Электронды есептеуіш машинасындағы информацияның түсінігі

1) Информатика.
2) Информация және есептеу машиналары.
3) Жаңа информациялық технологиялар.
4) Алғашқы ЭЕМ. ң құрылуы мен шығуы.

Информатика – ЭЕМ арқылы информацияны жинау, сақтау, түрлендіру, жеткізу және оны пайдалану заңдылықтары мен тәсілдерін зерттейтін жаңа ғылыми пән. Информатиканы оқытудың маңыздылығы бұл ғылымның тек ЭЕМ- дерді пайдалану мүмкіндіктері мен олардың жұмыс істеу принциптерін түсіндіріп қана қоймай, қоғамдық өмірде және адамдар арасында информацияны кеңінен тарату заңдары мен тәсілдері туралы түсініктер береді.
Қазіргі кезде жаңа ЭЕМ- дер күнбе-күн пайда болып, олардың даму процесі үздіксіз ғылыми- техникалық процеске айналып отыр. Сонымен қатар информацияны өңдеу, жинау және беру тәсілдері де күннен күнге дамып келеді. Осы себептерге байланысты информатика жиі өзгеріске ұшырайтын ғылыми пән болып саналады да, оны оқып үйрену күннен күнге күрделініп барады.
Информатиканың негізгі объектісі, яғни оның шикізаты мен беретін өнімі информация болып саналады. Сондықтан «информация» ұғымы информатика мен ЭЕМ- де жұмыс істеудің ең түбегейлі атауларының бірі болып есептеледі.
Информация және есептеу машиналары
Бұл кұнде ЭЕМ информацияны өңдеудің ең негізгі құралы болып саналады. 70- жылдарда электрониканың дамуы компьютердің жаңа түрін – жеке пайдаланатын дербес компьютерлерді көптеп шығаруға жол ашты. Олар қазірде мектептерде, институттарда, баспаханаларда, т.б. орындарда кеңінен қолданыла бастады.
Осы компьютерлерді өндіріс пен жобалау ісінде, ғылыми зерттеу жұмыстары мен білім беруде пайдалану, миллиондаған адамдардың жұмыстарының мазмұны мен орындалуын түбегейлі түрде өзгертті деуге болады.
ЭЕМ –дер өңдірістің автоматтандырылған технологиясын жасауға мүмкіндіктер ашып береді. Оның үстіне, сол технология көмегімен, ЭЕМ – дермен басқарылатын жаңа машина, құрал- сайман және құрылғылар жасалынады.
XXI ғасырдың басында есептеу машиналары «адамсыз» жұмыс атқара алатын өндіріс технологиясын жасау мүмкіндіктерін беріп отыр. Осы сиақты «болашақтың» фабрикаларында қолмен істелетін жұмыстардың бәрін роботтар жұмысын басқару және ЭЕМ көмегімен жаңа бұйым жасау істерін жобалау ғана болып қалады.
ЭЕМ- мен қарым- қатынас жасау және оларды өз жұмысында пайдалана білу, бұдан бұрынғы аталарымыздың қаламсаппен сауат ашқаны сияқты алдағы 10-15 жылда біздер үшін ең керекті зат болып, компьютерлік сауаттылықтың негізін қалайды.
Жаңа информациялық технологиялар.
Кәдімгі информациялық технологиялар деп, көбінесе қағаз жүзінде әртүрлі информацияларды дайындау,жинау, өңдеу және жеткізу процестерін айтады.
Жаңа информациялық технологиялар деп, ЭЕМ- дер мен олардың желілері арқылы – әсіресе дербес компьютерлер көмегі арқылы – информацияны дайындау, жинау, жеткізу және өңдеу технологияларын айтады.
Информациялық процестер – адамдар арасында, тірі организмдерде, техникалық құрылғыларда және қоғамдық өмірде информацияны жеткізу, жинақтау және түрлендіру процестері.
Дербес ЭЕМ–дер – жұмыста және үйде адамның пайдалануына арналған шағын компьютерлер.

ЖАҢА ИНФОРМАЦИЯЛЫҚ ТЕХНОЛОГИЯЛАР ( Е.Қ. Балапанов, Б.Б. Бөрібаев, А.Б. Дәулетқұлов)