Банктік қызмет көрсету департаменті

Банктік қызмет көрсету Департаменті ЕБ «КЗИ-Банк» АҚ -ң құрылымдық бөлімшесі болып табылады. Департамент өз қызметін Қазақстан Республикасының заңдарына, ҚР ҰБ нормативті актілеріне және Банк жарғысына, ішкі ережелеріне сүйене жұмыс жасайды.
Департамент құрылымы мен жұмыскерлер саны Банктің штат кестесімен анықталады.
Департаментке Департамент басшысы басшылық етеді, ал Департамент басшысы болмаған жағдайда оның орынбасары атқарады. Департамент басшысын Банк басқармасының төрағасы тағайындай алады және қойылған талаптарға сәйкес қызметтен босата алады.
Банктік қызмет көрсету Департаментінің негізгі қызметі – Банк клиенттеріне есепті-кассалық қызмет көрсету болып табылады.
Банктің есеп айырысу-кассалық операциялары мынадай түрлерге бөлінеді:
 заңды тұлғалардың және жеке тұлғалардың депозиттерін қабылдау, банктік шоттарын ашу және жүргізу;
 ұлттық немесе шетел валютасында аударым операциялары: заңды және жеке тұлғалардың ақшаны аударумен байланысты тапсырмаларын орындау;
 алдағы уақытта валюталау күні қойылуға тиісті, валютадағы аударым операциялары;
 төлемнің шартын өзгерту не қайтару;
 валюталық операцияларға бақылау жасау;
 шоттың архивін беру.
Негізгі қызметіне сәйкес Департамент келесі функцияларды атқарады:
 дәл және уақытылы клиенттердің талаптары бойынша төлем жасау;
 бугалтерлік есеп пен есептемеде ағымдағы операциялардың уақытылы және толық көрсетілуіне күнделікті бақылау жасау;
 поштамен жіберілетін төлем құжаттарын рәсімдеу, басқа банктерден түскен төлем құжаттарын өңдеу;
 ҚР ҰБ-гі корреспонденттік шот жағдайына бақылау жасау;
 Банктің сыртқа төленген төлемдеріне соңғы бақылау;
 Банктің айырбастау пунктінің есебі;
 күнделікті рәсімделген құжат айналымын қамтамасыз ету және банк архивіне өткізілгенге дейінгі оның сақталуын қамтамасыз ету;
 Департамент компетенциясына қатысты барлық есептерді дайындау;
 Банк клиенттеріне есепті-кассалық қызмет бойынша сұрақтарына кеңес беру;
 клиенттерді тарту бойынша жұмыстар өткізу.