Абайтануға кіріспе

4 Абайдың сөз өрнегі
5 Абай шығармаларындағы адамгершілік тақырыбы.
6 Абай поэзиясындағы табиғат, махаббат тақырыптары.
Сезім шындығы.
7 Абайдың эстетикалық тағлымы.
Сұлулық шындығы.
8 2.модуль
Абай өлеңдеріндегі даналық дәрістері.
Парасат шындығы
9 Абай шығармаларындағы болмыс шындығы.
10 Абайдың діни тағылымы.
11 Абайдың поэмалары.
12 Абайдың көркем аудармалары, зерттеушілердің ол туралы ой.толғамдары.
13 Қарасөздер қазынасы.
14 Абай мұрасының жаңа заманда зертелуі.
Әлем кемеңгерлерінің лебіздері.
15 Абай мұрасының әр сала бойынша зерттелуі.

Уақыт ұлы ақын, кеменгер ойшыл Абайдың рухани мол мұрасын жаңа көзқарас тұрғысынан жан-жақты, терең талдап, тану міндетін алға тартып отыр. Бұл – ғасырдан-ғасырға, ұрпақтан ұрпаққа мұрат болып жалғасып, ұласа берер қасиетті парыз, үлкен міндет.
Еліміз егемендік алғанға дейін да Абай мұрасын зерттеуге арналған жұмыстардың саны аз болмағанмен, Кеңес дәуірінің атеистік солақай саясатына байланысты абайтануда сыңаржақ көзқарастар да орын алып келгені белгілі. Атап айтқанды, абайдың өзіне «байдың ақыны» деген жала жабылды немесе оны атеист етіп көрсетуге ұмтылыстар болды. Абайды ақын ретінде ғана танып-білуге баса көңіл аударылып, оның ойшылдығына, өлеңдерінің өмір құпияларын ашатын ішкі сырына аз назар аударылды. Ұлы Абай мұрасына мұндай біржақтыкөзқарас кемеңгердің ойшылдық болмысын дұрыс түсініп, руханй дүниесіне терең бойлап енетін мүмкіндікті шектеп отырды.
Рас, егемендікке қол жеткелі, әсіресе данышпан ақынымыздың 150 жылдық мерейтойын ЮНЕСКО ауқымында – әлемдік деңгейде атап өтуге байланысты Абай мұрасын әр тарапты жаңаша тану тұрғысында талпыныстар жасалып, көптеген еңбектер жазылды. Әйтсе де шексіз биік рухани мұра әлі де болса жаңаша көқарас тұрғысынан өз деңгейінде зерттеліп, ойшылдың данышпандық бейнесі толық ашыла қойған жоқ. Сондықтан Абайды бүкіл әлемге танытып, өзіміз ұлы мұрадан еркін сусындау үшін, бұрынғы таным-түсініктерімізді жаңғыртып, абайтануды соны өріске шығару аса өзекті мәселе екені дау тудырмаса керек.
Абай өмірінде шын мәнінде пайғамбарлық сипат бар еді. оның қаламынан туған қастерлі жыр, оның даналығынан туған лұғатты сөз халқымыздың рухани қажетіне өзінен кейін ғана жаратыла бастады. Оның алып тұлғасы ақын дүниеден өтіп кеткен күннің ертеңінде-ақ замандастарының күнделікті тіршілігінің деңгейінен биікке бірден көтеріліп шықты да, уақыт өткен сайын зорая берді.
Оның атағын алғаш алғаш көтеріп әкеткен ғасырымыздың елең-алаңында ел өміріне жыл басындай жаңалық әкеліп, қалың ұйқыда жатқан халықтың санасына сәуле түсірген бір топ зиялылар еді. солардың ішінде ең бірінше шоқтығы биік басшысы, туған халқының елдік тәуелсіздігі мен рухани бостандығы жолында Алаш туын көтеріп шыққан қайраткерлердің топбастары – Әлихан Бөкейханов болды.
Абай қайтыс болғаннан кейін өз қолымен орыс тілінде кеңейтілген қазанама мәтінін жазып, оны «Семипалатинский листок» газетіне бастырған осы Әлекең еді.
Абайдың әлеуметтік қызметі мен шығармашылығы жөнінде бұл кісінің бірден айтқан көшелі пікірлері былай тұрсын, «чудные его стихи, посвященные четырем временам года (весна, лето, осень, зима), сделали бы честь знаменитым поэтам Европы» деген бір ғана ауыз сөзінің өзі ақын мұрасының бұдан былайғы мәңгілік өміріне жол ашып кеткендей еді.