Norton жұмысының принциптері және құрылымы

NORTON COMMANDER программасымен жұмыс істеу.
Экран көріністері.
NC менюлері
Түріне байланысты файлдарды өндеу

Дербес компьютерде MS-DOS операциялық жұйесінмен жұмыс істегенде әрбір команда пернелерде теріліп, «Enter» пернесін басқан кезде ғана орындалады, ол команда орындалып болған соң, экранға тиісті мәлімет шығады. Мұндай тәртіппен жұмыс істеудің қолайсыздығы:
• компьютер пернесін жылдам басуға дағдыланбағандар әр команданы теруге біраз уақыт жұмсайды;
• орындалып жатқан команданың нәтижесін тек экранға жауап, мәлімет шыққан кезде білуге болады;
• экран бетінде жан-жақты қамтылған толық көріністер аз, яғни онда көрнекілік жоқ.
Мұндай кемшіліктен арылу үшін соңғы кездері Адам мен ЭЕМ арасындағы байланысты жеңілдететін, жұмыс істеу жолдарын жылдамдататын «қызметші» қосалқы программалар – ОС-тың қоршаулары пайда бола бастады. Солардың ішінде ең көп тарағаны – Norton Commander (NC) программасы. Ол экран мүмкіндіктерін толық пайдалана отырып, компьютерде жиі қолданатын іс-әрекеттердін көбін өте жылдам, әрі көрнекі етіп орындайды. Олар:
• магниттік дискінің мазмұның көру;
• мәліметтер көшірмесін алу;
• файлдарды жылжыту, өшіру, қағазға немесе экранға шығару т.б.
Осындай іс-әрекеттерді жылдам орындау жолдарын NC программасының жұмысын талдау арқылы қарастырайық.
Бұл программаны іске қосудың екі түрлі жолы бар. Егер оны NC.EXE файлын орындау арқылы жүзеге асырсақ, онда бұл программа ЭЕМ-нің жедел жадында тұрақты 150кбайт орын алып тұрады. Мұндайда үлкен көлемді программаларды орындау кезеніңде NC программасынан шығуға тура келеді. Ал, егер де NC программасын NCSMALL.EXE файлы арқылы іске қоссақ, онда бұл программаның керекті бөлігі ЭЕМ жадының тек 12кбайт орнын алады да, программаның негігі бөлігі қажетті кезде ғана автоматты түрде ЭЕМ жадына шақырылады.