Ақша қаражаттары есебі

Пән: Бухгалтерлік іс
Жұмыс түрі: Курстық жұмыс
Тегін: Антиплагиат
Көлемі: 32 бет
Таңдаулыға:

МАЗМҰНЫ

КІРІСПЕ . . . 2

I Тарау. Ақша қаражаттар есебінің теориялық негіздемесі

1. 1 Ақша қаражаттар операцияларын

есепке алудың мәні мен мақсаты . . . 3

1. 2 Есеп айырысу шоты операцияларының есебі . . . 4

1. 3 Валюталық шот операцияларының есебі . . . 9

ІІ Тарау. Касса операцияларының есебі. . 13

2. 1 Банктегі арнайы шоттардағы ақшалар есебі . . . 18

2. 2 Төлем карточкаларының есебі . . . 23

2. 3 Ақша қаражаттар қозғалысы туралы есеп беру . . . 26

ҚОРЫТЫНДЫ . . . 29

ПАЙДАЛАНҒАН ӘДЕБИЕТТЕР ТІЗІМІ . . . 31

Кіріспе

Бухгалтерлік есеп нарық қатынастары жағдайында шаруашылық жүргізуші субъектілерде ерекше маңызды орынға ие. Қазақстан нарық экономикасына түгелімен күшті, оны бүкіл әлемдік қауымдастық та мойындады. Бұндай жағдайда біздің республикамызда пайдасы жоғары, тұрақты, әлемдік нарықта бәсекелестік қабілеті бар кәсіпорындар неғұрлым көп болса, соғұрлым біздің экономикамыздың деңгейі де жоғарылай береді. Бұл бүгін, ертең, алдыңғы отыз жыл ішінде де ең өзекті мэселелердің бірі болатыны, Қазақстан Республикасының Президентінің «Қазақстан - 2030» деген халыққа жолдауында да ерекше аталып кеткен. Ал кәсіпорын қызметінің дұрыс жолға қойылуы көптеген факторларға байланысты болып табылады. Соның ішінде бухгалтерлік есептің, аудиттің, оның ішінде қаржылық есептің, ішкі аудиттің және талдаудың дұрыс ұйымдастырылып жүргізілуі үлкен рөль атқарады. Бұл қызметтердің мәні «тірі» ақпаратта. Ал кім ақпаратқа ие болса, сол әлемді билейді деген сөз бар. Бухгалтерлік есептің маңызын осыдан-ақ білуге болады.

Есепке алу мәліметтегі кәсіпорынның және оның құрылымдық бөлімшелерінің қызметін жедел басқару үшін, экономикалық болжамдар мен ағымдық жоспарлау жасау үшін, сөйтіп ел экономикасының даму заңдылықтарын зерртеу үшін қолданылады. Шаруашылық жүргізудің қазіргі жағдайында кәсіпорынның күрделі экономикалық тетігін нық, дұрыс жолға қойылған есеп жүйесіз, сондай - ақ сенімді экономикалық ақпаратсыз басқару іс жүзінде мүмкін емес. Осы түрғыдан есептегенде, ақша қаражаттарының есебі мен оның ішкі аудиті өзекті болып есептелінеді.

Бухгалтерлік есепті халықаралық стандарттардың талабына сай жүргізу қазіргі кезде ең басты мәселе болып табылады. Осыған байланысты бухгалтерлік есеп пен аудитке жүктелетін міндеті қай кезде болмасын күрделі болып отыр. Осы тұрғыдан қарағанда ақша қаражаттар есебін дұрыс ұйымдастырудың рөлі зор.

Ақша қаражаттардың есебін зерттеп бақылай отырып кез - келген кәсіпорынның жабдықтаушылары мен клиенттерінің кім екендігін, олардың қандай тауар сататынын, қызмет көрсететінін, олармен қандай қарым -қатынастарда, қандай тәртіпте, қандай құжат негізінде жүзеге асатынын көріп білуге болады.

Бұл жерде тағы маңызды бір нәрсе - банк мекемесі. Жоғарыдағы айтылып кеткен қарым - қатынастар қолма қолсыз есеп айырысу нысанында жүзеге асырылса банк мекемесі де бұл қатынастарда өз үлесін қосады. Яғни, кәсіпорын банкі мен жабдықтаушы банкі арасындағы қатынастар жүзеге асырылады. Бұл жерде банк қызметімен де жақынырақ танысып, олардың құжаттарының кәсіпорын құжаттарымен қандай байланысы бар екенін көруге болады.

Жоғарыдағы айтылып кеткен мәселелер мені қызықтырды, сондықтан бухгалтерлік есептің ақша қаражаттар бөлімін кеңірек ауқымда қарастырып, курстық жұмысымның тақырыбы ретінде таңдап алдым.

IБӨЛІМ. АҚША ҚАРАЖАТТАР ЕСЕБІНІҢ ТЕОРИЯЛЫҚ

НЕГІЗДЕМЕСІ

1. 1 Ақша қаражаттар операцияларын есепке алудың мәні мен

мақсаты.

Қазақстан Республикасы Қаржы Министрлігі жанындағы «Бухгалтерлік есеп және аудит әдістемесі департаментінің» №4 № «Ақша қаражаттарының қозғалысы туралы есеп»- деп аталатын бухгалтерлік есеп стандартының бірінші бабында: «Кәсіпорындар мен ұйымдардың, яғни субьектілердің ақша қаражаттарының қозғалысы туралы есебі осы деректі пайдаланушыларды түрлі операциялық және инвестициялық қаржы қызметі бойынша есепті кезеңдегі ақша қаражаттарының келіп түсуі, кірістелуі ол қаржылардың жұмсалуы туралы ақпараттармен қамтамасыз етіп және оларға осы заңды түлғаның, яғни субъектінің қаржы жағдайындағы өзгерістерін бағалауына мүмкіндік береді» делінген. Ал осы стандарттың екінші бабында:«Заңды тұлғалар, субьектілер (банктер мен бюджеттік мекемелерден басқа) ақша қаражаттарының қозғалысы туралы есепті осы стандарттың талаптарына сай жүргізеді және есепті кезеңдегі қаржы нәтижелері есептемесінің құрамында (яғни сонымен бірге) тапсырады» делінген.

Барлық шаруашылық жүргізуші субьектілерде өндірілген өнімді сату барысында, сондай-ақ материалдық қүндылықтарды, негізгі құралдарды, тауарларды сатып алғанда немесе бюджеттен тыс басқа да мекемелерге әртүрлі төлемдерді түлеуге байланысты түрлі операциялар пайда болады. Әрбір кәсіпорын, ұйым, мекеме немесе фирма әдетте бір уақытта өндірілген өнімін сатып немесе қызмет көрсетіп, жабдықтаушы ретінде болатын болса, екіншіден сол өнімдерді өндіріп шығару үшін қажет болатын шикізаттар мен материалдармен жабдықтайтын жабдықтаушылар алдында сатып алушы болып табылады.

Осындай кәсіпорындар мен ұйымдардың, фирмалардың арасында алашақ және берешек операциялар көбіне қолма-қол ақша және қолма-қол ақшасыз түлеу жолы арқылы жүргізіледі. Қолма қол ақшамен есеп айырысу Қазақстан Республикасының Ұлттық Банк мекемесі белгілеген ережелер мен тәртіпке сәйкес жүргізілуі тиіс. Ақшаларды сақтау және қолма қол ақшасыз есеп айырысуды жүргізу үшін Қазақстан Республикасының банк мекемелері:

1) ҚР Әділет министрлігінде тіркеуден өткен заңды тұлғаларға есеп айырысу шоттарын ;

2) Шетелдік валютадағы қаражаттардың қолда бары мен қозғалысын есепке алу үшін заңды түлғаларға валюталық шоттарды;

3) Бюджеттік мекемелерге, олардың бюджеттен тыс қаражаттары бойынша, қоғамдық ұйымдарға, өндірістік, коммерциялық қызметпен айналысатын жеке тұлғаларға ағымдық шоттарды;

4) Республикалық бюджетте түрған мекемелерге бюджеттік шоттарды;

5) Ұлттық банк мекемелеріндегі екінші деңгейдегі банктерге корреспонденттік шоттарды ашады.

Ақшалай қаржылармен есеп айырысу операцияларының бухгалтерлік есебін жүргізу мен оны ұйымдастырудың мақсаттары мыналар болып табылады:

1) Ақшамен есеп айырысу операцияларын толық және уақтылы дер кезінде есептеу.

2) Субьектідегі ақшалай қаржылардың түгелдігін және оларды дұрыс, тиімді пайдалануды бақылау.

3) Есеп айырысу, төлеу тәртібін бақылау, кәсіпорынның, ұйымның немесе фирманың ақшалай кірістері мен шығындарын дұрыс есептеу.

Ақша қаражаттарының бухгалтерлік есебінің міндеттері:

1) Қолма қолсыз ақша аудару жолымен және қолма қол ақшамен қажетті есеп айырысуларды уақытылы және дұрыс жүргізу.

2) Ақша қаражаттарының қолда бары мен қозғалысын және есеп айырысу опрацияларын есептік тіркелімдерде толықтай және жедел түрде көрсету.

3) Бүлінген лимиттерге, қорларға және сметаларға сәйкес ақша қаражаттарын мақсаты бойынша жұмсаудың қолданыстағы ережелерін сақтау.

4) Белгіленген мерзімдерге ақша қаражаттары мен есеп айырысудың жағдайына түгендеуді ұйымдастыру және жүргізу. Мерзімі кешігетін дебиторлық және кредиторлық берешектердің туындауын болдырмаудың мүмкіндіктерін іздестіру.

5) Кассадағы, есеп айырысу шотындағы және банктегі басқа шоттардағы ақшалардың бар, жоғы мен сақталуына бақылау жасау.

6) Есеп айырысу - төлем тәртібінің сақталуына, материалдық құндылықтар мен қызметтер үшін сомалардың уақытылы аударылуына, сондай - ақ несие тәртібінде алынған ақша қаражаттарының қайтарылуына бақылау жасау.

1. 2 Есеп айырысу шоты операцияларының есебі

Барлық шаруашылық субъектілер ақша қаражаттарын банктердің сәйкес мекемелеріндегі шоттарда сақтайды және міндеттемелер бойынша төлемдерді жүзеге асырады. Көп жағдайда бұл төлемдер қолма-қолсыз есеп айырысу нысанында болады, ал қажетті қолма - қол есеп айырысулар Қазақстан Республикасының Ұлттық Банкінің нормативті құжаттарымен бекітілген мүлшерде ғана жүзеге асады. Заңды түлғалар арасындағы төлем 4000 айлық есеп айырысу көрсеткішінен артып кеткен жағдайда, есеп айрысу тек қолма - қолсыз түрде жүзеге асу керек. ¹ Ақша қаражаттарын сақтау және заңды түлғалармен есеп айырысу үшін Қазақстан Республикасының банк мекемелерінде банктік шоттарды ашады. Банктік шот депозит қабылдаумен, келісім - шартта қарастырылған клиентке банктік қызмет көрсетумен байланысты операцияларды жүзеге асыру бойынша банк пен клиент арасындағы келісім - шарт қатынастарын көрсету амалы. Банктік шоттар теңге мен шетел валютасында жургізілуі мүмкін және есеп айырысу (ағымдағы), жинақ, корреспонденттік шоттар болып бөлінеді.

Корреспонденттік шоттар - (банктер мен ұйымдардың) банктік операциялардың жеке бір түрлерін ғана жүзеге асыратын банктік шоттары.

Ағымдағы (есеп айырысу) және жинақ шоттары - жеке және заңды тұлғаларға, заңды түлғалардың ерекше бөлімшелеріне (филиалдар мен -өкілдіктер) ашылатын банктік шоттар. ² 1

Есеп айырысу шоты мынадай құжаттардың негізінде ашылады:

1) шотты ашу жөніндегі өтініш;

2) қойылатын қол таңбалары мен мөр таңбаларының үлгісі бар карточка;

3) субъектінің салықтық есепке қойылу фактісін растайтын салық органының анықтамасы;

4) мемлекеттік тіркеу туралы куәліктің көшірмесі;

5) жарғы мең қүрылтай шартының күшірмесі (егер құрылтайшылар саны 1-ден көп болса) .

Есеп айырысу шотын ашқан шаруашылық субъектісі оның иесі болып табылады. Ол өзіне берілген құқықтардың шегінде осы шоттағы қаражаттардың барлығына иелік жасайды.

Ақшаларды қабылдауды, беруді және аударуды банк мынадай құжаттардың негізінде орындайды:

1. Қолма-. қол ақшаларды кассадан есеп айырысу шотына енгізген кезде қолма-қол ақша салымының мәлімдемесі ресімделеді. Қолма - қол ақша салымының мәлімдемесі түскен түсімді, депоненттелген еңбек ақыны және қолма - қол ақшадағы басқа да сомаларды өз шотына қабылдау туралы шот иесінің банкке деген бұйрығы. Мәлімдемені сиямен бір данада толтырады; қабылданған ақшаға банк квинтация береді, ол шығыс касса ордеріне тіркеледі.

2. Әртүрлі мақсаттар үшін кассаға алынғанда-чек рәсімделеді. Чек рәсімделуі - чек берушінің чек алушыға төлем құжатын беру арқылы төлемнің жүзеге асуын білдіреді. ¹ 2

3. Басқа субъектілермен есеп айырысқанда төлем тапсырмасы жазылады. Төлем тапсырма - қызмет көрсететін банкке өз ақшасын тапсырмада көрсетілген сомада бенефициар пайдасына аудару жөнінде төлеушінің тапсырмасы.

4. Субъект босатылған өнімдердің, орындалған жұмыстар мен қызметтердің құнын сатып алушыдан өндіріп алуға тиіс болғанда төлем талап тапсырмасы жасалады. Төлем талап тапсырмасы бенефициардың сатылған тауарлар, көрсетілген қызметтер, орындалған жұмыстар үшін дәлелдеуші құжаттар негізінде ақша аударушыға төлем ақыны жүргізу туралы талабы.

5. Шаруашылық істері жөніндегі комиссияның бұйрығы, сот органдарының атқарушы қағаздары, есеп айырысу шотынан қаражаттар есептен шығарылатын атқарушы құжат болып табылады.

Субъектінің шотынан барлық төлемдер есеп айырысу құжаттарының банкке түсуіне қарай күнтізбелік кезек тәртібімен жүзеге асырылады. Банк төлеуге қабілетсіз деп жариялаған міндеттемелер бойынша төлемдердің кезектілігін банк мекемесінің басшылығы белгілейді. Банктер мезгіл- мезгіл немесе күн сайын шоттардың иелеріне жүргізілген операциялар туралы хабарлап, есепке алуға және есептен шығаруға негіз болған құжаттарды оған қоса беріп, оларға есеп айырысу шотынан көшірме жолымен жасайды. Көшірмеде банк кодтайтын, қатаң түрде белгіленген көрсеткіштер болады. Бухгалтер банктен алынған көшірмені тексереді, құжаттарды таңдап, шоттардың кодын (корреспонденциясын) қояды, ол жекелеген операциялар бойынша есептік тіркелімдерге жазу үшін талдау есебі баптарының кодын қояды.

Банктің көшірмесі есеп айырысу шоты бойынша талдамалы есептің тіркелімін үздігінен алмастырады және сонымен бірге бухгалтерлік жазулар үшін негіздеме қызметін атқарады. Кәсіпорынның банктегі есеп айырысу шоты кредиторлық берешекті көрсететін пассивтік шот болып табылады. Көшірмеде банк ақша қалдығын немесе кредит бойынша оның өсуі, ал дебет бойынша оның есептен шығарылуын күрсетеді. Шаруашылық жүргізуші субьектінің бухгалтериясында керісінше, есеп айырысу шоты активтік болып табылады. Ақша қаражаттарының қалдығы мен өсуі дебет бойынша, ал кемуі (есептен шығару) кредит бойынша көрініс табады. Банк көшірмесінің деректері бойынша есеп айырысу шотындағы ақша қозғалысының есебі 441 - шотта жүргізіледі.

1040 - шот бойынша төмендегідей шаруашылық операциялары жүргізіледі:

1. Өнімдер, жұмыстар мен қызметтер және сатып алушылар мен тапсырыс берушілерден алынған төлем сомасына Д-т1040К-т1210

2. Төлеу мерзімі басталғанда вексель берушінің вексельді өтеуі Д-т 1040 К-т 1210

3. Еншілес заңды тұлғалар берешекті өтеген Д-т 1040 К- т 1220, 1230

4. Жал, займ, қарыздар бойынша алынған % сомасына Д-т 1040 К-т 1270

5. Дебиторлық берешек өтеген кезде Д-т 1040 К-т 1251

6. Аккредитивтердің, лимиттелген чек кітапшаларының пайдаланылмаған сомалары есеп айырысу шотына есептелді

Д-т 1040 К-т 1070

7. Ақшаны кассадан есеп айырысу шотына өткізгенде Д-т 1040 К-т 1010

8. Жарғылық капиталға салым ретінде құрылтайшылардан қолма-қолсыз ақша қаражаттары келіп түсті Д-т 1040К-т 5020

9. Алынған несиелер мен займдардың сомасы есеп айырысу шотына келіп түскен кезде Д-т 1040 К-т 4010-4030

10. Аванс алынды Д-т 1040 К-т3510, 3510

11. Алдағы кезеңдер есебіне алынған ақы Д-т 1040 К-т 3520

12. Акцияларға, облигацияларға салымдар жасалды Д-т 2210-2310, 1120-1150, К-т 1040

ІЗ. Болашақ кезеңдер үшін жалдық ақыны төлеу Д-т 1620 К-т 1040

14. Аванс берілген кезде (алдын ала төлем) Д-т 1610, К-т 1040

15. Аккредетивтерге қаражаттар есептелді, чек кітапшасы ашылды Д-т 1070К-т 1040

16. Чек бойынша есеп айырысу шотынан қолма қол ақшалар алынды Д-т 1010К-т 1040

17. 3айымдар мен несиелерді қайтару (өтеу) Д-т 4010-4030К-т 1040

18. Акциялар бойынша дивиденттерді төлеу Д-т 3520 К-т 1040

19. Бюджетке салықтар аударылды Д-т 3110 3330 К-т 1040

2О. Еншілес, тәуелді, бірлесіп бақыланатын тұлғаларға, жеткізушілер мен басқа кредиторларға берешек өтелді Д-т3320-3330, 3310 К-т 1040

21. Несиелер, қарыздар жалдау шарттары бойынша % түленді Д-т 3380 К-т 1040

22. Айыппұлдарды, түсімақыларды, тұрақсыздық айыптарын төлеу Д-т 7210К-т 1040

1040- шотта көрсетілген операцияларды есепке алу үшін №2 журнал ордер мен №2 ведомость қолданылады. Олардағы жазулар есеп айырысу шоты бойынша банк көшірмесінің және соларға қоса берілетін құжаттардың негізінде жүргізіледі. Құжаттар алдымен әрбір күн үшін жиынтықтарды сомалау арқылы біртектес жинақтамалы шоттар бойынша топтастырылады содан кейін №2 журнал-ордерге (1040- шоттың кредиті бойынша) және 1040-шоттың дебеті бойынша №2 ведомоске жиынтық бір сомамен жазылады. №2 ведомостьке біртектес жинақтамалы шоттар бойынша сомаларды жазудан басқа, ай басындағы сальдо (қалдық) көрсетіледі де, ай ішінде есептелген дебеттік және кредиттік айналымдар ескеріліп, ай соңындағы қалдық анықталады. №2 ведомость бойынша жиынтық айналымдар мен сальдо ай соңында Бас кітапқа 1040-шот бойынша көшіріледі.

Есеп айырысу шотын жабу оның иесінің өтініші бойынша:

- есеп айырысу шотын ашу үшін тіпті болмағанда бір ғана бөлігінің болмауына (дербес баланстың бар болуы және т. б. ) әкеп соқтырған субъект қызметі сипатының үзгерісі кезінде;

- субъектіні құрған органның шешімі бойынша;

- 3 ай бойы шотта қозғалыс болмаған кезде жүргізіледі.

Шот жабылған жағдайда, сондай-ақ субьектінің атауы өзгерген кезде шоттың иесі чек кітапшасын пайдаланылмаған чектермен қоса банкке қайтаруға, олардың нөмірін көрсетуге және есеп айырысу шотындағы қаражаттардың қалдығын растауға міндетті.

Төлем тапсырмалары арқылы есеп айырысулар.

Төлем тапсырмалар тауарлы материалдық құндылықтар, орындалған жұмыстар және көрсетілген қызметтер үшін есеп айырысу кезінде және тауарлар мен қызметтердің алдын ала төлемін, келісім шартта немесе заңмен қарастырылған аванстық төлем жағдайларында қолданылады.

Төлеуші белгіленген нысан бланкілерінде тапсырманы банкке ұсынады. Тапсырмадан басқа банк талабы бойынша төлеуші келісім-шарттарды, шот фактураларды, төлемнің мақсаттылығын дәлелдейтін басқа да құжаттарды күрсетуі тиіс. Төлем тапсырмалар онда көрсетілген күннен бастап 10 күн ішінде банк-алушымен қабылданады. Олар төлеушінің шотында қажетті қаражаттар болған жағдайда ғана іске асады. Төлем құжаттары электронды да, қағаз бетінде де болуы мүмкін. Негізінен төлем тапсырмалар екі данада болып толтырылады: біріншісі - банкте қалады, екіншісі - ақша төлеушіге қабылданғаны жөнінде банктің мөр таңбасымен қайтарылады.

Төлем тапсырманы толтырған кезде келесі реквизиттер көрсетіледі:

- төлем тапсырма номері;

- төлем тапсырма күні;

- жеке идентификациялық код (ЖИК) - аударушы мен бенефициардың банктік шотының номері;

- ақша аударушы коды және бенефициар коды - ол екі символдан тұрады, біріншісі - резиденттік белгісі, екіншісі- экономика секторы;

- бенефициар - ақша қаражаттарды алушы;

ақша аудару жөнінде клиенттен тапсырма алатын банк аударушының атауы;

- банк бенефициар - ақша қаражаттарды келісім-шарт негізінде қабылдаушы банк;

- аударушының банктік идентификациялық коды (БИК) 9

- филиалдар арасындағы айналымдар коды (МФО)

- төлем мақсатының коды - ҚРҮБ нормативті - құқықтық актілерімен белгіленген үш символдан тұратын, жүзеге асатын төлемдердің кодтық белгісі;

- бюджеттік сыныптау коды - салықтардың (төлемдердің) қайтарылуы жүзеге асатын коды;

- валюталау күні - бенефициар банктік шотына ақша қаражаттардың кіріске алыну күні, оны төлемді жүргізуші субъект белгілейді.

Төлем құжатында еш бір түзетулерге жол берілмейді. Егер олар болатын болса, онда банк бұл тапсырманы орындаудан бас тартып, үш күн ішінде құжатты клиентке қайтарады.

1. 3 Валюталық шот операцияларының есебі.

Резиденттер арасындағы операциялар бойынша нормативті актілермен қарастырылған жағдайлардан басқа барлық төлемдер тек теңгеде жүзеге асу керек. Қазақстан Республикасында резидент және резидент еместердің жүргізетін валюталық операциялары өкілетті банк пен банктік емес қаржылық мекемелері арқылы жүзеге асады. Валюталық операцияларды жүргізудің негізі №115 2001ж. 20 сәуірде Ұлттық Банк қаулысымен бекітілген Қазақстан Республикасының «Валюталық реттеу туралы» № 54-1 1996ж. 24 желтоқсандағы Заңы және «Қазақстан Республикасында валюталық операцияларды жүргізу ережелері» болып табылады. Қазақстан Республикасында валюталық реттеудің негізгі органы Ұлттық Банк болып табылады. Өкілетті банктерде заңды түлғалар - резиденттермен шетел валютасындағы шоттардың ашылуы, жүргізілуі және жабылуы №266 2000ж. 2 маусымдағы «Қазақстан Республикасының банк клиенттерінің банктік шоттардың ашылу, жүргізілу және жабылу тәртіптері туралы» Нұсқаулықта көрсетілген тәртіпте жүзеге асады. Заңды тұлға -резиденттерінің тауарлар (жұмыс, қызмет) экспорты үшін түсетін валюталық сомасы экспорт күнінен бастап 120 күн ішінде міндетті түрде банк шоттарына кіріске алынуы керек. Заңды түлғалар - резиденттер, резидент емес тұлғаға төлем ақы жүргізген кезде өкілетті банкке дұрыс рәсімделген құжаттарды (келісім-шарттар, инвойстар, коноссаменттер т. б. ) үсынуы тиіс. Өкілетті банктер валюта заңының орындалуын тексеру мақсатында жүзеге асып жатқан валюталық операцияға тиісті қажетті қосымша ақпарат пен құжаттарды талап етуге құқылы. Ағымдағы валюталық операциялар өкілетті банктер арқылы шектеусіз жүргізіледі. 3 2001ж. 31 наурызда №88 Қазақстан Республикасының Ұлттық Банк Басқармасымен бекітілген 1996ж. 24 желтоқсандағы «Валюталық реттеу туралы» Заңға және «Капитал қозғалысымен байланысты валюталық операцияларды тіркеу ережелеріне» сәйкес капиталдың резидент еместен резидентке қозғалысымен байланысты операцияларды жүргізу мен есебін ұйымдастырудың тәртіптері бекітілген.

100 мың АҚШ доллар эквиваленттен асатын сомада мүліктердің Қазақстан Республикасына келіп түсетін, капитал қозғалысымен байланысты келесі валюталық операциялар міндетті түрде тіркелуге тиісті:

- 120 күннен астам резидент еместерден несие алу;

- экспорт-импорт мәмілелерін резидент еместермен несиелеу;

- Қазақстан Республикасына резидент еместердің тікелей және портфельді инвестициялар түрінде инвестициялар;

- Интеллектуалды меншік объектілеріне түгел қүқықты иемденуіне резидент еместердің ақысын төлеуі;

- Жылжымайтын мүлікке меншік құқығына иемденуінің резидент еместердің ақысын төлеуі;

Аталған операциялардың тіркелімі сэйкес келісім-шартты (кредиттік немесе инвестициялық мәміле, контракт, қатысушылар келісім-шарты) және квартал сайынғы қаражаттардың қозғалысы туралы есеп беруді қамтиды

Заңды тұлғалар - резидент емес тұлғалармен заңды тұлға - резиденттермен шетел валютасындағы есеп айырысулар қолма - қолсыз түрде валюталық шоттағы қаражаттар көлемнің шегінде ғана жүзеге асады. Валюталық қаржылар келесі көздерден құрылуы мүмкін:

- экспортты валюталық түсім;

- жарғылық капиталға үлес;

- резидент еместердің қаржылық көмегі (гранттар) ;

- өкілетті банктердің, шетел банктердің, қаржылық ұйымдардың және басқа да шетел заңды тұлғаларының валюталық несиелері;

- өкілетті банктер мен өкілетті ұйымдар арқылы ішкі нарықта теңгеге сатып алынған валюта;

Орындалған жұмыстар мен көрсетілген қызметтерге шетелдік валюта, яғни шетелдің ақшасы арқылы есеп айырысу сол операция жасалған күні Қазақстан Республикасы Ұлттық Банк мекемесі белгілеген ақша айырбастау курсы бойынша Қазақстан Республикасының Ұлттық валютасымен (теңгемен) көрсетілуі тиіс.

Шаруашылық субьектілері ақша қаражаттарын пайдаланады және әртүрлі мынадай валюталарда:

1) ұлттық;

2) еркін айырбасталатын (шетелдік басқа валюталарға еркін және шектеусіз айырбасталатын) ;

3) тұйық (айырбасталмайтын) валютада (жақын шетел мен дамушы елдердің ұлттық валюталары) ;

... жалғасы

Сіз бұл жұмысты біздің қосымшамыз арқылы толығымен тегін көре аласыз.