PR – стратегияны жоспарлаудың функциялары мен міндеттері

Пән: Маркетинг
Жұмыс түрі: Дипломдық жұмыс
Тегін: Антиплагиат
Көлемі: 68 бет
Таңдаулыға:

Бітіру жұмысының мазмұны

КІРІСПЕ . . .

ТАРАУ 1.

PR - стратегияны жоспарлаудың функциялары

мен міндеттері . . .

1. 1. PR - стратегияның негізгі құраушылары . . .

1. 2. PR - стратегияны жүзеге асыру және бағалау . . .

1. 3. PR - стратегияның тиімділігін бағалау . . .

ТАРАУ 2

«ТұранӘлем» банкінің PR - қызмет стратегиясы . . .

2. 1. «ТұранӘлем» банкіндегі стратегиялық жоспарлау . . .

2. 2. “ТұранӘлем” банкінің PR - қызметінің мақсаттары

және құрамдас бөліктері . . .

2. 3. Интеграцияланған PR және «ТұранӘлем» банкінің

маркетингтік коммуникациялары . . .

ТАРАУ 3

«ТұранӘлем» банкін позициялау бойынша PR - жоба . . .

3. 1. Қазақстандық банк нарығындағы PR - қызметті

ситуациялық талдау . . .

3. 2. «ТұранӘлем» банкінің имиджін алға жылжыту бойынша PR

жобаның мақсаттары мен міндеттері . . .

3. 3. Банк имидж көтеруге бағытталған PR - іс - шаралар . . .

ҚОРЫТЫНДЫ

ӘДЕБИЕТТЕР ТІЗІМІ

ҚОСЫМШАЛАР

Кіріспе

PR - қызметтің саяси және экономикалық мәні зор. Ол ұйымның тұрақтылығы мен беріктігін көрсетеді. Әсіресе, Дүниежүзілік Сауда Ұйымына (ДСҰ) кіру алдындағы Қазақстан үшін PR - қызметтің экономикалық мәні үлкен. Бұл жағдайда PR негізгі рольге ие: шетелдік серіктестермен, шетел инвесторларымен байланыс орнату, яғни республикаға инновациялар мен капитал тарту.

Банк қызметінде PR банктің тұтас алғандағы жағымды ішкі және сыртқы имиджін қалыптастыру жөніндегікөлемді жоба ретінде қарастырылады. Бірақ бұл мақсатқа қоғамдық қатынастар мен қоғамдық пікірге ықпал етудің жалпы жоспары мен біртұтас концепциясы шеңберінде PR әдістері мен жарнаманы кешенді түрде пайдалану арқылы ғана жетуге болады, басқаша айтқанда, банктік қызмет көрсету нарығындағы PR - стратегияны құру кезінде кәсіпқой PR - компанияларды ұйымдастыру қажет. Банктік қызмет көрсету нарығындағы PR - қызметтің маңыздылығының себебі - банктер арасындағы өткір бәсекелестік. Ұсынылып отырған бітіру жұмысы берілген мәселені зерттеуге бағытталған.

Бітіру жұмысының мақсаттары. Жұмыстың мақсаттары PR - стратегиялар ұйымдарының жұмысын зерттеумен байланысты мәселелер шеңберінің айналасына жинақталған. PR - стратегиялар банктің PR - қызметі, сондай - ақ PR - агенттіктер арқылы да жүзеге асырылуы мүмкін. Бұдан басқа банктің имиджі және стратегиясын құрудың ерекшеліктерін зерттеу қажет. Бұл үшін белгілі бір аудиторияларға бағытталған жағымды имидж қалыптастыру механизмдерінің формаларын, түрлерін және функцияларын пайдалану керек.

Бітіру жұмысының міндеттері. Қоғаммен байланыс орнату мамандарының алдында тұрған маңызды міндеттердің бірі - банкті таңдаудағы және ұсынылатын банк қызметтерін пайдаланудағы қоғамның мотивацияларын, оның қажеттіліктерін, қоғамдық пікірді бақылап, тексеріп отыру.

Бұл жағдайда арнайы әдістеме бойынша жасалған, Қазақстан халқының арасынан квоталық түрде таңдалынған және белгілі бір ерекшеліктері бойынша біркелкілендірілген нақты аудиторияға арналған зерттеу жұмысының мәні өсе түседі.

Бұл банктік қызмет көрсету нарығындағы қатынастардың қалыптасуы және дамуы жағдайында қоғамдық қажеттіліктер мен мүдделердің көптүрлілігін зерттеу дегенді білдіреді. Ал мұның мәні, бірінші кезекте - банктік қызмет көрсетудің үлкен ассортименті клиентті бір - бірімен бәсекелес отандық және шетелдік банктердің арасынан таңдау жасауға бағыттайды, банктер клиент үшін күресте бәсекелесінің алдын орауға ұмтылады, ал клиент бүгінгі күні Қазақстандағы банк нарығының конъюктурасындағы ұсыныс пен сұранысты қатаң бақылап отырады.

Зерттеу пәні. Банктік қызмет көрсету саласындағы қазіргі нарықтық қатынастар. Банктік қызметтегі стратегиялар концепцияларын, PR және маркетингтік қызметтің коммуникативтік өзара әрекет етуін зерттеу.

Зерттеу объектісі:

«ТұранӘлем» банкін зерттеу;
банк қызметін талдау;
банк стратегиясын құру концепциялары;
банктің PR - қызметі;
жарнама науқанын жүргізу механизмдері.

Тақырыптың зерттелу деңгейі. Әдебиетті тарихи шолу бүгінгі күні PR - стратегияны жасау тақырыбына айтарлықтай көп мөлшерде материалдың жиналғанын көрсетті. PR және жарнама мәселелеріне арналған кез келген басылымда берілген сұраққа қатысты ақпарат бар.

Менің ойымша, аударма кітаптар материалды көлемділігі және терең мазмұндылығы жағынан сипаттайды, бұл шет мемлекеттердің қоғаммен байланыс саласындағы зор тәжірибесімен түсіндіріледі. С. М. Катлип, А. Х. Брум және т. б. редакциясымен шыққан «Паблик рилейшнз. Теория и практика» /1/ кітабы PR - науқанының негізінде жатырған қағидаларды, теоретикалық ережелерді сипаттайды. Көптеген мысалдардың келтірілуі қоғаммен бүгінгі күндегі байланыс мәселелерін, практикалық әдістерін, концепциялары мен үлгілерін дәлелді түрде түсіндіруге мүмкіндік береді. Бұл басылым ұсынылып отырған бітіру жұмысында жиі қолданылады. «Рекламный менеджмент» /2/ басылымында қоғаммен байланыстың әр түрлі тәсілдері ұсынылған, оларға әлемге танымал компаниялардың практикасынан қызықты мысалдар келтіріледі. «Реклама: теория и практика» / 3 / кітабының авторларықоғаммен байланыстың құралдары мен әдістеріне үлкен көңіл бөледі, PR мен жарнаманың жеке - жеке артықшылықтарын көрсете отырып, оларды біртұтас науқан шеңберінде бірлесе пайдаланудың табыстылығын дәлелдейді, жарнаманың әр түрлі түрлерін қарастырады. Бұл басылымда PR - стратегияны жоспарлауға және бағдарламалауға арналған бөлім өте жақсы жазылған. Сэм Блэк «PR: международная практика» /4/ атты жұмысында әр түрлі елдерде жүргізілген және бір жоба бойынша жүзеге асырылған қоғаммен байланыс науқандарын қарастырады, тарихи алғышарттары, бағалау, зерттеу, жоспарлау, жүзеге асыру және PR - науқанның қорытындысы сияқты бөлімдер қамтылады. Басылым мәліметтер базасы болып табылады және өзіндік әдістеме жасауда көмектесе алады.

Аударма әдебиеттердің кемшілігі - онда ұсынылған шетел PR - стратегияларының үлкен тәжірибесі кей кездері қазақстандық жағдайға сай келмей жатады, Қазақстан үшін қоғаммен байланыс саласы және жарнамалар әлеуметтік, экономикалық және саяси салаларда салыстырмалы түрде жаңа құбылыс болып табылады. Сондай - ақ, менталитет, құндылықтар жүйесінің, әр түрлі елдердегі қоғамның қызығушылықтары мен қажеттіліктерінің өзіндік ерекшеліктерімен түсіндіріледі. Бұл жағдайда PR - стратегия бағдарламаларын жазуда PR саласындағы ресей зерттеушілерінің жұмыстары айтарлықтай маңызға ие. Өкінішке орай, Қазақстан нарығында PR - қызметке бағытталған отандық әдебиет жоқ.

Меніңше, Қазақстандық PR нарығына қоғаммен байланыс саласындағы ресей әдебиетін қолданған дұрыс. PR бойынша ресей оқулықтары, посткеңестік әдебиеттер сияқты, рухы жағынан бізге жақын, біздің елімізге сай келетін мысалдармен жазылған, бізге түсінікті тілде жеткізіледі. Мысалы, Л. Н. Хромованың «Рекламная деятельность» / 5 /, И. Яковлеваның «Паблик Рилейшнз в организациях» / 6 / атты кітаптарындағы PR және жарнаманың бағыттарын таныстыру практикалық ыңғайымен ерекшеленеді. Менің ойымша, ресей авторларының еңбектері ішінен П. Л. Викентьеваның «Приёмы рекламы и public relations» /7/ еңбегі ерекшекөңіл аударуға тұрарлық, бұл еңбекте Ресей мен Беларусияда практикада қолданылған жарнама және PR акцияларын жүргізу әдістемелері ( міндеттерін қоюдан шешім қабылдау тәсілдеріне дейін) туралы баяндайды. Теоретикалық мәліметтерден басқа басылымда 215 мысал, 130 оқу тапсырмасы беріледі. Автор ұсынған ақыл - кеңестер түсінікті, олардың нақты, шынайы ситуациялардан алынғаны, тек теоретикалық ойлардың нәтижесі емес екендігі сезіледі. И. М. Синяева «Паблик рилейшнз в коммерческой деятельности» / 8 / атты еңбегінде PR - стратегияларды жоспарлауға тұтас бір ьөлімді арнаған, автор оынң құралдарын, әдіс - тәсілдерін және кезеңдерін қарастырады. И. Я. Рожков өз еңбегін /9/ нақты ғылыми мәліметтерге сүйеніп жаза отырып, түбірі қоғамдық сананың архетиптерінде жатқан мифтің роліне көңіл бөледі, бұл тамырды автор жарнама шығармашылығының «негізі және құрылуы» деп атайды. Жұмыс соңында нақты жарнама науқаны концепциясы кіретін қызықты қосымша мәліметтер келтіріледі. Почепцов Г. Г. «Паблик рилейшнз для профессионалов» атты еңбегінің бірінші тарауының бесінші параграфын PR және оны құраушыларға арнайды, автор PR науқаның жүргізудің үш үлгісін қарастырады - Сэм Блэк, Питер Грин және Френк Джефкинстің үлгілері, сондай - ақ ресей практикасынан қызықты мысалдар келтіреді.

Ақпараттың шексіз қайнар көзі болып интернет табылады. «ТұранӘлем» банкінің сайтында www. bta. kz. PR - стратегиялық жоспарлау туралы мәліметтер бар. Мысалы, «Стратегиялық жоспарды имиджді жақсарту үшін пайдалану» /11/ мамандар үшін PR - науқанын ұйымдастыру және жүргізу бойынша көрнекті мысал болып табылады. Науқанның мақсаттары, міндеттері, түрлері, кезеңдерінен басқа мұнда PR - науқанының бұдан гөрі де нәтижелірек түрлері қарастырылады. www. tural. ru. сайтында жарияланған «Жарнама агенттігінің жарнама науқанын жоспарлауы» атты мақала «ТұранӘлем» банкінің PR - науқаны бюджетінің жұмсалуы туралы қызықты ақпаратқа толы. Мақалада PR - науқанын жүргізу және оның ақпаратты тарату жолы ретіндегі артықшылықтары туралы сөз қозғалады. Дегенмен, банктің нарықтағы алға басуы үшін ұсынылған бағыттар дұрыс болғанымен, жоспар болжамдық жағынан соңына дейін жеткізілген бағдарлама болып табылмайды.

Сөйтіп, бүгінгі күні қоғаммен байланыс науқандарын ұйымдастыру және жүргізу мәселелері бойынша әдебиет жеткілікті деп қорытынды жасауға болады. Менің қолым жеткен ақпарат көздері көрсеткендей, нақты банк саласындағы PR - қызмет мәселесі әлі де болса аз зерттелген. Ұсынылып отырған бітіру жұмысы осы олқылықтың орнын толтыруға бағытталған.

Бітіру жұмысының практикалық бөлімінде ұсынылған «ТұранӘлем» банкінің PR - науқаны бағдарламасын жүзеге асыру, автордың жоспары бойынша төмендегідей нәтижелерге алып келуі тиіс:

«ТұранӘлем» банкінің тұтас алғандағы жағымды сыртқы және ішкі имиджін қалыптастыру;
белгілі бір аудитория алдындағы банк имиджінің қалыптасуы;
«ТұранӘлем» банкінің қызметіне қызығушылықтың өсуі;
қоғамның, соның ішінде белгілі бір аудиторияның назарын аудару мақсатында банк қызметі туралы қоғамды ақпараттандыру.

ТАРАУ 1.

PR - стратегияны жоспарлаудың функциялары мен міндеттері.

«Public Relations» (PR) деп аталатын қызметтің не екенін дәл анықтайтын бірауыздан қабылданған нақты анықтама жоқ, өйткені соңғы 60 жылда бұл түсінікке көптеген әр түрлі түсіндірмелер берілді. Осы жерде олардың бірнешеуін қарастырған жөн.

1948 ж. екінші жартысында Ұлыбританияда құрылған Қоғамдық қатынастар институты (IPR) қазіргі уақытқа дейін қолданысқа ие ( 1987 ж. қарашада кейбір қосымшалар енгізілді) PR анықтамасын қабылдды. Ол былай айтылады: «Public Relations» - ұйым мен оның қоғамы арасындағы өзара түсіністік пен жақсы қарым - қатынастарды қалыптастыруға және сақтауға бағытталған жоспарланған жалғаспалы күш - жігер, тырысушылық. Бұл жерде «ұйымның қоғамы» деп жұмысшылар, серіктестер және тұтынушылар (жергілікті және шетелдік) айтылып отыр.

Қазіргі кездегі анықтамалардың ішіндегіең жақсысы Мексика мәлімдемесінде берілген. Бұл мәлімдеме 1978ж. 2 - тамызда Мехикода отыздан астам ұлттық және аймақтық PR ассоциациясының өкілдерімен жасалынды. Онда былай делінген: «PR - бұл ұйым және оның қоғамының мүдделеріне жауап беретін іс - әрекеттер бағдарламасын жүзеге асыру, ұйым басшылығына ұсыныстар жасау, тенденцияларды талдау және олардың салдарларын болжау өнері және ғылымы».

Сан - Францисконың тәжірибелі PR маманы доктор Рики Харлоу 472 әр түрлі PR - ға берілген анықтамаларды зерттеп, солардың негізінде өз анықтамасын жасайды:

«PR - бұл ұйым және оның қоғамы арасында ынтымақтастық, өзара түсіністік және жақсы қарым - қатынасты орнатуға және сақтауға себеп болатын басқару функцияларының бірі. Оған әр түрлі мәселелерді шешу жатады: ұйым басшылығын қоғамдық пікір туралыақпаратпен қамтамасыз етеді және оған жауап шараларын өткізуде көмек көрсетеді; басшылық қызметінің қоғамдық мүддеге жауап беруін қамтамасыз етеді; тенденцияларды уақытылы болжау арқылы әр түрлі өзгерістерге дайын болуын қадағалайды; негізгі іс - әрекет құралы ретінде зерттеу және ашық әңгімелесуді қолданады. Төменде ұсынылып отырған түсініктеме 1982 жылы 6 - қарашада Америка Қоғамдық қатынастар Қоғамдастығы жариялаған PR туралы ресми мәлімдемесінен алынған:

«PR жекелеген топтар мен ұйымдар арасында өзара түсіністікті орнатуға ықпал ете отырып, біздің күрделі плюралистік қоғамымызға шешім қабылдауға және тиімдірек әрекет етуге көмектеседі. Олар жеке және қоғамдық қызметтің үйлесімділігін қамтамасыз етеді. PR көптеген қоғамдық институттарға қызмет етеді: кәсіпкерлікке, кәсіподақтарға, үкіметтік мекемелерге, ерікті ассоциацияларға, қорларға, ауруханаларға, білім беру және діни ұйымдарына. Өз мақсаттарына жету үшін бұл ұйымдар көптеген әр қилы аудиториялар немесе қоғамдық топтармен: жұмыскерлермен, әр түрлі бірлестіктердің мүшелерімен, тұтынушылармен, жергілікті қауыммен, акционерлермен т. б., сондай - ақ тұтас қоғаммен берік қатынас орнатуы тиіс. Ұйымның мақсаттарына жету оның басшысынан білімді, адамдардың құндылықтары мен көзқарастарын түсінуді талап етеді. Ал мақсаттар сыртқы факторлармен анықталады. PR маманы басшының кеңесшісі және басшының жеке мақсаттары мен міндеттерін қоғамға жүргізуге болатын саналы саясатқа айналдыруға жәрдемдесетін делдал ролін атқарады».

Бұлардан басқа да көптеген қарапайым анықтамалар жеткілікті, бірақ олар бұл түсініктің барлық мағынасын қамтымайды. Мысалы, « қоғаммен мойындалған жағымды қызмет», «жақсы іс істеу және ол үшін мақтау алу», «жеке және қоғамдық мүдделердің бірігуі».

Сэм Блэк өзінің PR - ға арналған кітабында өте қысқа да нұсқа, бәрін қамтитын анықтама береді:

«Public Relations - бұл шындық пен толық ақпараттылыққа негізделген өзара түсіністік арқылы үйлесімділікке жету өнері және ғылымы».

PR - стратегияның негізгі құраушылары

PR - стратегия - беделді көтеру, имиджді сақтау мақсатында адамдардың қарым - қатынасы мен көзқарастарына ықпал ету жоспарынжүзеге асыру шеңберінде және біртұтас концепция аясында PR - құралдарын және жарнама материалдарын кешенді пайдалану.

Қоғаммен байланыс бойынша науқандарында, ең алдымен, адамдардың қарым - қатынасы мен пікірлеріне ықпал етудегі стратегиялық ыңғай, тәсіл маңызды болып табылады, бұл алға қойылған мақсаттарға жету мүмкіндігін айтарлықтай өсіреді. PR - ғы стратегиялық жоспарлауға бағдарламалық мақсаттар мен міндеттер бойынша шешімдер қабылдау, негізгі қоғамдық топтарды біркелкілендіру, стратегияны анықтау және таңдау үшін ережелер мен саясат орнату жатады. Әрбір қоғамдық топтар үшін анықталған міндеттер мен ауқымды бағдарламалық мақсаттар және таңдалып алынған стратегия арасында тығыз байланыс қажет.

Қоғаммен байланыс бойынша стратегиялық бағдарламалық жоспарларды құру Сэм Блэктің жобалары бойынша төрт қадамнан тұрады:

мәселені анықтау;
жоспарлау және бағдарламалау;
іс - әрекет және коммуникация;
мәселені анықтау.

Мәселені анықтау. Мәселені анықтау - бұл қалыптасқан жағдайды сөйлем немесе қысқа абзац түрінде қысқаша сипаттау. Мәселені анықтаудан жағдайды талдаудың айырмашылығы - ол жағдай және оның тарихы, қатысушы күштер мен тұлғалар туралы белгілі мәліметтер жиынтығы болып табылады. Жағдайды талдау берілген мәселеге кеңірек қарау үшін қажет «көлеңкедегі» бүкіл ақпаратты жарыққа шығарады және ол төрт аспектіден тұрады:

Мәселе тарихын зерттеу. Тарихы туралы ақпарат осы уақытқа дейін бұл мәселені шешу жолында не, қандай әрекеттер істеленгенін анықтау үшін қажет.

Қандай тәсілдер мен әдістер тиімдірек болды?
Кемшілік тұстары қай жерде көрінді?

Бұл болашақта қателіктер жібермеуге және дұрыс бағдарлама жасауға мүмкіндік береді.

Айналаға кеңірек көз тастау. Екінші қадам - бұл PR - объектіге қатысты қоғамдық пікірді үздіксіз бақылап отыру, бұл PR - науқанының белгілі бір аудиториясына ықпал ету стратегиясын дұрыс таңдауға мүмкіндік береді.
Мәселенің өз ішіне терең көз жіберу. PR - объектінің өзін зерттеу, оның күшті және әлсіз жақтары тұрғысынан мүмкіндіктерін және сыртқы ортамен байланысқан кезде пайда болатын қауіп - қатерлерді бағалау.

Жағдайды талдауды осылай мазмұндауды SWOT немесе TOWS - талдау деп атайды. Бұл сараптамалық конструкциядан бірнеше стратегиялық қорытынды шығады:

SO - стратегия ұйымның сыртқы қоршаған ортасында пайда болатын жаңа мүмкіндіктерден пайда табу мақсатында ұйымның күшті жақтарына құрылады;
ST - стратегия ұйымның сыртқы қоршаған ортасында пайда болатын қауіп - қатерлерге қарсы тұру мақсатында ұйымның күшті жақтарына құрылады;
WO - стратегия сыртқы мүмкіндіктерден пайда табу мақсатында ұйымның әлсіз жақтарын азайтумен байланысты;
WT - стратегия ұйымның сыртқы ортасында пайда болатын қауіп - қатерлерді, сондай - ақ ұйымның әлсіз тұстарын азайтумен байланысты.

4. Перспективаға көзқарас. PR - стратегияның мақсаты шынымен жетуге болатындай ма? Бұл мақсатқа жету үшін PR бағдарламасын және жоспарлануын пайдалануға бола ма? Бұл науқанды табыс күтіп тұр ма? Бұған не жәрдемдеседі және не кедергі келтіреді? Бұл істі бастаған дұрыс па? Басқаша бұл кезең вариативті жоспарлау деп аталады, мұнда үш сценарий жазылады - оптимистік, шынайы және пессимистік, бірақ ешқайсысының жүзеге асу мүмкіндігінің дәрежесі көрсетілмейді, өйткені белгісіз болашақты алдын ала болжау мүмкін емес.

Бұл кезеңде мәліметтер көзін, оларды жинақтау және талдау әдістерін анықтауды талап ететін зерттеу жоспарын жасаған дұрыс. Зерттеу жоспары бойынша бірінші, сондай - ақ екінші мәліметтерді де пайдалануға болады.

Екінші мәліметтер - басқа бір мақсаттар үшін алынған белгілі бір түрдегі ақпарат. Мұндай мәліметтердің көзі болып компаниялардың баланстық есептері, пайда және шығын туралы есеп берулер, сату статистикасы, сауда өкілдерінің есеп берулері табылуы мүмкін. Бизнес әлемі туралы журналдар да пайдалы болуы мүмкін. Мысалы, Қазақстанда - «Панорама», «National Business», «Казахстанская правда». Бұдан басқа қазіргі күні шынайы таусылмас ақпарат көзі болып Интернет табылады.

Зерттеуші екінші мәліметтерден ақпарат ала алмаса немесе олар жеткілікті дәрежеде нақты, толық болмаған жағдайда, сондай - ақ олар ескірген болса, бірінші мәліметтер жинауға тура келеді.

Бірінші мәліметтер нақты жобаны жүзеге асыру кезінде нақты мақсатқа жету үшін жиналады. PR саласында қолданылатын кейбір зерттелу әдістерін қарастырайық.

Жеке байланыстар. Кез келген қоғамдастықта орын алатын тенденцияларды анықтауға және бағалауға мүмкіндік беретін ең тиімді тәсіл болып әр түрлі адамдармен байланыс орнату табылады. Жеке байланыстар орнатудың бір түрі - негізгі ақпарат берушілермен әңгімелесу. Бұл тәсілге жақсы ақпараттанған жетекшілермен және сарапшылармен сұхбаттасу жатады. Сұхбат әдетте еркін және уақытпен шектелмеген дискуссия түріне ие болады, талқылау барысында қатысушыларға берілген мәселені өз көзқарасы тұрғысынан талқылау ұсынылады. Негізгі ақпарат берушілерді таңдаудың негізі олардың белгілі бір мәселе туралы білімі, сондай - ақ олардың басқа адамдардың көзқарасын жеткізу қабілеттіліктері болып табылады. Басты ақпарат берушілермен терең сұхбат жүргізу әдетте болашақтағы мәселелер туралы ертерек ескертпелер алуға мүмкіндік береді.

Фокус - топтар. Жеке байланыстар мен негізгі ақпарат берушілерді пайдаланудың табиғи жалғасы тұтас адамдар топтарынан идеялар сұрау болып табылады. Фокус - топ 6 - 10 адамнан тұрады, олардан бірнеше сағат тәжірибелі жүргізушімен бірге тауар, қызмет көрсету, компаниялар немесе басқа да зерттеу объектілерін талқылау сұралады. Жүргізуші объективті, талқылау тақырыбы туралы толық ақпараттанған болуы тиіс. Талқылау әдетте ыңғайлы, жайлы жағдайда өткізілуі тиіс, жүргізуші еркін және ашық атмосфера қалыптастыруы, қатысушылардың шынайы ойлары мен сезімдерін сыртқа шығаруына қол жеткізілуі керек. Талқылау барысы аудио немесе видеомагнитофонға жазылады, кейіннен ол тынғылықты түрде зерттеледі. Фокус - топтар адамдардың әр түрлі ұсыныстарды қалай қабылдайтынын білу үшін және ақпарат жинау үшін қолданылады, бұл ақпарат кейін зерттеу жүргізудің ресми әдістерін пайдалану кезінде анкеталар жасау үшін қажет болуы мүмкін.

«Ыстық» телефон желісі. Телефон желісі жедел кері байланыс орнату үшін және әр түрлі қоғамдық топтардың қызығушылығын тудыратын мәселені бақылап отыру үшін пайдаланылады. Дегенмен, бұл тәсілдің кемшілігі - мәселенің жиілілігін анықтау және көзқарас - пікірлердің қандай қоғамдық топтарға тиесілі екендігін анықтау қиын /13 /.

Почтаны талдау. Ақпарат жинаудың экономикалық тұрғыдан тиімді тәсілі - түсуші почтаны белгілі бір уақыт сайын талдау. Қоғамнан түсетін хат - почта «мәселелі салаларда» және ақпараттық қажеттіліктерді анықтауға мүмкіндік береді. Дегенмен, хаттардың авторлары конструктивті емес, көбінесе сынаушы көңіл - күйге бейім екендігін ескеру қажет. Хаттар сәтсіздік және белгілі бір мәселелердің пайда болуы туралы алдын - ала ескерту құралы ретінде қызмет ете алады, бірақ қоғамдық пікірдің немесе тіпті белгілі бір қоғамдық топ пікірінің срез болып табылмайды.

БАҚ - ты контент - талдау. БАҚ - н контент талдау БАҚ - да хабарланған нәрсені объективті талдау мақсатында жүйелі процедураларды қолдану болып табылады. Пресса кесінділері және радиобағдарламалар мен телебағдарламаларды бақылау есептері тек оқылған, естілген немесе эфирге берілген нәрсені ғана көрсетеді. Олар белгілі бір тәлімдемені аудитория қалай қабылдады және оған сенді ме - оны көрсетпейді.

Сұрау.

... жалғасы

Сіз бұл жұмысты біздің қосымшамыз арқылы толығымен тегін көре аласыз.