Тауардың түрлері. Ақпараттың тауар ретінде ерекшелігі

Пән: Информатика, Программалау, Мәліметтер қоры
Жұмыс түрі: Реферат
Тегін: Антиплагиат
Көлемі: 10 бет
Таңдаулыға:

Жоспар

I. Кіріспе

II. Негізгі бөлім

2. 1. Тауардың түрлері. Ақпараттың тауар ретінде ерекшелігі

2. 2. Ақпараттық өнім оның түрлері, ақпараттық өніммен қызмет көрсету нарығы

2. 3. Ақпараттық өнім мен қызметтің жіктелуі

III. Қорытынды

IV. Пайдаланылған әдебиеттер тізімі

Кіріспе

Ақпараттандыру өркениеттің дамудағы обьективті заңдылық, қазіргі заман қоғамының дамуына, экономиканы қарқындандыруға, өндірістік және қоғамның өзара байланысының дамуына әсер жасайтын маңызды фактор.

Ақпараттандыру қоғамның барлық саласында жаңа ақпараттық технологияларды тиімді қолдану, өндірістің индустриясын құру және ақпаратты өңдеу арқылы сипатталады. Ақпараттандыру - жалп компьютерлендіру негізінде бірыңғай ақпараттық кеңістік құру. Дамыған елдердің байлығы, олардың өркениеттілігі қоғамның ақпараттандырылуына байланысты өлшенеді.

Қазіргі уақытта ақпараттандыру қоғамның негізгі өндірістік күші болып табылады. Ағылшын ғалымы А. Хоукен іліміне сәйкес ақпараттық маркетинг ақпараттық ілімінен шығады, яғни ол ақпараттық экономиканың түсініктерінің авторы.

Қазіргі кезеңнің ерекшелігі индустриялы экономикадан негізгі қор ― ақпараттық қор болып табылатын ақпараттық экономикаға көшу.

Индустриялы экономика көп мөлшерде шикізат (мұнай, газ) адамның еңбегін қолдану арқылы жасалады.

Ақпараттық экономика көп табиғи шығындарды қажет етпейді, мұнда негізгі қор ақпарат болып табылады. Ақпараттық экономика дәуірінде еңбекті қолданатын технологияларға көшу байқалып отыр.

Негізгі бөлім

Тауар ― ол көп аспектіден тұратын күрделі түсінік. Оның негізгі ерекшелігі тұтыну қасиеттері яғни адамның қажеттілігін қанағаттандыру. Тауар бұл адамдардың нақты қажеттілігін қанағаттандыратын және айырбасқа түсетін өнім. Тауар материалды яғни шикізат, машиналар, құрал - жабдықтар т. б. және материалды емес яғни қызмет, идеялар сипатта болады.

Пайдалану мерзімі бойынша тауарлар қысқа мерзімде және ұзақ мерзімде қолданылатын тауарлар болып бөлінеді. Қысқа мерзімдегі тауарларды бір немесе бірнеше рет пайдалануға болады. Оған материалдық бұйымдарды (сабын, нан, сыра, т. б. ) жатқызуға болады. Ал ұзақ мерзімдік тауарлар бірнеше жылдар бойына (тоңазытқыш, автомобиль, кір жуғыш машиналар т. б. ) қолданылады.

Түпкі тұтынылуына байланысты тауарлар тұтыну тауарлары және өндіріске арналған тауарлар деп бөлінеді. Тұтыну тауарларына негізгі тұтынушының қолдану үшін сатып алатын тауарлар жатады. Олар ― күнделікті сұранымдағы, алдын ала таңдалынатын, ерекше сұранымдағы жөне пассивті (бәсең) сұраныстағы тауарлар деп бөлінеді. Күнделікті сұраныстағы тауарлар ― бұл тұтынушылар ойланбай, еш қиындықсыз, жиі сатып алынатын кең тұтынудағы тауарлар мен қызметтер. Оларға нан, тіс пастасы, темекі сияқты тауарларды жатқызуға болады. Әдетте бұл тауарлар арзан әрі оларды күнделікті сатып алуға болады. Алдын-ала таңдалынатын тауарлар күнделікті сұранымдағы тауарларға қарағанда жиі сатып алынбайды, тұтынушы тауарды таңдау және сатып алу процессінде олардың безендірілуіне басты назар аударып, қасиеттерінің өзара үйлесімділігін салыстыра қарайды. Мұндай тауарларға жиһаздар, киімдер, электроника түрлері және т. б. жатады. Ерекше сұраныстағы тауарлар аса сирек сипатқа ие және тұтынушылар бұл тауарларды сатып алу үшін айтарлықтай күш жұмсайды. Оларға кейбір автомобиль маркалары, электрондық, электрлі тұрмыстық техникалар жатады. Ал пассивті (бәсең) сұранымдағы тауарлар ― тұтынушы білмейтін, білсе де, әдетте оны сатып алу туралы әрқашан ойлана бермейтін кең тұтынудағы тауарлар (жаңа енгізулер, сақтандыру түрлері, күзет жүйесі және т. б. )

Өндірістік мақсатқа арналған тауарлар ― кейін қайта өңдеуге немесе өндіріске пайдалану үшін алынатын тауарлар, яғни шикізат, материалдар, жабдықтар, қосалқы бөлшектер және т. б. заттар.

Тауарлық ассортимент дегеніміз функционалды және тұтынушылық сипаттамасы, сондай ақ бөлу арналары бойынша ұқсас тауарлардың тобы. Мысалы, «ФудМастер» компаниясы әрқайсысы өзіндік маркетинг стратегиясын талап ететін сүт өнімдерінің ассортиментін өндіреді.

Тауар ассортиментінің кеңдігін және тереңдігін бөліп көрсетуге болады. Тауар ассортиментінің кеңдігі фирманың мақсаттары мен міндеттеріне байланысты. Нарықтың көп бөлігін қамтуды мақсамт ететін фирма ауқымды тауар ассортиментіне ие болу керек, ал егер фирма тек пайда табуды көздесе, онда ол пайдалы тауарлардың санаулы ассортиментімен ғана шектеледі. Уақыт озған сайын фирманың тауар ассортименті әдетте кеңейе түседі, ол өсу және толықтыру арқылы жүзеге асырылады.

Тауар саясаты дегеніміз ― тауар ассортиментін қалыптастыру бойынша олардың жаңа түрлерін жасау, сапа және бәсекеге қабілеттілігін жоғарылату, өмірлік циклін талдау, тауарлық белгілерді пайдалану, буып-түю, орау, таңбалау және сервистік қызмет көрсету бойынша шешім қабылдауды қажет ететін фирманың көп факторлы қызмет көрсету аумағы.

Тауар саясатына:

өнім түрі
өнім сапасы яғни берілген мерзімде ақаусыз сынбай жұмыс жасауы
сыртқы түрі яғни өлшем формасының дизайны
тауар белгісі
жаңа, иновациялық тауар
тауардың өмірлік циклы
тауар имиджі ; тұтынушы үшін құндылығы
бәсекеге қабілеттілігі
сервис ; сатуға дейінгі, сатудан кейінгі

Тауар стратегиясы ― тауар өндірісінің ресурстық мүмкіндіктері мен нарықтық коньюктура жағдайына сай болашақта даму бағытын анықтайтын құрал.

Қазіргі кезеңде тауардың жаңа түрі пайда болды ― ол ақпарат. Нарық жағдайында ақпарат жаңа қасиеттерге ие болды. Яғни тауар категориясына өту сату, сатылу обьектісіне айналады. Ақпараттың өнім ретінде алгоритмдерді, қолданбалы программалар пакетін, мәліметтер қоймасын, ақпараттық қызмет көрсету және т. б. қарастыруға болады. Ақпараттық қызмет саласындағы тауар бұл тауарлы ақшалай алмасу кезеңіне қатысатын және сатып алу, сатуға арналған ақпараттық өнім. Ақпараттық әртүрлі ақпараттың оны сақтайтын орындардың жеткізіп берушінің ақпарат саласындағы машиналардың сондай ақ оны иеленушілердің бизнестегі, өз бәсекелестерінің алдында басымдылығының едәуір түрде жабдықтар ақпарат техникасының жиынтығы болып саналады.

Ақпараттық өнім ― бұл дәстүрлі жолмен немесе электронды техника көмегімен алынған өндірістік шаруашылық әрекеттер : өнер туындысы, әртүрлі мәліметтер, білім аспектілері. Сонымен бірге ақпараттық өнім ретінде алгоритмдерді, қолданбалы программалар пакетін, мәліметтер қоймасын, ақпараттық қызмет көрсету және т. б. Нарық жағдайында ақпарат жаңа қасиеттерге ие болады, яғни тауар категориясына өтіп, сатып алу, сату обьектісіне айналады. Ақпараттық өнімнің басқа тауарлардан ажырататын түбегейлі ерекшеліктер бар:

Ақпараттық өнімді сату барысында нақты мағынадағы өнімді меншік ретінде иемденушілер қатарына әрі сатушы

да әрі тұтынушыда жатады. Себебі ақпараттық өнімнің тұтынушылық құны оның қандай да бір материлдық тасығышы ретінде емес қайта мазмұнына байланысты болады. Ақпараттық өнімнің бір ғана түрі бір уақытта тұтынушылардың шексіз санына бір мезгілде сатыла береді.

Тұтыну кезінде ақпарат өзіндік тұтынушылық сипаттамалармен және мазмұнын жоғалтып алмай бірнеше рет пайдалануға мүмкіндік береді.
Ақпараттық өнім уақыт өткен сайын өзіндік бір моральдік тозуға ұшырайды, яғни ақпарат көкейкесті болмай қалуына байланысты құндылығын жоғалтып алады. Ақпараттың тозуы бір жылдан он бес жылға дейін созылады.
Ақпараттық өнім ерекшелігінің бірі қор сақтау мүмкіншілігінде, яғни басқа тауарлар сияқты үнемдеу қасиетіне ие болмайды. Неғұрлым ақпарат көп қолданылса, соғұрлым қоғам байиды. Сонымен қатар ақпараттық өнімнің сату көлемі ұлғайған сайын тұтынушылық қасиеті төмендемейді.
Ақпарат өнім бағасы тұтынушы талғамына сәйкес қалыптасады.

Қазіргі таңда ақпараттық қор материалдық, энергетикалық және адам ресурстарымен қатар қоғам дамуының маңызды ресурстарының біріретінде қарастырылады. Ақпараттық өнім және қызмет көрсету қажеттібілім алуға жағдай жасайтын жабдықтарды, ақпаратты ұсынады.

Ақпараттық қызмет көрсету дегеніміз ― ақапараттық өнімді жүйелі түрде тұтынушыға жеткізу. Яғни есептеуіш машина арқылы көрсетілетін қызмет. Оны белсенді, интерактивті түрде ақпараттық қызмет көрсетушілер атқарады. Ақпараттық қызмет көрсетушілер мәліметтер базасынан белсенді түрде

пайдаланылатын ұйымдар, яғни нарықта мәліметтер банктерін тұрғызушылар және таратушылар. Ақпараттық қызмет саласындағы тауар ― бұл тауарлы ақшалай алмасу немесе сатып алу, сатуға арналған ақпараттық өнім. Ақпараттық тауарды ақпараттық ресурстарға қолдану нәтижесінде жаңа ақпарат пайда болады. Бұл ақпараттық жүйелермен ақпараттық технологиялар өнімі ақпараттық өніммен қызмет көрсету деп аталады. Сонымен ақпараттық қызмет дегеніміз ― ақпараттық өнімді тұтынушыға жүйелі түрде жеткізу. Ақпараттық өнім мен қызмет ақпаратты тасығыш, яғни диск, экран, қағаз, есептеуіш және коммуникация құрылғыларды жалға беру.

Ақпараттық өнім мен қызметтер былайша жіктеледі:

байланыс
ақпарат
ойын - сауық

Ақпарат білім алу мақсатында өңдеуге арналған деректер. Нарықта ақпараттың мынандай түрлері бар:

іскерлік ақпарат; яғни биржалық, қаржылық, саяси, статистикалық, конверсиялық, шаруашылық, басқару, мәлімдемелер, жарнама хаттар т. б.
кәсіби ақпарат: заңгерлер, дәрігерлер, метеорологтарға арналған ғылыми - техникалық ақпараттар
тұтынушылық ақпарат: жаңалықтар, әдебиеттер, ойын - сауық ақпарат
білім беру қызметі : компьютерлік оқулықтар, әдістемелік құралдар
жабдықтаушы ақпараттық жүйелер мен құралдар: программалық жабдықтар, ақпараттық жүйелер, технологияларды жеткізу, жобалар, ғылыми - техникалық өнімдер, ақпараттарды мәліметтер базасы түрінде дайындау
ойын - сауық; адамдардың шығармашылық қызметтерінің нәтижесін көрсететін ақпараттық өнімнің түрі, көңілді уақыт өткізуге демалуға арналған өнім