Қонақ үй қызметтері нарығының мәні және артықшылықтары

Мазмұны

НОРМАТИВТІК СІЛТЕМЕЛЕР

1. ҚР 2004-2007 ж. ж статистикалық жинағы.
2. Туризм в Республике Казахстан в 2001г. / статистический сборник / Агентство РК по статистике Смаилова А. А. 2002г. - 104 с.

АНЫҚТАМАЛАР

1. Қонақ үй - қызметтерді (қонақүй өнімін) өндіруге және көрсетуге арналған, күрделі шаруашылық және мүліктік кешен.
2. Сапа - әрбір кәсіпорын ұсынатын қызметке кепілдеме.
3. Брондау - қонақ үйдегі номерлер мен орындары алдын ала тапсырыс беру
4. Вестибюль бұл - қонақ үйдің өте жауапты және маңызды бөлімдерінің бірі.

ҚЫСҚАРТЫЛҒАН СӨЗДЕР

ҚР - Қазақстан Республикасы

АҚШ- Америка қүрама штаттары

BTA- «British Travel Authority» Ұлыбританиялық турагенттік Ассоциация ұсынған жіктеу

TQM - сапаны басқаруға бағытталған стандарттар

BS - Негізгі қызмет

D1, D2, D3 - қосымша қызмет

CP: - қызмет құрлымы

MS: - әлеуметтік көмек

КІРІСПЕ

Тақырыптың өзектілігі: Бүгінгі таңда қонақ үй туризмнің маңызды саласының бөлігі болып саналатын қонақжайлық өнеркәсібінің құрамды бөлігі болып табылады. Қонақ үй қызмет көрсетулерін өндіру мен тұтынуда сапа аса үлкен маңызға ие болады. Сапалы қызмет көрсетусіз қонақ үй өзінің мақсат-мүдделеріне жете алмайды. Сонымен қатар орналастыру құралдарын категориялау мәселесі сапаны басқару көзқарасы тұрғысынан аса маңызды мәселелердің бірі болып табылады. Осыған орай дүниежүзілік тәжірибеде орналастыру құралдарын категориялау мәселесін шешуде бірнеше бағыт белгіленген. Қонақ үй бизнесін басқаруда маңызды мәселелердің бірі болып кадрлар мәселесі табылады. Қонақ үй қызмет көрсетуінде қызметкерлердің мәдени түрде қызмет көрсете білуі адам рерсурсының маңыздылығын растайды.

Қонақ үй кәсіпорындарының сауатты басшылығының байқауынша тұтынушылардың қатынасы көп жағдайда қызметкерлердің көңіл күйіне байланысты болады екен. Олар ішкі маркетингті жүргізіп, жоғары сапалы қызмет көрсеткені үшін қызметкерлерді марапаттау мен оларды қолдау жүйелерін жасап шығарады. Сонымен қатар түрлі зерттеулердің көрсетуінше үлгілі қонақ үй стратегиялық жоспарлау жүйесінің бар болуымен, басшылықтың қызмет көрсету сапасын өсіруге ұмтылуымен, тұтынушылардың арыздарын қанағаттандыру жүйесін қамтумен сипатталады.

Жұмыстың мақсаты: «Ақжайық» қонақ үйі іс-әрекетін талдау негізінде сервистік іс-әрекетті жақсарту бойынша ұсыныстар дайындау.

Қойылған мақсат негізінде жұмыста келесі міндеттер орындалған:

• орналастыру орындарының жіктелуі қарастырылған;
• қонақүй бизнесінің дамуындағы қызметтер сапасының орны мен рөлі белгіленген;
• негізгі бөлімшелердің қызметтерінің сипаттамасы берілген;
• «Ақжайық» қонақүйінің дамуының негізгі болашағы көрсетілген.

Жұмыстың жаңалығы: Берілген жұмыста қонақ үй қызметін жетілдіру, ондағы өзіндік ерекшеліктерге талдау, дүниежүзілік тәжірибеде әлі де өз шешімін таба қоймаған орналастыру құралдарын категориялау мәселесі қарастырылады. Және де атаулы еңбекте басты назар қонақ үй бизнесін басқарудағы қызметкерлерді басқару мәселесіне аударылып, атаулы бизнес түрін осы саланы дамыту арқылы көтеруге көңіл бөлінген.

Негізгі дерек көздер : Жұмыстың негізгі дерек көздері ретінде бүгінгі таңға дейін қонақ үй бизнесін басқарудағы шетелдік, отандық тәжірибелердің көрсеткіштеріне негізделген түрлі әдістемелік нұсқаулар, қонақ үй әкімшілігінің құжаттары, оқулықтар, газет-журналдар, басқа да мәліметтік ақпараттар алынды.

Жұмыста қонақ үй индустриясының дамуы туралы мәліметтер берілген, қонақүй типтес орналастыру орындарының жіктемесі және оларды басқару құрылымы келтірілген, қонақтарды қабылдау және оларға қызмет көрсету технологиялары қарастырылған, номерлерді дайындаудағы шарттар, қосымша қызметтерді ұсыну ережелері аталған.

Қонақ үй шаруашылығы кәсіпорындарын басқару үрдісінде пайда болатын экономикалық қатынастардың жиынтығы зерттеу пәні болып табылады.

Зерттеу объектісі ретінде «Ақжайық» шағын қонақ үйі алынды.

Жұмыстың құрылымы : Берілген диплом жұмысы кіріспе бөлімнен, үш тараудан, қорытынды бөлімнен, әдебиеттер тізімінен тұрады.

1. ҚОНАҚ ҮЙ ҚЫЗМЕТТЕРІ НАРЫҒЫНЫҢ МӘНІ ЖӘНЕ АРТЫҚШЫЛЫҚТАРЫ

1. 1 Орналастыру орындарының жіктелуі

Қонақ үй индустриясы әлемдік экономиканың маңызды саласы болып табылады. Кейінгі бірнеше жылда туризм жылдам дамып келе жатыр және халықтың барлық қабатына қол жетімді болып табылады. Туризмнің дамуымен қатар туристердің саны да артып келеді. Бұл қонақүй сервисінің негізгі компоненті оның инфрақұрылымының дамуына да өз әсерін тигізді.

XXI ғасыр басында туристік қонақүй бизнесі экономикалық тиімділігі бойынша дүниежүзінде әлемдік сауданы басып озып, бірінші орныға шықты.

Бұл жұмыста жалпы қонақүй бизнесінің даму барысы, оның негізгі түсініктері, мақсаты мен мінедеттері, ұйымдастыру құрылымы мен басқару жүйесі қарастырылған, сонымен қатар әлемдік қонақүй кешеніндегі қызмет көрсетуші персонал мен ұйымдастырушылық және басқарушылық құрылымы көрсетілген.

Қонақ үй - қызметтерді (қонақүй өнімін) өндіруге және көрсетуге арналған, күрделі шаруашылық және мүліктік кешен.

Туристерді орналастыру орындары туристерге дүркін-дүркін және үнемі түнеу орнын ұсынатын кез келген объект болып табылады. Қосымша қызмет ретінде келесілер қабылданды:

• түнеу орындарының жалпы саны белгілі минимумнан асады;
• орналастыру объектісінің басшысы болады;
• объектіні басқару коммерциялық негізде салынады.

Қонақ үйлердің екі негізгі тобы бөлінеді: әрдайым және уақытша тұруға арналған, өз кезегінде олар келесідей бөлінеді: қысқа уақыт тоқтау шартында кез келген контингентке қызмет көрсететін, транзиттік қонақүйлер; іс-сапарлардағы тұлғаларға қызмет көрсететін іскер бағыттағы қонақүйлер; демалысқа арналған қонақ үйлер, яғни туристік, курорттық және т. б.

Негізінен барлық орналастыру орындары екі категорияда ұсынылады - коллективті және индивидуалды. Коллективті орналастыру орындарына қонақүйлер және ұқсас мекемелер, маманданған мекемелер, туристерді коллективті орналастыру орындарының өзгелері кіреді.

Қонақ үйдің негізгі нышандарының ішінен, ең алдымен, номерлердің болуын атап өту керек. Басқару ерекшеліктеріне байланысты қонақ үйлер жекешеленге кәсіпорын болуы немесе қонақүй желісін құруы мүмкін. Дамыған қонақүй желілеріне мысал ретінде Аккар (Франция) қонақ үйлерін, Холидей Иннді (АҚШ), Фортені (Ұлыбритания), Шератонды (АҚШ) жатқызуға болады. Қонақүйлер номерді тазалау, төсек орнын күнделікті жинау және санитарлық торапты тазалау сияқты міндетті қызметтерді және сондай-ақ қосымша қызметтердің кең номенклатурасын көрсетеді. Туристерді орналастыру орындарының стандартты классификациясын 1-кестеден көруге болады.

Кесте 1- Туристерді орналастыру орындарының стандартты жіктелуі

Берліген кестеден туристерді орналастыру орындарының қандай түрлері және қандай мекемелер бар екенін көруге болады. Туристерді коллективті және индивидуалды орналастыру орындары анық көрсетілген [2] .

Нақты құрал-жабдықтарына және көрсетілетін қызметтер ерекшеліктеріне байланысты қонақүйлер кең профильді қонақүйлер, пәтер тектес қонақүйлер, мотельдер, жол бойындағы қонақүйлер, курорттық қонақүйлер, тұрғылықты орыны бар клубтар және т. б. болып бөлінеді.

Қонақ үйге ұқсас мекемелер топтарының нөмерлік қорлары болады және міндетті қызметтер тізімін ұсынады. Оларға пансиондар, жабдықталған бөлмелер, туристік жатақханалар және т. б. жатады.

Маманданған мекемелер де (бір басшысы бар) туристерге қызмет көрсетуге арналған. Олар тұрғын үйлер, коллективті жататын бөлме, алаң болуы мүмкін. Туристерге түнеу орындарын ұсынудан бөлек мекеме басқа да қызмет түрлерімен айналысуы мүмкін. Мұндай маманданған мекемелерге мысал ретінде сауықтыру мекемелерін (курорттар, санаторийлер және т. с. с. ), лагерлерді, қоғамдық транспорт түрлеріндегі, конгресс-орталықтарындағы орналастыру орындарын атап өтуге болады.

Сауықтыру орындарында, курорттарда түнеу орындарын ұсыну негізгі болып табылмайды. Ең алдымен, ауырудың алдын алу және емдеу қажет. Адам ағзасына материалды және рухани әсер етуге демалу мен жұмыс істеудің әдетті шарттарын жою, келушілерді жаңа әсермен байыту кіреді. Сауықтырумен қатар тамақтандыру, демалыс, дене шынықтыру, тұрмыс және де келушілердің түнеуі ұйымдастырылады. Коллективті орналастыру орындарының өзгелеріне, ең алдымен, демалысқа арналған тұрғын үйлер жатады. Орналастыру орындарының бұл тобына мысал ретінде пәтер тектес қонақүйлерді, үй кешендерін және бунглоларды атап өтуге болады. Бұл ғимараттар біркелкі басқарылады, кез келген тұлғаларға және ұйымдарға ақылы, ақысыз жалға беріледі. Мысалы, Ирландияның туризм бойынша кеңесі демалысқа арналған үйлер кешенінің келесі түрін қарастыруда. Кешенге кем дегенде он ғимарат кіреді, оның біреуінде контора орналасады. Ғимараттар ұзақ мерзімге салынған құрылыс болып табылады. Әр бір үйде ұйқыға, тамақтануға, демалуға, қоймалауға, жуынуға арналған бөлмелер және арнайы жабдықталған дәретханалар болады. Әрбір орналастыру орны әр бір жаңа тұрғынға тазаланады және дайындалады. Тұтынушыға ғимаратты және төсекті кезекті тазалаудан бас тартылмайды.

Коллективті орналастыру орындарының өзгелерінің құрамына кемпинг алаңдарындағы, кішігірім кемелер бухталарындағы объектілер (бір басшысы бар) кіреді. Тұтынушыға түнеу орыны және ақпараттық, саудалық және бос уақытын өткізу сияқты қызметтер ұсынылады.

Туристік жатақханаларды, жастарға арналған қонақүйлерді, мектептік және студенттерге арналған жатақханаларды, қарттарға арналған үйлерді және әлеуметтік мағынасы бар ұқсас объектілерді де коллективтік орналастыру орындарының өзгелері деп қарастыру қажет.

Индивидуалды орналастыру орындары ақылы, ақысыз жалға беріледі. Бұларға үйшаруашылығы мүшелері кезек-кезек(тайм-шеренг) жалға алатын тұрғын үйлер (пәтерлер, особняктар, коттедждер) жатады.

Сондай-ақ, турист жалға алу негізінде жанұялық үйде де орналасуы мүмкін. Турис жеке тұлғадан немесе агентстводан толық жабдықталған тұрғын үйді жалға алуы да, таныстары мен туыстарында ақысыз орналасуы да мүмкін.

Сонымен қатар, қонақүй кәсіпорындары орналасуына, ұсынылатын қызметтер кешеніне және қызмет көрсету деңгейіне байланысты классификацияланады. Дүниежүзілік туристік ұйымның Еуропалық комиссиясының классификациясына сәйкес:

Орналасу орынына байланысты қонақүйлердің келесі түрлерін бөлуге болады:

- қала орталығындағы қонақ үйлер - жол бойында, негізінен аз қабатты, ашық автотұрақты болады;

- қала шетіндегі және аэропорттардағы қонақ үйлер;

-жүзетін қонақүйлер - бұл теңіз, өзен, көл жағалауларында туристердің орналасуы мен демалысына арналған, қонақ үй сияқты жабдықталған, жүзу құралдары. Мұндай қонақүйлер қажет болған жағдайда туристермен бірге басқа тұраққа суда жүзіп апарылады.

Қызметтерінің деңгейіне, ассортиментіне және бағасына байланысты қонақ үйлер келесі түрлерге бөлінеді:

- қызметтер минимумын ұсынатын, арзан немесе шектеулі сервисті отельдер. Оларда тамақтандыру орындары болуы да, болмауы да мүмкін.

- люкс отельдер - фешенебельді декоры бар, жоғары сапалы жиһазбен жабдықталған, жақсы жабдықталған қоғамдық орындары және қызметкерлер саны нөмерлер санына қарағанда көп болады.

Дүниежүзілік туристік ұйымның Еуропалық комиссиясы қазіргі қонақүй нарығында тұтынушыға байланысты отельдердің келесі түрлерін бөлуді ұсынады:

• 100-400 нөмерлі «люкс» отельдер, негізінен қала орталықтарында орналасады және өте жоғары бағаға жоғары дәрежелі басшыларға орналасудың элитарлық жағдайын ұсынады;
• 400-ден 2000-ға дейін нөмерлері бар жоғары классты отельдер, қала шетінде орналасады және бизнесмендерге, конференция қатысушыларына, жеке туристерге оқытылған қызметкерлер көрсететін қызметтердің кең көлемін ұсынады, ол қымбат жиһаздармен және құрал-жабдықпен жабдықталған. Орналасу бағасы - орташадан жоғары;
• орта деңгейдегі отельдер, тұтынушылардың кең шеңберіне арналған, нөмерлердің түрлі саны болуы мүмкін. Эксплуатациялық шығындарды төмендету және бағалардың орташа деңгейін ұстау арқылы жаңа технологияларды қолдануға ұмтылады;
• апарт - негізінен 100-ден 400-ге дейін нөмерлері бар, жиһаздалған бөлмелерге ұқсас жағдайларды ұсынады. Бағалар маусымға және орналастыру жағдайларына байланысты өзгеріп отырады. Ұзақ мерзімге тоқтайтын бизнесмендер мен туристерге арналған;
• экономикалық классты отельдер - 10-нан 50-ге дейін нөмерлері бар кішігірім болуы мүмкін. Қала шетінде орналасады, біраз қызметкерлері бар, жақсы жабдықталған нөмерлік қоры бар, бірақ тамақтандыру қызметтерін ұсынбайды. Негізгі тұтынушылары бизнесмендер мен жеке туристер;
• мотель - автокөлікпен саяхаттаушы туристерге арналған. 150-ден 400-ге дейін нөмерлері болады, автотрассаларға жақын орналасады, біраз қызметкерлері бар, жоғары емес бағаларда тамақтандыру қызметтерінсіз жақсы жабдықталған нөмерлік қорды ұсынады;
• 100-ден 500-ге дейін нөмерлері бар курорттық қонақүй. Негізінен қаладан бөлек, табиғи жерлерде және су айдындарының маңайында орналасады; қызметтердің толық кешенін ұсынады, көптеген спорттық құралдары мен балалар алаңдары бар; бағалары - орташадан жоғары, туристердің түрлі категорияларына бағытталған;
• таймшер - 50-ден 250-ге дейін нөмерлік қоры бар, жеке құрылыстар болуы мүмкін. Пәтер тектес номерлер мен курорттық қонақ үйлердегі сияқты қызметтерді ұсынады. Жеке пәтерлер жеке иелерге сатылған, бірақ жалпы меншік басқарушы компаниямен бақыланады.

Таймшердің бағасы маусымның ерекшелігіне және келу уақытына байланысты. Жоғары сұранысқа ие маусымға қарағанда, сұраныс төмен уақытта бағалары өте төмен болады.

Жылжымайтын мүліктің иегері, төлеген ақшасына байланысты, белгілі уақыт аралығында пайдалана алады.

Негізінен «меншік» 10 жылдан шексіз уақытқа дейін алынады. Пайдалану уақыты аптамен өлшенеді. Иегер алған аппартаментінде «өзінің» апталары демалуы да немесе «алған мерзіміне» байланысты ұқсас демалыс орнына ауыстыруы да мүмкін. Таймшердің жалпы сатылуы 1991 жылы тек Еуропада 3, 74 млрд. дол. тең болған.

2002 жылы сату көлемін 30 млрд. дол. жеткізу көзделуде. Таймшер иегерлері 157 ел азаматтар болып отыр. Таймшерлік курорттар 75 елде бар.

Бағытталуына байланысы қонақ үй кәсіпорындарының түрлері.

Дүниежүзілік туристік ұйымның Еуропалық комиссиясының классификациясына қарағанда Қазақстан Республикасында бағытталуына байланысты қонақ үй тектес орналастыру орындарының келесідей классификациясы қабылданған [3] .

Қазіргі таңда Қазақстанда үнемі тұруға арналған қонақүйлер жоқ.

Транзиттік қонақүйлер қысқа уақыт жағдайында барлық контингентке қызмет етеді. Олар, негізінен, үлкен транспорттық торабтарда, темір жол вокзалдарында, аэропорттарда, теңіз және өзен вокзалдарында, автовокзалдарда орналасады. Қызмет көрсету деңгейі мен қызметтер ассортименті минималды, вокзалдарда орналасқандықтан тамақтандыру ұсынылмайды.

Іс-сапарлардағы тұлғаларға қызмет көрсететін іскерлік бағыттағы қонақүйлер.

Іскерлік бағыттағы қонақүйлерге қойылатын талаптар:

1. Демалуға және дене шынықтыруға арналған алаңдардың қажетінсіз, қаланың әкімшілік және қоғамдық орталықтарында орналасады.
2. Нөмерлік қорда бір орынды нөмерлер басым болады.
3. Нөмерде міндетті түрде жұмыс орнын: үстел, жұмыс креслосы, устелдік жарық, кеңсе заттары мен құралдарын ұйымдастыру.
4. Шоғырлана жұмыс істеу үшін сыртқы ортадан максималды изоляция.
5. Жиналыстар, келіссөздер, семинарлар және т. б. өткізуге арналған бөлмелрдің болуы.
6. Бизнес-орталық.
7. Қаржылық қамтамасыз ету қызметі.

Демалуға арналған қонақүйлерге қойылатын талаптар:

1. Қала орталықтарынан максималды алыстатылған, жасылданған алқаптарда орналасқан.
2. Демалуға және дене шынықтыруға арналған жасылданған территориялардың міндетті түрде болуы.
3. Нөмерлік қорда екі орынды нөмерлердің артықшылығы.
4. Балалар алаңының, ойынға және көңіл көтеруге арналған бөлмелердің болуы.

Сонымен қатар, әрбір демалуға арналған қонақүйлердің өздерінің ерекше сипаттары болады.

Курорттық қонақүйлерде медициналық, сауықтыру бөлмелері болу және диеталық тамақтандыру қарастырылуы керек.

Стационарлық қонақүйлер негізінен жанұялық демалысқа арналғандықтан, балаларға ойын орындары, сондай-ақ қызметкерлердің бақылауымен, спорттық-сауықтандыруға арналған, көңіл көтеруге арналған орындар болуы қажет. Нөмерлік қорда тұрғын нөмерлерді біріктіру жүйесі қарастырылу керек.

Туристік-экскурсиялық қонақүйлердің штатында экскурсия жетекшісі, топ жетекшісі, спорттық инструкторлер болады, ал спорттық туризм қонақүйлерінде (туристік базалар, таудағы қонақ үйлер) спорттық-туристік қызмет көрсету орындары (туркабинеттер, спортинвентарьды жалға беру, бассейн) болуы керек және бағыттың талабына сәйкес жабдықталған туристік трассаның маңында орналасуы қажет.

Қонақ үйлердің халықаралық классификациясы.

Қазіргі таңда отыздар шамасында қонақүй классификациясы бар.

Біркелкі классификацияға дүниежүзінде көптеген факторлер кедергі келтіреді, ол туристік қызмет көрсететін елдердің тарихи-мәдени дамуымен, олардың ұлттық ерекшеліктерімен, қызмет көрсету сапасын бағалау критерийлерінің өзгешелігімен байланысты.

Ең көп таралған классификациялар:

• Францияда, Австрияда, Венгрияда, Египетте, Ресейде, Қазақстанда және т. б. халықаралық туристік алмасуға қатысатын елдерде қолданылатын жұлдыздық жүйе;
• Грецияда қолданылатын әріптік жүйе;
• Ұлыбританияға сипатты «короналық» және «кілттік» жүйе;
• Разрядты жүйе және т. б.

Барлық қонақүйлер комфорттылығына байланысты бөлінетін, шартты түрде жұлдыздармен белгіленетін классификация ең көп тараған болып табылады.

Жоғары категориялы қонақүйлер - төрт және бес жұлдызды, кең бөлмелі нөмерлер, жоғары сапалы жиһаздар мен құрал-жабдықтары бар, сонымен қатар екі және үш жұлдызды қонақүйлерге қарағанда қызметтердің көп түрі ұсынылады.

Грецияда негізінен әріптік жүйе қолданылады, бірақ кейбір отельдер фасадтарында жұлдыздарды көруге болады. Барлық грециялық қонақүйлер төрт категорияға бөлінеді: A, B, C, D. А - төрт жұлдызды, В - үш жұлдызды, С - екі жұлдызды қонақүйге сәйкес келеді.

Жоғары категориялы қонақүйлерге Грецияда «de Luxe» категориясы беріледі.

Англиялық қонақүйлердің классификациясы күрделі болып келеді. Отельдер фасадтарында жұлдыздар емес кароналар бейнеленеді. Қонақүйлер классификациясын «короналық тілден» «жұлдыздық тілге» айналдыру үшін короналардың жалпы санынан бірді алып тастау қажет.

«British Travel Authority» (BTA) Ұлыбританиялық турагенттік Ассоциация ұсынған жіктеу дұрыс болып саналады, яғни оған қаланың ортасында орналасқан аздаған қолайлы жағдай жасалған бюджеттік қонақүйлер (бір жұлдызды) жатады.

1. 2 Қонақүй кәсіпорындарындағы қызмет көрсету сапасының рөлі мен орны

Көптеген жағдайда қызмет көрсетуші адам тұтынушының ойынша көрсетілген қызметпен байланысты, толығырақ айтқанда тұтынушының санасында олар бөлінбейтін болып саналады. Бұл жерде біз адам факторында қызмет көрсетудің сезілмейтін күрделі элемент екенін көруге болады.

Кадр бөлімі персоналдарды жұмысқа қабылдайды, оқытады, бағалайды және жұмыстан шығару сияқты жауапты қызметтерді атқарады. Бұл өте күрделі жұмыс болып табылады, себебі персоналдың сапалы қызмет көрсетуі де тұтынушылардың көптеп келуіне өз әсерін тигізеді. Егер қызмет көрсетілген және енді қызмет көрсетілетін тұтынушылар арасында тығыз байланыс пайда болса, оның сапасының деңгейіне байланысты тұтынушылардың саны артады. Тұтынушыларды (клиенттер) көрсетілген қызметтің сапасы қанағаттандырса, олар өздерін жақсы сезінеді. Ол үшін өз жұмысын жақсы білетін, білікті, жұмысқа ынталы мамандармен жұмыс істеу керек.

Персоналдарды тұтынушылармен дұрыс жұмыс істей білу үшін және берлген жауапкершілікті толығымен атқару үшін арнайы оқытады. Ал егер қызмет көрсетуші персонал өз қызметін толық игере алмаса, келген тұтынушыларға толық қызмет көрсете алмаса, ондай жерлерге тұтынушылар қайтадан бармайды.

Қызмет көрсетушілер ұзақ уақыт бойы жеткілікті мөлшерде мотивирленген болуы керек, сонда ғана ол кәсіпорынның жұмысы алға басып, оның тұтынушылары да көбейе түседі.

Қызмет көрсетуші персоналдарды ынталандыру марапаттау арқылы немесе ақшалай сыйақы көрсету арқылы жүзеге асырылуы керек.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс