Қазақстан Республикасы банктердегі жарнама ролін жетілдіру

Қазіргі заманғы несие мекемелерінің жұмыс тиімділігі болашақта табылар пайда мен ұрынатын шығынды мүмкіндігінше дәл болжаумен тығыз байланысты. Себебі, бүгінгі банк рыногы қайсыбір несие мекемелері ұсынатын банк өнімдері ғана емес, сондай-ақ сол өнімдерді өткізу жоспарлары, банк институттарының ақпарат тақтасынан дұрыс тұжырым жасап, оңтайлы шешім қабылдау қабілеті тайталасқа түсетін сынақ алаңы болып табылады. Өйткені, жоспарлай элементтері кез-келген ұйымның қызметіне тән белгілердің бірі /38/. Бұл пікір ағымдағы жоспарлауға ғана емес, перспективалық жоспарлауға да қатысты, банк қызметінің табысты болуы жоспардың сапасына тәуелді.
Тоталитарлық шаруашылық билігін бастан кешірген елдердің бәрінде дерлік жоспарға деген жағымсыз көзқарастың үстем болғаны шындық. Ұсақ-түйекке дейін қатаң жоспарланатын жүйе қыспағынан құтылғаннан кейін еркіншілікке, іс-қимыл бостандығына бас қою түсінікті нәрсе. Алайда, ақиқат әдетте жуан ортада жатады. Тәуелсіз Қазақстанның соңғы жылдардағы тәжірибесі көрсетіп отырғандай, жоспарлау қажет, алайда ол қасаң қағида ретінде қабылданбауға тиіс. Жоспарсыз банк ұйымының ішкі тіршілігін қажетті арнаға түсіріп отыру қиынға түседі, жұмыстың түрлі бағыттарын қатар алып жүргенде қайсібірінің ақсауы ықтимал, істелетін істің барысын бақылапотыру мүмкіндігі кемиді.
Банк жұмысының тиімділігін басқарудың бірден-бір ұтымды құралы – стратегиялық жоспарлаубанк қызметін стратегиялық басқарудың құрамдас бөлігі болып табылады. Ұзақ мерзімге бағытталған мақсаттарды белгілеп, оларға қол жеткізу жолдары көрсетілетін ағымдағы қызмет жоспарларын жасау оның негізгі міндетіне жатады. Әдетте банктің стратегиялық жоспарында мыналар көрініс табады:
Бастапқы жағдай және банк жұмыс әстейтін ортаға баға беру;
Қаржының бөлінуіне әсер ететін рыноктың басымдықтары;
Банктің күшті сондай-ақ әлсіз тұстарын, мүмкіндіктері мен тосын қауіптерді бағамдау;