Барабанынды бу генераторында су деңгейін реттеуді автоматтандыру жүйесі

Пән: Автоматтандыру, Техника
Жұмыс түрі: Дипломдық жұмыс
Тегін: Антиплагиат
Көлемі: 86 бет
Таңдаулыға:

Кіріспе

Осы дипломдық жұмыста барабанынды бу генераторында су деңгейін реттеуді автоматтандыру жүйесі қарастырылады.

Өндірісті автоматтандыру үрдісінде адамның рөлі автоматтандыру құрылғыларын қамтамасыз етуге, реттеуге, жөнге келтіруге және олардың жұмысын бақылауға негізделген. Егер автоматтандыру адамның физикалық еңбегін жеңілдетсе, онда ой жұмысын жеңілдетуге де мақсаты бар. Автоматтандыру құрылғыларын пайдалану күтім көрсету жұмысшыларынан жоғары техникалық квалификацияны талап етеді.

Автоматтандыру деңгейі бойынша жылуэнергетика басқа өндірістік салалар ішінен алдыңғы орындардың бірінде. Жылуэнергетикалық қондырғылар онда өтетін үрдістердің үздіксіздігімен сипатталанады. Осы жағдайда жылу және электр энергиясы өнімі кез-келген уақыт мезетінде тұтыну көлеміне сәйкес келу керек. Жылуэнергетикалық қондырғылардағы айтарлықтай барлық операциялар механизирленген, ал ондағы өтпелі үрдістер салыстырмалы түрде тез жетілдіріледі. Бұл жылуэнергетиканы автоматтандырудың жоғарғы деңгейде дамуын көрсетеді.

Параметрлерді автоматтандырудың айтырлықтай жетістіктері:

― жұмыс персоналы санын азайтуға мүмкіндік береді, яғни еңбек өнімділігін жақсартады;

―параметрлердің көрсету нақтылығын өсіреді;

―еңбек қауіпсіздігін және құрылғылардың жұмыс сенімділігін арттырады;

―қондырғы жұмысының экономикалық тиімділігін өсіреді.

Қазіргі жағдайдағы жылуэнергетикадағы автоматтаныру жағдайы үлкен моральдық және физикалық тозумен сипатталынады, оның сапасы осы заманғы талаптарға сәйкес келмейді. Сондықтан бу генераторын реттеу жүйесін автоматтандыруды жетілдірудің маңызы бар.

Берілген автоматты басқару жүйесі келесілерге негізделген:

деңгейді реттеу үрдісі мен басқару тиімділігін жақсартуға;
отынның экономды тиімді пайдалануын және оның толық жағылуын қамтамасыз етеді;
авариялық жағдайлар санын азайтуға;
жұмысшылардың еңбек шарттарын жақсартуға;
технологиялық үрдістің жағдайы мәліметтерін оператор-технологтың жұмыс стансаларына тиімді жіберуіне.

Дипломдық жұмыс келесі бөлімдерден тұрады:

Негізгі бөлімде барабанды қазандықтың технологиялық сұлбасы оның жұмыс істеу принципі талқыланады. Қазандықты автоматтандырудың негізгі мәселелері, автоматтандыру жүйесінің анықтамалары және қажетті құрылғыларды таңдау мәселесі қарастырылады.

Арнайы бөлімде бу қазандығы барабанында су деңгейін реттеуді автоматтандыру жүйесі жұмысына талдау жасалынады, қажетті құрылғылар таңдалынып, математикалық модель құрастырылады. Деңгей реттеуішінің оптималды параметрлері анықталынып, жүйе орнықтылыққа зерттелінеді. Барабанды қазандықтың су деңгейін реттеудің бағдарламасы жазылады.

Экономикалық бөлімде қазандықтың автоматтандыру жүйесінің құрылыстық-пайдалану шығындары және экономикалық тиімділігі есептемесі жүргізіледі.

Өміртіршілік қауіпсіздігі бөлімінде қазандықтан ауаға таралған зиянды заттар мөлшері есептелінеді және қазандық цехындағы қондырғылардан шығатын шудың есептемесі жүргізіледі.

Қорытындыда осы аталған бөлімдер бойынша ортақ шешім шығарылып, дипломдық жұмыстың тиімділігі анықталынады.

Осы жұмыста технологиялық-оқулықтар саны отыз жеті және бір қосымша қолданылады.

1 БӨЛІМ. НЕГІЗГІ БӨЛІМ

1. 1 Бу қазандығында бу алудың технологиялық сұлбасы

1. 1. 1 Бу алудың принципиалдық сұлбасы

Бу қазаны деп жағылған отын жылуын пайдаланып, қысымы ауа қысымынан жоғары бу өндіретін құрылғыны атайды.

Электрстансаларда қолданатын бу қазандықтарының технологиялық сұлбасы көрсетілген (1. 1, 1. 2 суреттерді қараңыз) . Онда ірі отын аударылғыш вагонмен-1 отын бункеріне-2 төгіледі, одан диірменге-8 беріледі, диірменде отын 15мм-ге дейін ұсатылады. Ұсатылған көмір диірмен бункерінде-12 жиналады да, содан кейін көмірүгіткіш диірменге - 13 беріледі. Дайын көмір шаңы ауа жылытқыштағы-25 ыстық ауамен жандырғыштан - 14 ошаққа - 15 түседі. Ал, күлі 31-ші нөмерлі қожшығару арқылы сыртқа шығарылады. Күлдің көп бөлігі күлұстағышпен - 32 тазартылады, ал қалған бөлігі түтін құбыры арқылы атмосфераға тарайды. Қорек суы машина залынан насос арқылы бу пешіне берілместен бұрын оның қыздыру бөліктері- 24, 17, 20, 21, 22 арқылы өтеді және буға айналады. Алынған бу буқыздырғышта қыздырылып, машиналық зат арқылы бу турбинасына жіберіледі [21] .

1. 1 сурет - Бу алудың технологииялық сұлбасы

1. 2 сурет - Бу алудың технологииялық сұлбасы

1. 1. 2 Бу қазандықтарының негізгі терминдері мен анықтамалары

Бу қазандығының негізгі элементі (1. 3 суретті қараңыз) қызу жазықтығы болып табылады, ол металдық құбырлық жазықтық, бір жағынан сумен, булы су қоспамен, бумен және ауамен өтіледі, ал келесі жағынан ыстық түтін газымен.

Экономайзер 11, 12-қызудың құбырлық жазықтығы, ол насос арқылы қазандыққа берілетін қорек суды ыстық түтінмен қыздыруға арналған. Қорек суы қазандыққа машиналық бөлімнен әдетте қайнау температурасынан ондаған температураға төмен температурамен беріледі. Барабанды агрегаттарда суды қайнауға дейін жеткізу және t=-30°C ұстау тікелей жылуалмасу аппараттары экономайзер арқылы жүзеге асады.

Су құбыры желісі 13 бойынша экономайзерден барабанға 1 беріледі, ол жерде қорек суы қазандық суына айналады түсірілген құбыр 9 арқылы буланудың қыздыру жазықтығына жіберіледі. Бұл жағдайда ошақтың қабырғасының экрандық құбырлары 7 болып табылады. Экрандық құбырларда судың бөлшектеп булануы өтеді, булы су қоспасы барабанда бу және суға беріледі. Сәйкесінше барабанда 2 судың және 3 будың кеңістіктері болады. Сулы кеңістіктен булы кеңістікті бөліп тұратын шартты жазықтық булану айнасы деп аталады. Барабандағы су деңгейін су көрсеткіш құрылғылар жүйесімен басқарады. Су деңгейінің биіктігі бойынша екі шектік түрі анықталған: төменгі және жоғарғы. Төменгі деңгейді түсірілген құбырларды және олардың экрандары сусыз қалдыру қауіпсіздігімен анықталады. Жоғарғы деігей ылғалдылық пен будың белгіленген деңгейден аспауы негізінде анықталады. Деңгейлер арасындағы су көлемі қорек қоры деп аталады.

Барабандағы су цикл түзе қайтадан түсірілген құбырларға 9 және төменгі коллеторларға 10 жеткізіледі. Қаныққан бу барабандағы операционды құрылғы арқылы бу құбыры 14 арқылы бу қыздырғыштарға қыздыруға өтіледі. Барабанда будың қоспалы ылғалдың бөлігін қалдырады.

Құбырдың буландыру жазықтығы ― бұл түтіндік газдар жылуы арқылы судың булануы жүзеге асатын құбырлық қыздыру жазықтығы.

Барлық энергетикалық қазандықтар экрандармен жабдықталады, бұл дегеніміз қыздыру жазықтығы, Ошақтың 4 қабырғаларында орналасқан, конвективті газ өткізгіштер 24 және қабырғаны жоғарғы температурадан қорғау үшін.

Бу қыздырғыш ― қыздырудың құбырлы жазықтығы, ол қанығу температурасынан жоғарғы буды конвекция және қосылған: Ошақда радиация және газ өтулерінде конвекция арқылы берілген жылу мөлшерімен қыздыру үшін арналған.

Бу қыздырғышқа тізбектеле өтеді: төбелік қыздырғыш 29, шымылдықтар 30 жартылай радиациялы жазықтықтар, арықарай конвективті қыздырғыштың бірінші контуры 15 және екінші контуры 17. Олардың арасында бу суытқыш 16 орнатылған, яғни қорек суын шашыратқыш. Қыздырғыштан өтіп, бу қолданушыларға қажетті қызған температурамен жіберіледі. Берілген суретте екінші өтпелі бу қыздырғышы 31 бар, будың температурасын ұлғайту үшін. Бу қыздырғыш алдында фестон 8 орнатылған ол булану жазықтығы болып табылады. Фестонның міндеті Ошақдан 4 Ошақ газдарын бұрылмалы горизонтальды бу өткеліне 13 жеңіл өтуін қамтамасыз ету болып табылады.

Қазандық ошағы (отын жағу камерасы) органикалық отынды жағуға арналған. Отын жағу камерасы 4 фронттық қабырғада дөңгелек көміршаңдары горелкалары 5 тізбегі бар, оған бірінші ауа 6 және екінші қызған ауа 20 бар отын әкелінген.

Бірінші және екінші ауа 18, 19 ауақыздырғышында қыздырылады, 21 ауаөткелі арқылы өтетін ауа бірінші деп аталады, ол кептіргішпен шаң трансплортына жіберіледі.

Қазандық қақпағы 27 астынан жылы ауаны алып ауақыздырғышқа қыздыруға береді.

Ошақтың төменгі бөлігі қатты қождан тазалау жүйесінен тұрады, ол суық ойынқыдан 32, қож шахтасынан 25 және су қожтазалу каналынан 26 құрылған.

Шаң газдары ауақыздырғыш арқылы шаңұстағыштарға бағытталады, одан шаңсорғышқа. Шаңқұбыры арқылы атмосфераға 120-160°C температурасымен жіберіледі [21] .

1. 3 сурет - Бу қазандығы құрылғысы сұлбасы

1. 2. Автоматты басқару теориясы және оның элементтері бойынша талдау

1. 2. 1 АРЖ құрудағы жалпы принциптер және қолданылатын математикалық аппараттар

Ғылым мен техниканың дамуы, технологиялық үрдістердің күрделенуі шығрылатын өнімдерге қойылатын талаптардың жоғарлануы автоматты басқару жүйелерін құруда қазіргі таңға сай математикалық әдістерді пайдалануды қажет етеді.

Қазіргі кезде обьекті теңдеуі мен сыртқы әсерлер белгілі деп алынатын детерминді әдісті автоматты басқару жүйесін сараптау мен синтездеуде пайдалану, тек жүйенің жұмыс істеу күйін алдын-ала бағалау үшін ғана қажет бола алатындығы дау туғызбайтыны анық.

Автоматты басқару жүйесін құру үшін маман ең алдымен басқарылатын обьектінің математикалық моделін тұрғыза білу керек. Ал бұл есепті экспериментті және аналитикалық жолдармен шешуге болады.

Көп жағдайда аналитикалық модель бейсызықты болып шығады. Сондықтан есептеуді әрі қарай жалғастыру үшін бейсызықты теңдеулерді Тейлор мен Маклорен қатарларына түзу арқылы бұл модельді сызықтандырады. Беріліс функциясы бойынша салынған өтпелі үрдіс бойынша жүйенің реттеу сапасын бағалаудың аналитикалық әдісі щегеру теоремасын қолдануға негізделген.

Жалпы кез келген автоматты жүйелерді уақыттық және жиіліктік аймақтарды зерттеуге болады. Іс жүзінде бұл зерттеуді жиіліктік аймақта жүргізу әлдеқайда жеңіл. Сондықтан автоматты реттеу теориясында реттеу жүйесін талдау мен синтездеудің жиіліктік әдістері, жиіліктік сипаттамаларды қолдану, трапециялық жиіліктік сипаттамалар бойынша өтпелі үрдістерді тұрғызу секілді көптеген әдістер кеңінен тараған. Ал жиіліктік әдістерді қолданудағы математикалық аппараттар Фурье қатары мен интегралын пайдалануға негізделген.

Кез - келген өндірісте қондырғыда технологиялық процестің бірқалыпты жүруі белгілі бір ереженің, қызмет алгоритмінің орындалуына байланысты болады. Осы қызмет алгоритмін орындау үшін белгілі бір сыртқы команданы орындайтын құрылғыны, не машинаны басқару обьектісі дейді.

Технологиялық процесті жүргізу үшін басқару обьектісіне әсер ететін тиімді ықпалды тиімді ықпалды басқару дейді. Егер бұл басқару адамның қатысуынсыз жүзеге асса, оны автоматты, ал адамның қатысуымен болса қолмен басқару деп атайды. Технологиялық процесті берілген қызмет алгоритмі бойынша өткізу мақсатында обьектіге сырттан берілетін арнайы нұсқаулар жиынтығын басқару алгоритмі деп атайды.

Басқару обьектісіне басқару алгоритміне сәйкес әсер ететін кез-келген техникалық құрылғы автоматты басқару құрылғысы деп аталады.

Бір - бірімен байланысты және басқару алгоритміне сәйкес өзара әрекеттесе жұмыс жасайтын автоматты басқару құрылғысы мен басқару обьектісінің жиынтығы автоматты басқару жүйесі деп аталады.

Автоматты жүйе өзара байланысқан және белгілі бір қызмет атқаратын дербес конструкциялық элементтерден тұрады, оларды автоматика элементтері деп атайды. Элементтерді жүйеде атқаратын қызметтеріне қарай салыстырушы, түзетуші, қабылдаушы, жоспарлаушы, түрлендіруші және атқарушы деп ажыратады [2] .

1. 2. 2 Автоматты басқару теорясының негізгі анықтамалары мен классификациясы

Автоматика элементтерінің қолдану және технологиялық ерекшеліктерін айқындайтын арнайы сипаттамалар мен параметрлері болады.

Басты сипаттамаларының біріне элементтің статикалық сипаттамасы жатады. Статикалық сипаттама деп, тұрақталған режим кезінде Х _шығ шамасының Х _кір шамасына тәуелділігін айтады:

Х _шығ =f(Х _кір ) (1. 1)

Динамикалық сипаттама элементтердің динамикалық режимінде, яғни кірістік шаманың шапшаң өзгерген сәттеріндегі жұмысын бағалау үшін пайдаланад. Оны өтпелі сипаттамамен, беріліс функциясымен және жиілік сипаттамаларымен өрнектейді. Өтпелі сипаттама Х _шығ шығыстық шаманың t уақытқы тәуелділігін көрсетеді: Х _кір кірістік сигналының секірмелі өзгерісі кезінде Х _шығ = f(t) .

Х _шығ шығыстық шаманың Х _кір кірістік шамасына қатынасын статикалық беріліс коэффициенті деп атайды, яғни К _ст = Х _шығ / Х _кір .

Бейсызықты сипаттамасы бар элементтер үшін К _д динамикалық беріліс коэффициентін пайдаланады. К _д =Х _шығ /Х _кір ·К _сал . К _сал салыстырмалы беріліс коэффициенті элементтің шығыстық шамасының салыстырмалы өзгерісінің кірістік шамасының салыстырмалы өзгерісіне қатынасына тең:

К _сал = (1. 2)

Х _{шығ. н.} мен Х _кірн. шығыстық және кірістік шамалардың номинал мәндері.

Сезімталдық деңгей шығыстық шаманың айтарлықтай өзгерісі байқалатын кірістік шаманың ең кіші мәні. Ол элемент кострукциясындағы тетіктер арасындағы үйкеліс, саңылаужәне люфтінің салдарынан болады.

Ауытқу бойынша басқару принципі пайдаланылатын автоматты тұйықталған жүйелердің артықшылығына кері байланыстың болуы жатады. Ақпарат басқарушы ықпалмен салыстырғанда кері бағытта берілетін каналды кері байланыс деп атайды. Кері байланыс оң және теріс, қатаң және икемді, негізгі және қосалқы болып ажыратылады.

Басқару жүйесінің құрылымдық график бойынша кескіндеуді құрылымдық схема дейді. Құрылымдық схемасындағы бөліктері арасындағы берілетін әсердің ағыты мен жолын көрсететін қарапайым құрамдас бөлігін құрылымдық схеманың байланысы деп атайды.

Жүйедегі сигналдардың түріне сәйкес автоматты басқару жүйелерін үзіліссіз және дискретті деп ажыратады.

Егер басқарылатын шама орнықты режимде сыртқы қобалжыту әсеріне тәуелді болса, онда автоматты басқару жүйесі статикалық деп аталады, ал тәуелді болмаса астатикалық деп аталады.

Статикалық сипаттамалардың сипатына сәйкес немесе жүйе элементтеріне өрнектейтін дифференциалдық теңдеудің түріне қарай жүйелерді сызықты және бейсызықты деп бөледі. Сызықты жүйелердегі барлық элементтер сызықты алгебралық және дифференциалдық теңдеулермен жазылады. нгер жүйедегі ең болғанда бір элементтің кірістік және шығыстық сигналдарының арасында бейсызықты тәуелділік болса, онда ол жүйе бейсызықты, мұндай жүйелердің сипаттамаларын сызықты сипаттамалар арқылы жуықтауға болмайды.

ЖЭС математикалық модельдерін әр деңгейде басқару критерийлерін реттеу жіне технологиялық үрдісті сипаттау үшін құрылады. Технологиялық үрдістерді математикалық сипаттауында орныққан жағдайды сипаттаушы статика моделі, ал өтпелі режимді сипаттаушы динамика моделі қолданылады.

Жүйенің орнықталағы деп оның тепе-теңдік күйінен ауытқуына себеп болған әсерді алып тастағаннан кейін, бастапқы орнықтылық қалпына оралу қабілеттілігін айтады. Орнықтылыққа зерттеу бойынша бірнеше әдістері бар: Ляпунов, Раус-Гурвиц критерийі, Михайлов критерийі және Найквитс критерийі [3] .

Автоматты реттеу жүйесі технологиялық процестің параметрлерін әр мезеттегі мәндері туралы мәліметті адамның қатысуынсыз алуға арналған құралдар мен әдістерді қамтиды.

1. 2. 3 Өзектілік

Автоматизация - адамды механизмдерді үздіксіз басқаруынан босатады. Өндірістік автоматтандыру процесінде адамның рөлі реттеу, жөнге келтіру, автоматизация құралдарына қызмет ету және олардың әрекетін бақылау болып табылады. Автоматизация адамның қол еңбегін азайтып қоймай, оның үстіне ой еңбегінде азайтады. Автоматизация құралдарын пайдалану үшін қызмет етіп жатқан персоналдан жоғарғы техникалық класификацияны талап етеді.

Көп еңбекті қажет ететін үрдістер қазіргі заманғы ЖЭО-дағы өндіріспен, жылу бөлінісімен және де электр қуатымен байланысты. Олар негізінде механизмделген.

Адам еңбегінің мәні, ол машиналар мен механизмдерді басқарып, орнатады(құрылғыларды қосып немесе ажыратып отырады және т. б ) және олардың жұмысын үздіксіз бақылайды немесе өлшеуіш аспаптарды қарайды.

Бірақ та ЖЭО-ын басқаратын негізгі және қосалқы қондырғыларында тәулік бойы жұмыс жасап тұрған энергетикалық құрылғылардың механикасы адамның бірқалыпты еңбегінен босатпайды, ал ең бастысы эксплуатациялық персоналдың жоғарғы дәрежеде болуы да оның қауіпсіз және тиімді жұмыс атқаратынына сенім жоқ.

Механизмделген өндірістің автоматизациясы деп машиналарды, механизмдерді, қондырғыларды басқаруды айтамыз. Және де арнайы қондырғылар арқылы адамның қатысуысыз немесе қатысуын шектеп олардың жұмысын бақылайды.

Автоматизация - бұл комплексті құралдарды қолдану арқылы өндірістік процесстерді адамның үздіксіз қатысуысыз бірақ, олардың бақылауымен жүзеге асырылады.

Өндірістің автоматизациялық процесі өзіндік құнды азайтады, өнімнің сапасын жоғарлатады, қызмет етіп жатқан жұмысшыларды азайтады, сенімділікті арттырады және еңбек жағдайы мен техникалық қауіпсіздікті жақсартады.

1. 2. 4 Бу қазандығында автоматтандыруды техникалық-программалық жабдықтармен қамтамасыздандыру мәселелері

Автоматтық құрылғылар мемлекеттік құралдар жүйесі аймағында таңдалуы керек. Автоматтық құрылғылар техникалық және экономикалық жағынан тиімді таңдалуы керек. Автоматтық құрылғының нақты типі таңдалған басқару жүйесі мен басқару объекты ерекшеліктерін ескерумен таңдалынады. Негізінде бір типті, орталықтандырылған және бір сериясы шығарылатын қондырылғыларды таңдағын дұрыс. Судың қызу процесі жарылыс және өрт қауіпсіздіктері түріне кірмейтіндіктен, автоматтандыру электрлік құрылғыларды пайдалану негізінде болады. Электрлік аспаптардың дәлдігі жоғары және пнивматикалықтармен салыстырғанда жылдамдығы жоғары болып келеді. Электрлік аспаптарда энергия көзі қарапайым әрі сенімді және де күшейткіш пен орындаушы механизм арақашықтығына импульстерді оңай қоса алады.

Жұмыстада “Контур-2” құрылғылар жүйесі қолданылған, олар жылулық процесстерге арналған. Жүйе блоктық-модуль арасындағы байланыс тұрақты тоқ сигналдар арқылы жүзеге асады, ал нақты сигналды түрлендіру, қосу және бірінші рет қолдану ыңғайлы [35] .

Реттеу үшін РС 29 қолданылады. Олардың дәлдігі жогары және келесі функцияларды орындайды: датчиктен сигналды маштабтау, алгебралық қосу, берілген сигналды енгізу, қабатталу сигналын реттейді және шығыс индикация жарығын күшейтеді .

Функционалдық жетістіктері:

П, ПИ және үшимпульті бойынша реттеу, екі позициялы реттеу заңы бойынша, динамикалық түрлендіргішті қолданғанда ПИД заңы бойынша реттеу;
басқару түрін автоматтыдан қолша режимге және кірісінше, орындаушы механизмді қолша басқару;
басқару мәннің берілген мәннен ауытқуы сигнализациясы;
таңдау бойынша төрт параметрлердің бірін сандық индикациялау;

реттейтін шаманың берілгені;
реттелетін шаманың берілген мәнінен ауытқуы;
орындаушы механизм жағдайы;
қосымша параметр.

PC 29 реттеуіштерімен SIMENS электрлік позизионерлері немесе МЭО орындаушы механизмдері.

Бір айналымды тұрақты жыдамдықты электрлік орындаушы механизм МЭО, автоматты реттеу технологиялық үрдіс жүйесінде ретеуші органдарды жылжытуға арналған. Орындаушы механизмге үш позициялы электромагниттік тежеуіші бар У293М күшейткіші арқылы жеткізіледі.

Автоматты реттеу және басқа да технологиялық процесстерді басқару жүйелерінде тиристорлы күшейткіштер бір және үш фазалы айналымы тоқ тізбегінде электрлік жүктеме қуатын басқаруда қолданылады.

Басқару блогы дискретті, импульсті немесе аналогды сигналдарды түрлендіреді. Және кіріс төменгі вольтті тізбек пен қуатты шығыс коскады гольваникалық айрықтарын қамтамасыз етеді. Тиристорлық, дискретті, импульсті немесе аналогты күшейткіштердің басқару сигналдарының қорек көзі ретінде қолша тапсырыстар, басқару блоктары және әр түрлі контроллерла, реттеуіштер.

Жүктеме қуаты ендік импульсті немесе фаза импульсті модуляциямен реттеледі. Тиристорлық күшейткіштер орындалуына байланысты екі басқару жолдарын қамтамасыз ете алады, контроллер мен реттеуіштерден импульсті немесе сигналдарды түрлендіреді.

Қуат күшейткіштері электромагниттік қосқыш құралы, бір және үш фазалы синхронды және асинхронды электроқозғалтқышты байланыссыз басқару құрылғысы ретінде қолдануға болады. Осы жағдайда олар келесі функцияларды орындайды:

дискретті және импульсі сигналды күшейтеді;
электрқозғалтқышың қосылуын және тежелуін қамтамасыз етеді;
жылдам кері бағыт қорғанысын орындайды;
қайта қосылу туралы сигналдайды.

Тиристрлы күшейткіштер тұрақты жылдамдықты электлік орындаушы механизмдерді, электр қозғалтқыштарды басқару үшін қолданады, электр қозғалтқыштар әр түрлі бекітпелі және бекітпелі- реттеуші толық айналымсыз арматурда қолданады:шарлы және тығынды крандарды, клапандарда, шеберлерде, бұрылымды дисктік бекітпелерде, тосқауылдарда.

Шығын және қысым датчиктері ретінде Метран -100 типті өлшеуші түрлендіргіштер қолданылады. Олар аналогты тоқтық сигналды және сандық сигналды HART протоколы стандартына түрлендіруге және өлшеуге арналған. RS485 интерфейс құрамына келесілер кіреді:

артық қысым (Метран-100-ДИ) ;
абсолют қысым (Метран-100-ДА) ;
сейілу (Метран-100-ДВ) ;
сейілу қысымы (Метран-100-ДИВ) ;
қысым айырмашылығы (Метран-100-ДД) ;
гидростатикалық қысым (Метран-100-ДГ) .

Тұрақтандырылған кернеу 36В тұрақты тоқ датчик қорек көзі ретінде БПС 90 П/К типті қорек блогы қолданады.

БПС-90 П блогтары өлшеуші параметр (қысым, деңгей, қысым айырмашылығы) мен реттелген шығыс унифицирленген тоқтық сигналға байланысты сызықтықты алуға мүмкіндік береді.

БПС-90 К блогтары шығынды тарылу құрылғысында қысым түсім тәсілі арқылы өлшеген түрлендіргіштердің (датчикте) статикалық сипаттамаларды сызықтандыруға арналған.

Блоктардың функционалдық мүмкіндіктері :

өлшеуші параметр туралы ақпаратты бір мезгілде тұрақты тоқ сигналы түрінде таситын екі тізбекті байланыс сымды жарылыстан қорғанған түрлендіргіштер мен датчиктердің қорек көзін қамтамасыз етеді;
ұшқын -қорғанған тізбектің электрлік қуатын шектейді;
берілген сыртқы әсерге қосылуға(2. 5КОм дейін шығыс сигнал 0-5мА және 1 КОм 0-20 және 4-20 мА) мүмкіндік беретін шығыс сигнал датчик деңгейін қуатын өсіреді;
шығыс сигналдар мәнін 4 разрядты сандық түрдегі визуалдық индикациясын қамтамасыз етеді;
ертерек қондырылған шығыс сигнал мәнін минималды және максималды деңгейін дабылды қадағалауын қамтамасыз етеді.

Екінші құрылғылар ретінде РМТ-69 типті тіркеуші құрылғыларды қолданған ыңғайлы. Ол кез -келген датчикпен жұмыс істей алады және әр түрлі мәндері өлшей алады. Ол бір уақытта көрсету функциясын, тіркеу, реттеуді және түрлендіруді жүзеге асырады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.