Әлеуметтік мемлекетінің негізгі белгілері

Билік пен азаматтық қоғамның ортақ мін¬деті әлеуметтік мемлекет құру, елдің эко¬номикалық басып оза дамуын ынталандыру және азаматтардың әл-ауқатын арттыру мақсатында әлеуметтік саясаттың тиімділігін арттыру болып табылады.
Азаматтардың Конституцияда кепілдік берілген әлеуметтік-экономикалық құқықта¬рын іске асыруды қамтамасыз ететін мемле¬кеттік нормалар мен нормативтер белгілеуге бейімделген және сонымен бір мезгілде мем¬лекеттің әлеуметтік-экономикалық саяса¬тын жүзеге асыру үшін бағдарлық қызмет атқа¬ратын өмір сүру сапасының ұлттық стандар-тын әзірлеу және практикаға енгізу қажет.
Ұлттық стандарт мынадай бөлімдерді қамтуға тиіс: еңбекақы төлеу, зейнетақымен қамсыздандыру, әлеуметтік сақтандыру және халыққа әлеуметтік қызмет көрсету, меди¬циналық қызмет көрсету стандарты, тұтыну себеті, білім беру қызметтерінің стандарты, отбасын әлеуметтік қолдау стандарттары, азаматтың жалпы және ақпараттық мәдение¬т¬інің стандарттары, экологиялық мәдениет стандарттары, халықты тұрғын үймен, ком¬муналдық және тұрмыстық қызметтермен қамтамасыз ету стандарттары.
Тәуелсіздік жылдары жинақталған ресурстық әлеует, бюджет мүмкіндіктері мен республиканың экономикасындағы оң үрдістер базасында Қазақстанның өмір сүру сапасының ұлттық стандартының барлық көрсеткіштерін Тәуелсіз Мемлекеттер Дос¬тас¬тығының барлық елдері арасында неғұр¬лым жоғары етудің және Қазақстан Респуб-ликасының әлемдегі бәсекеге барынша қабілетті елу елдің қатарына кіруін қамта¬масыз етуге толық мүмкіндік бар.