Арнайы ашылған аймақтар

Әлемнің дамыған елдерінде инновациялық саясатты қалыптастырудың сатылы жүйесін пайдалану барынша үлкен маңызға ие болуда. Жаһандану барысы компанияларды өз жұмыстарына өзгеше қарап, инновациялық бәсеке мен шоғырлануға айрықша мән беруге жетелеп келеді. Сондықтан да аса тиімді инновациялық жүйені орнықтыру мақсатында Қазақстанда 2003 - 2005 жылдары индустриалды- инновациялық дамудың Стратегиясы жасалды. Қазірдің өзінде алғашқы жетістіктер туралы айтуға болады, венчурлық индустрияны енгізудің арқасында Кассат қазақстандық спутнигі ұшырылды, Алатау ұтттық технопаркі ашылды.Қазақстанның индустриалды- инновациялық Стратегиясына сай 2003 жылы құрылған Ұлттық инновациялық қор өмірге келіп жатқан ииновациялық шаралардың күретамыры болып табылады. ҰИҚ-ның мақсаты- технопарктер, бизнес-инкубаторлар салу, венчурлы қорларды ұйымдастыру. Қазіргі кезде ҰИҚ - ның құрамында 9 венчурлы қордың қаржысы бар, олардың бесеуі отандық та қалған төртеуі- шетелдік. Қазіргі кезде Қазақстанда венчурлық қор жүйесін қалыптастыру үлкен маңызға ие болып тұр, бұл әсіресе заңдық шығармашылық барысында өте тиімді. ҰИҚ өз жұмысының төрт бағытын анықтады; мұнай-газ секторына технологиялық қызмет көрсету, информациялық технология, ауыл шраушылығы өнімдерін қайта өңдеу. Сондай-ақ биотехнология мен фармакология саласында да жұмыстар жүргізу. Бұл мақсаттарға қаржының жетпіс пайызы бөлініп отыр. Қалған ақша ұқсас технологияларға, энергетикаға, нанотехнологияға, космостық технологияға жұмсалатын болады. ҰИҚ түрлі деңгейдегі талдау жұмсытарын жүргізу, «Озық жетістіктер орталығын құру», экономиканың нақтылы секторымен тығыз байланыс орнатып, озық жетістіктерді ғылым мен техниканы дамытуға кеңінен пайдалану мақсатында Бүкіләлемдік банкпен бірлесіп жұмыс істеуде. Бұл жоба 2005 жылы Қоғамдық форумда қабылданған болатын. Қор өз жұмысын Азаматтық зерттулер мен талдаудар жасау жөніндегі белгілі американдық қормен байланыс орнатып, қазақстандық қор ғылыми- зерттеу бағдарламасын да жасады. Осының барысында бірігіп түрлі семинарлар, жиналыстар, ғылыми- зерттеу шараларын жүргізу жөнінде өзара келісімге қол қойылды. ИНТАС Европалық Одағымен бірлесе отырып,2006 жылы ҰИҚ инновациялық гранттардың халықаралық байқауын өткізді. Оның бюджеттік қоры 500 мың евро болды.Бұл қаржы екі жақтан бірдей бөлінді. Осы байқау барысында 10 жоба қабылданып, оларды іске асыру үшін 50 мың евро бөлінді.Жобалардың мерзімі- бір жылдан үш жылға дейін. Кейін, тәуелсіз талдау жасаушылар түскен жобаларды ғылыми жағынан зерттеп, нәтижесінде үш жоба ғана қаржыландырылатын болды. ҰИҚ жүргізіп отырған бұл байқаулар еліміздің инновпациялық дамуының қайнар көзіне айналады десек, артық айтқандық емес.