Ұйым экономикасы

Пән: Бухгалтерлік іс
Жұмыс түрі: Дипломдық жұмыс
Тегін: Антиплагиат
Көлемі: 105 бет
Таңдаулыға:

КІРІСПЕ

Мен, ………. ., кәсіптік тәжірибемді «Басқарушы компания Доминанта» жауапкершілігі шектеулі серіктестігінде өттім. Бұл практиканың мақсаты колледжде теориялық оқу кезінде алынған теориялық білімді бекіту, тереңдету, есеп-талдаушылық және аудиторлық жұмыста практикалық жаттығуларды алу болып табылады.

Бұл мақсаттарды орындау үшін келесідей міндеттерді орындау керек:

• кәсіпорынның ұйымдастырылуымен, оның құрылымы, сала бағыты және кәсіпорынның басқарушылық және өндірістік құрылымының негізгі қызметімен танысуға;

• кәсіпорындағы бухгалтерлік есеп, талдау, аудиттің ұйымдастырылуын оқып білу. Оның ішінде: есеп саясатын, бухгалтерлік есеп формаларын, есеп автоматизациясын, бастапқы құжаттар мен құжат айналымын, аналитикалық есеп формаларын; қаржылық есептіліктің құрамы мен мазмұнын; жүргізіліп отырған есеп беруді ұйымдастырудың қысқаша сипаттамасын;

• тәжірибені міндетті түрде кәсіпорын бухгалтериясында немесе экономикалық талдау және ішкі аудит бөлімдерінде келесідей бөлімшелерде белгілі бір жұмыс орнын ала отырып өту қажет: материалдық құндылықтар, негізгі фондтар, еңбек ақы есебі мен талдауы;

• бухгалтерлік операцияларға, аналитикалық көрсеткіштер есебіне, инвентаризация жүргізу мен тексеруге байланысты құжаттарды өңдеу мен қалыптастыруға қатысуға;

• кәсіпорынның қаржы-шаруашылық қызметін, бухгалтерлік есбін ұйымдастыру сұрақтарын шешуге бағытталған жиналыстарға қатысуға міндеттімін.

Қазіргі таңда қаржылық, басқару есебінің жүйесін қалыптастыратын нақты, уақытылы берілген экономикалық ақпаратсыз шаруашылықты басқару, оны жетілдіру үшін қандай да бір тиімді шешім қабылдау, ұйымдастыру мүмкін емес.

Есеп мәліметтерін кәсіпорынның және оның құрылымдық бөлімшелерінің жұмысын жедел басқару үшін, қаржылық есебін құру үшін, қолданады.

Қазіргі таңда елімізде бухгалтерлік есепті одан әрі дамыту мен жетілдіру бойынша, бухгалтерлік есеп жөніндегі құқықтық актілерді дайындау мен қабылдау бойынша, халықаралық есеп стандарттарына көшу бойынша көптеген үлкен жұмыстар жүргізілуде.

Бухгалтерлік есепте капиталдың айналым сатысы деп шаруашылықтың өндіріс, жабдықтау және өткізу процесін айтады.

Бұл қызметтердің қаржылық нәтижесі барлық өндірістік ресурстар, шаруашылық операциялар, өндірістік циклдің элементтері, капиталдың айналым сатылары қаншалықты есепке алынуы, тіркелуі және өлшенуі бойынша анықталады. Бұндай аса маңызды міндетті бухгалтерлік есеп орындайды.

Кәсіпорынның тиімді қызмет етуін қамтамасыз ету оның атқаратын қызметін білікті экономикалық басқаруды талап етеді. Ал ол өз кезегінде оны талдай білумен анықталады.

Талдаудың арқасында даму тенденциясы игеріледі, қызмет нәтижесінің өзгеру факторлары терең әрі жүйелі зерттеледі, жоспарлар мен басқару шешімдері негізделеді. Олардың орындалуына бақылау жүргізіледі. өндірістің тиімділігін көтеру резервтері анықталады, кәсіпорын қызметінің нәтижесі бағаланады. Оны дамытудың экономикалық стратегиясы дайындалады.

Сондықтан, білікті бухгалтерлер, аудиторлар және экономикалық саланың басқа да мамандары экономикалық зерттеу әдістерін жақсы білуі керек.

Аудит - Қазақстан Республикасының заңнамасына сәйкес қаржылық есептiлiк жасау және өзге де ақпарат туралы тәуелсiз пiкiр бiлдiру мақсатымен тексеру болып табылады.

Модуль 1. Ұйым экономикасы

Блок 1. 1 Ұйымдарда экономикалық жұмыстарды ұйымдастырудың негізі

Тақырып 1. 1. 1. Ұйымның құрылымымен танысу. Жұмыс орнында еңбекті қорғау және қауіпсіздік техникасы бойынша нұсқау

ЖШС «Басқарушы компания Доминанта» 2005 жылы наурыз айында негізделген. Серіктестіктің құрылтайшысы Тян Наталья Борисовна . Компанияның мекен-жайы Алматы қаласы, Райымбек даңғылы 162А . Бұл кәсіпорын 10 жылдан бері Қазақстандағы жоғарғы дәрежеде жұмыс істейтін құрылыс компанияларының бірі. Алматы қаласының 12 ірі жобасын іске асырған. Бұл фирма қысқа мерзім ішінде өндірісте үлкен тәжірибе жинаған, құрылыс-монтаж жұмыстарын жетік меңгерген . Ойын -сауық орталықтары мен сауда орталықтарын тұрғызуда үлкен тәжірибеге ие. Серіктестік заңды тұлға болып табылады, өзінің жеке балансы, есеп және де банк мекемелерінде басқа да несие - қаржы мекемелерінде есеп шоттары, дөңгелек мөрі, фирмалық бланкісі, логотипі бар.

ЖШС «Басқарушы компания Доминанта» тапсырысшылардың түрлі талаптарын ескере отырып, заманауи технологиямен жұмыс жасауда.

Серіктестік өз қойған мақсаттарына сәйкес өз қызмет түрлерін мынадай бағыттарда жүзеге асырады:

құрылыс-монтаж жұмыстары
құрылыс алаңын дайындау
жер жұмыстары
ғимараттар мен құрылыстардың құрылымдарына көтергіш және қоршау тұрғызу;
объектілерді жөндеу және қайта құру, оның ішінде ғимараттар мен құрылыстарды салу, нығайту
әрлеу жұмыстары
сыртқы және ішкі инженерлік желілер мен құрылыстарды құру жұмыстары
бас мердігер қызметтері
құрылыс техникасын жалға беру

ЖШС олармен басқа заңдарымен тыйым салынбаған басқа да қызметтерді жүзеге асыра алады.

Тізімі заң актілерімен белгіленген, басқа да қызмет түрлерімен серіктестікке берілген лицензия негізінде жүзеге асырады. Компания меншігінде құрылыс машиналары паркі мен механизмдері бар.

ЖШС-ң басты клиенттері METRO Cash&Carry, Mega Development, Астана Моторсю, Metako сынды компаниялар.

ЖШС «Басқарушы компания Доминанта» ұжымы-азаматтық және өнеркәсіптік құрылыс алаңында кең әрі көпжылдық тәжірибеге ие мамандардың ұйымшыл командасы. ЖШС-ң қазірге дейін жасаған ірі жобаларының бірнешеуі:

2009

Көтерме сауда орталығы «METRO Cash&Carry»
Тапсырыс беруші : ЖШС «МЕТРО Казахстан», Астана қ, .

Орындалған жұмыс көлемі: 11 000м²
Бас мердігер

2007 - 2008

Сауда комплексі «Арзан»

Тапсырыс беруші : ЖШС «Оптовый клуб»

Жасалған жұмыс көлемі: 21 660м²
Бас мердігер

2006

Тапсырыс беруші: ЖШС «Mega Centre Development»

Жасалған жұмыс көлемі: 5 100 м²
Құрылыс -монтаж және әрлеу жұмыстары

«BABYLON» балалар алаңы
Тапсырыс беруші: ЖШС «AGAT Asia»

Жасалған жұмыс көлемі: 6 650 м²

8-залды кинотеатр
Тапсырыс беруші : ЖШС «Star Cinema»

Жасалған жұмыс көлемі: 4 382 м²
Құрылыс -монтаж және әрлеу жұмыстары

«BAMBOO» боулинг орталығы

Тапсырыс беруші: ЖШС «BBSS»

Жасалған жұмыс көлемі: 2 542 м²

Құрылыс -монтаж және әрлеу жұмыстары

Тапсырыс беруші: ЖШС «Кокмайса»
Жасалған жұмыс көлемі :25 798 м²
Құрылыс -монтаж және әрлеу жұмыстары

2005

City Plus

Тапсырыс беруші: «INTERFOOD»

Жасалған жұмыс көлемі: 6 800 м²
4 залды кинотеатрЖалпы көлемі: 1 650 м²

Директор

Хатшы

Механизация бойынша дир. орынбасары

Қаржылық директор

Коммерциялық директор

Бас инженер

Бас механик бөлімі

Логистика бөлімі

Өндіру бөлімі

Бас экономист

Негізгі клиенттермен жұмыс жасайтын менеджер

Технология бөлімі

Бухгалтерия

АХО

Құрылыс алаңы

Бас энергетик

Кәсіорынның құрылымы

Кәсіпорында барлығы 47 жұмысшы бар. Оның ішінде, есепшіні қоса алғанда 12 кісі басқару бөлімінде жұмыс жасайды. Компанияның пікірінше, құрылыс процесі барлық күрделі әрі ерекше жұмыстарды бір-бірімен байланыстырады. Жұмыс барысын жұмыс күшінің әрекетсіздігі, жұмыстағы қиындықтар мен үзілістер бұзбау үшін бас мердігердің болуы басты шешім болып табылады. ``Тәжірибеміз көрсеткендей, барлық жұмыс процесін өз басқаруына алып, бөлімшелердің ынтымақтастығына жауап бере алатын білікті серіктестер табу компания үшін де клиенттер үшін де оңтайлы шешім екені анық``-дейді компания ұжымы. Осылайша барлық жұмысты өз уақытында әрі сапалы етіп орындау мүмкіндігіне ие болады.

Тақырып 1. 1. 2. Ұйымның экономикалық қызметінің негізгі есеп беру құжаттарымен танысу

Есеп беру термині деп есептік мәліметтердің жиынтығын түсінеміз, олар бойынша шаруашылық субъектінің көп жақты қызметін бақылауға болады. Есеп беру - сонымен қатар, бұл - құрамында есептің әр түрінің негізінде құрастырылған мәтіндік түсіндірмелердің және сандық сипаттамалардың жүйелері бар - дәлелдеуші құжаттар. Есептің және есеп берудің арасындағы байланыс, есепте алынатын жиынтқы мәліметтер синтезделген көрсеткіштер түріндегі есеп берудің сәйкесінше түрлеріне қойылған кезде, орнатылады.

Бүгінгі күндегі есеп беру - негізгі ақпараттық құжат, оның мәліметтері кәсіпорынмен бірігіп жұмыс етудің мақсаттылығын және мүмкіндігін дәлелдейді, бұл бизнессті жемісті жүргізудің негізгі факторы болып табылады. Соныме қатар, ол, бірігіп жұмыс істеу туралы алдағы болатын келіссөздерге әріптестерді тартатын, фирманың қызметінің жарнамалаудың ерекше әдісі болып саналады.

Есеп беруді құрастырудың алдыңда елеулі дайындық жұмыстар жасалады, олар арнайы алдын-ала жасалған график бойынша жүзеге асады. Негізінде бухгалтерлік есеп жатқан, есеп беруге бұл жағдайлар ерекше мән береді. Осыған байланысты, қазіргі уақыттағы бухгалтерлердің функционалдық рөлі тек қана шаруашылық операцияларды бекіту емес, сонымен қатар өзінің кәсіпорынның қызметін жақсарту бойынша экономикалық шешімдерді жоспарлау, бақылау, дайындау және қалыптастыру.

Қаржылық есеп беруде субъектінің қаржылық және мүліктік жағдайы, және де есеп беру кезеңі үшін шаруашылық қызметтің нәтижелері бейнеленеді,

«Бухгалтерлік есептің стандарттарына әдістемелік нұсқауларды бекіту туралы» 1997 жылдың 27 шілдесіндегі ҚР-ның Өкіметінің қаулысында қаржылық есеп беруді жасау туралы әдістемелік нұсқаулар келтіріледі. Осы құжатқа сай субъектінің қаржылық есеп беруі келесілерден тұрады:

бухгалтерлік баланстан;
қаржы-шаруашылық қызметтің нәтижелері туралы есеп беруден;
ақша құралдарының қозғалысы туралы есеп беруден
түсіндірме жазбадан
кіріс шығыстар есебі

Блок 1. 2. Жарғылық капитал. Оперативті экономикалық жұмыс

Тақырып 1. 2. 1. Ұйымның жарғылық капиталы, құрылтай құжаттары

Кәсіпорынның жарғылық капиталы қызметті бастауды қамтамасыз ету үшін жаңадан құрылған кәсіпорынның жасаған қаражаттарының сомасы болып саналады. Ол акцияларды орналастырудың немесе сатудың, жеке капиталын салудың, мемлекеттің қаражаттарының, материалдық емес активтердің және басқа да мүліктердің немесе мүліктік құқықтарының есебінен құрылады. Жарғылық капиталдың есебі 5000-ші «Жарғылық капитал» деген шоттар бөлімшесінде жүргізіледі. Кәсіпорын мемлекеттік тіркеуден өтпес бұрын, алдымен жарияланған жарғылық капиталының толық төленуі қарастырылады. Жарияланған жарғылық капиталының минималды көлемі жабық қоғам үшін - жүз минималды есептік көрсеткішін құрайды. Акцияны шығарудың жағдайы, мерзімі, саны директорлар кеңесінің шешімімен белгіленеді. Қоғамның шығарылған жарғылық капиталының деңгейі шығарылатын акцияның номиналдық құнына тең болады. Жарғылық капиталдың көлемі жаңадан шығарылған немесе сатып алынған және жойылған акцияларға сәйкес өзгеруі мүмкін. Жарғылық капиталды ұлғайту және азайту туралы шешім акционерлердің жалпы жиналысында қабылданады және минималды деңгейден төмендеуге болмайды.

«Басқарушы компания Доминанта» ЖШС Жарғылық капиталы.

Серіктестікті құру және оның қызметін қамтамасыз ету үшін Серіктестіктің Жарғылық капиталы құрылады. Шаруашылық серіктестіктің жарғылық капиталына салым ақша, бағалы қағаздар, заттар, мүліктік құқықтар, оның ішінде жер пайдалану құқығы мен интеллектуалдық қызмет нәтижелеріне құқықтық және өзге де мүлік болуы мүмкін.

Салымды жеке мүліктік емес құқықтар және өзге де материалдық емес игіліктер түрінде салуға жол берілмейді.

Серіктестікке салым ретінде мүлікті пайдалану құқығы берілген жағдайларда бұл салымның мөлшері құрылтайшы құжаттарда көрсетілген бүкіл мерзімге есептелген пайдалану төлемімен айқындалады.

Серіктестіктің пайдалануына берілген мүліктің кездейсоқ құрып кетуіне немесе бүлінуіне тәуекелдік, осы мүлікті берген қатысушыға жүктеледі. Жарғылық капиталға құрылтайшылардың (қатысушылардың) заттай нысандағы немесе мүліктік құқықтар түріндегі салымдары барлық қатысушылардың келісімі бойынша немесе серіктестіктің барлық қатысушыларының жалпы жиналысының шешімі бойынша ақшалай нысанда бағаланады. Егер мұндай салымның құны жиырма мың айлық есептік көрсеткіштен асып кетсе, оны бағалауды тәуелсіз сарапшы растауға тиіс.

Жарғылық капиталдың мөлшері 430 410 000 (төрт жүз отыз миллион төрт жүз он мың) теңгені құрайды, Жарғы мемлекеттік тіркеу сәтінде толығымен құрылған.

Серіктестіктің Жарғылық капиталы Қазақстан Республикасының «Жауапкершілігі шектеулі және қосымша жауапкершілігі бар серіктестіктер туралы» Заңының 24 бабына сәйкес құрылады.

Серіктестіктің қатысушысы қолданыстағы заңнамаға сәйкес Жарғылық қорды көбейту немесе азайту туралы шешім қабылдауға құқылы.

Барлық кредиторлар жеке-жеке жазбаша хабардар етілгеннен кейін ғана шаруашылық серіктестігінің жарғылық капиталын азайтуға жол беріледі.

Құрылтай құжаттары. Қазақстан Республикасының «Жауапкершiлiгi шектеулi және қосымша жауапкершiлiгi бар серiктестiктер туралы» заңына сәйкес жауапкершiлiгi шектеулi серiктестiктiң серiктестiк атауын, сондай- ақ "жауапкершiлiгi шектеулi серiктестiк" деген сөздердi немесе "ЖШС" деген аббревиатураны қамтуға тиiс фирмалық атауы болады. Қосымша жауапкершiлiгi бар серiктестiктiң фирмалық атауында тиiсiнше "қосымша жауапкершiлiгi бар серiктестiк" деген сөздер немесе "ҚЖС" деген аббревиатура болуға тиiс. Жауапкершiлiгi шектеулi серiктестiк коммерциялық ұйым болып табылады, азаматтық құқықтары болады. Жауапкершiлiгi шектеулi серiктестiктiң орналасқан жерi деп оның тұрақты жұмыс iстейтiн органының орналасқан жерi танылады. Жауапкершiлiгi шектеулi серiктестiк өзi орналасқан жерден тыс жерлерде филиалдар құрып, өкiлдiктер ашуға құқылы. Жауапкершiлiгi шектеулi серiктестiктi құру оның құрылтайшыларының құрылтай шартын жасасуынан басталып, серiктестiктi заңды тұлға ретiнде мемлекеттiк тiркеуден өткiзумен аяқталады. Құрылтай шарты. Жауапкершiлiгi шектеулi серiктестiктiң құрылтай шарты: жазбаша нысанда, әрбiр құрылтайшының немесе оның уәкiлеттi өкiлiнiң шартқа қол қоюы арқылы жасалады. құрылтай шартын нотариат куәландыруға тиiс. Құрылтайшылар қатарына кiретiн заңды тұлғаларды олардың тиiстi заңды тұлға атынан сенiмхатсыз әрекет етуге құқылы басшылары ұсынуы мүмкiн. Шартқа қол қоюдан бас тарту серiктестiкке кiруден бас тартуды бiлдiредi. Шартқа ескертпелер жасай отырып қол қоюға жол берiлмейдi. Серiктестiктiң жекелеген қатысушылары мәртебесiнiң ерекшелiктерi барлық құрылтайшылар қол қойған шарттың мәтiнiнде көрсетiлуге тиiс. Құрылтай шартын нотариат куәландыруға тиiс Жауапкершiлiгi шектеулi серiктестiктiң жарғысы. Жауапкершiлiгi шектеулi серiктестiктiң жарғысы серiктестiктiң заңды тұлға ретiндегi құқықтық мәртебесiн белгiлейтiн құжат болып табылады. Серiктестiктi мемлекеттiк тiркеу кезiнде оның жарғысы құрылтай құжаты ретiнде қаралады. Жауапкершiлiгi шектеулi серiктестiктiң жарғысында:серiктестiктiң фирмалық атауы, орналасқан жерi мен мекен-жайы; серiктестiкке қатысушылардың (серiктестiкке қатысушыларының тiзiлiмiн жүргiзудi тiркеушi жүзеге асыратын серiктестiктердi қоспағанда) олардың атауы, орналасқан жерi, мекен-жайы, банк реквизиттерi (eгep құрылтайшы заңды тұлға болса) немесе аты-жөнi, тұратын жерi және жеке басын куәландыратын құжаттың деректерi (eгep құрылтайшы жеке тұлға болса) көрсетiлген тiзбесi; серiктестiктiң жарғылық капиталының мөлшерi туралы мәлiметтер; серiктестiк органдарын құру тәртiбi мен олардың құзыретi; серiктестiктi қайта ұйымдастыру және оның қызметiн тоқтату ережелерi; серiктестiкке қатысушылар тiзiлiмiн жүргiзудi тiркеушi жүзеге асыратын жағдайда серiктестiктiң таза кiрiсiн бөлудiң тәртiбi; серiктестiкке қатысушыларға және үлестердi сатып алушыларға серiктестiктiң қызметi туралы ақпаратты ұсыну тәртiбi және мерзiмi; серiктестiкке қатысушылардың құқықтары мен мiндеттерi болуға тиiс. Жарғыда Қазақстан Республикасының заңдарына қайшы келмейтiн басқа ережелер де болуы мүмкiн. Серiктестiктiң жарғысында оның қызметiнiң мәнi мен мақсаттары көзделуi мүмкiн. Серiктестiктiң нотариат куәландырған жарғысында даналары, сондай-ақ оның кейiнгi өзгерiстерi туралы барлық құжаттар серiктестiктi мемлекеттiк тiркеудi жүзеге асырған органда сақталады.

Блок 1. 3. Инвестициялық қызмет. Негізгі қорлар мен айналымнан тыс активтер

Тақырып 1. 3. 1. Ұйымның бизнес-жоспары

Бизнес-жоспар - бұл кәсіпкерлік жобаның негізгі формасы болып табылады.

Бизнес-жоспар негізгі мақсаты берілген бизнестің негізін салу және нақты кезеңге нәтижелерді бағалау. Осы тұрғыда бизнес -жоспар табысқа жету жолы болып табылады; Бизнес-жоспар бизнесті басқару және іс-әрекеттер бағытын анықтайтын құжат болып табылады. Бұл аспектіде бизнес-жоспар стратегиялық жоспардың және басқарудың орындалуы мен бақылаудың қажетті элементі.

Бизнес-жоспарды жоспарлау процесі және фирманың ішкі басқару инструменті ретінде қарастыруға болады. Сондықтан да бизнес-жоспар ылғи да өзгеріп отыратын құжат, ол фирманың жаңа еңгізулерге бағыттайды.

Бизнес-жоспар өзін-өзі үйрету құралы. Бұл аспектіде бизнес-жоспар бұл үзіліссіз тану мен өзін-өзін тану процессі құралы. Осыдан бизнес-жоспар шығармашылық процесс деп бекітуге болады.

Нарықтық экономикада бизнес-жоспардың құрылымы, формасы, мәні бойынша әр түрлі типте қолдануы мүмкін. Бизнес-жоспар келесідей жіктеледі:

- Коммерциялық сана және инвесторлық жобаның толық бизнес-жоспары;

- Коммерциялық сана және инвесторлық жобаның толық бизнес-жоспары және тұжырымдамасы;

- Құрылымдық бөлімдердің бизнес-жоспары;

- Бизнес-жоспар несиеге сұраныс;

- Бизнес-жоспар - грантқа сұраныс;

- Аумақтық даму бизнес-жоспары;

Берілген технология бойынша бизнес-жоспар әртүрлі қолдануына байланысты атқарылады.

Бизнес-жоспар құжат ретінде кәсіпорынның өндірістік және әлеуметтік дамуының перспективаның жоспарын алмастыруға қабілетті. Сондықтан, бизнес-жоспар - бұл кәсіпорынның өндірістік-қаржылық қызметінің рентабельдігін арттырудағы статистикалық даму бағдарламасы.

Бизнес-жоспар - коммерциялық iс-шаралардың зерттеп-дайындалған негiзгi аспектiлерiн, туындаған мәселелердi, мүмкiн болған кедергiлердi сараптау және оны жоюдың әдiстерiн көрсететiн фирмаiшiлiк құжат. Несие беру үшiн негiз болады, коммерциялық жобаның шынайылығын және тиiмдiлiгiн сараптау құралы болып табылады. Бизнес-жоспар қазақстандық кәсіпкерлікті стратегиялық жоспарлау құралы ретінде кірді, сондай-ақ инвесторлармен, кредиторлармен және мемлекеттік басқару органдармен келіссөздерді жүргізу үшін қажетті құжат болып табылады. Бизнес-жоспар мен стратегиялық жоспар арасында бірқатар айырмашылықтар бар. Стратегиялық жоспарды жалпы кәсіпорын бойынша құрастырады және барлық мақсаттар мен міндеттерді қамтиды. Бизнес-жоспар негізінде жаңа бизнесті құру мен дамыту үшін нақты мақсаттар мен міндеттер бейімделеді. Бизнес-жоспар қатаң горизонтальдық жоспар болса, стратегиялық жоспарда кең ауқымды болып келеді. Осыдан бизнес-жоспар бұл стратегиялық жоспардың нақты бір мәселесінің қарастырылуын көрсететінін көреміз. Бизнес-жоспарға ұқсас құжат болып техника-экономикалық негіз болып табылады, өйткені мұның бағыты бизнес-жоспардағыдай, бірақ технико-экономикалық негіз шағын негіз болып келеді. Бизнес-жоспар - бұл кәсіпкерлік жобаның негізгі формасы болып табылады.

Тақырып 1. 3. 2. Ұйымдағы жоспарлау және болжау

Жоспарлау - атқарылатын іске бағытталған, ақпаратты саналы түрде талдау процесі. Кез-келген шаруашылық қызметтің мақсатқа жетуі, ғылыми немесе логикалық тұрғыдан нәтежиесін болжаудың әсерінен болады. Болжау болашақта туындауы мүмкін қиындықтар мен жағдайларды алдын-ала қарастыруға мүмкіндік береді. Сонымен, болжаудың екі түрі болады: теориялық-танымдылық және басқарушылық болжау.

Жоспарлау мен болжау - бұл, Экономиканың обьективті тәуелділігі мен себеп-салдар нәтежиесінде, әлеуметтік және ғылыми-техникалық прогрессте, қоғамдық өнімділіктің дамуы мен нәтежиесін алдын-ала ғылыми тұрғыдан көре білу.

Болжау мен жоспарлаудың әдістеріне негізінен экономикалық заңдардың толық есебі, ғылыми тұжырымдар, әртүрлі жағдайлар, жоспарлау мен болжаудың мақсатқа сай жасалуы, жүйелер, құрылымдар, логика және ұйымдастыру жатады.

Болжаудың негізгі принципі - жоспарлық есептің ғылыми негізделуі және нақты шама болуы. Бұл барлық экономикалық заңдылықтарды, ғылымның жаңа жетістіктерін қолдануды, техника мен технологиялық жетістіктерді меңгеруді өнімділікті ұйымдастыра білу мен басқарудан құралады.

Экономикалық тепе теңдікті сактау және талдау жасай білу керек. Яғни, нарықтағы сұраныс пен ұсыныстың көрсеткіштерін толық зерттеу. Соған сай жоспар мен болжамды икемдеу керек.

Жоспарлаудың тағы да бір маңызды принципі бұл - мемлекеттің, қоғамның, шаруашылық субьектілерінің, салааралық, аймақтық ұйымдардың көзқарастары мен мүдделерін де қарастыру.

Жоспар жасауда ең бірінші айналысатын саладағы тиімді және ұтымды шешімдерді қарастыру керек. Бұл болашақта әр кәсіпорынның, әр саланың, шаруашылықтың дұрыс дамуына мүмкіндік жасайды.

Жоспар жасалу барысында, тексеріле отырып, түзетулер мен толықтырулар енгізілуі мүмкін.

Тақырып 1. 3. 3. Инвестицияның тиімділігін есептеу

Инвестициялық жобаларды бағалау мына көрсеткіштер негізінде жүзеге асырылады: