Афинының теңіз қуаты

ЖОСПАР

1.Афинының теңіз қуаты.
2. Партиялар күресі.
3.Эфиальт реформалары.
4. Перикл . афины демократиясының көсемі.
5. Афины демократиясының саяси құрылысы.

1.Афинының теңіз қуаты. Грек-парсы соғыстары және 1-ші Афины теңіз одағының құрылуы кезінде Афинының теңіздегі қуаттылығы дами бастады. Барлық афины азаматтары өздерінің дүние-мүліктеріне қарай қандай жікке жататынына сәйкес белгілі әскери міндет атқара бастаған және саяси правоға ие болған. Солон реформасынан кейін афины кедейлері болып табылатын феттер афинының саяси құрылымының ең төменгі сатысынан орын алды. Ауыр қару-жарақтар алуға олардың қаржылары болмады, сондықтан көмекші отрядтарда қызмет атқаруға мәжбүр болды. Матростарға қымбат қару-жарақтың қажеті болмағандықтан, әскери-теңіз флоты дамыған кезде феттер құрылықтағы көмекші отрядтарда қызмет етумен бірге, кемелерде де қызмет атқара бастады. Ал флот 1-ші Афины теңіз одағының тірегіне айналғаннан кейін феттер өздерінің саяси жағдайы жөнінен бірте-бірте афины демосының өзге, неғұрлым ауқатты және ерекше пұрсатты жіктерге жататын зевгиттермен, ішінара тіпті атты әскерлермен де теңелді. Феттер б. э. дейінгі 5 ғасырда Афинының қуат-күшінің тірегі болды.
Грек-парсы соғыстарында афины демосынан құрылған афины армиясы жеңіске жетті. Сондықтан демостың грек-парсы соғыстары дәуірінің өзінде-ақ бедел алып, билікке ұмтылуы табиғи құбылыс еді. Сонымен бірге ол уақыттағы өндірістің ұйымдастырушылары да дәл осы демостар еді, олар қолөнермен және саудамен айналысты. Шаруашылық іс жүзінде демостың арқасында гүлденіп тұрды.
Селосы жерлерде б. э. дейінгі 5 ғасырда негізінен село демостың өкілдері – майда және орташа жер иеленушілер, өмір сүрді. Ірі жер иеліктері көп емес болды. Б. э. дейінгі 4 ғасырда ірі жер иеленушілік дамыды, бірақ ол аристократтардың үстемдігі негізінде емес, олигархияның дамуына байланысты туған еді.
Бірте-бірте өзінің жетекшілік позицияларын жоғалта бастаған афины аристократтары қарсыласуын тоқтатпады. Грек-парсы соғыстарының аяқ кезінде-ақ аристократиялық және демократиялық топтар арасында аяусыз саяси күрес жүрді, біз оларды, дәл емес болса да, партиялар деп атаймыз.
2. Партиялар күресі. Атақты қолбасшы Мильтиадтың баласы – талантты флот бастығы Кимон бастаған аристократтар партиясы әскери табыстар арқасында Афиныда ең жетекші роль атқаруға ұмтылды. Бірақ аристократтар партиясының күш-қуаты кеміген еді. Аристократтар ол уқытта сол кездегі өндірісте қандай да болмасын елеулі роль атқарудан қалған болатын, олардың жер иеліктері де азая берді.