Жер үстінде орналасқан констркуцияларды қорғау үшін гидрофобты қоспаларды ендіру арқылы бетонның ұзақ тұрақтылығын жоғарлату

Пән: Құрылыс
Жұмыс түрі: Курстық жұмыс
Тегін: Антиплагиат
Көлемі: 36 бет
Таңдаулыға:

НОРМАТИВТІК СІЛТЕМЕЛЕР

ГОСТ 12. 1. 004-91 ЕЗСЖ. Өрт қауiпсiздiгi. Жалпы талаптар.

ГОСТ 12. 1. 014-88 ЕЗСЖ. Жұмыс аумағындағы ауаға санитарлық-тазалыктың жалпы талаптары.

ГОСТ 12717007-76 ЕЗСЖ. Зиянды заттар. Қауiпсiздiк топтары және жалпы талаптар.

ГОСТ 22524-77 Шыны пикнометрлер. Техникалық жағдайлары.

ГОСТ 2373279 Бетондар мен ерiтiндiлерге арналған су. Техникалық жағдайлары.

аНЫҚТАулар

Коррозия - бетонның әртүрлі сыртқы факторлар әсерінен бетонның деформациялық беріктігінің нашарлауы.

Бетонның көп жылдылығы - сыртқы ортадағы агрессиялық заттармен әрекеттесе отырып, өзінің көп жылдылығын сақтау қабілеті.

Бетонның беріктігі дегеніміз 15х15х15 бетон үлгісінің қалыпты жағдайда (28 тәулік мерзімде) сынақта көрсеткен беріктік.

Нағыз тығыздық - абсолюттік тығыз жағдайындағы бірлік көлемінің

салмағы.

Орташа тығыздық - табиғи жағдайдағы бірлік көлемінің салмағы.

Кеуіктілік - материалдың көлемінде бос қуыстарын мөлшерін көрсететін

өлшем.

Су сіңгіштік - материалдың өз бойына су сіңіру, ұстау қасиеті.

Суға төзімділік - материалдың өз қасиеттерін суда сақтау.

Ылғалдылық - материалдың құрамындағы судың мөлшері.

ҚЫСҚАРТУЛАР МЕН БЕЛГІЛЕУЛЕР

МеСт - Мемлекеттік Стандарт талаптары

m - материалдың салмағы

v - материалдың көлемі

Q - жылудың мөлшері

C- су сіңіргіштік (салмақтық)

C _v - су сіңіргіштік (көлемдік)

R - шектік қысу беріктік

P - бұзушы күш, салмақ (кг)

F - үлгінің ауданы (см ² )

см - сантиметр

мм - миллиметр

МПа - Мега Паскаль

кг - киллограмм

г - грамм

м - метр

мазмұны

мазмұны: Нормативтік сілтеме

мазмұны: Анықтамалар

мазмұны: Негізгі белгілеулер мен қысқартулар

мазмұны: Кіріспе

: 1

мазмұны: Бетон өнімін сынау және бақылау

: 1. 1

мазмұны: Тақырыпқа байланысты теориялық мәселелер

: 1. 2

мазмұны: Бетонның аязға төзімділгі және оны жоғарлату жолдары

: 1. 3

мазмұны: Жер үсті конструкцияларын қорғау тәсілін таңдау

: 2

мазмұны: Бетон конструкцияларының ұзақ тұрақтлығын жоғарлату

: 2. 1

мазмұны: Гидрофобты қоспаладың енгізудің маңыздылығы

: 2. 2

мазмұны: Гидрофобтаушы қоспалардың құрамына жалпы сипаттама

: 2. 3

мазмұны: Сұйық гидроизоляциялық материалдар және олардаларың түрлері

: 2. 3. 1

мазмұны: Лактардың негізгі компаненттері

: 2. 3. 2

мазмұны: Жасанды қабыршықтандырушылар

: 2. 3. 3

мазмұны: Лак, бояулардың агрессивті факторлар әсеріне тұрақтылығы

: 2. 3. 4

мазмұны: Бояулар, олардың негізгі құрамдары мен қасиеттері

: 3

мазмұны: Техника қауіпсіздігі мен қоршаған ортаны қорғау

мазмұны: Қорытынды

мазмұны: Пайдаланылған дереккөздер тізімі

КІРІСПЕ

Соңғы жылдары құрылыста бетондарға гидрофобты қоспаларды ендіру арқылы бетонның ұзақ тұрақтылығын жоғарлату әдістері көптеп қолдануда.

Жалпы материалдың гидрофобтылығы дегеніміз -материалдың суды тебу қабілеті. Яғни материал қаншалықты өзіне суды жұққызбайтын болса, соншалықты біз конструкциялық материалдың көп жылдығына әсер ететін факторлардан яғни су сіңіргіштік, гигроскопиялық және т. б. факторлардан келетін қауіптен арылуымыз мүмкін. Мұндай су жұқтырмайтын немесе нашар су жұқтыратын материалдың беткі қабатында суоқшаулағыш қабат түзетін материал алу оңай емес. Су жұқтыру қабілеті материалдың беттік қабатына тән екені белгілі. Себебі материалдың беттік қабаты бос энергиямен сипатталады және ол материалмен әрекетке түсетін заттың полярлығына байланысты. Қаншалықты олардың арасында ұқсастық жоғары болатын болса, материалдың беткі қабатындағы бос энергия мен оған жұғатын сұйықтық арасындағы байланыс қарқынды жүреді. Фазалар шекарасындағы беттік кернеулік төмендеп, соның есебінен материалдың ерігіштік қабілеті артады. Бұның салдарынан бетон құрамында коррозия процесі жүреді. Ол бетонның түбегейлі қирауына әкеп соқтырады. Сонымен қатар бетон, темірбетон конструкциялары салыстырмалы алғанда коррозиялық бұзылулар әсерінен тез істен шығатын жайлар да болады. Коррозияны қоршаған ортада (ауада, суда) болатын және цемент тасы үшін зиянды болып табылатын түрлі заттар туғызады. Қазіргі кезде барлық өнеркәсіптік құрылыстың 50%-ке жуығы бетон үшін агрессивті ортаның әрекетіне азды-көпті мөлшерде ұшырауда деп саналады. Мұндай құрылыстар саны химиялық және оған туыстас өндірістің дамуына байланысты үздіксіз өсуде. Бірақ, бетон коррозиясы өндірістік құрылыс конструкцияларында ғана пайда болып қана қоймайды. Бетон үшін көп жағдайда өзен, теңіз, жер асты, құбырлық және тағы басқа да бірқатар сулар, сондай-ақ ауадағы қышқыл газдар да агрессивті болады.

Ал егер біз гидрофобты қоспаларды қолданатын болсақ, сонда ғана өте ұзаққа шыдас беретін және үйлер мен құрылыстарда ондаған жылдар, тіпті ғасырлар бойы қызмет ететін бетон алумызға мүмкіндік бар.

Сол себептен бұл жоғарда көрсетілген құбылыстарды болдырмас үшін бетонның құрамына гидрофобты қоспаларды ендіреміз.

Сондай-ақ бетон құрамына гидрофобты қоспаларды ендіру экономикалық жағынан да өте тиімді болып келеді.

Бұл курстық жұмыстың мақсаты гидрофобты қоспаларды ендіру арқылы бетонның ұзақ тұрақтылығын жоғарлату жолдары. Осы технологияны одан әрі дамыту. Болашақта осы әдіс бойынша сапалы бетондарды алуға жұмылдырылып отыр.

Портландцементті тас коррозиясы негізінен бетон коррозиясына қатысты қаралады. Бетон мен темірбетон оларды дұрыс дайындап, осы конструкциядағы қызмет жағдайына сай қолданғанда ғана өте ұзаққа шыдас береді және үйлер мен құрылыстарда ондаған жылдар, тіпті ғасырлар

бойы қызмет етеді. Бірақ бетон, темірбетон конструкциялары салыстырмалы алғанда коррозиялық бұзылулар әсерінен тез істен шығатын жайлар да болады. Коррозияны қоршаған ортада (ауада, суда) болатын және цемент тасы үшін зиянды болып табылатын түрлі заттар туғызады. Қазіргі кезде барлық өнеркәсіптік құрылыстың 50%-ке жуығы бетон үшін агрессивті ортаның әрекетіне азды-көпті мөлшерде ұшырауда деп саналады. Мұндай құрылыстар саны химиялы және оған көршілес өндірістің дамуына байла-

нысты үздіксіз өсуде. Бірақ, бетон коррозиясы өндірістік құрылыс конструкцияларында ғана пайда болып қана қоймайды. Бетон үшін көп жағдайда өзен, теңіз, жер асты, құбырлық және тағы басқа да бірқатар сулар, сондай-ақ ауадағы қышқыл газдар да агрессивті болады.

Коррозия процесі өте күрделі, өйткені олар қоршаған ортадағы агрессивті агенттердің химиялық табиғатында ғана емес, цемент тасының физика-химиялық ерекшеліктеріне де тәуелді. Бұл процестер заттардың өздері тиісіп жылжитын материалмен сіңісу (диффузия) әрекеті арқылы жалғасады. Егер конструкцияда, шөгінді, температуралық, механикалық қысым әсерінен жарықшақтар пайда болса, сондай-ақ бетонда ірі ашық бос қуыстар, тесіктермен қуыстар бар болса коррозиялық кұбылыс қашанда өседі. Мұндайда агрессивті заттардың бетон қабатына енуі жылдамдап, олар мен қоршаған көлем ортасындағы масса ауысымы күшейеді, жиі-жиі суланып, құрғауы, алма-кезек мұздап еруі, егер бұл процестер бетонда агрессивті заттар бар болғанда жүрсе, олар да коррозиялық бұзылуды күшейтеді.

Агрессивті факторлардың алуан түрлігіне қарамастан цемент тасы коррозиясының негізгі себептерін келесі үш топ төңірегіне топтастыруға болады (профессор В. М. Москвиннің болжамы бойынша) :

1. Цемент тасының құрамдас бөлігінің таза сумен, яғни іс жүзінде елеулі мөлшерде органикалық емес және органикалық қоспалары жоқ сумен ыдырауы. Бұл әдетте жауын-шашынның, кей жағдайда өзен, көл, жер асты сулары. Бұл жағдайда ылғал әсерімен түзілген және бұрыннан бар кальций тотығы гидратының еруі және шайылуы (сілтіленуі) жүреді (коррозияның бірінші түрі) .

2. Цемент тасы мен қоршаған ортадағы бірқатар заттардың өзара арасындағы реакция нәтижесінде тез еритін тұздардың түзілуі және бұл тұздардың шайылуы (шығару), (коррозияның екінші түрі) .

Цемент тасының оған енетін заттардың әсерімен реакцияның бастапқы өніміне қарағанда аумағы үлкен қосындылардың түзілуіне, олар бетонның ішкі қысымының пайда болуына, оның ішкі құрылымдарының босансуына және бетонда әр түрлі жарықшақтар пайда болуына соқтырады (коррозияның үшінші түрі) .

Келтірілген жүйелер шартты түрде ғана, өйткені кейде ара жігін, мәселен коррозияның бірінші және екінші түрлері арасындағы ерекшелік құбылыстары, дәл ажырату өте қиын. Іс жүзінде цементті материалдар бір емес, бірнеше түрдегі коррозия әсеріне бірдей ұшырайды. Оның үстіне химиялық жеке тұлға болып табылмайтын цемент тасының өзі әр түрлі құрамға, түрлі құрылымға ие болуы мүмкін. Цемент тасының құрамында цементтің қатуы процесінде түзілген кристалды қосындылармен ұлпа түріндегі массамен қатар, әдетте оның гидратталмаған түйіршіктерінің болуы мүмкін. Цементтің барынша ірі бөлшектері бетінен бастап терең қайнауына дейін баяу жүретіндіктен, іс жүзінде, кейде бірнеше немесе ондаған жылдардан кейін де аяқталмауы мүмкін екендігінен болады. Цементтің гидратталмаған бөлшектерінің пайда болуы да мүмкін, өйткені цемент тасында жарықшақ пайда болғанда (ол көбінесе қоршаған ортаның агрессивті әсеріне себепші болады) оларға енген су әлі де байланыспаған клинкерлік минералдардың гидролизі мен гидратталуын туғызады. Осының нәтижесінде жарықшақтың "тартылуы" (өздігінен емделуі) жүреді де бетонның беріктігінің артуына игі ықпал етеді.

1 Бетон өнімін сынау және бақылау

1. 1 Тақырыпқа байланысты теориялық мәселелер

Бетон, (французша: bton, лат. bіtumen - тау шайыры), құйматас - жасанды тас материал; байластырғыш заттар (цемент, гипс, алебастр, әктас, т. б. ), су (кейде сусыз) және толтырғыш материалдар (құм, малтатас, қиыршықтас, т. б. ), кейде арнайы үстеме заттар қоспасының қатаюы нәтижесінде алынады; маңызды құрылыс материалы. Қоспа қалыпқа құйылғанға дейін бетон қоспасы деп аталады [1] .

Бетон құрамындағы байластырғыш түріне қарай: органикалық емес байластырғыштармен алынған бетон (цементті бетон, гипсбетон, силикатты бетон, т. б. арнайы бетондар) және органикалық байластырғыш заттармен алынған бетон (асфальтбетон, полимербетон) болып жіктеледі. Орташа тығыздығына (көлемі бойынша) байланысты аса ауыр (2500 кг/м ³ -ден жоғары), ауыр (1800 - 2500 кг/м ³ ), жеңіл (1800 - 500 кг/м ³ ), өте жеңіл (500 кг/м ³ -ден төмен) болып бөлінеді.

Қолдану түріне қарай құралымдық, құралымдық-жылу оқшаулағыш, жылу оқшаулағыш және арнайы жасалған бетондар (отқа төзімді, қышқылға төзімді, жолға төсеуге арналған, т. б. ) болып ажыратылады.

Бетонның ең басты қасиеті оның беріктілігінде. Беріктілігі негізінен байластырғыш материалдардың түрі мен сапасына, бетонның орташа тығыздығына байланысты. Сондай-ақ, ол бетон бұйымдарының маркасымен (сығымға беріктілік шегімен, осьтік созылуымен немесе иілу кезіндегі созылуымен) сипатталады.

Бетон - гравийдің, қиыршықтастың, малтатастың, қиынды тастың цемент немесе басқадай тұткыр материал ертіндісімен араластырып жасаған, тез қатаятын қоспасы.

Жалпы құрылыста бетонды конструкциялы бұйымдарды қорғау бағыты бойынша бірнеше топтарға бөлінеді. Жер үстінде орналасқан конструкцияларды, жер астында орналасқан конструкцияларды қорғау тәсілдері және т. б. топтарға бөлінеді. Курстық жұмыста жер үстінде орналасқан констркуцияларды қорғау үшін гидрофобты қоспаларды ендіру арқылы бетонның ұзақ тұрақтылығын жоғарлату тақырыбы таңдалды. Сол себептен тақырыпқа тереңірек тоқталу үшін жер үсті конструкцияларының коррозиясы және одан қорғау жолдарын қарастыратын боламыз.

Коррозияның жекелеген түрлерін қарастыралық.

Коррозияның бірінші түрі. Бұл әдетте портландцементті тас құрамында азды-көпті мөлшерде болатын еркін кальций гидрототығының еруінен басталатын физикалық процесс.

Кальций тотығы гидратының суда ерігіштігі температураға (ол көтерілген сайын азаяды), бірақта негізінен судағы қоспа мөлшеріне байланысты.

Біртекті иондардың болуы өзге де иондар сияқты кальций тотығы гидратының ерігіштігін әлсіретеді, ал әртекті иондардың болуын күшейтеді. Мәселен, натрий сульфатын қосу кальций тотығының ерігіштігін арттырады. Бірақ, мәселен елеулі қаттылығымен ерекшеленетін, кальций мен магний иондарына бай тұщы су кальций гидрототығының ерігіштігін төмендетеді. Сондықтан бұл затпен цемент тасы жанасқанда, олардың әрекеттесуі жұмсақ тұшы судың әсері кезіндегіден аз дәрежеде жүреді.

Коррозияның екінші түрі. Бұл түрлі процестердің ішінен айрықша практикалық маңызы бар, магнезиалдық коррозияны атап көрсетуге болады, оны теңіз суының, сондай-ақ бір қатар жер асты суының құрамындағы тұздар тудырады. Олардың цемент тасының кальций гидратына әсері кезінде келесі реакция жүреді:

Түзілген магний тотығының гидраты аз ериді және борпылдақ түзілім (пленка) түрінде су өтетін шөгінді болып тұнады. Бетонға магнезиалдық тұздар одан әрі енген кезде, олар магний гидрототығының жұқа қабыршығы арқылы сіңіліп, цемент тасының одан әрі бұзылуын туғыза отырып, енді кальций силикатымен әрекетке түседі.

Келтірілген реакция теңдігінен магнезиалдық тұздар әсері кезінде магний гидрототығымен қатар кальций сульфаты және хлориді түзілетінін көруге болады. Кальций сульфатының цемент тасына зияндылығы коррозияның үшінші түрін сипаттау кезінде түсіндірілетін болады. Ал хлорлы кальций болса, бетонға агрессивті әрекеті жағдайында, кальций гидрототығының ерігіштігін арттырады, яғни бірінші түрдің коррозиялық процестерін жылдамдатада.

Коррозияның үшінші түрі. Коррозияның бұл түрінің негізгі белгісі ретінде, бетонның бос қуыстары мен ұяларында көлемдік реакцияның бас-тапқы өнімімен салыстырғанда ұлғаюмен түзілген, құрамалардың шоғырлануы қызмет етеді. Бұл процестердің ішінде сульфаттық коррозияның маңызы зор.

Сульфаттар теңіздің және көптеген өзендердің суында, тұзды аудандардың жер асты суларында салыстырмалы алғанда үлкен шоғырлы болады. Сульфаттар табиғи жағдайда емес, өндірістік суларда да жиі кездеседі.

Цементті таспен алмасу реакциясы нәтижесінде құрамында, мәселен, магний, натрий немесе алюминий сульфаты бар, су біртіндеп күкіртқыш-қылды кальциймен байиды. Мұнда CaSO _{4 *} 2H ₂ 0аумағы біршама ұлғайып кристалданады, ал ол цемент тасында ішкі қысым туғызып, оның құрылы-мын бұзады ("гипсті коррозия") . Кальций сульфаты мүнан әрі үшкальцийлі алюминаттың гидратталуы кезінде де, төрткальцийлі алюмофериттің гидролиттік ыдырауы кезінде де (клинкерлік минералдардың сумен реак-циясын қарастырғанда бұған назар аударған болатынбыз) түзілген кальций гидроалюминатымен байланысқа түсе алады. Мұнда кешенді тұз-кальций гидросульфоалюминат (эттрингит) түзіледі.

Эттрингит көп мөлшердегі сумен кристалданатындықтан оның түзілуі аумағының елеулі ұлғаюымен бірге жүреді, қатты фаза аумағы 2, 6 есе ұлғаяды. Бұл кезде цемент тасында күшті ішкі қысым пайда болатыны тү-сінікті. Алдымен бетонда бұзылудың алғашқы белгілері пайда болады: уатыла бастауы, шағын жарықшақтардың кездесуі, ал мұнан әрі бұзылу процесі күшейе береді, цемент тасы басы бірікпейтін ақ массаға айналуы мүмкін. Бұл коррозияның ең соңғы сатысы.

Кальций кристалдары микроскоп астында майда ине, кейде жұлдызша түрінде (друздар) біріктірілген ине тектес пішінде болады. Микроскоп астындағы бірқатар бактериялармен сырттай ұқсастығына және цемент тасына зиянды әсеріне байланысты кальций гидросульфоалюминатын көбінесе «цемент бацилласы» деп атаған. Үдемелі коррозия кезінде жоғарыда айтылғандай басы бірікпейтін ақ масса түзілетіндіктен, ал бетон конструкциясы апатты жағдайға кететіндіктен (қирайды) кальций басқа бейнелі аты пайда болған «бетонның ақ ажалы». Біз бұл ғылыми термин болмаса да, өте бейнелі атауларды, бетонның сульфаттық коррозиясының айрықша қауіптілігін атап көрсету үшін келтіріп отырмыз.

Бетонды коррозиядан қорғау. Үйлер мен құрылыстарды тұрғызғанда бетон коррозиясы мүмкіндігін ескеріп, одан қорғау шараларын ойластыру қажет. Бірқатар жағдайда бетонды және темірбетонды конструкцияларды жасау және пайдаланудың тиісті жағдайы үшін, тиімді тәсілдерді іздестіру мақсатымен, арнайы зерттеу жұмыстарын жүргізуге тура келеді. Бірақ алғашқы жақындауда және өте шартты түрде бұл тәсілдерді келесі топтарға жүйелеуге болады: I) тиісті цементті таңдап алу; 2) бетон араласына гидрофобтандырғыш түрдегі қоспа енгізу; 3) өте тығыз бетон жасау; 4) арнайы сіңірілетін заттар мен бүркемелі жамылғыларды қолдану. Бетон және темірбетон конструкцияларының қызмет мерзімін ұзарта отырып, бетонның коррозиясына жол бермейтін немесе елеулі түрде коррозияны әлсірететін шаралар, құрылысқа жұмсалған қаржының пәрменділігін арттыруга елеулі ықпал етеді, сондықтан да бұл мәселенің халық шаруашылық мәні өте зор.

1. 2. Бетонның аязға төзімділігі және оны жоғарлату жолдары

Жалпы бетонның ұзақ тұрақтылығына әсер ететін негізгі факторға тоқталып кететін болсақ, ол бетонның - аязға төзімділігі. Аязға төзімділік - бетонның мәңгілігін сипаттайтын фактор болып саналады.

Аязға төзімділік- суға әбден қаныққан материалдың алма -кезек аязға қатырып, тек қайта еріту кезінде өзінің қасиетін сақтап қалу қасиетін айтады. Аязға төзімділікті сипаттау үшін, материалды суға қанықтырады, сосын 17 ⁰ С аязға қояды. Кеуіктердің ішіндегі су аязға айналады, сонда су қатқаннан кейін өз көлемін 9%-ға ұлғайтады. Бетон қаңқасы мұзға айналып, мұз кеуіктерінің қабырғаларымен 2500 кг/см ² күшпен қысады. Кейін материалды ерітеді, сөйтіп материалды бұзылуы бастайды. Материалды қандыру мен еріту - бір цикл деп алынады. Материал қанша циклдан беріктігін 15-25%-ке төмендетсе, сонымен қатар өз салмағын азайтып 5% аспаған жағдайда сол циклдің саны материалдың аязға төзімділік маркасы деп есептеледі. Бетонның аязға тұрақтылығын 28 тәулік шағында мықтылығын 15%-дан артық төмендетпей, дүркін-дүркін температура -15°С мұздату және температура +15+20°С еріту циклының ең көп санына түзеуімен сипаттайды. Материлды кезекті еріту мен мұздатуға, сыналатын бұйымның өлшемі, мұзату мен еріту циклының жалғасу ұзақтығы, оны қатыру температурасы, материалдың суға қанығу шарттары, бетонның аязға төзімділік көрсеткіштеріне әсер етеді. Бетонды мұздату температурасын төмендетумен, әсіресе мұздату су немесе тұз ерітінділерінде жүргізілетін болса, бетонның қирауы өте тез жүреді.

Бетоның аязқа төзімділігінің басты критериясы, оның мұзату мен еріту циклдарының саны болып келеді. Сынау барысында үлгі өз көлемінің 5% жоғалтатын болса, ал оның беріктігі 25% - ға төмендейді. Бұдан шығатын қорытынды, егер бетонды кезекті мұздату мен еріту кезінде бетон 25% - ға беріктігін төмендететін болса, оның өмір сүру уақыты өте қысқа болғаны яғни бетонның ұзақ жылға тұрақтылығына кері әсер ететін фактор бұл бетонның аязға төзімділігі болғаны. Сондықтан да бетон өндірісінде оның аязға төзімділігін төмендету керек.

Ауыр бетон аязга тұрақтылығы бойынша мынандай маркаларға жіктеледі: F50; F75; F100; F150; F200; F300; F400; F500; F600; F800 және F1000.

Аязға тұрақтылығы бойынша бетонның жобалық маркасын конструкцияны пайдалану жағдайын ескере тағайындайды. Нығыздалына салынған бетонның аязға тұрақтылығы, ең алдымен оған қолданылған материалдардың сапасына және оның капиллярлық-кеуектік структура ерекшелігіне тікелей байланысты. Сондықтан, аязға тұрақтылығын нығайту үшін мүмкіндігінше сапалы материалдарды қолдануға, мүмкіндігінше суцемент қатынаеын және су шығынын төмендетуге (С/Ц 0, 5-тен, ал су шығыны 160 л/м ³ асырмауға), цементтің көбірек гидратациялануына жағдай жасауға тырысады.

Бетондық араласпаны даярларда ауа ілестіргіш (қостырғыш) қоспаларын қосу бетонның аязға тұрақтылығын жоғарылатудың ең тиімді жолы. Олар суцемент қатынасын темендетуімен қатар, майда ауакөбіктерінің құрылуына себепкер болады. Осы майда шар тэрізді кеуектерге капиллярлардағы мұздаушы су ығысады да, бетонда онша үлкен кернеуші күш пайда болмайды. Ілестірілген ауаның оптималдық көлемі әдетте 4-6% құрайды және цемент, су, ірі толтырғыш шығындарымен анықталады. Толтырғыш ірілігі төмендеген сайын және цемент шығыны жоғарылауымен, майда ауалық кебіктер көлемі көбейе түседі. Минералдық құрамында ЗСаО'А1гОз(СзА) 5+8 % аспайтын портландцементті қолдану арқылы, бетонның аязға тұрақтылығын едәуір көтеруге болады.

Бетонның жылылық-физикалық қасиеті. Жылу өткізгіштігі -үйдің қоршалау конструкцияларыңда қолданатын бетондардың ең маңызды жылылық физикалық сипаттамасы. Бетонның жылу өткізгіштігі кең аралықта өзгереді. Ауалық құрғақ күйіндегі кәдімгі ауыр бетон үшін жылу өткізгіштігі 1, 3-4, 7 Вт/(м-°С), жеңіл бетон үшін - 0, 2+0, 7 Вт/(м-°С) . Жеңіл бетондардың жылу өткізгіштігінің төмендігі олардың құрьшысының кеуектігімен түсіндіріледі: кеуектеріндегі ауаның жылуөткізгіштігі 0, 023 Вт/(м-°С) . Осы себепте, жеңіл. бетондарды басым көпшілігінде үйдің қоршалаушы конструкцияларына пайдаланады. Ауыр бетондардан сыртқы қабырға панельдерін іш жағынан жылуқоршағыш жылытқыш қабат орнатып жасайды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.