тәжірибелік-өнеркәсіптік құрылымдар, өнеркәсіптік кәсіпорындар, қызмет істеп тұрған өндірісті жаңғырту.

Мегажобалар - ортақ мақсатпен біріктірілген өзара байланысты жобалардан тұратын мақсатты бағдарламалар. Мұндай бағдарламалар халықаралық, мемлекеттік, ұлттық, аймақтық болуы мүмкін. Мысалы, еркін экономикалық аймақтардың дамуы. Салалық мегажобаның мысалы - отын-энергетика кешенінде, соның ішінде мұнай-газ саласында жүзеге асатын жобалар.

Күрделілігіне қарай: қарапайым, күрделі ұйымдасқан, техникалық күрделі, ресурстық күрделі, кешенді күрделі. Күрделі жобалар шешілуі күрделі техникалық, ұйымдастырушылық, ресурстық міндеттердің болуымен сипатталады. Мысалы, құрылыстың дәстүрлі емес технологияларын қолдану, жоба қатысушыларының санының көптігі, қаржыландыру сызбасының күрделілігі.

Жүзеге асыру мерзімі бойынша: қысқа, орта, ұзақ

Қатысушылардың деңгейі бойынша: халықаралық, отандық

Жобаның мақсатына байланысты: дағдарысқа қарсы, маркетингтік, білім беруші, қайта құрылымдану;

Жобаның пайда болу себебіне байланысты: жаңа мүмкіндіктер, кездейсоқ жағдай, функционалдық қайта құрудың қажеттілігі, реинжиниринг, қайта ұйымдастыру.

Ақаусыз жобаларда жоғары сапа негізгі фактор болып табылады. Ақаусыз жобалардың құны миллиардтаған доллармен өлшенеді. Мысалы, атом электр станциялары [2] .

Жобаны бақылаудың негiзгi мақсаты - бұл жобаны бақылау және жоспарлау функцияларының жалпы тиiмдiлiгiнiң дәрежесiн жоғарлату және жоспар көрсеткiштердiң орындауының қамтамасыз ету.

Жобаларды басқару жалпы жұйенiң бiр бөлiгi ретiнде жобаны бақылау жұйенiң элеметтердiң арасында керi байланыстар бар екен. Осы керi байланыстар жоспарланған көрсеткiштердi өзгеру жағдайға мұмкiншiлiгiн бередi. Яғни, керi байланыстар жобаны орындауда әртұрлi кездесетiн жолсыздықтар жағдайында қоршаған ортаның өзгерiстер есебiмен жоспардан ауытқуын азайту ұшiн жауап беретiн әсер еткiзедi.

Тұрақты қызмет пен жобалық қызметтің арасында төмендегідей ұқсастықтар бар:

Олар адамдар арқылы жүзеге асады.
Екі жағдайда да ресурстар шектеулі.
Операциялар мен жобалар алдын-ала жоспарланады, орындалады және бақыланады.

Кесте 1

Операциялар мен жобалар арасындағы айырмашылықтар:

Жоба

Қайталанатын операциялар

Жоба: Жаңа үрдіс немесе жаңа өнім

Қайталанатын операциялар: Қайталанбалы үрдіс немесе өнім

Жоба: Бір мақсат және бір міндет

Қайталанатын операциялар: Бірнеше мақсат пен міндет

Жоба: Бір реттік қызмет

Қайталанатын операциялар: Тұрақты қызмет

Жоба: Біртекті қызмет

Қайталанатын операциялар: Әртекті қызмет

Жоба: Сапа, мерзім және құн бойынша белгісіз күтулер

Қайталанатын операциялар: Сапа, мерзім, құн бойынша жағымды және болжанған күтулер

Жоба: Инновациялар міндетті

Қайталанатын операциялар: Инновациялар міндетті емес

Жоба: Ескерту: [1, 2] әдебиеттер негізінде автор құрастырған.

Жобаны бақылау процесстерiнiң мазмұны: жұмыстарды орындалуының нақты құжатталған және бағаланған көрсеткiштер негiзiнде анықтау және жоспар көрсеткiштермен салыстыру.

Кесте 2

Дәстүрлі және жобалық менеджментті салыстыру

Функционалдық менеджмент

Жобалық менеджмент

Функционалдық менеджмент:

өкілеттіліктер басқару құрылымымен анықталады;

міндеттердің тұрақты шеңбері;

жауапкершілік бекітілген функциялармен шектелген;

жұмыстар тұрақты ұйымдық құрылымдарда орындалады;

негізгі міндет - оңтайландыру;

сәттілік аралық функционалдық нәтижеге қол жеткізумен анықталады;

жағдайлар мен шарттардың өзгерісінің шектелуі.

Жобалық менеджмент:

Пайда болған өзгерістер үшін жауапкершілік;

өкілетттіліктердің белгісіздігі;

тапсырмалардың үнемі өзгеруі;

жобалық цикл шегінде әрекет ететін құрылымдардағы жұмыс;

инновациялық қызметтің басымдығы;

негізгі міндет - жанжалдарды шешу;

сәттілік қол жеткізілген түпкілікті мақсат бойынша анықталады;

қызмтеке ішкі анықсыздық тән.

Функционалдық менеджмент: Ескерту: [2] әдебиет негізінде автор құрастырған.

Жоба үнемі нәтижеге, белгілі мақсатқа қол жеткізуге бағытталады. Жобаны жүзеге асыру жобаның өкілетті басшылығымен жүзеге асырылады: жоба менеджері және оның басшылығымен жұмыс жасайтын жоба командасы. Жоба үрдісі бойынша жекелеген ерекше қызмет түрлерін жүзеге асыратын басқа да қатысушылар болады. Жоба жұмысына компанияның сызықтық және функционалды бөлім өкілдері де қатыса алады.

Жобаларды басқару сызбаларының келесі нұсқалары бар:

... жалғасы

Сіз бұл жұмысты біздің қосымшамыз арқылы толығымен тегін көре аласыз.