Жеңіл өнеркәсіптің ауыр жүгі

Текстильдік өнеркәсіп бүгінгі күні әлемдік рейтингта тиімділігі бойынша үшінші орында тұр – туризм мен ақпараттық технологиялардан кейін. Бірақ та, Қазақстанда экономиканың бұл секторы тоқырауда тұр. Отандық жеңіл өнеркәсіп мемлекеттің көмегін қажет ететіндігін сөзсіз атуға болады. Соның ішінде тұтынушыларды да айту керек. Біздің оқырмандарды басқа нәрсе қызықтырады: отандық тігіншілер, аяқ киім жөндеушілер, текстильщиктер қытай фабриканттарымен бәсекеге түсе алады ма?

Қытай vs. Қазақстан: бәсекелестік мүмкін бе?
Бұл мәселе бойынша Қазақстанның жеңіл өнеркәсіп кәсіпорындарының Ассоциациясының төрағасы Любовь Худова былай деп ойлайды:
- Егер де отандық тігіншілерге, аяқ киім жөндеушілерге, текстильщиктерге импорттаушылармен бәсекелестікте теңдей шарттар берсе, онда жеңіл және текстильдік өнеркәсіп - қазынаға табыстардың жоғары бөлігін алып келетін экономиканың маңызды секторлары бола алатын еді. Бірақ та, бүгінгі күні мұндай жағдай жоқ және отандық жеңіл өнеркәсіптегі жағдай күрделі болып отыр. Жеңіл өнеркәсіптегі тұтыну тауарларының спектіріндегі отандық өнімнің бөлігі бүгінгі күні 10%-дан аспайды, - деп түсіндіреді Любовь Николаевна. – Үш жылғы өсімнен кейін (1999 жылы – 14,7%-ға, 2000 жылы – екі еседен көпке, 2001 жылы – 14,8%-ға) 2002 жылы өнімді шығару 1,4%-ға, 2003 жылы -4,3%-ға азайды. 2003 жылы жеңіл өнеркәсіптің бөлігі 13,2 есеге қысқарды. Егер де 1991 жылы сала 24,5% рентабельділік және табыс деңгейімен жұмыс істесе, соңғы жылдары шығынды болып қалды.