«МАШСВАР» ЖШС

Мазмұны

Бет

Кіріспе 3

1 «МАШСВАР» ЖШС-нің жалпы мінездемесі 5

2 «МАШСВАР» ЖШС-нің экономикалық және қаржылық

жағдайын талдау 8

3 «МАШСВАР» ЖШС-де персоналды басқару 13

4 «МАШСВАР» ЖШС-де маркетингті басқару 16

Қорытынды 29

Пайдаланылған әдебиеттер тізімі 31

Кіріспе

Экономикалық жүйенің өзгеруі экономиканың негізгі өндірістік субъекті - ұйымның іс-әрекетіне әсер етпей қоймайды. Сонымен қоса, шаруашылық механизімінің өзгеруінің негізгі субъектісі, экономика трансформациясының басты және қозғаушы күштерінің көзі ұйым болып табылады. Өтпелі кезеңнің бір ерекшелігі - ескі қағидалар өз күшін жоймаса да іске аспайды, ал жаңа экономикалық ережелер экономиканың басты факторларының ішінде басым орын ала алмайды. Бұл жағдай Республика Президентінің 2008 жылғы 28 ақпанындағы Қазақстан халқына Жолдауында ерекше айтылады: «Экономика біздің дамуымыздың басты басымдығы, ал экономикалық өсімнің барынша жоғары қарқынына қол жеткізу - негізгі міндетіміз болып қала береді. Біз бұған өз экономикамыздың бәсекелестік қабілетін арттыру арқылы, қол жеткіземіз». ҚР Президенті Н. Ә. Назарбаевтың 2009 жылғы 6 наурыздағы Қазақстан халқына жолдауында атап көрсеткендей: “Қазір бүкіл әлем жұртшылығы экономикалық дағдарыстың қиындықтарын бастан өткеруде. Жаһандық дағдарыс дауылы алпауыт мемлекеттерді де шайқалта бастағанын бәріңіз көріп, біліп отырсыздар. Біздің алдымызда дағдарыс салдарын еңсеру мен келесі экономикалық өсуге әзірлену жөнінде үлкен міндеттер тұр. Қазірдің өзінде біз қабылдағанның бәрі - бұл бүгінгі дағдарыс туындатқан ағымдағы проблемаларды шешу. Бізге өз дамуымыздың жаңа кезеңіне кіруге және біздің жетістіктерімізді еселеуге тура келеді. Ел дамуының жаңа кезеңінің табыстары көп ретте біздің іс - қимылымыз бен қабылдаған шешімдерімізге байланысты болады. Бізде қажетті ресурстар әлемдік дағдарыс қыспағына төтеп беретін тәжірибе бар. Бізде айқын дағдарысқа қарсы бағдарлама бар. Қойылған мақсаттардың бәріне қол жеткізуге болады”.

Нарықтық экономикада өнеркәсіптің тиімді еңбек етуі ұйым жұмысын дұрыс жоспарлауға байланысты болып келеді. Ұйымның негізгі жоспарларына: ұйымның даму жоспары, өндірістік бағдарлама, ұйымның даму жоспары жатады. Ағындық және перспективті жоспарлау жүзеге асатын, өмір сүруге қабілетті және ішкі, сыртқы орта өзгерістеріне бейім болуы тиіс. Нарықтық экономикада жоспарлау бұл - әртүрлі экономикалық ұйымдастырушылық, басқарушылық, әлеуметтік және қазіргі заманғы өндірістің даму дәрежесін сипаттайтын көптеген қызметтерді жүзеге асыру негізі болып саналады. Олардың өзара әрекет ету механизмі бір кешенді жоспар немесе оған жетуге сәйкес мақсаттар мен құралдың біртұтас жоспарлы жүйесін талап етеді.

Жұмыстың мақсаты - ұйымда тауардың бәсекеге қабілетін арттырудың теориялық және әдістемелік негізде «МАШСВАР» ЖШС мысалында ұйымның қызметі мен өнім сапасын талдау, сондай-ақ шет ел тәжірибелерінде өнім сапасын басқаруды жетілдіру бойынша ұсыныстар жасау. Осы мақсаттарға қол жеткізу үшін келесідей міндеттер қойылады:

• кәсіпорынның негізгі экономикалық көрсеткіштерін есептеу, оған талдау жасау.
• серіктестікке қысқаша сипаттама беру арқылы өндірістің басқарылуын талдау;
• «МАШСВАР» ЖШС-да қызметкерлерді басқару және маркетингті басқару ерекшеліктерін қарастыру;
• Қазақстан Республикасында отандық ұйым өнімінің бәсекеге қабілетін арттыру және оны басқару шарттарын қарастырдым.

Ұлттық экономикадағы нақты саланың дамуын қамтамасыз етуде, отандық өндірушілердің өнімдерін әлемдік нарықтың сұранысына сәйкестендіру бағытында атқарылатын іс-шаралардың тобына шығарылатын өнімдердің бәсекелік қабілетін қамтамасыз ету мәселесін жатқызуға болады. Қазіргі кезде өзекті болып отырған мемлекеттің экономикалық құрылыс өнімдерінің сапалылығын және бәсекеге қабілеттілігін қалыптастыру әрекеттері де сыртқы өндірушілердің ұқсас өнімдеріне төтеп бере алатын отандық өнімдердің өндірілуіне тәуелді.

Зерттеу объектісі болып құрылыс өнімдерін өндіруге маманданған «МАШСВАР» ЖШС табылады.

1 «МАШСВАР» ЖШС қызметінің сипаты және кәсіпорындағы басқарудың ұйымдық құрылымы

«МАШСВАР» ЖШС 2000 жылы құрылды. Серіктестіктің орналасқан мекен-жайы: 050034 Қазақстан Республикасы, Алматы қаласы, Розыбакиев көш., 208-А үй.

«МАШСВАР» ЖШС-да мынадай құрылыс жабдықтарын, атап айтқанда: құрылыс индустриясына арналған құралдар (арматураны кесетін станоктар, құрылыс материалдарын дайындауға арналған метал формалары және т. б. ) ; таулы аймақтарға арналған машиналар (тас өңдеуге қажетті станоктар, экскаваторлар және т. б. ) ; энергия саласына арналған (энергетика саласына қажетті бөлшектер, котельдік агрегаттар, құрылыс жабдықтарын шығарумен айналысады. Құрылыс өндірісінің ерекшеліктеріне, ең алдымен, технологиялық процестерді сипаттайтын көрсеткіштердің тұрақсыздығын жатқызуға болады. Мұндай тұрақсыздықтың басты себебі салынып жатқан объектінің айналасындағы құрылыс процестерінің үнемі қозғалыста болуы. Аталмыш процестердің тұрақсыздануына климат, технологиялық, ұйымдастыру, әлеуметтік және техникалық факторлар ықпал етеді. Өнеркәсіп салаларына қарағанда құрылыс өндірісінің атап айтар тағы бір ерекшелігі - құрылыс өнімінің қозғалмайтындығы. Оның айналасындағы құрылыс машиналары, механизімдері, құралдары мен техника-технологиялық жарақтары үнемі қозғалыста болады.

Құрылысқа қажетті станоктар, үлкен ауқымды габаритті бөлшектерді құрастыратын станоктар немесе арматура, котельдік агрегаттар, материал кесетін машина, бетон ұяшықтарын дайындауға арналған қалыптар қазіргі кезде сапалық қасиетімен өндірісте және азаматтық құрылыста кең қолданыс тапты. Ішкі және сыртқы құрылыста әкімшілік, саудалық және өндірістік ғимараттарға абсолютті өрттен қорғану қауіпсіздігінде, төменгі термоизоляцияға және жоғарғы температуралық ғимараттарда қолданылады.

«МАШСВАР» ЖШС құрылтайшының салымы негізінде құрылған және Қазақстан Республикасының заңы негізінде әрекет етеді, шағын кәсіпкерліктің субъектісі болып табылады.

Кәсіпорын қызметінің негізгі мақсаты болып мекемелер мен азаматтардың өнімдегі (жұмыстар мен қызметтердегі) қажеттіліктерін барынша толық әрі сапалы өтеу, келесі әрекет түрлерін жүзеге асыру барысында барынша жоғары табыс табу болып табылады. Кәсіпорын келесі қызмет түрлерін жүзеге асырады:

• тас өңдеуге қажетті станоктар;
• үлкен ауқымды габаритті бөлшектерді құрастыратын станоктар немесе арматура;
• құрылысқа қажетті станоктар; материал кесетін машина;
• тұрмыстық қызмет көрсету саласындағы қызметтер;
• коммерциялық, сыртқы экономикалық қызмет;
• көтерме, бөлшек және комиссиялық сауданы ұйымдастыру; транспорттық қызметті ұсыну;
• делдалдық қызмет; импорт-экспорттық қызмет; дүкендер, супермаркеттер, сауда орындары мен сауда үйлерінің жүйесін ұйымдастыру;
• құрылыс, жөндеу-құрылыс, құрастыру, қалпына келтіру жұмыстарын жүзеге асыру;
• құрылыс материалдары мен құрылымдарды өндіріп, сату;

Кәсіпорын өз қызметін толық шаруашылық есеп негізінде жүзеге асырады. Өз атынан келісімшарттар жасайды, мүлікті және мүлікті емес құқықтар мен міндеттемелерге ие болады, сот орындарында даушы әрі жауап беруші болады.

Құрылыс өндірісінің материалдық саланың өзге өндірістеріне қарағандағы ерекшелігі ретінде соңғы құрылыс өнімінің өндірісіне әртүрлі ұғымдардың бір мезгілде қатысатындығын айтуға болады. Құрылыс өндірісінің процесінде, әдетте, инвестор, тапырыс беруші, жобалаушы және мердігерлік құрылыс ұйымдары қатысады. Орындалатын құрылыс жұмыстарының сан қырлылығы құрылыс ұйымдарының сәйкесінше мамандануын талап етеді. Маманданған ұйымдар тапсырылған жұмыстың жылдам әрі сапалы орындалуына ықпалын тигізеді. Алайда, жан-жақты қарым-қатынастар мен шарушылық байланыстар өндірістік шығындарды жоспарлау мен есепке алуда қиындықтар туғызады. Өйткені, әрбір құрылыс-монтаж ұйымдары құрылыс объектісінің өздері жасаған конструктивті бөліктерін жеке тапсырады, сондықтан олардың орындаған жұмыстарында туындайтын ауытқулар қосымша шығындардың пайда болуына әкелуі мүмкін.

Нарық экономика жағдайында ұйымның тиімді жұмысының негізінде тұтынушылар қажеттілігі немесе нарықтық бағыт жатыр. Сондықтан да ұйымның жаңа өндірістік бағдарламасын жасағанда ерекше бір бағыт ұстануы қажет. Тиімді технологияны іске қосып, өндірісті жүзеге асырғанда ұйымға жоғарғы табыс әкелетін, оның таңдалған тауарлық саясаты мен стратегиясына сәйкес тұтынушылардың қажеттілігін қанағаттандыратын өнімді өндіру жоспары алға шығады. Технологиялық үрдістің сапасы оның жаңалық енгізу қабілеттілігімен сипатталады. Ол техника-технологиялық сипаттар жағынан сондай-ақ экономикалық көрсеткіштер жүйесі тұрғысынан бағаланады. Көп қолданып жүрген техника-экономикалық және функционалдық-құндық әдістерді талдау техника мен экономикалық көрсеткіштер арасындағы тәуелділікті көрсетеді.

Нарықтық экономика жағдайында «МАШСВАР» ЖШС-ның ұйымдық құрылымын талдаудың мазмұны мен маңызы зор болып табылады. Бұл ұйымдардың меншік иесі, жұмыскерлері, коммерциялық және басқа да тұлғалар алдында кәсіпкерлік қызметінің нәтижесіне толық жауап берушілік алатынына байланысты. Шаруашылық субьектілердің ұйымдық құрылымының қызметін талдаудың көмегімен кәсіпкерлік қызметінің жоспары жасалады, ұйымның даму қорлары анықталып, бөлімшелерінің, жұмысшыларының қызметтерінің нәтижесі бағаланады.

Сурет 1 - «МАШСВАР» ЖШС ұйымдық басқару құрылымы.

«МАШСВАР» ЖШС технологиялық мүмкіндіктері келесілер болып табылады:

• 750 кг салмаққа дейінгі болат, чугун құймаларын дайындау;
• 50 кг салмаққа дейінгі түсті металдардан құймалар дайындау;
• токарлық, фрезерлік, шлифовальдық станоктарында өнімдерінің өңделуі;
• сварка жұмыстары: электрлі, аргонды сварка және металды газ арқылы кесу;
• су жылытатын котелдерді және т. б. дайындау;
• термикалық әдіспен металды өңдеу;
• жобалық конструкторлық жұмыстарды орындау.

2 «МАШСВАР» ЖШС-нің негізгі экономикалық көрсеткіштерін талдау

Қазіргі нарықтық экономика жағдайындағы кез-келген жұмыс істейтін ұйым өз қызметі барысында өнім өндіру, оны өткізуді бірнеше жылдарға маркетинг стратегия бойынша алдын-ала болжауы шарт. Ол ұзақ мерзімдік жоспарлардың бағыттарын жүзеге асырудың бірден-бір жолы. Өндірістік тиімділікті анықтау барысы көбінесе нарық сұранысына тәуелді, сонымен бірге мемлекеттік тапсырыстар, мемлекеттің саясаты тағы әсер ететіні айғақ.

Ұйым шығыны өнім көлемі мен оны өткізу көлемі теңескен жағдайда, өнім көлемі және өндірістің оң тиімді деңгейі анықталады. Ұйымның өнім өндіру құрылымының өзгеруі көптеген экономикалық көрсеткіштерді өзгертеді, яғни рентабельділік, таза табыс, құндық түрдегі өндірілген өнім көлемі, материал сыйымдылық және т. б.

Кез келген ұйым өнім өндіргенде шикізат пен материалдарды, ресурстарды неғұрлым аз пайдаланып, соғұрлым өзіндік құны аз өнім алуға тырысады. Оған жетудің бірден-бір жолы ол жоғары технология мен техниканы, қолда бар материалдық ресурстарды тиімді пайдалана отырып, өнім өндіру, бір ескертетініміз шикізатты аз пайдалануымыз қажет деп, өнім сапасын әсте естен шығармауымыз қажет. Осының нәтижесінде өндіріс факторларын тиімді үйлестіре отырып, өндірілген өнім бәсекеге қабілеттілікке қол жеткізеді.

Сондықтан кәсіпорынның технико-экономикалық көрсеткіштерін талдау өте маңызды. Төменде көрсетiлген 1-кестедегi көрсеткiштерге талдау жасап көрейiк.

Қазіргі нарықтық экономика жағдайындағы кез-келген жұмыс істейтін кәсіпорын өз қызметі барысында өнім өндіру, оны өткізуді бірнеше жылдарға маркетинг стратегия бойынша алдын-ала болжауы шарт. Ол ұзақ мерзімдік жоспарлардың бағыттарын жүзеге асырудың бірден-бір жолы. Өндірістік тиімділікті анықтау барысы көбінесе нарық сұранысына тәуелді, сонымен бірге мемлекеттік тапсырыстар, мемлекеттің саясаты тағы әсер ететіні айғақ.

Кесте 1 - «МАШСВАР» ЖШС қызметінің негізгі технико-экономикалық көрсеткіштері

Кесте 1 жалғасы

Жоғарыдағы кесте мәліметтері бойынша, кәсіпорынның табысы 2009 жылы 2007 жылмен салыстырғанда 117, 2 %-ға ұлғайған. Кәсіпорын табысының ұлғаюына біріншіден, өндірілген өнім көлемінің осы уақыт аралығында 26 %-ға өсуі, екіншіден, өнімнің өзіндік құнының небәрі 5 %-ға ғана ұлғаюы әсер еткен. Жалпы табыстың ұлғаюы өндіріс рентабельдігінің талданып отырған кезең аралығында 72, 7 %-ға жоғарылауына әкелді.

Бір жұмысшыға шаққандағы еңбек өнімділігі де 2009 жылы 2007 жылмен салыстыырғанда 23, 6 %-ға өскендігі байқалады. Кестеде көрсетілгендей, оған жұмысшылар санының 1, 9 %-ға өсуі және жалпы өндірілген өнім көлемінің сомасының ұлғаюы себеп болды. Жұмысшылардың еңбекақы қоры да осы кезең аралығында 3, 4 %-ға көбейген, бұл жұмысшылар санының көбеюіне байланысты орын алған. Ал бір жұмысшының орта есептік айлық жалақы мөлшері 3, 4 %-ға ғана ұлғайған.

Қор қайтарымдылығы негізгі құралдардың қолданылу тиімділігін көрсетеді және өндірілген өнім көлемі мен негізгі құралдардың орташа қалдығының сомасына қатынасы арқылы анықталады. Кестеде көрсетілгендей, бұл көрсеткіш 2009 жылы 2007 жылмен салыстырғанда 1, 9 %-ға артқан, бұл кәсіпорынның негізгі құралдарын пайдалану тиімділігі артқандығын көрсетеді. Қор сыйымдылығы қор қайтарымдылығына кері көрсеткіш болып табылады, оны керісінще есептейді, яғни негізгі құралдардың орташа қалдық құнын өндірілген өнім көлеміне бөледі. 2009 жылы бұл көрсеткіш 0, 09-ды құрады және кестеде көрсетілгендей, алдыңғы жылдармен салыстырғанда аса өзгере қоймаған.

Қормен қарулану жұмысшылардың негізгі құралдармен қамтамасыз етілу деңгейінің қаншалықты көрсетеді және негізгі құралдардың орташа қалдық құны мен жұмысшылардың орта есептік саны арасындағы қатынас ретінде анықталады. Кестеге назар аудара алатын болсақ, қормен қарулану деңгейі 2009 жылы 2007 жылмен салыстырғанда 21, 4 %-ға өскен. Бұл негізінен, жұмысшылар санының қысқаруы, негізгі құралдардың орташа құнының талданып отырылған кезеңде 23, 7 %-ға өсуі есебінен болып отыр.

Жалпы алғанда кәсіпорын қызметін табысты деп айтуға болады, жұмысшылар санының аздығына қарамастан, еңбек өнімділігі де жоғары. Бұл кәсіпорындағы еңбектің автоматтандырылуы мен тиімді механизациялануы есебінен болды.

Өндіріс процесінің ұзақтығы және құрылыс технологиясы жұмыстардың арнайы бір кезекпен орындала отырып, құрылыс өнімінің техникалық дайындығының ақырындап өсуіне әкеледі бұл өз кезегінде аяқталмаған өндіріс көлемінің ұлғаюына, сондай-ақ құрылыс объектілеріне алынған айналым қаражаттарының мөлшерінің молаюуына ықпал етеді. Осыған сйкес құрылыс өнімнің өзіндік құнынын қалыптасу процесі де ұзақ уақытқа озылып, шығын мөлшерінің біртіндеп көбеюіне әкеліп соғады. Тағы бір айта кетер жайт, құрылыс объектісіндегі жұмыстардың әрбір түріне жұмсалатын шығындардың құрылымы мен құрамы тіпті сол объектінің бір өзінде ғана әр түрлі айырмашылықтарға тол болады. Егер материал сыйымдылығы жоғар құрылыс-монтаж жұмыстарына жұмсалатын шығындардың құрылымындағы мол үлесті материалдар, конструкциялар мен тетіктер алатын болса, қол жұмыстарын талап ететін, соған сәйкес еңбек-сыйымдылығы да жоғары әрлеу жұмыстарында өндірістік жұмысшылардың негізгі жалақысына шығындардың үлесі көп болады.

Кез келген кәсіпорын өнім өндіргенде шикізат пен материалдарды, ресурстарды неғұрлым аз пайдаланып, соғұрлым өзіндік құны аз өнім алуға тырысады. Оған жетудің бірден-бір жолы ол жоғары технология мен техниканы, қолда бар материалдық ресурстарды тиімді пайдалана отырып, өнім өндіру, бір ескертетініміз шикізатты аз пайдалануымыз қажет деп, өнім сапасын әсте естен шығармауымыз қажет. Осының нәтижесінде өндіріс факторларын тиімді үйлестіре отырып, өндірілген өнім бәсекеге қабілеттілікке қол жеткізеді.

Ұйымның тиімді қызмет жасауы - қаржылық нәтижесі көрсеткіштерін сапалы талдап, келешекке жоспар жасауға тікелей байланысты. Ұйымның қаржылық талдау сапасы қолданатын әдіс - тәсілдер мен талдау деректерінің нақтылығына тәуелді. Қаржылық талдау - шаруашылық жүргізуші субъектілердің қаржылық жағдайын бағалау, қаржылық тұрақтылығын, ресурстарын тиімді пайдалануын, белсенділік коэффициентін анықтауға және басқа да мақсаттарда жүргізіледі.

Қаржылық талдаудың негізгі мақсаттары болып:

• ұйым және оның құрылымдық бөлімдерінің қаржылық жағдайын бағалау үшін көрсеткіштер жүйесін жасау;
• ұйымның жалпы және нақты жағдайын объективті бағалау;
• көптеген көрсеткіштер бойынша анықталған ауытқуларға әсер ететін факторларды анықтау;
• қаржылық жағдайын болашағына болжау жасау;
• ұйымның қаржылық жағдайын жақсартуға басқару шешімдерін дайындап негіздеу болып табылады.

Төмендегі 2-кестеде 2008 жыл мен 2009 жылды салыстырғандағы қаржылық жағдайының ауытқуларын, пайызын анықтаймыз.

Кесте 2 - «МАШСВАР» ЖШС-нің қаржылық жағдайын талдау

Тәуелсіздік коэффициенті 2008 жыл мен 2009 жылды салыстырғанда 0, 51 немесе 221 пайызға өскенін көре аламыз.

Тәуелділік коэффициенті 2008 жыл 2009 жылды салыстырғанда 0, 05 немесе 8 пайызға кеміген. Қарыз және меншікті капиталдың арақатынасы коэффициенті 2008 жыл мен 2009 жылды салыстырғанда 1, 33 немесе 4 пайызға кеміген. Инвестицияларды жабу коэффициенті 2008 жыл мен 2009 жылды салыстыра отырып 0, 52 немесе 224 пайызға өсті.

Ал инвестициялық коэффициенті 2008 жыл мен 2009 жылды салыстырғанда 0, 27 немесе 137 пайызға өскен. Меншікті айналым капиталы 2008 жыл мен 2009 жылды салыстырғанда 0, 34 немесе 153 пайызға өскенін көріп отырмыз.

Жалпы өтімділік коэффициенті өтімді құралдар жедел және қысқа мерзімді міндеттемелерінің сомасын өтейтінін белгілеуге мүмкіндік береді және сонымен баланс құрылымының тұрақтылық дәрежесін ғана емес, ұйымның қысқа мерзімді қарыздары бойынша тез есептесе алу қабілеттілігін дәлелдейді. Келесі 3-кестеде «МАШСВАР» ЖШС-нің 2008 жыл мен 2009 жылды салыстырпы, ұйымның өтімділігін бағалаймыз. Жалпы өтімділік коэффициенті 2008 жыл мен 2009 жылды салыстырғанда -0, 02 немесе 91 пайызға кемігенін көреміз.

Ағымдылық коэффициенті 2008 жыл мен 2009 жылды салыстырғанда 0, 34 немесе 157 пайызға өскен. Тез өтімділік коэффициенті 2008 жыл мен 2009 жылды салыстырғанда -0, 04 немес 86 пайызға кеміген. Абсолютті өтімділік коэффициенті 2008 жыл мен 2009 жылды салыстырғанда -0, 19 немес 9 пайызға кемір отыр, Тауарлы материалды қорлардың ағымдық активтеріндеріндегі үлесі 2008 жыл мен 2009 жылды салыстырғанда 0, 17 немесе 135 пайызға өскенін көре аламыз.

Кесте 3 - Ұйымның өтімділігін бағалау

Әдетте, кәсіпорындар кезеңдегі және жылдық бухгалтерлік есеп беру көрсеткіштеріне сүйене, ағымдық талдау жасайды. «МАШСВАР» ЖШС-нің кезеңдік бухгалтерлік баланс көрсеткіштеріне талдау жүргізе нақты жағдайын көруге болады. Компанияның қаржылық жағдайы қалыпты өндірістік және коммерциялық қызметті жүргізу үшін қажетті қаржы ресурстарымен қамтамасыз етілгендігімен, қаражаттарды орналастырудың және қолданудың тиімділігімен, басқа да субъектілермен қалыпты қаржылық қатынастарымен, төлем қабілеттілігімен және қаржылық тұрақтылығымен сипатталады. Табыстарды, шығындарды және басқа да қаржылық көрсеткіштерді талдау компанияның қаржылық есебінің (бухгалтерлік баланс, табыстар мен шығындар туралы есеп, ақша қаражаттарының қозғалысы туралы есеп), салықтық және статистикалық есептердің және басқа да құжаттардың негізінде жүргізілген.

3 «МАШСВАР» ЖШС-де персоналды басқару

Бұл ұйымда басқару функциялары басқару аппараты арқылы жүзеге асады, яғни оның құрамына инженер, экономист, техниктер, қызметкерлер кіреді. Олар келесідей функсияларды орындайды.

- ұйымға жалпы жетекшілік ету

- жөндеу және энергетикалық қызмет көрсету

-техника-экономикалық жоспарлау, ұйымдастыру және еңбекті нормалау

- дайын өнім және шикізат сапасын бақылау

- материалды - техникалық жабдықтау

- дайын өнімді өткізу

- жалпы іс қағаздары

Басқару моделін таңдауды анықтайтын факторлар ішінен келесілерді бөліп көрсету болады: ұйым көлемін, өнім сипатын және олар әрекет ететін орта табиғатын.

Мамандар мен қызметкерлер ұйым жетекшілерін қажетті ақпаратпен қамтаматсыз ететін функционалды бөлімдерге біріккен.

Басқару аппараты өндіріске өндірістік проценті ұйымдастыру, жөндеу және энергиямен жабдықтау, техникалық-экономикалық жоспарлау жүйелері арқылы әсер етеді.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс