Биязы және биязылау жүнді қой тұқымдарын бонитировкадан өткізу

Пән: Ветеринария
Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Ахмет Байтұрсынов атындағы Қостанай мемлекеттік университеті

Ветеринария және мал шаруашылығы өнімдерін өндіру технологиясы факультеті

Мал шаурашылығы өнімдерін өндіру технологиясы кафедрасы

Баяндама

Тақырыбы:Биязы және биязылау жүнді қой тұқымдарын бонитировкадан өткізу

Орындаған:Абдижамалов М. Н.

Тексерген:Тапелова К. Ж.

Қостанай 2013

Биязы жүнді қойларды бонитировкалау.

Биязы жүнді қойларды сапасына қарай 3 класқа бөледі: элита, бірінші және екінші класс деп. Элита классына дене бітімі мен өнімділігінің саны, сапасы және қасиеттері I класс талабынан артық және жоғары малдар жатқызылады. Ал дене бітімі, өнімділік көрсеткіштері тұқым стандартна сай болса I классқа, кейбір корсеткіштері (жүн ұзындығы, қоюлығы т. б. қасиеттері), экстерьерінде аздап кемшіліктер бар, бірақ өнімділігі жаман болмаса ол мал II класқа жатқызылады. Дене бітімінде, пішінінде кемістік кебірек, өзі уақ, жүнділігі төмен болса ондай малды бракқа шығарады.

Қой тұкымын асылдандыру жұмысын жүйелі тәртіппен жүргізу үшін өнім бағытына қарай әр топқа стандарт белгіленіп бекітілген. Әр қой тұқымының стандарты оның дене бітімі мен өнімділік белгілері мен қасиеттері сол тұқымның I классына арналып жасалады, және олар сол класқа арналған ең төменгі көрсеткіштер болып саналады.

Жүнді бағыттағы биязы жүнді қой тұқымдарының стандарты. Бұл бағыттағы қойлар орта көлемді, бітімі мықты болып келеді. Басы шағын, тұмсығы тегіс, қошқарларында дөңестеу, аталықтары мүйізді, аналықтары көбіне тоқал, сүйегі жеңіл және мықты, денесі шағын, құрылымы дұрыс, шоқтығы арқасынан шығыңқы, көкірегі терең, арқасы, құйымшағы тегіс. Жауырыны және сандары қанағаттанарлықтай толыққан, аяқтары мықты, түзу қойылған. Терісі жұқа, тығыз және серпімді. Тері қыртысы біркелкі, мойынында 1-3 жақсы дамыған қатпар мен фартугі бар. Басы көзіне дейін, аяқтары тізесі мен тілерсегіне дейін жабағы жүн өседі.

Жабағысы тығыз, жақсы жабылған, сыртқы жүн штапелдер тақтайдай. Жүні тығыз, серпімді қолға жібектей жіңішкелігі мен ұзындығы тегіс біртекті, иректігі анық, қалыпты.

Жүн жіңішкелігі аналықтарында 21, 0-25, 0 мкм (64-60 сапада) 18, 0-21, 0 мкм (70 сапада), қошқарларында 21, 0-25, 0 мкм (60-64 сапада) жақсы біртекті жүн болған кезде 25, 0-27, 0 мкм 58 сапада болады. Қабырғасы мен санындағы жүндерінің жіңішкелігінің айырмашьшығы бір сападан аспауы керек. Арқасы мен қабырғасындағы жүндердің ұзындық жағынан айырмашылығы 1, 0-1, 5 см аспауы тиіс,

Бауыр жүнінің өсуі жақсы, немесе қанағаттанарлық. Шайыры сапалы, түсі ақ, ақ-сары. Таза жүн шығымы қошқарларда 46%, аналықтарда 48% - тен кем емес.

Жүнді-етті бағыттағы қой тұқымдарының А-тобының стандарты. Бұл бағыттағы қойлар ірі, дене бітімі мықты сүйегі жақсы дамыған, дене құрылысы дұрыс. Қошқарлары мүйізді, аналықтары тоқал. Басы орташа көлемде, аналықтарында тұмсығы тегіс, қошқараларында дөңестеу болады. Басы кезіне дейін, аяқтары тізесіне, тілерсегіне дейін жабағы жүнмен жақсы жабылған.

Денесі мығым, созылыңқы. Мойны қалыпты, шоқтығы жалпақ, арқасы көтеріңкі, кеудесі терең, белі жалпақ тегіс, жауырыны мен сандары жақсы толысқан. Аяқтары мықты, кең қойылған. Терісі орта қалыңдықта, қатпарлығы біршама, мойнында 1-2 қатпары бар. Жабағысы тығыз, штапелді құрылымда. Жүннің жіңішкелігі 25, 0-20, 6 мкм (60-64 сапада), қошқарларында 20, 6-27, 0 мкм (58-64 сапада) . Қабырғасы және санындағы жүн жіңішкелігінің айырмашылығы бір сападан артық емес. Жүн ұзындығы аналығында 8, 0 см, аталығында- 9, 0 см. Арқа мен қабырғасындағы жүн ұзындығының айырмасы 1, 0- 1, 5 см артық емес, қоюлығы біршама. Жүн иректігі анық, қалыпты. Жүн талшықтары мықты серпімді. Шайыры жақсы, түсі ақ, ақ-сары. Жүннің таза шығымы қошқарларда 44%, аналықтарында 46%.

Жүнді-етгі бағыттағы қой тұқымдарының Б- тобының стандарты.

Аналықтарда жүн жіңішкелігі негізінен 25, 0-20, 6 мкм (60-64 сапада), аталықтарда негізінен 27, 0-23, 0 мкм (58-60 сапада), штапельдің жіңішкелігі негізінен біркелкі. Жүн ұзындығы аналықтарда 8, 0 см, аталықтарда 9, 0 см. Үлкен қойлардың жүнінің ұшы (штапельдің) құрғақтау, сан жүндерінде шайыры жеткіліксіздеу болады. Жүннің таза шығымы қошқарларда -46%, аналықтарда -48%.

Етті-жүнді бағыттағы қой тұқымдарынын стандарты. Бұл бағыттағы биязы жүнді қойлар ірі, дене бітімі мықты, сүйегі жақсы. Аталығы да аналығы да негізінен тоқал, тек арқар-меринос қойларының қошқарлары мүйізді. Басы тегіс, тек қошқарлары кейде тұмсығы дөңестеу. Басы кезіне дейін, аяқтары тізесі мен тілерсегіне дейін жабағы жүн өседі. Мойнында кейде фартук болады денесінің терісінде қырқылған кезде уақ әжім қатпар болады. Кеудесі кең, терең, шоқтығы жалпақ, арқасы, белі тегіс, мықыны, жауырыны жақсы толысқан. Тез өсіп жетілгіш, еттік қасиеттері жақсы дамыған.

Жабағысы орта тығыздықта, штапельдері жабық. "Жүн мериносты, негізінен 23, 0-25, 0 мкм (60 сапада), қошқарларда 23, 0-27, 0, мкм (56 сапада), аналықтарында 25, 0-27, 0 мкм (58-сапада) жабағы жүні біркелкі болуы мүмкін. Иректігі түзу, анық. Жүні мықты, серпімді ұзындығы аналықтарда 8, 0 см, аталықтарда 9, 0 см, арқасы мен қабырғасындағы жүн ұзындығының айырмашылығы 1, 0-1, 5 см артық емес. Бауыр жүні қанағатанарлық. ІІІайыры ақ, саргыш, сапасы қанағаттаналарлық. Таза жүн шығымы қошқарларда 48%, аналықтарда 50%.

Биязылау жүнді қойларды бонитировкалау.

Таза тұқымды қойлардың дене бітімі, өнімділігі, сапасы мен қасиеттері 1 класс талаптарынан асып түсіп жатса олар элита класына жатқызылады. Кейбір қасиеттерімен ерекшеленетін еттілігі, жүнділігі жағынан жоғары болса да осы класқа жатқызылады. Стандартқа сай көрсеткіштері бар қойлар I классқа жатқызылады. ІІ-ші класқа бір текті жүні, жүн түсімі бар, тірі салмағы, жүн ұзындығы немесе кейбір көрсеткіштері стандарттан төмендеу болған мал жатқызылады. Бұл талаптарға сай келмейтін мал жарамсыздыққа шығарылады. Будандарға да талап осылай қойылады. Оған сай келмеген биязы жүнді қойларды ІІІ класқа, ал әртекті жүнділерді IV класқа жатқызылады. Ұсақ, дене бітімі әлсіз, пішінінде кемшіліктері бар, әр түрлі жүні бар мал жарамсыздыққа шығарылады.

Биязылау жүнді қой тұқымдарына олардың өнім ерекешеліктеріне қарай стандартты талаптар қойылады.

Линкольн типтес ұзын жүнді қойлардың стандарты. Қойлар ірі, дене бітімі мықты, сүйегі жақсы дамыған, бірақ сөлекет емес, тоқал, майсыз қүйрықты. Басы жалпақ мандайында кекілі бар, беті мен құлағындағы жүні тықыр, мойны жуан. Кеудесі кең, терең, денесі ұзын жалпақ, қабырғалар дөңгеленген, арқасы мен белі тегіс, сандары толық. Аяқтары кеңінен түзу қойылған, тізесі мен тілерсегіне дейін жабағы жүңдес, жүні ақ. Жабағы жүні ұзын, төмен қарай салбырап тұрады. Иректігі ірі. Жүні жылтыр, шайыры ақ, ақ-сары, жүннің таза шығымы 60% дан кем емес, төлшілідігі 110-130%.

... жалғасы

Сіз бұл жұмысты біздің қосымшамыз арқылы толығымен тегін көре аласыз.